Video
Read full review
2025-03-19
1556 views
當初知道香港開咗間朱古力博物館，覺得好吸引，佢仲係一站式，除有展區外，亦有商品販賣區，出售香港製造的朱古力。至於食物、飲品，除可外賣，亦能堂食。食、買、觀賞樣樣齊，可謂一應俱全。今次咁啱喺灣仔食飯，就過嚟睇下。到達舖頭附近，就見到人龍，講真有啲令人卻步。呢條人龍係排烘焙產品，如果只想買朱古力產品或飲杯嘢，就毋須排隊，可直接入店內揀選同俾錢。店員話，由於星期六、日有好多人排隊買麵包、千層撻，所以就算惠顧朱古力產品/飲品，亦唔可以「偷雞」順手搭單買餅，所以，如果要試烘焙食物，咁冇辦法，排隊啦~70%黑朱古力千層蛋撻：人人都衝住呢個$10撻而嚟；排到我時，剛好新鮮出爐；千層酥皮勁脆，咬開即時逐層散落，食落口同揸上手亦唔覺好油膩，只有少量油光反射；蛋撻饀較少，底部有少少黑朱古力，只係味道唔突出；蛋漿的蛋味唔算濃，勝在饀料少甜，加上酥皮酥而不「漏」，食曬成件撻仍然感覺輕盈，唔易滯；呢個撻只賣$10，性價比極高（我唔特別鐘情蛋撻），加埋可拎上1樓堂食，該區提供即棄竹餐具，能夠坐低慢慢歎，仲邊有得彈？可可茶：$28；店員提醒要等一陣、浸耐啲先飲，但就冇提要等幾耐；貪快飲一啖，覺得好似飲緊有色的水，雖
到達舖頭附近，就見到人龍，講真有啲令人卻步。呢條人龍係排烘焙產品，如果只想買朱古力產品或飲杯嘢，就毋須排隊，可直接入店內揀選同俾錢。店員話，由於星期六、日有好多人排隊買麵包、千層撻，所以就算惠顧朱古力產品/飲品，亦唔可以「偷雞」順手搭單買餅，所以，如果要試烘焙食物，咁冇辦法，排隊啦~
70%黑朱古力千層蛋撻：人人都衝住呢個$10撻而嚟；排到我時，剛好新鮮出爐；千層酥皮勁脆，咬開即時逐層散落，食落口同揸上手亦唔覺好油膩，只有少量油光反射；蛋撻饀較少，底部有少少黑朱古力，只係味道唔突出；蛋漿的蛋味唔算濃，勝在饀料少甜，加上酥皮酥而不「漏」，食曬成件撻仍然感覺輕盈，唔易滯；呢個撻只賣$10，性價比極高（我唔特別鐘情蛋撻），加埋可拎上1樓堂食，該區提供即棄竹餐具，能夠坐低慢慢歎，仲邊有得彈？
70%黑朱古力千層蛋撻
$10
256 views
0 likes
0 comments
可可茶：$28；店員提醒要等一陣、浸耐啲先飲，但就冇提要等幾耐；貪快飲一啖，覺得好似飲緊有色的水，雖然聞落有少少可可味，但味覺上就完全係淡而無味；不過，等耐啲、焗耐啲，可可味真係出好多，顏色亦深咗；作為茶飲，只能講佢係普普通通，唔特別吸引，配合撻同麵包，應該有少少解膩效果
椰子包：唔記得呢款包的名；店員推介係新鮮出爐，仲猛讚好好食，加上佢焗起時大大個，只$20，最後買咗嚟試；麵包鬆軟，質感同一般麵包舖的麵包差唔多，但味道唔突出，麵粉香一般；唔試亦冇損失
椰子包
$20
70 views
0 likes
0 comments
呢度喺香港算幾iconic，值得到此一𨘋同支持。 70%黑朱古力千層蛋撻值得排隊，始終只係$10/個，而且攤凍曬，佢的酥皮仍然脆到不得了。店內提供朱古力產品試食，咖啡黑朱古力同100%黑朱古力仲好好食添。堂食區係自助服務，流轉快，搵位易，坐得幾舒服。2樓展區所展出的資訊唔係好豐富，原本設有的朱古力品嚐區，聽店員講亦冇service。
Post
