麺屋こころ (軒尼詩道)

Open Now

Now Closed

arriving there at about 12:30pm and the crowd still not yet appeared so we could get seated directly. Ordered their signature mazesoba for our first time. It took about 15 mins to prepare for our food even though there were not many people there yet. Looked around and found the guide showing the different styles of eating the mazesoba. Worth noting is the konbu vinegar. The bowls of mazesoba were smaller than what we expected. But the presentation was nice. The soba came with colour / sauce even

初時喺灣仔起店人潮洶湧，而家不知不覺都已經開咗好多間分店~第一次食，真係充滿記憶點午市時間係人龍餐廳之一~一個人食就比較易搵到位.撈麵主題嘅菜式選擇比較多,樣樣都想試～貪心嘅我梗係食正宗全料東京撈麵！豬肉勁香肥美！有焦香味道加上辣醬同埋流心蛋極度邪惡！麵質彈牙，加埋香蔥，撈埋一齊食，真係食唔停口！跟住撈麵嘅教學食法真係食到唔同味，更極度驚訝嘅係臨尾竟然要留返少少醬汁再撈一口白飯！就算幾飽都想試一下，好彩啖飯好細.完全吸晒所有精華！雖然知道勁肥，但間唔時滿足下肥仔嘅慾望都唔錯～

最特別嘅係佢嘅食法，可以撈唔同嘅醬汁！特別鍾意柚子醋嘅味道，清新又refreshing，為呢碗麵帶來一份特別嘅風味。糖心蛋嘅流心更係令整碗麵多咗一層豐富嘅口感，咬落去時真係好滿足。對於一個撈烏冬嚟講，價錢都有少少貴，但味道真係唔差，所以都值得一試！

日式拉麵沾麵大部份人都試過，日式撈麵（Mazesoba まぜそば）响香港真係少之有少。咁啱 search 到，點都要試一試！正宗全料東京撈麵 🍜個麵一來到，賣相好靚仔。本身對撈麵冇概念嘅我，一坐低就見到有指示，建議你點樣去食，指示清楚易明，加分！以下就係建議加嘅調味料，由左至右，一味粉，胡椒粉，醋。匙羹🥄同筷子🥢可以話係先聲奪人，金色的，呢吓加左印象分！因為指示第一個 step 就係篤穿隻蛋，我見隻蛋咁靚真係有d唔捨得😂 撈勻左之後，就係咁既樣。麵條方便，選用左小麥味非常夠嘅太麵，煙韌有咬口，算幾夾。特別一提豬叉燒部份，甘香，肉味濃，厚薄適中，幾好食喎。食吓食吓，發覺用海苔包住 d 麵同料食，都幾爽。食到尾，可以要求加飯，撈埋落去食，感受多份體驗。整體 - 值得推薦 👍👍👍👍

一直搭車經過門面都好想試自己俾錢真金白銀拎左222蚊食左而餐但物有超值😚💸六點半左右入座 本身已經有三枱客人我哋揀左最入面既bar枱 係面壁但坐得幾舒服Menu選擇很多我地兩人各揀左兩個撈麵原味東京撈麵 同 鹽味撈麵麵未到 店員已經送上介紹食法既牌當然我地都有跟著介紹食法進食原味東京撈麵係兔哥既右手面 有隻生蛋係面好豐富味道係好味而兔哥既左手面係鹽味撈麵叉燒好食 全碗麵味道好夾加多左隻溏心蛋（係兔哥後面）由於太好味 好快食晒向店員要求 迷你白飯撈埋餘下既醬汁晚餐份量嚟講好足夠食食下我另外order 多份竹筍(本人自己好鐘意食竹筍）：爽口入味😂超級推介而間麵店 我哋會再嚟試埋其他麵麵店內有洗手間 好乾淨係bar枱後面 真係好乾淨

💛 柚子鹽味撈麵 ：天氣咁熱，梗係要叫冷麵嚟降溫！上枱就聞到陣陣柚子香，忍唔住要開動啦！！ 配料超級豐富，有雞肉片、葱花、紫菜仲有爽口嘅竹筍，上面仲擺咗粒生蛋黃。拮穿蛋黃之後將全部配料撈埋一齊食，凍冰冰嘅爽滑麵條仲有柚子嘅生果香，入口清新又開胃 ！🤤特別一讚，麵條係店家自家製嘅小麥麵條，好有彈性，仲好掛汁，食落去每一啖都好入味！💛 日本產麥茶：店家用咗日本原產大麥，保留咗麥子原本嘅天然香味。啖啖茶香清新撲鼻，口感又清爽又甘甜😍整體嚟講呢間日本撈麵好高質！大讚服務員好有耐性咁講解應該點食先可以食到唔同口感同味道嘅撈麵！值得推薦！！

