麺屋こころ (軒尼詩道)

Open Now

Now Closed

拉麵沾麵大家都吾陌生，日式撈麵都係第一次試，我同男朋友仔為左唔洗等位，11:45am就黎到，成為第一枱客人。我地分別叫左2個撈麵，同埋雞皮餃子，再用$9@加左2杯烏龍茶。雞皮餃子$43有4隻，上枱熱辣辣，吾大隻，但幾好食😋配左個wasabi沙律醬，好正正宗全料東京撈麵（m size)-$99要試緊係要試招牌，咩料都有，筍、叉燒、蔥、蛋、紫菜等，麵質幾好，彈牙，粗幼度都係我中意嘅，佢個汁本身辣辣地，但好惹味，去到最後因為辣，我加左好多醋，但佢個醋同撈麵好夾，吾會話整到好酸24月熟成芝士撈麵 （m size) -$109芝士控必食，芝士味好濃，但食完會有d濟，但有菇同菜係入面中和下，減低罪惡感

唔係拉麵，又唔係沾麵，係東京撈麵！KOKORO TOKYO MAZESOBA係日本廚師石川琢磨嘝喺2013年喺東京開舖。一年之後，KOKORO就成為最佳新晉撈麵餐廳，而家開到連美國、加拿大都有分店。麵條用日本全麥麵粉，每日由師傅新鮮製成，就連用水都係嚴格過濾嘅水，希望可以同日本水睇齊。癲，好癲，但都睇得出佢哋好認真。*食撈麵都有學問，第一：撈勻先食三分之一。第二：加即磨黑胡椒食三分之一，先食到黑胡椒嘅辛辣，再食到濃郁嘅麵汁，令味道更加有層次感，大增刺激感。第三：加秘製昆布香醋，酸味refresh咗味蕾，令濃郁麵汁變得清新。最後：加免費一細碟白飯撈埋剩低嘅汁，飯粒比麵條更加索汁，更加濃味。*正宗全料東京撈麵 $99 (M)全料就係指好多配料，叉燒粒肉嫩juicy，豬肉味非常濃，溏心蛋熟度prefect，仲有紫菜可以包住麵條食，竹筍就普通~將調味醬汁撈埋一齊食，蛋黃增加順滑度，辣肉碎比想像中辣，生蒜帶微微嗆辣，仲有蔥花韭菜、紫菜碎同埋魚粉，味道非常濃郁豐富。太麵粗身，係彈牙嘅煙韌，唔係硬嘅煙韌。你以為麵條粗身就掛唔到汁，咁你就錯喇~因為本身醬汁已經濃稠，每一啖都食到好多汁，所以難免會重口味

香港嘅拉麵同沾麵我都食得7788，好食嘅我都已經介紹咗，不過今次嘅呢一間唔係拉麵、亦都唔係沾麵，喺香港第一間嘅日式撈麵。Kokoro係一間喺灣仔新開嘅東京過江龍撈麵專門店，有別於傳統嘅拉麵或者沾麵，主打嘅係日式撈麵まぜそば，呢一種撈麵其實係源自名古屋既拉麵料理，而唔係台式料理，靈感來自台式肉操乾拌麵，係冇任何湯底，淨係靠配料同埋醬汁，按照名古屋人既口味改良，係煮好既麵上放上海苔、蒜蓉、韭菜、蔥、辣肉燥、生蛋黃等配料，深受當地歡迎。麺屋こころ最初係2014年喺東京大田區開業，店主以台灣拌麵形式，全店主打乾麵，開舖第一年就已經獲得日本媒體既拉麵新人賞，小店更加有人龍，仲係日本全國開設分店，近年仲係泰國、新加坡、歐美等地開店，今次係香港第一間分店。餐廳用嘅係日本配方，主打自家新鮮手製麵條，麵條都係用全麥去製作，所以麵條食落去有麥香。撈麵都係有日本大廚親自操刀，因為老細欣賞來自東京嘅師傅，欣賞佢對煮嘢食嘅專注同熱誠，食物可以保持到一貫水準，希望可以將日本嘅味道帶比香港。撈麵口味有九款可以揀，最招牌一定係全料東京撈麵，以粗身太麵為基礎，加入自家醬油、香油、肉燥、九條大蔥、韭菜、海苔、滷五花肉、流

講起日本麵，點都會諗起拉麵沾麵烏冬，但原來日本都會有撈麵，我地唔知係因為香港冇得食啫但而家終於有第一間過江龍嘅日本撈麵店開咗嚟灣仔，排晒隊喇喂呢間牆身有三幅由日本書法家万美親自到港書畫嘅作品，柔順得嚟又氣勢磅礴仲有一句強調日本撈麵唔係叫拉麵嘅聲明作為咩都想試吓嘅新客，東京全料就啱晒喇有流心蛋同溏心蛋、筍、菇、紫菜同叉燒等等麵底係粗而彈牙嘅蕎麥麵，叉燒一舊舊方塊好嫩滑可口，醬汁香濃微辣，食到𠽌𠽌聲最近流行熟成肉食，冇諗到芝士都有得熟成，而且足24個月芝味濃郁富鹹香，撈到成碗麵勁爆芝味側跟仲有玫瑰醬，撈啲嚟食可以一解濃膩檯面有張說明書教你食撈麵步驟，跟住佢嚟落啲調味料，尤其是昆布醋，實在太美妙喇食濃味嘅一餐，飲返杯烏龍茶其實真係及時雨，夠晒日式得嚟，又真係會解到膩

