吃扒

Open Now

Now Closed

餐廳環境清靜，適合同朋友傾偈嘅時候聚餐！20cm 吉列豬扒 - 嘩，真係超級之大，仲要係厚切 （隔離特登放支匙羹🥄 比較下）… 可以選擇跟飯，意粉或者薯菜．．．豬扒保持住肉汁，唔會鞋洽洽 ，配埋即炸嘅薯條👍👍👍 （－個人絕對食唔哂）跟餐 都只係+ $25 ，有中湯/西湯揀，飲品 ，餐包同埋甜品（我今次係芒果雪糕，唔知會唔會次次都唔一樣呢）流心蛋焗肉醬意大利粉 - 好濃郁嘅蕃茄味，真材實料好多肉碎，鋪滿口口嘅芝士一齊焗，上面再加埋隻流心蛋，超正😋😋😋煙三文魚牛油果水牛芝士沙律 - 上菜嘅時候沙律醋係分開可以自行選擇落定唔落，份量剛剛好，有好多塊煙三文魚， 半隻牛油果（應該😂😂） ，有好多種唔同嘅蔬菜，鮮甜美味，夠哂健康（補救返食個吉列豬扒嘅邪惡感👿）

同表弟去旺角買波鞋，被餐廳夢幻紫色嘅外觀吸引。原來餐廳新開張，學生仲有九折，於是我哋就入去試吓。餐廳光線柔和，裝修帶有懷舊特色。餐廳叫做「吃扒」，當然係主攻扒類食物。表弟揀咗店員推介嘅「20cm吉列豬扒」（$62）配熱溶芝士（+$18）。吉列豬扒炸得鬆脆，唔油膩，真係非常大塊，啱晒食肉獸！熱溶芝士係店員喺人客面前點火，燒溶芝士再淋上豬扒上，表弟立刻興奮拍片打卡。我就揀咗「精選肉眼扒」（$79）肉眼扒用鐵板上，喺枱面先再淋上醬汁，「咋咋聲」熱辣辣。牛扒火候控制得好，中間仲係粉紅色。「吃扒」仲有Keto選項，適合注意健康生酮飲食嘅人士。食物誠意十足，而且CP值高，$100以下已經可以食到包括餐湯、主菜、甜品及飲品，難怪全店滿座！表弟都話要再同班朋友一齊嚟食過！