前幾日，我終於有機會同朋友去試咗一間朋友多次同我推薦嘅日式捞面餐廳。呢間餐廳位於灣仔軒尼詩道，鋪頭好光亮，所以好易搵到。我哋點咗兩種捞面，我點嘅係明太子忌廉捞面。忌廉醬同生蛋黃嘅完美配搭，使攪拌後嘅麵條口感更加順滑，同時依然保持咗小麥面嘅嚼勁。配料如蔥花、紫菜碎同生蒜等，為呢碗面增添咗更多嘅鮮甜同美味。我朋友點嘅係叉燒捞面。雖然睇落普通，但係佢嘅叉燒有獨特嘅味道，外皮焦脆，肉質嫩滑多汁，非常好食。其他配料攪拌埋一齊，使呢碗面嘅味道濃郁且有層次，帶嚟咗唔同嘅口感體驗。如果你都鍾意食日式捞面，呢間餐廳係一個好嘅選擇。佢唔單止選擇多樣，味道亦都好出色，而且價錢亦都唔會太高。推薦俾所有鍾意日式捞面嘅朋友！ 👍

今日經開灣仔朋友帶咗我嚟試呢間好多人排隊嘅日式小店主打撈麵但竟然係拉麵底好特別！叫左個鹽味撈麵（$89）份量唔算好大，唔係好飽不過味道調得幾好以上配料撈埋 再加埋個柚子醋一齊食幾特別有兩塊叉燒燒得好香口好淋最後仲可以免費問店員拎一碟飯仔嚟撈汁食Overall 都ok 呢個價錢嚟講有少少貴不過都值得一試

尋日同老豆二人世界帶佢試下食灣仔呢間日式撈麵店內環境唔算好大 但都坐得幾舒服👍🏻🌟叉燒撈麵 呢碗叉燒撈麵望落去好豐富唔同顏色嘅配料擺埋一齊影相夠哂靚叉燒嫩滑好味將所有配料撈埋一齊之後食更滋味加上生蛋黃所以更加口感更順滑另外仲有辣肉碎 令到更惹味 真係會想再encore 💯🌟鹽味撈麵 🍜而呢碗鹽味撈麵就無咗生蛋黃但有筍、唐辛子絲等調味口感都非常正 就係比叉燒撈麵鹹左少少味道同叉燒撈麵差唔多 都係好好味👍🏻

今日難得唔使返工，我特登約咗媽媽出街行街。媽媽話佢好想食日本餐，所以我帶咗佢去灣仔分店【麵屋】食下午茶，休息一陣再繼續行街。一入到餐廳真係令我眼前一亮，好有日式嘅感覺！服務員都十分友善，仲推薦咗幾道必點嘅拉麵畀我吔。我哋最後揀咗明太子忌廉撈麵同鹽味撈麵。《 明太子忌廉撈麵 》我本身好鍾意食明太子，所以呢道撈麵真係好啱我口味。明太子醬汁唔會太鹹，配埋拉麵嘅味道啱啱好。份量都好足，紫菜鋪滿滿。豬腩肉香甜多汁，再配埋蛋液嘅黏度，提升咗成碗撈麵嘅口感。《 鹽味撈麵 》真係冇諗過呢個撈麵真係好食到停唔落嚟！拉麵嘅口感有嚼勁，加上生蛋黃有種好creamy嘅口感，再配埋滿滿嘅海苔，一口落肚真係超滿足！推薦～

嗰日啱啱好我同我個妹一齊放假，然後我哋就約一齊去灣仔行街，然後行到肚餓😆我哋就喺OpenRice search到呢間麺屋こころ好似好唔錯。啱啱好我同我個細妹又係撈麵愛好者！我哋就同聲確定去麺屋こころ解決我哋嘅下午茶🌸-我同我個妹揀咗柚子鹽味撈麵因為我哋冇試過食冷嘅撈麵，仲係柚子鹽味嘅😂 試咗一啖我哋就俾佢驚艷到🤩，雞肉片唔會好柴，同埋其他配料一齊食落去，👍👍👍同我哋平時食嘅撈麵真係好唔同，好清爽-另一碗撈麵，我哋就揀咗原味東京撈麵，呢一碗真係好入我哋心，💕嗰個生蛋黃🥚同埋辣肉碎🌶️真係好加分，我本身又係好鍾意食蔥花嘅，呢碗麵真係好啱我胃口，我可以自己食完一碗😅我哋仲揀咗🍵兩杯嘢飲，我妹揀咗抹茶拿鐵，然後我就揀咗抹茶玄米茶，我平時都好鍾意飲玄米茶，冇諗到同抹茶會咁配，😳飲落去真係好解膩。我妹嘅抹茶拿鐵甜度就啱啱好，抹茶味道配牛奶一流。😉👍呢間麵屋我一定會再光臨，我同我妹已經約定咗🤙🏻下次再有一齊放假就過來試試其他味的撈麵😋

