Top Blade Steak Lab (希慎道)

Open Now

Now Closed

呢間長期都好多人排隊，由於冇得網上拎飛，只可以去到餐廳㩒飛再等。每次我都預要等40-50分鐘，最好就搵一個人早拎左飛先，之後行陣街再返黎食。 服務唔錯，一坐低會有侍應先同介紹下是日餐湯/crafted beer 係咩先，亦會介紹下Flat Iron即係牛嘅部位。 餐單上嘅選擇其實唔多，不過黎到都係主要嗌Flat Iron。 Menu上面有兩種Flat Iron，Prime級嘅Flat Iron用嘅牛唔同之外，煮嘅時候用嘅香料都唔同。不過我個人都係比較喜愛普通果隻Flat Iron, 咬落去唔會覺得太厚，而且牛味都夠出，配埋融融哋嘅蒜一齊食就更加香更加好食！ 至於另一個主打就係佢任食嘅松露薯條，呢個位就可能要改善下。薯條新出炸起係好食嘅，不過每次食嘅松露味就好隨機，有時松露味好出，有時又食唔出松露味。整體來講都係滿意嘅😋

幾個月黎，難得有個好消息，心情係輕鬆左一下，行步路都輕快啲，既然係咁，即使今日係星期一(仲好眼訓添)，都要去食餐好味既野賀一賀揀左依間top blade，好好彩去到餐廳未夠七點，唔洗等位首先要讚下餐廳職員，我一入到去坐底，職員就主動拎個籃比我放袋，貼心。原來今日間餐廳都好開心🥳每位客人都送杯bubble，當香檳乾一乾先啦！叫左個signature flat iron， 一份正常size 一份加$50加大加大係加50%份量，都幾多，夠晒男仔食我地都叫左medium rare, 我鍾意依個熟度，餐廳都煮得岩岩好，保持到軟滑的肉質又有肉汁，配搭有free flow的黑松露味薯條，真是不錯好得意，好少見半隻蒜咁上，佢將個蒜頭煎到金黃，冇左蒜又嗆又辣的味，反而係好淋好香。食啖牛，咬啖蒜，飲啖酒，快樂可以好簡單，但係咁簡單既事依家已經係奢侈，珍惜當下

喜歡吃牛排的人，大多人都會選擇 Prime Cut 如 Ribeye, Striploin, Porterhouse 等，Second Cut 如 Flat Iron, Skirt Steak 等，相信只會在 BBQ 時較多吃到，真想不到會有一間餐廳會開宗名義以 Second Cut 作招徠。既然今天和我拍擋要來銅鑼灣開會，便順帶到這店一試！一走進這店，簡單的裝修有點像 Diner (美式茶餐廳)，午市套餐由幾十元到二百多元，我只點了一百多元的 Flat Iron，因我認為如要付出二百多元，應吃較上等的 Cut；套餐有新鮮炸起的薯條，香脆可口，Flat Iron 牛排大概有六、七片，肉質軟腍，可惜牛肉味不濃，幸好配上原個焗烤的蒜頭，為單薄的牛排提味。總括而言，這店的裝修、食物、服務和價錢只屬一般，不怎特出。