Aló Restobar

Open Now

Now Closed

呢間餐廳以全黑裝修，型格中帶點情調，主打各樣西班牙小食、肉類、意粉、甜品🍴💗Grilled Spanish Octopus & Fried Kale（$198）八爪魚經慢煮後再炭燒，八爪魚肉質軟熟帶點彈性，完全唔韌🐙配搭用紅椒整成嘅醬汁同炸香咗嘅羽衣甘藍🌿💗French Baby Mussels Sake Roasted Garlic Purée（$188）青口加入清酒同烤蒜醬汁煮成，青口鮮嫩而且好鮮甜，酒味突出🐚💗Bone Marrow & Beef Tartare（$208）燒原條牛骨髓入口即溶，配搭香脆嘅多士一齊食，入口充滿牛油香，但完全唔會油膩🦴；牛肉他他用料新鮮，特別加咗酸瓜粒，食起嚟酸辣開胃🐮💗Roasted Suckling Pig（$328）乳豬燒得皮脆肉嫩，充滿油脂香同肉汁🐖配菜有烤薯粒同西蘭花苗🥦💗Apple Crumble（$88）蘋果金寶即叫即做暖笠笠，酸酸甜甜帶肉桂香嘅蘋果餡🍎加上表面香脆嘅牛油奶酥，配埋雲呢嗱雪糕 ，一口享受冷熱口感🍨

今次去咗大坑嗰間西餐廳食飯，真係一個好正嘅體驗！首先講吓佢哋嘅食物，每樣都做得好精緻，味道又好，環境亦都好有型，約朋友慶生一定冇失禮！Char-Grilled Octopus炭燒八爪魚。佢嘅八爪魚烤得啱啱好，外層微焦香脆，內裡卻保持咗肉質嘅彈牙和鮮味，搭配佢哋特製嘅醬汁，好適合做開胃菜。Bone Marrow & Beef Tartare，即係骨髓配生牛肉他他，呢個絕對係重口味愛好者嘅天堂。骨髓焗到出油，香濃滑溜，再加上面嘅少少芝士，配上新鮮嘅生牛肉碎，味道層次豐富，凍凍地他他，加暖笠笠嘅包，上面再加啲牛骨髓，好食都唔知點形容！Spanish Red Prawn Bucatini西班牙紅蝦意粉，‼️記得記得要將啲蝦膏撈埋啲意粉先食‼️你係會完全感受到嗰隻蝦有幾香，加埋意粉煮得啱啱好，又掛汁！每一啖都令人回味無窮。Apple Crumble，職員送到上枱嘅時候，仲係熱到出煙㗎!!! 蘋果餡甜而不膩，酥脆嘅外皮，再配返一啖雪糕，成件事好有層次，無論口感同溫度非常有對比。