呢一日喺灣仔去完會展，睇吓附近有咩食，最後揀咗呢間日本拉麵/撈麵！#柚子鹽味撈麵 （冷） $89其實我係睇中咗呢碗先想食，天氣太熱，好想食啲開胃嘢，一見到柚子就覺得好啱夏天食😌雞肉嫩滑，個麵係粗身小麥麵，麵質煙靭，味道幾好，而且食食吓真係食到有柚子皮，夠晒清新～不過份量唔多，男士可能要加大😂#正宗全料東京撈麵 $109呢碗多料啲，有豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉個豬腩係厚切，都淋，個麵一樣彈牙👍兩款撈麵都有跟建議食法，1️⃣先戳破日本蛋黃，完全攪拌享用撈麵原味2️⃣享用三份一後，加入即磨黑胡椒提升香氣3️⃣享用三份二後，添加KOKORO秘製香醋增加醒胃感4️⃣享用撈麵後，可向店員要求一份免費迷你白飯，加入碗內並與汁醬攪拌享用#炸雞迷你當 $36另外叫咗個飯俾小朋友食，因為連咗隻生蛋，所以叫咗佢另上，呢個雞飯唔錯～我幾鍾意個柚子撈麵，仲有麵質夠彈牙，唔錯～可以encore～

一早已經聽過呢度有間超好食嘅拉麵店主打唔同款式嘅特色撈麵都好出色今次一於走過嚟試吓果然聞名不如見面，超高質!!今日特登嚟呢度食晚餐，真係冇失望!首選一碗香濃嘅咖喱炸雞撈麵🫶🏻💜💜呢碗撈麵真係不得了，日式咖哩濃郁香滑炸雞外脆內嫩，生蛋黃同辣肉碎配埋一齊口感豐富，蔥花、韭菜、紫菜碎、天婦羅碎、生蒜、魚粉及小麥麵嘅組合真係齒頰留香每一啖都充滿驚喜!接著嚟一杯清新嘅焙茶拿鐵😽💜💜焙茶拿鐵香氣四溢，茶味濃郁，奶泡綿滑入口即化，真係一杯好飲到不得了嘅飲品!⭐️⭐️⭐️⭐️再嚟一碗清新嘅柚子鹽味撈麵(冷)👶🏻💜💜呢碗冷撈麵真係夏天嘅最佳選擇柚子鹽味清新怡人，雞肉片鮮嫩，生蛋黃、蔥花、紫菜碎、水菜、竹筍及小麥麵嘅組合食落去口感豐富，清爽解膩，真係超正!喺灣仔區內「麺屋こころ」無論菜式多樣定係服務態度都係極佳再加上食物味道出色，絕對值得一試!!😍

之前晚餐時段想嚟食，但出面排咗好長嘅隊。今次特登避開咗午飯時段，揀咗非繁忙時間嚟食，今 次終於可以好好享受喇。其實沙田嗰間好近我屋企，但因為呢邊嘅service ，每次嚟灣仔都一定嚟捧場。👍 之前發現到身邊嘅朋友都唔知，Kokoro嘅麵條都係用佢哋特製嘅麥粉做，好低脂又好食 今日叫咗【原味東京撈麵】，呢個我覺得係必食之一，一定要撈勻再加免費提供嘅醬料一齊食。我 個人特別鍾意加黑胡椒，會微辣少少。豬肉碎好入味，也唔會蓋咗豬肉嘅味。之前叫過一道溏心 蛋嘅，但會更加鍾意蛋黃同醬汁撈埋一齊，食落有淡淡嘅蛋味。男朋友唔鍾意食蛋，都唔鍾意蛋味，每次嚟都一定叫【鹽味撈麵】。如果擔心鹽味撈麵淨係得鹹味 ，其實都唔會嘅，可以好似我男朋友咁，平時都鍾意加香醋，會增加麵條嘅味道同口感。叉燒畀嘅 size都啱啱好，畀咗兩片，唔使擔心食得太多會滯。 焙茶拿鐵 + 抹茶拿鐵 次次嚟都會有爭議嘅部分。男朋友鍾意抹茶，我鍾意焙茶;每次食我哋都會share一杯，所以都係 輪流叫住飲。今次都嚟到灣仔喇，所以就叫咗兩杯 焙茶烤得啱啱好，唔會太苦，加埋奶味都唔 會好重，飲落好順口。男朋友嘅抹茶都唔會飲到茶渣，抹茶味都啱啱

同媽媽慶祝媽媽生日，知佢中意食麵,我特登帶佢嚟灣仔《麺屋こころ》享受日式撈麵，呢度主打嘅特色撈麵都係very very good，我哋仲不約而同甘揀咗同一款主打菜式。我哋嚐到嘅係柚子鹽味撈麵(冷)🍜。麵條Q彈，一試就知道佢地嘅麵條係新鮮自家製作，再嚐到柚子鹽味嘅清新味道，即刻就逗醒咗我哋嘅食慾！雞肉片嫩滑，加上生蛋黃、蔥花、紫菜碎、水菜同竹筍，每一口都清爽怡人，真係夏天嘅好選擇。我跟住店員介紹加了醋食，不但讓這碗麵充滿了均衡的調味，更加深了整體的風味👍。我們這頓生日午餐食到好滿足同幸福。嚟呢度慶祝阿媽生日實在是太對了！