𝙛𝙞𝙧𝙨𝙩 𝙩𝙞𝙢𝙚 𝙚𝙖𝙩𝙞𝙣𝙜 𝙟𝙖𝙥𝙖𝙣𝙚𝙨𝙚 𝙡𝙤 𝙢𝙚𝙞𝙣 𝙖𝙣𝙙 𝙞𝙩 𝙞𝙨 𝙜𝙤𝙤𝙙 𝙞𝙢𝙥𝙧𝙚𝙨𝙨𝙞𝙤𝙣! 𝙩𝙝𝙚 𝙨𝙖𝙪𝙘𝙚 𝙞𝙨 𝙧𝙞𝙘𝙝 𝙖𝙣𝙙 𝙖 𝙗𝙞𝙩 𝙨𝙥𝙞𝙘𝙮, 𝙗𝙪𝙩 𝙞𝙩 𝙜𝙤𝙚𝙨 𝙧𝙚𝙖𝙡𝙡𝙮 𝙬𝙚𝙡𝙡 𝙬𝙞𝙩𝙝 𝙩𝙝𝙚𝙞𝙧 𝙘𝙝𝙚𝙬𝙮 𝙝𝙤𝙢𝙚𝙢𝙖𝙙𝙚 𝙣𝙤𝙤𝙙𝙡𝙚𝙨👅 𝙧𝙚𝙢𝙚𝙢𝙗𝙚𝙧 𝙩𝙤 𝙜𝙚𝙩 𝙩𝙝𝙚 𝙧𝙞𝙘𝙚 𝙖𝙩 𝙩𝙝𝙚 𝙚𝙣𝙙 𝙩𝙤 𝙨𝙤𝙖𝙠 𝙪𝙥 𝙖𝙡𝙡 𝙩𝙝𝙚 𝙢𝙚𝙡𝙩𝙮 𝙢𝙚𝙖𝙩𝙮 𝙨𝙖𝙪𝙘𝙮 𝙜𝙤𝙤𝙙𝙣𝙚𝙨𝙨!.期待咗超耐嘅東京過江龍撈麵專門店，拉麵同沾麵都食得多，日式撈麵真係第一次食！聽講老闆係整緊台灣味湯底嘅時候唔覺意倒咗個湯，點知啲配料撈埋原來咁好食！正宗全料東京撈麵有齊哂所有配料，肉燥好香辣惹味，仲有香蔥、生蒜、香荀、豚肉粒等等，加埋蛋黃撈埋更增添蛋香，食到一半加埋秘製昆布醋酸酸甜甜好解膩，食埋啲麵落啲黑椒仲可以加飯撈埋做肉燥飯添🤤 另外芝士撈麵用上經24個月熟成嘅芝士超濃郁，熱溶過後仲有拉絲效果，食落好滿足但相對較膩，落埋餐廳嘅玫瑰醬就清新好多！呢度嘅粗麵彈牙掛汁力極強，啱晒重口味人士！

麺屋こころ(Kokoro) 係一間嚟自東京嘅過江龍，主打係食日式撈麵(Mazesoba)，喺灣仔好似開咗2個月左右～ 次次Lunchtime經過都見到好多人排隊，所以就決定去試一試佢～🤤餐廳嘅門口比較窄，因為廚房喺正門口嘅左手邊，仲有個大玻璃窗可以睇到廚房煮麵嘅情況🤩 當日我排咗20分鐘左右，都算快嘅，原來餐廳入面都幾大，坐到30-40人左右～•🥢 正宗全料東京撈麵 $109 (L size)果然係「全料」嘅東京撈麵，配料真係超級豐富！🤩 有日式叉燒粒、秘製肉燥、生蛋、糖心蛋、生蒜、鏗魚粉、紫菜等～醬汁嘅份量非常足夠，夠撈勻成個麵之餘，又唔會令個撈麵太濕～ 而且味道層次亦都好豐富，個秘製肉燥帶點輕微七味粉嘅辣味，有鰹魚香同埋蒜香，好似將拉麵湯變成撈麵醬嘅味道，都幾有驚喜😋 特別鍾意佢哋嘅拉麵口感，據說係佢哋自家製麵，食落煙韌有咬口👍🏼 啲日式叉燒粒都幾入味，又唔會太乾柴～•🥢 24月熟成芝士撈麵 $99 (M size)呢個芝士撈麵嘅配料就相對簡單少少，有芝士醬、日式叉燒、蘑菇同埋紫菜～ 拉麵嘅口感同樣煙韌彈牙，撈勻之後芝士味好濃郁，好似食緊芝士意粉咁🤣呢個芝士撈麵仲配咗個玫瑰果醬，個