元祖沾麵專門店

Open Now

Now Closed

行開尖沙咀一於過嚟厚福街搵食，成條街唔係好長但已經有好多餐廳選擇🤩有拉麵、日本野、茶記、泰式野⋯⋯要試勻晒都唔容易😝今次我就試咗沾麵～佢有好多湯底選擇﹕魚介、赤海老、龍蝦、芝士海膽🤤價錢由七十幾至二百幾都有，豐儉由人😉豚肉魚介沾麵($89)我好鍾意佢啲湯用石鍋上，送上嚟嘅時候仲滾緊😆咁就可以keep住個溫度，食到尾都唔會覺得凍，魚介🐟湯幾濃厚，又唔會好咸，麵身夠煙韌，都掛湯，叉燒就有啲嚡口，不過燒得幾香，以呢個價錢性價比都算不錯👍🏻龍蝦沾麵($89)我通常食沾麵都係配魚介湯或者蝦湯，龍蝦🦞湯都算驚喜，好濃郁嘅龍蝦味又唔會好腥，但食到尾有少少膩🙈不過整體來講都幾好，感覺有啲似食緊龍蝦汁意粉🤣下次一於試埋佢個芝士海膽湯，好似好吸引😋環境﹕6.5/10抵食﹕7/10味道﹕6.5/10

湯底用石頭鍋盛載，上到枱非常熱辣辣配埋凍嘅沾麵 冰火二重奏嘅感覺龍蝦湯底非常濃郁 另外唔夠仲可以refill沾麵大大碗 夠彈牙 份量都幾多 配菜就有竹筍，夠爽脆溏心蛋好好味紫菜就正常發揮啦整體而言十分不錯，會回頭！

久仰厚福街的大名，今日終於可以一嘗這裡的元祖沾麵，這裏的小店都黃到發金已是公開的秘密，因應疫情關係，也非常貼心地提供了濕紙巾和裝筷子的木盒，值得一讚。而這裡食物豐儉由人，除了最基本的魚介湯底外，也有龍蝦、芝士海膽等配搭。這次嘗試了龍蝦沾麵，面汁十分濃郁，有濃厚的天然龍蝦味，配搭粗麵一流。而麵條的粗幼程度剛好，完全可以掛住湯汁，使得每一條麵條都能夠沾染到湯汁的味道，是完美的配搭。冰凍的糖心蛋也十分鮮甜，值得一讚。只有兩點需要留意，龍蝦湯底的味道較膩，未必適合所有人，以麵條的份量十分充足，應該大部份女生都吃不下全碗（我個人是例外 haha）。另外每人要加$5茶錢，需要留意，但總括而言性價比甚高，必定再來支持！

好耐無寫食評，今次寫希望大家唔好中伏😥之前係佢地個ig留過言話難食，佢地會block你同delete comment。所以得番d好comment🤷🏻‍♀️之前見佢ig 成日賣廣告，d片好似好好食就去食。門口都幾多人排隊我同男朋友2人，我點左芝士海膽沾麵，男朋友點左龍蝦湯沾麵，再加一個蟹甲羅燒個d台同個環境都幾污漕下，痴粒粒咁芝士海膽沾麵個芝士石鍋係大個既，不過唔好食點大都無用好似用粉開岀黎咁，又無芝士味，又唔夠熱都唔知食緊咩個板海膽真係一板的，但好唔新鮮。不過呢個價錢我都無預佢會比咩靚海膽。但佢唔新鮮到苦又過份左。好似擺左好耐係唔唔夠凍既雪櫃咁個沾麵係冰凍又有d生水係抵，感覺好像洗完放左係雪櫃再拿比你食🤮🤮個龍蝦湯沾麵都係咁，無龍蝦味，個麵又係好嘔心Overall大伏，大家睇下呢到d差評先決定去唔去食🤢🤢因爲佢地會delete ig 差comment

