Chotto Maki (廈門街) (Closed)

今日返工返到悶悶哋，諗返起公司附近的公仔頭壽司舖 ， 叫個外賣充下電先， 雖然價錢唔算平，但係絕對高質，即叫即做。炸雞塊好似係新出品 。由於外賣的關係，用咗錫紙袋包裝，keep到熱力，返到公司仲係脆同暖， 好細心。雞塊好juicy，28蚊有4-5件算係抵食，附上檸檬小片。龍蝦卷呢個係我嘅至愛， 也是舖頭的 Signature dish，在餐牌裏面冇寫的。餡料有矜貴的龍蝦加爽爽脆脆脆的菜類，外層係三文魚同牛油果，食起上嚟好夾，配上特調醬汁好滋味。芒果蝦卷顏色買相已經非常吸引，芒果在外層加上綠色粒粒魚子， 有炸蝦天婦羅同青瓜絲做餡， 食落甜甜地脆脆地，口感豐富。

今晚放咗工，買啲外賣返屋企， 突然諗起之前食過好好味的壽司店，今日encall一吓先。龍蝦卷(共8件)必食推介~龍蝦卷， 次次來親都必叫。主角當然係龍蝦，配上我的至愛牛油果， 中間有啲蔬菜類， 食落爽脆，外層輔滿厚厚三文魚， 配上特製醬汁， 呢個配搭冇得輸。芒果天婦羅蝦卷(共八件)天婦羅蝦做主角，配上青瓜、芒果同飛魚子， 天婦羅蝦還有少少脆脆的感覺，加咗芒果嘅關係，感覺分外清新， 綠色的魚子做陪襯，色彩繽紛而且口感豐富。三文魚壽司(共三件)顏色同食落好新鮮， 份量剛剛好。

今日來到灣仔，想買一點特別的壽司加餸，在網上找了這間主打創意壽司卷物的餐廳卷物都是自家創的，有十多款選擇，即叫即製外賣盒和外賣盒都印有餐廳招牌的可愛女生頭像，十分有心思龍蝦卷 - 份量很多，卷物上有火炙三文魚，卷物內則有龍蝦沙律和牛油果，卷物內已沾滿沙律醬，完全不用沾其他醬汁都很美味Spice me up -即是有鰻魚，帶子和海藻。卷物雖然只有4 件，但都是大大件，非常足料！鰻魚和帶子都非常新鮮，亦是後設鰻魚，吃得非常滿足梅子梳打 - 梅子味道重，感覺清新這間叫餐廳非常足料，而且卷物味道有創意，下次要再試其他款式

食lunch唔想在外面逼人， 常常經過一間幾有風格的外賣壽司，今天就去試下。門面好易認，有個日本公仔頭幾得意， 佢主打創意卷物，梗係揀啲平時少食嘅款式啦。龍蝦卷估計是新加的卷物，在餐牌是沒有的， 全部也是即叫即做。 壽司的外層有厚厚的牛油果和三文魚，裏面包住露筍，龍蝦等等 ， 配搭得很完美，用料相當上乘， 加上特色醬料，更添滋味。自創卷物用剔的點心紙的方法選出自己想要的配搭，又幾好玩喎! 兼顧到客人要吸取不同的營養，有肉類，蔬菜，卷上，醬料和配料任揀， 每款的選擇也很多， haha我做咗一個裏面有油甘魚紅菜頭，外面有碎帶子和牛油果的卷物， 雖然配得有啲怪怪地， 但出面一定食唔到 ， 點都要俾自己一個like先!