Les Saveurs Private Kitchen

Open Now

Now Closed

📍灣仔Les Saveurs 2018年曾經幫襯過，當時佢哋店喺灣仔告士打道海旁，望到維港無敵大海景，而家搬咗新舖，地方大咗，座位多咗，採光度充足，裝修明亮簡潔，反而更加舒服👍主廚Eric曾經喺法國藍帶學院畢業，廚藝精湛今日試咗佢哋嘅set lunch menu, 一共四道菜頭盤先嚟一份劍魚和吞拿魚他他，賣相精美；劍魚同吞拿魚口感新鮮，非常開胃然後soup of the day, 有特濃蘑菇湯 - 熱辣辣香噴噴, 十分好飲主菜有四款選擇，我同朋友分別揀咗M5和牛同埋雞肉，兩款都好美味，尤其是份和牛 - 鮮嫩多汁，再加上淋上去嘅牛肉汁，大愛🥰之後我哋再加多份signature dish - 42度煙燻三文魚，上面鋪滿魚子醬，旁邊加上分子醬汁，果然係鎮店之寶😋而到最後甜品亦都唔馬虎，我哋分別揀咗椰子雪糕拼芒果慕絲同埋朱古力撻；全部都係廚師親手製造，感覺完美

儲咗好多餐廳，一直好懶冇寫到😆。今次冬至嚟到呢間餐廳做節，食完好想寫一寫。午餐佢有兩個Menu，一個set lunch一個Tasting Menu，我哋每樣叫一個試吓。一開始訂位嘅時候，佢會好貼心咁WhatsApp定個餐牌俾你睇，感覺係窩心嘅。餐前麵包係好食嘅，送上嚟嗰時熱辣辣，三款麵包都好食，牛角包仲係脆嘅！先有餐前小食，係每人半粒半熟鵪鶉蛋。話說我唔知外邊嗰陣黑色皮係乜嘢，我陣間先再講點解。佢唔係唔好食，唔知關外邊嗰陣黑色皮，定係鵪鶉蛋白嘅問題？個口感煙韌住質感有啲橡筋咁樣.....有啲奇怪。呢個係Tasting Menu嘅生蠔，佢好靚咁放咗一堆野喺上邊，仲有魚子醬，然後問題就嚟喇，隻蠔佢係冇𠝹定出嚟，挑得隻蠔黎，嗰堆好靚嘅嘢咁就跌散晒同隻蠔分離左lu....前菜仲有呢碟鵝肝mousse with脆皮，好食。不過，我係女仔嚟㗎嘛，口係比較細嘅，呢卷野切開佢個脆皮又碎晒，成舊放晒落口嗰啲脆皮又好拮口，因為佢唔係一口size，其實可以細舊少少好入口。跟住係西班牙蕃茄甜椒湯，個湯夠晒濃好飲。淨飲湯係冇問題嘅，不過，佢係個碟度放咗洋蔥同甜椒絲，同1塊風乾火腿，本身個湯已經夠濃味，加埋風乾火