Chotto Maki (廈門街) (Closed)

忙裏偷閑半日，和朋友在公司附近食一個悠閒的午餐，帶他逛完灣仔有名的玩具街，已經差不多六點，又要想想晚飯吃什麼🤔當行到身水身汗，天氣又熱，絕對唔會自己煮😂，只係想食買一些開胃清新的食物，例如壽司🍣。之前同事介紹公司附近有一間專賣卷物的店舖，價錢合理，一於去試試！Signature rolls 同 classic rolls 分別有四件同八件，各自揀一樣返屋企同老公分享😘開放式廚房，可以見到員工點樣準備食物，乾淨👍好快就攞到外賣，個公仔又幾得意😎今次選擇了同事推介嘅芒果卷同牛肉卷 （分別$72）牛肉卷雖然只有四件，但好大件。牛肉好豐富，仲有牛油果、青瓜同腐皮。加上甜甜的醬汁和炸蒜，口感出色，就算唔使點醬油，都已經好夠味👍呢個芒果卷同事力推😊芒果又真係好甜好新鮮，個炸蝦🍤雖然隔咗成個鐘先食，但都好爽脆，配合鰻魚汁，又幾夾，確實唔錯！同場加映兩盒甜品😍😍有set，下次公司大食會可以買返去試！

又到年尾，揀咗聖誕假之後清假，太早食完brunch，下午茶時間覺得好肚餓，所以去咗Chotto Maki 食壽司。見天氣凍凍地，最後揀咗烏冬、炸雞、同埋兩款壽司。因為趕住返屋企嘅關係，我揀咗外賣拎走。舖頭包得好有心機，唔會擔心烏冬倒瀉又或者食物變涼。雖然搭車比想像中耐左，要半個鐘之後先返到屋企，但係炸雞仍然仲好暖，原來佢哋用咗錫紙袋，食落去啲雞皮都仲好脆，而且雞肉都好Juicy。烏冬原來係昆布腐皮烏冬，雖然冇其他餸，但係個昆布湯都幾好飲，腐皮食落去甜甜地，而烏冬就算浸左一段時間都仲係好彈牙。大壽司叫咗Beef-Iyaki，非常之足料，要分幾啖先食完。雖然熟牛肉壽司比較少見，但係食落去有腐皮、牛肉、牛油果、蟹子幾種唔同嘅味道同口感，非常豐富。另外再叫咗細壽司Mango Dynamite，芒果甜甜地，味道非常清新，配合鰻魚汁非常惹味，同時天婦羅蝦嘅味道亦都非常突出，唔會被芒果搶晒。買單計$200都唔使，但係已經食到好飽

提供外賣的餐廳在疫情期間成為不少人的外食選擇，這間飯卷專門店Chotto Maki雖然設有堂食但外賣同樣方便，在中環開業以來一直已經深受上班族歡迎，最近原來在灣仔開了新分店。付款後便可以透過開放式廚房看到店員即場製作飯卷，透明度十足感覺更加衛生而且新鮮。一客四件的招牌飯卷及一客八件的經典飯卷分別各有六款，餐牌上亦有列明每款飯卷的材料，配搭新穎多樣實在令人眼花撩亂。外賣盒包裝妥當，回家後卷物依然完好無缺，而設計亦相當方便食用。BEEF-IYAKI ($72)飯卷裹住滿滿當當的壽喜燒肥牛、腐皮、牛油果及青瓜，再配以炸蒜片、木魚絲、鰻魚汁及自家特製醬汁。主角壽喜燒肥牛軟嫩入味，加上其他配料整體味道鹹甜交錯，而口感亦相當豐富，集爽脆軟綿於一身。自選卷物 ($88)除了特定款式外亦可以自由配搭出獨一無二的卷物，從肉類以至是蔬菜及醬料都可以一一挑選。而我則選擇了三文魚、牛油果、玉子、芒果、天婦羅脆脆、辣蛋黃醬及鰻魚汁，全由自己喜愛的配料組成固然更稱心如意。完熟白桃梳打 ($25)除了可配味噌湯、沙律及烏冬外，店內亦有其他飲品及甜品，這款來自日本的梳打比較少見，白桃味道香甜清爽。