TIRPSE

Open Now

Now Closed

𓈜 𓈜位於尖沙咀 K11 Musea 的 TIRPSE 是來自日本的米芝蓮餐廳，主打精緻的 artistic French 菜式。不但菜式賣相宛如藝術品，可近距離觀賞維多利亞港海景也是餐廳一大賣點。今次知道他們推出了全新的下午茶，特意和朋友去試試 Provence Tea Set ($249/ guest)。𓈎 Wagyu katsu Sandos . Miso . MayonnaiseTIRPSE 的牛肉菜式一向出名。今次用上1.5oz和牛，牛肉味香軟腍，配上味噌和蛋黃醬，層次更豐富。𓈎 Tuna . Mango . Avocado吞拿魚配上油潤的牛油果和鮮甜的芒果，整體口感鮮味清新。𓈎 Panna Cotta士多啤梨味的 Panna Cotta，香滑而奶味香濃，士多啤梨醬和果肉更添加了一份開胃清新。𓈎 MacaronMacaron 是一口size，享受甜蜜又無負擔。𓈎 Petits Fours法式花式小蛋糕精緻漂亮，配上醉人美景，天作之合。𓈎 Queens Garden Party𓈎 Iced Latte這裡的咖啡不錯。若不喝咖啡的朋友還有好幾款西式茶選擇。Earl Grey、Br

兩前多前到訪過晌2015年東京開業，快速摘下米芝蓮一星，主打法日菜過江龍嘅「Tirpse」食晚飯，當時嘅總結喺一次奇妙嘅美食旅程，菜式晌用料、配搭、視覺，都喺極盡心思，而且，舒服嘅環境，熨貼嘅服務，以及上菜不緩不急，都叫客人好寫意咁盡情用膳。上次同表哥食咗餐普通嘢，知佢就嚟生日，所以，專誠嚟食餐豪嘅。 晌鋪面，會見到鋪側有一排坐位，裝修雅致，最適合行商場行到攰，又想涼吓冷氣，舒舒服服坐低飲杯嘢嘅客人，晌呢一類高級餐廳，勝在服務好，又無時限可以慢慢坐。 講到室內環境，入去用餐區前，喺水吧區，再以一組典雅嘅燈櫃間隔開外面同裡面，等用餐區保持多少少私隱度。再行入去到餐廳大堂用餐區，一室摩登時尚，卻又顯得高雅，一排設晌對海一面落地大玻璃窗嘅座位，自然喺此時此刻嘅最佳位置，就算無坐出去，一樣可以飽覽藍天白雲，予人感覺舒服悠揚。 坐唔到近窗口位，其他位置其實都好舒服，除咗啲梳化位本身喺好嘢嚟，仲有就喺座位嘅編排唔擠迫，保持一定嘅空間感。然而，純坐吓飲嘢，餐廳環境嘅亮點之一喺坐擁無敵海景，下午嚟到剛好唔會曬住，180°環廻維港景，加上是日藍天白雲，景致一流，景觀方面真喺無得輸。室外位有一排排藤椅，舒

早前追睇木村套新劇「摘星廚神」（或譯「東京大飯店」），講到「摘星」之路認真唔易走，老實講，就算唔喺摘星，做飲食本身都唔喺一件易事。小弟就無做過飲食，但多年嚟周圍搵食，亦認識過啲店主，都有少少體會。之不過，最緊要喺講實力，就好似最近落戶香港主打法日菜嘅「Tirpse」，睇過啲雜誌介紹，2015年晌東京開業，2個月就摘下米芝蓮一星，快速摘星確喺一個傳奇。餐廳位處K11MUSEA，坐擁無敵海景，而室內環境裝修得摩登時尚，卻又顯得高雅，且甚有情調，最特別喺天花上嘅木材裝飾，添幾分原野、森林之感。據店員介紹，餐廳無散點，只有8道菜嘅晚餐供應（$1,188+ 10%），雖然選擇少咗，但勝在菜式做得更專注，質素更具保證。餐廳所賣嘅喺融合亞洲各地元素嘅新派法國菜，加上由日本人主理，更有信心佢哋對做菜嗰份熱誠同認真。而侍應對每道菜式都好熟悉，每次上菜，都會細心講解一下菜式嘅用料及其亮點。Amuse Bouche食過法國菜嘅朋友都知，佢哋梗有個做得精巧、食你唔飽嘅開胃小品，佢又唔算頭盤嚟，就好似上酒樓食中菜時，一坐低就擺低幾小碟酸菜、花生咁，當然，法國菜就唔會咁簡單啦。而晌「Tirpse」，開胃小品就做到