Video
2-min walk from Exit F1, Causeway Bay MTR Station
continue reading
Telephone
23451990
Opening Hours
Today
11:00 - 21:00
Mon - Fri
08:00 - 21:00
Sat - Sun
11:00 - 21:00
Public Holiday
11:00 - 21:00
Above information is for reference only. Please check details with the restaurant.
當初知道香港開咗間朱古力博物館，覺得好吸引，佢仲係一站式，除有展區外，亦有商品販賣區，出售香港製造的朱古力。至於食物、飲品，除可外賣，亦能堂食。食、買、觀賞樣樣齊，可謂一應俱全。今次咁啱喺灣仔食飯，就過嚟睇下。到達舖頭附近，就見到人龍，講真有啲令人卻步。呢條人龍係排烘焙產品，如果只想買朱古力產品或飲杯嘢，就毋須排隊，可直接入店內揀選同俾錢。店員話，由於星期六、日有好多人排隊買麵包、千層撻，所以就算惠顧朱古力產品/飲品，亦唔可以「偷雞」順手搭單買餅，所以，如果要試烘焙食物，咁冇辦法，排隊啦~70%黑朱古力千層蛋撻：人人都衝住呢個$10撻而嚟；排到我時，剛好新鮮出爐；千層酥皮勁脆，咬開即時逐層散落，食落口同揸上手亦唔覺好油膩，只有少量油光反射；蛋撻饀較少，底部有少少黑朱古力，只係味道唔突出；蛋漿的蛋味唔算濃，勝在饀料少甜，加上酥皮酥而不「漏」，食曬成件撻仍然感覺輕盈，唔易滯；呢個撻只賣$10，性價比極高（我唔特別鐘情蛋撻），加埋可拎上1樓堂食，該區提供即棄竹餐具，能夠坐低慢慢歎，仲邊有得彈？可可茶：$28；店員提醒要等一陣、浸耐啲先飲，但就冇提要等幾耐；貪快飲一啖，覺得好似飲緊有色的水，雖然聞落有少少可可味，但味覺上就完全係淡而無味；不過，等耐啲、焗耐啲，可可味真係出好多，顏色亦深咗；作為茶飲，只能講佢係普普通通，唔特別吸引，配合撻同麵包，應該有少少解膩效果椰子包：唔記得呢款包的名；店員推介係新鮮出爐，仲猛讚好好食，加上佢焗起時大大個，只$20，最後買咗嚟試；麵包鬆軟，質感同一般麵包舖的麵包差唔多，但味道唔突出，麵粉香一般；唔試亦冇損失呢度喺香港算幾iconic，值得到此一𨘋同支持。 70%黑朱古力千層蛋撻值得排隊，始終只係$10/個，而且攤凍曬，佢的酥皮仍然脆到不得了。店內提供朱古力產品試食，咖啡黑朱古力同100%黑朱古力仲好好食添。堂食區係自助服務，流轉快，搵位易，坐得幾舒服。2樓展區所展出的資訊唔係好豐富，原本設有的朱古力品嚐區，聽店員講亦冇service。
continue reading
噤岩晏就經開銅鑼灣, 有少少餓, 就諗起食個撻都好哦! 醒起自己未試呢間, 而且好似仲平dd黎到排隊人龍又唔算長, 發現原來係70%黑朱古力撻黎既, 我對Dark Chocolate 都好有興趣食落比我想像中甜d, 不過都好味好脆, 如果再熱d 仲好
continue reading
呢間嘢都好似開咗好耐，喺白沙道有兩層，望落幾高級，原來係主要賣朱古力嘅。之前喺網上見到有人話佢啲蛋撻好食，四點零鐘行過，咁啱啲蛋撻新鮮出爐，好香呀，買嚟試吓。朱古力千層撻啱啱出爐，成間舖頭都好香麵包蛋撻味。包裝好精緻，一盒兩件。望落個樣係靚嘅，但啲蛋漿比較少。咬落去個皮係脆，不過係有少少硬嘅脆，同埋蛋撻底都啲油；個蛋漿雖然少少哋，但係好香滑，唔算好甜，食到底仲有少少朱古力，啲朱古力有啲苦味，可以中和蛋漿嘅甜味。$14一件係性價比好高。蜂蜜麵包呢個麵包好抵食，好似係$32 ，但好大舊。個麵包好鬆軟，食落去蜂蜜味好出。麵包上面有啲粒粒，其實我都唔知係咩嚟，啲粒粒好脆，有少少似菠蘿包上面嘅脆皮，令成個麵包嘅層次豐富咗。擺咗一半麵包第二日食，都仲係好鬆軟，推薦！原來樓上仲有好多座位，可以坐低慢慢飲杯野食個包，好似Cafe咁，行開銅鑼灣可以試吓。
continue reading
我是2025年3月13日（星期四）大約中午十二時半到店，當時買麵包蛋撻不用排隊，我還等了新一批70％黑朱古力千層蛋撻出爐才購買，並即場走上二樓cafe享用，印象中蛋漿餡和蛋撻內的朱古力兩者味道都是偏甜，不過，酥皮是十分鬆脆，份量給一人就剛好。因為這層酥皮而想回購。當天大約中午4點半，我再次回到店鋪買了一杯熱CACAO TEA，打開杯蓋會聞到一陣朱古力香味，我認為可以有助制止想吃朱古力的誘惑，不過喝起來會比較清淡，不要期望像朱古力奶般香濃，下次到店的話會想購買茶包回家自己沖泡。
continue reading
白沙道附近有好多特色酥餅店，呢間性價比好高，只係$10就有交易，70%黑朱古力千層酥，排隊嘅時候好驚賣晒，好彩佢一路都有新鮮出爐！ 見到千層撻皮非常分明，食入口酥脆，蛋味香，底部嘅朱古力少少甜，發揮到定整體既味道"here are many special pastry shops near pak sha Road, and this one offers great value for money. For just $10, you can get a deal on a 70% dark chocolate mille-feuille. I was really worried they would sell out while I was waiting in line, but luckily they kept coming out fresh!The layers of the pastry are very distinct, and it’s crispy and fragrant with an egg flavor. The chocolate at the bottom is a bit sweet, which enhances the overall taste.
continue reading