大公館

Open Now

Now Closed

臨近聖誕，好多時都會跟客人寒暄食飯。 飲茶都係一個好選擇，最後選址大公館，因為環境沒有其他嘈吵，傾計都唔駛大聲叫破喉嚨，當然服務都很好。疫情前試過一次， 今日終於再嚟。我地一行4人，咁飲茶食點心就啱啱好。 菜館食物質素仍然保持水準，值得再三回味。

位於荔枝角 D2 Place ONE 高層的大公館，大廚經驗豐富，以精湛的廚藝和創新的理念，為食客帶來耳目一新的點心體驗。大公館的點心菜式種類繁多，涵蓋蒸點、煎炸、腸粉、甜品等。蒸點之一的 瑤柱冬蓉灌湯餃，於原隻灌湯餃內包入一整粒瑤柱、冬瓜蓉等配料，再以上湯烹煮而成，清甜中帶著濃郁鮮味。龍皇脆米腸粉 則以海鮮粒和香脆的米紙製成，外層裹上腸粉米漿皮，一口能享受軟滑、香脆、彈牙三重口感。除了創新鹹點之外，大公館亦有提供經典甜點芝麻卷。被稱為「菲林筒」的芝麻卷工夫繁複，層次分明，厚薄一致，黑芝麻香氣撲鼻，香甜可口。Calling all dim sum lovers! Nestled at D2 Place ONE, Greater China Club is reimagining classic Cantonese dim sum with unexpected twists and turns, including must-try such as double-boiled winter melon purée canopy dumpling in superior broth, s

有日喺長沙灣有野做，lunch time就搵個地方醫肚，搵間未食過嘅餐廳試下～中菜廳冇位，佢地比左西餐嗰邊我地食中菜😂西餐嗰邊比較暗，有情調，但應該中餐嗰邊座位會舒服啲。叉燒包好似生煎包咁整，所以個底係脆嘅。味道唔錯，不過呢個外表有少少令小編倒胃口😖咸水角幾好食，正常味道。取勝嘅位係佢啲野都好新鮮，呢個比人嘅感覺係新鮮炸起～呢個腸粉入面包住啲好似春卷咁嘅野，入面包住好多蝦，個皮又夠薄，幾好食個叉燒就冇乜特別，賣相唔係咁好😂 但味道就正常，都夠冧同唔乾。個飯好大碟😂 幾好食，夠濕潤，又唔會太咸或者冇味。整體黎講食物唔錯，但性價比低，唔太抵食

已經係第二次嚟，因為呢度無論食物定係服務都一流。唯獨是環境未有高級會所嘅氣派，樓底亦唔高，坐喺大廳更加係無窗。講返食物先，點心師傅係前米之蓮大廚，所有點心即叫即做，上枱熱辣辣。推介龍皇脆米腸粉！佢哋個招牌黑毛豬叉燒今次就冇嗌啦，因為百幾蚊得幾舊，真係唔係次次捨得食呀，雖然入口係好林同埋無筋，仲有陣陣火炙嘅香味，不過性價比呢....注意午市營業時間頗短，1200-1500,1430last order.

自從荔枝角有了D2 Place之後，確是為這區帶來了新氣象；這是由工貿大廈活化而成的商場，不同於坊間千篇一律的連鎖店或大品牌模式；在這裏可以見到一些本地品牌；而且於週末還會舉辦不同主題的「週末市集」，如時裝、飾物、護膚妝容、自家手作、甚至乎迷你音樂會等，難怪開幕不久便成為新地標了！這家大公館無疑是這新地標中最亮眼的一顆星了！長沙灣荔枝角一帶一直都沒有正式的高級食肆，其實這裏的消費力一點也不弱，除西九四小龍之外還有一站之隔的曼克頓山；隨著越來越多中產人士的遷入，大公館的進駐正好彌補了這個缺口！這個星期六，老婆大人臨時起意要來此午膳；當時已經是十二時有多了，以為一定訂不到位，想不到沒有令老婆失望呢！也許和那綿綿雨天有點關係吧！門面的裝潢甚具派頭，左右各一的朱紅色大門襯上石牆；再加上中間黑底金字的招牌，甚有「大宅門」的氣勢！早已飢腸轆轆，一口氣點了四個點心及一碟炒飯。百花釀魚肚 ∼ 面層大大件蝦膠、下層大大件魚肚，蝦膠爽彈兼具蝦味，魚肚軟滑卻不會過淋，吸收了鮮甜的湯汁，份外滋味。芹香鮮蝦金魚餃 ∼ 店子其中一款招牌點心，神似的造型真的像是肥嘟嘟的金魚在籠子內游泳呢！外皮煙煙韌韌，內裏的蝦肉鮮

大公館的晚飯水準實在不錯，那午市點心味道又如何？當然不會令一眾會員失望啦！提提大家，趁大公館未完全轉行會員制之前，要快點來試一試這裡的食物，無論是午市或晚市都水準偏高。做了會員可享用會員價及免收加一服務費。因為這裡的 menu 實在選擇太多，上次來吃晚飯尚有多款美食想試卻未能試，於是今天的午餐也要吃得豐富點。清香柚子凍鮑魚($168/4隻)實在美得令人難以抗拒，滷水鮑魚 好入味，不會炆得過腍，保持嚼頭。鮑魚下放了新鮮柚子，味道同鮑魚非常配合。最開心必然是那乾冰 presentation，今人看得心曠神怡。這京式譚家翅 ($288/碗) 是J爸爸的5星推介，爸爸是很少這樣激讚一道菜式的。這碗翅的精粹在於那濃濃的雞湯，是極鮮的味道，翅的份量也不少。我不吃翅，但也忍不住喝了啖湯，真的十分好喝，是很純的鮮雞汁味道。金杯蟹肉翅 ($238/杯) 相對失色，杯的底部是一層蒸蛋白，杯內盛着紅燒蟹肉翅。將針翅和蛋白撈混吃，食法頗特別，但味道始終不及京式譚家翅。特色秋冬蛇羮亦剛上市，大公館的的刀工是頂級的，吃過這裡魚蓉羮的朋友也領教過師傅的手藝。蛇羮內有切得極幼的蛇肉、木耳絲、雞絲，口感細緻幼滑，亦不錯