放工約咗朋友行尖沙咀，經過厚福街見到元祖拉麵排長龍， 羊群心理之下我都排埋一份！ 都唔算等咗好耐十分鐘到我就入到店內， 點咗一個極上芝士海膽沾麵$177，龍蝦沾麵$88， 宇治抹茶 每杯$6， 再加一服務費埋單$305。極上芝士海膽沾麵 ～ 芝士湯底入面有幾嚿豬肉， 沾麵的口感好煙韌， 如果鍾意食比較硬身質地的朋友就會喜歡，海膽原板上， 都算鮮甜新鮮。龍蝦沾麵 ～ 龍蝦湯底內都有豬肉，龍蝦湯味鮮甜， 沾麵質感和極上芝士海膽沾麵一樣。整體來說價錢屬於中位價，服務正常，食物質素都唔錯， 兩款湯底都濃郁好味， 但如果叫海膽或者龍蝦沾麵就要留意返個價錢， 佢會因應來貨價有所調整的！

同朋友黎到尖沙咀，突然想食宵夜，要飽肚嘅！上下openrice，好容易就search到呢間「元祖拉麵專門店」！見佢門面吸引，又好有日本風，就試下啦！原來唔止門面靚，連環境同餐牌都靚！裏面既地方幾迫，一邊餐枱一邊吧枱。地方比較狹窄，都幾似去咗日本！成個餐牌最吸引我嘅就係龍蝦沾麵！當然要試啦！沾面用大碗上，麵質有點硬，配濃湯好好食！龍蝦湯用石鍋另上，上菜嘅時候仲係好滾一放低就立即聞到又香又濃郁既龍蝦味！湯多餸少，有一舊好細嘅龍蝦，同埋幾塊豚肉片。朋友就叫咗個豚肉魚介沾麵！同樣，麵同湯分開上湯汁濃郁偏鹹，亦都係好香同好濃味，除左麵之外，仲有豚肉同青檸～呢餐埋單連加一總共$185真心推介，下次再黎！

香港人愛吃拉麵的程度實在難以估計, 尤其是在尖沙咀隨便一條街都有得食沾(拉)麵。今次與朋友誤打誤撞去左厚福街試元祖, 咪睇店鋪細細, 原來麵好食之餘效率都幾快。我地叫左極上芝士海膽沾麵同龍蝦沾麵兩碗沾麵唔洗十分鐘內就送到檯前，唔洗等好耐就有得食, 湯係用可鍋上，夠晒熱, 即使食到後期唔熱可以叫店員再比個熱鍋你, 夠貼心。極上芝士海膽沾麵沾麵海膽同黎到檯前時見到海膽成板鋪面真係超吸晴!!雖然海膽係細細瓣，但大大啖放入口都咪話唔正到暈, 海膽味都算突出。極上芝士湯有D似食緊芝士火鍋, 也有少少海膽味, 湯頭真是超濃。沾麵掛湯之餘也彈牙煙韌, 沾麵配上熱騰騰的湯底, 整體黎講都調和得幾好。龍蝦沾麵另外果碗龍蝦沾麵, 味道相當香濃鮮甜,鹹鹹地, 食到龍蝦嘅鮮味,加上粗身的麵，掛湯的能力都唔錯, 每一條都沾到龍蝦湯的味道。最正的是食晒仲有湯汁可以叫店員加番熱的木魚湯就可以清晒佢, 唔會浪費。吃完已見門口排了人龍, 與朋友誤打誤撞竟然去到間正野, I am so Lucky~~

喺附近返工，幾個月前食一次味道正常一般，但聽我同事講話佢最近去食過得知換了個日本拉麵師傅來做，我立即仆到去試下，我叫個龍蝦湯，果然日本師傅無令我失望，麵彈牙，龍蝦湯龍蝦味重，個熱鍋一直滾到d湯滾熱辣，總之好食，會再來幫襯服務態度就正正常常不過不失，我食完碗麵個侍應都有主動解釋同我講碗湯加湯然後飲的，但唯一就係欠缺笑容，有待改善，但呢間沾麵都算係我喺香港食過嘅沾麵最好食之一，但飯市好多人，我建議6點至7點去

