Blossom

Open Now

Now Closed

黎到呢間位於宋王臺站B3出口，行5分鐘就到到嘅文青Cafe 。Blossom喺IG度已經經常地見到有人打卡，現場入到去，裏面嘅氣氛有驚艷到我❤️佢有設吧枱，同埋普通枱，裝修以深木色系為主。樓底都夠高，文清嘅氣氛濃厚。因為我哋淨係飲杯咖啡同食個甜品，所以安排咗我哋喺吧枱度坐，反而更加有驚喜。吧枱位除咗好好打卡之外，當你望住個咖啡師幫你調配一杯咖啡，即場聞到香濃嘅咖啡味，係另類嘅感受👍🏻👍🏻今次叫咗Dirty （$50），熱嘅Espresso加上凍嘅鮮奶做出左層次感，入口亦都好香滑，Espresso嘅選豆唔會話過苦澀或者果酸太重👍🏻👍🏻跟住仲叫埋喺IG成日見到人哋打卡嘅Tiramisu，忌廉夠順滑，咖啡Espresso夠香，係一個唔錯嘅Tiramisu。不過可惜嘅係佢用上咗海綿蛋糕底，而唔係lady finger， 同埋如果多番少少冧酒味，就會更加出色。好推薦呢間文青咖啡店，享受一下慢活嘅生活，嘆一杯咖啡食一個甜品，可以係同朋友傾吓計，又或者帶本書，電腦嚟享受下慢活嘅時光👍🏻👍🏻👍🏻

第一次寫食評，見咁少人所以想寫下位置唔算難搵，幾近宋王臺站唔知開咗之後人流會唔會更多店舖空間都算大，目測應該坐到20人下午三點去到啱啱好有吧枱嘅位，過咗1分鐘就full晒，不過主意佢哋係收六點嘅咖啡外行人 不專業評論氣氛幾好，坐得舒服，欣賞店內嘅佈置同傢俬坐咗喺吧枱望住佢哋製作一杯咖啡Vila 冰滴咖啡 好重柑橘味，偏酸反而對少飲咖啡嘅我覺得幾特別同開胃飲開咖啡嘅男朋友就表示麻麻地Dirty: 正常味從賞個杯墊係皮革 正