Dodam Chicken (利舞臺廣場)

Open Now

Now Closed

對打工仔黎講，每日返工唔係愁d野做唔切，唔係愁今日洗唔洗OT，唔係愁老闆開會點樣為難自己，唔係愁邊個八婆同事又講自己是非，而係愁唔知今日食晏食乜呀，等我今日好果斷咁決定，食炸雞啦。👇🏻📌Fried Chicken -  ▪️ Honey Butter Chicken - $148/Half▫️ 黎呢到唔食炸雞絕對係同自己過唔去，佢地人氣招牌「蜂蜜牛油脆雞」即叫即炸，一上枱新鮮滾熱辣，我一條友食半份就岩岩好，外層做到相當鬆脆，食落黎好似薯片咁脆卜卜，加埋表面滿滿既蜜糖，特別滋味；而裡面肉質唔會因為高溫油炸而變得乾身，仲keep到好多肉汁，夠哂juicy，嗌多枝Apple cider，一啖炸雞，一啖cider，完全滿足的晏就呀。

今晚去利舞台附近行街，朋友介紹18樓 Dodam Chicken， 韓國炸雞非常吸引。食店座位寬敞，環境闊落 ，店員人手充足，服務爽快殷勤。眼見有不同國藉的客人幫襯，相信這間食店非常有名。食物種類非常多，花多眼亂，每款都想食。我點了半份香脆雞和 Apple Cider. 我覺得食炸雞一定要配酒才能突顯韓國風味。炸雞有芥末醬和紅色的醬供應，因為我鍾情芥末醬，所以不知道紅色的是甚麼醬料，真失策！另外，隨碟配有酸蘿蔔，惹味又提升食慾。炸雞外表爽脆香口，內裡肉質嫩滑。 外皮封住肉汁，雞肉咬開嫩滑有味。半份炸雞都有成七、八件，大大份，件件嫩香爽脆。Apple Cider 配炸雞真是天衣無縫。整體而言，我十分欣賞食店的食物、環境和服務質素，喜歡韓國的您一定鍾意。

見咁耐冇食韓國野，襯復活節假期睇完戲就去到銅鑼灣，第一次食呢間Dodam雞，質素唔錯喎！Dodam Chicken位於利舞臺廣場，睇番介紹，出品來自兩大韓國品牌 - Hwaggudak + Dodam結合而成。餐廳位置唔少，但有唔少人都經網上訂座，多半位置都hold起左，所以如果想食的話，不妨先用app訂座，可以省卻等候時間。同大部分韓國餐廳有少少唔同，店員並唔係清一色韓國人/年輕人，有部分明顯年紀較大，講嘅係廣東話、英文，溝通冇難度。而無可否認，我覺得佢地相對有禮。餐牌選擇豐富，有沙律、拼盤、小食、焗烤雞、炸雞、薄餅、韓式主食，例如年糕、海鮮湯烏冬、豬肋骨等，定價中上。因為得有兩個人，得知烤雞份量頗多，所以我地只可以點一款雞加一款主食，否則會太飽兼唔符合預算。香蒜焗烤雞 $188焗烤雞方面，餐廳有9款。平時食韓國野就必定會有炸雞，但焗雞就唔係間間供應。印象中只係喺EXO代言嗰間食過，佢地嘅蜜糖烤雞係好味，食焗雞感覺冇炸雞咁熱氣，雖然一樣邪惡，但自我感覺良好。香蒜焗烤雞一共有13件，基本上就係全隻雞，乜部位都有，雞脾、雞翼、雞胸。烤雞幾好肉地，而且雞肉比炸雞滑溜，經過烤焗，油份唔會好多