黔知味牛肉米線

Open Now

Now Closed

最近發現路德圍轉角開咗間米線舖，主打貴州風味米線，今日午餐同先生去幫襯下。除咗幾款主打嘅貴州風味米線，仲有小食、涼菜同甜品可以選擇，價錢抵食。我揀咗牛肉米線，牛肉唔係一般嘅肥牛，有少少似炆好咗嘅牛𦟌再薄切，份量算多，入口軟腍。米線偏粗，軟硬適中，配上小辣嘅牛肉湯底味道唔錯。先生揀嘅辣子雞亦唔錯，雞肉入味得嚟肉質亦保持到鮮嫩。三色糍粑分別係糯米、粟米同高粱口味，即叫即做，外脆內軟糯，加上花生碎同芝麻口感更豐富。飲品可以加冰底，非常貼心。