Chotto Maki (廈門街) (Closed)

今晚放咗工，買啲外賣返屋企， 突然諗起之前食過好好味的壽司店，今日encall一吓先。龍蝦卷(共8件)必食推介~龍蝦卷， 次次來親都必叫。主角當然係龍蝦，配上我的至愛牛油果， 中間有啲蔬菜類， 食落爽脆，外層輔滿厚厚三文魚， 配上特製醬汁， 呢個配搭冇得輸。芒果天婦羅蝦卷(共八件)天婦羅蝦做主角，配上青瓜、芒果同飛魚子， 天婦羅蝦還有少少脆脆的感覺，加咗芒果嘅關係，感覺分外清新， 綠色的魚子做陪襯，色彩繽紛而且口感豐富。三文魚壽司(共三件)顏色同食落好新鮮， 份量剛剛好。