最近出尖沙咀做野經過厚福街見到有新野，係一間沾麵店啊，門口個招牌仲話係食龍蝦沾麵既，又有下午茶優惠，入去試下先！入到去見到週圍都好新，好光猛，仲有Ｄ自閉位比番Ｄ一位既客人，由於已經3點鐘費是阻住人落場加上我好肚餓既關係，快快手叫左個龍蝦(湯)沾麵 ，另外加左$15要大盛，等左大約１０分鐘就有得食啦！當服務員捧上野食既時候，首先映入我眼簾既係熱辣辣渣渣聲既石窩，入面就係裝住Ｄ沾汁龍蝦湯，然後就係個麵啦。個麵係我中意既粗麵，佢有指示教你按個人口味落黑七味粉或者檸檬汁，我就淨係落左黑七味粉，輕輕撈暈左就沾湯黎食啦，一食落去呢個湯勁濃味，食下食下覺得有小小咸，不過都接受到，個湯入面有小小肉碎，叉燒就要另外加錢叫，本身想追加番但見人地都執晒野就冇叫啦，所以食完都有啲dry dry地。下次有機會再試下佢個元祖拉麵先～

自從大阪返黎，一直對沾麵念念不忘，所以四出打聽香港邊度有好食嘅沾麵。響朋友介紹下，去左尖沙嘴呢間。本身打算食好出名嘅海膽沾麵的，點知夜左冇曬，咁唯有點左客龍蝦沾麵啦。老實講...塊叉燒係唔差嘅，不過麵同湯就一般啦。

放工行過，呢間未食過，就黎試下，反正一個人，好又一餐唔好又一餐食完幾有驚喜！！眼見餐廳有幾張四人枱，座位有一半係呢種“自閉”位……但對於單人黎食既，呢啲係正位！無人搭枱，又唔洗俾人望住同普通拉麵店一樣，都係自填紙仔落單。叫左個龍蝦沾麵麵可以選軟硬度，有一只糖心蛋，熟得剛剛好！流心！正！麵佢地採用小麥製極太麵，幾彈牙，比拉麵粗啲。份量幾多下，我一個最後食唔晒。龍蝦湯一上枱已經文到香味！湯好結，超濃龍蝦味，喜歡龍蝦的你一定會喜歡！不過美中不足係無龍蝦肉，如果有埋會更正！因為個湯好杰，所以麵放落去有啲似食撈麵雖然杰，但味道唔咸，剛好！個湯食左好耐都仲熱。剩食麵好似有啲齋，所以叫多個唐揚魷魚，新鮮炸起，卜卜脆。尤魚爽口，鮮甜。點埋個醬食更好味！呢餐幾好味！而且沾麵黎講呢度算整得唔錯，選擇亦多。係尖沙咀地段，價格不算貴，會再黎！

原本想黎食個海膽卵黃飯，但點知當日賣哂，所以轉食沾麵。Lunch set有三款飯 $48-98，其中二款都抵食。另外沾麵也有三款$58-88，價錢都幾吸引。因為lunch set加飲品可以平好多。我地點了龍蝦沾麵和赤蝦沾麵，追加個芝士飯share黎食。七味粉都常食，黑七味粉味道唔太辛辣，而係比較香的。食前溫下書，可以加調味料，但我都係中意原味就甘食，如果湯變凍可要求換個熱的石碗，都幾貼心。龍蝦沾麵 $88，配料有竹筍、半熟蛋、紫菜、蔥。份量看似好少，但食完超飽，半熟蛋夠入味，蛋黃香滑濃郁。個湯仲滾緊夠哂熱辣辣，用龍蝦殻煲製成的湯底鮮橙色好吸引，飄出陣陣香味。質感濃調，都有龍蝦味，只係濃得黎偏咸。極太麵夠粗身，掛到好多濃湯汁，頗為煙韌有咬口，放入湯中耐一點才食，令麵更熱一點才好味。赤蝦沾麵 $78，同樣配料都是一樣。湯底也是很濃厚但反而呢款蝦鮮味比龍蝦的重，更好味。重點是冇甘咸。搞勻赤蝦殻碎味道更提升。粗直麵質感也是一樣好咬順滑。兩款湯內都有少少豬肉，如果lunch set的沾麵都有塊叉燒就更好，有點肉食感覺更抵。差唔多食完沾麵之前，點了個石燒芝士飯 $20，我地將餘下的沾麵湯底加入芝士