No. 1 Kitchen (Changed Hand)

是日收工，又約左朋友係元朗食飯，原本其實無乜胃口又無乜意見，朋友就提議左去呢間係區內都有一段時間既餐廳開飯。話就話開左好耐，其實我都係第一次試呢間餐廳，原本以為係一間普通西餐，估唔到都比到驚喜無胃口既我。舖面唔算大，心諗無乜特別，餐廳老闆(應該係)見我同朋友望左個MENU一陣都無決定，就望動過黎仲紹下啦。餐廳主打除左西餐之外，仲有幾款石鍋飯，係介紹底下，我地就ORDER左一個韓醬牛粒石鍋飯同一個羊仔扒燒豬肋既雙拼，再加左兩碗老闆話係招牌必試GE龍蝦湯。平時出去普通西餐既龍蝦湯大都係開粉去煲出黎，其實就無乜味道可言，但呢間餐廳既龍蝦湯就不愧係招牌，飲得出真係用龍蝦殼去煮出果隻味，果種濃郁係開粉絕對做唔到，湯料亦都好足，有青口、墨魚仔、帶子、蝦等等，我同朋友飲到一滴都唔剩，胃口番哂黎，仲要唔漏又唔滯，正！至於個雙拼就唔算太大驚喜，可能我比較鍾意羊有羶味，但雙拼果塊羶味較淡，適合唔喜歡羶味的人，燒豬肋就唔錯，個醬好惹味，都可以一試！去到個韓醬牛粒石鍋飯，絕對要比個讚！老闆話特別用有少少辣度既韓醬去做個牛粒既醬汁，食落去惹味聞落去又好香，撈勻D飯同飯焦一齊食味道一流，另外個牛粒老闆話係用USA

見呢度都幾多人話好味 咁岩去元朗就同男朋友去試食～員工好快比左籌我地叫我地坐住等下，我同男朋友坐左一陣係度睇餐牌，過左陣個員工黎問我地係咪諗好食咩呢？諗好佢會叫㕑房整定，免得我地等太耐。咁我地叫左豬仔脾同龍蝦汁墨魚仔意粉，湯就叫左忌廉湯同龍蝦湯，員工有提醒我怕我2樣都係龍蝦會撞，咁我話唔怕，佢就去安排。好快就入到去，我覺得環境都算唔錯。男朋友個湯同飲品都好快送到，佢飲完個豬仔脾都好快上，我都有試食豬仔脾，真係幾好味 又唔算好細隻同有2隻醬比妳選擇。龍蝦湯我覺得好足料，真係好似食龍蝦咁，個底又有d海鮮比我咬下 然後個意粉都係好重龍蝦味同有5塊左右既海鮮～總括今個餐廳都好抵食又好味～可惜對我黎講太遠

餐廳裝修其實好麻麻, 我地初初入去都以為係茶餐廳既質素, 但菜單動輒都要100蚊以上!個湯好有龍蝦味, 聽侍應講話係每日用新鮮龍蝦頭, 同蝦殼熬4個鐘而成, 非常新鮮又唔會咸, 裡面仲有帶子同魷魚, 佢個味道亦唔會好漿好似茶餐廳既咁, 廚師真係好好心機炭燒豬助骨真係估唔到, 超級JUICY, 好好咬, 味道甜甜酸酸, 瘦排骨中帶少少肥, 而且排骨好大, 肉多味香但羊扒就比較普通, 側面有舊肥肉, 但肉質都好稔, 個醬汁同樣係甜甜地另外仲有比較稀既燒汁可以點, 有小小酸酸甜甜, 不過本身既汁都好夠, 所以冇乜用蕃茄粟米沙沙要加$6, 冇左飯, 但都係值得既, 佢地加左一D沙律醋, 甜甜酸酸勁開胃, 味道似係沙律, 仲有D酸酸地既紅黃椒, 唔會好似食飯咁飽肚, 值得試一試既熱情果汁本身有甜味, 再加左檸檬其實好夠味, 係有種特別果酸既檸檬茶咁, 越飲越好飲, 但凍飲第一啖可能會易入口D, 熱既感覺好奇怪!