沐浴咖啡 (Closed)

餐廳臨近香港濕地公園，見時間尚早，就去濕地公園之前飲杯咖啡先去飲番杯咖啡。順便仲可以食埋brunch 。入到舖頭見到裝修風格非常寫意，其實好適合黎打卡。餐牌上面有lunch set，不過我可能會食唔晒，所以我最後都係冇點。我係散叫咗意粉同埋咖啡。兩個人點咗一杯咖啡同埋燴飯、意粉。蟹籽蟹肉意大利燴飯（$88），蟹肉均勻地分散喺飯嘅周圍。蟹籽作為裝飾擺上飯。飯既份量好充足，每一粒飯都被奶油包裹。飯粒中有洋蔥，洋蔥令蟹肉飯既味道有所升華。溫泉蛋卡邦尼扁意粉（$86），意粉中央有個半熟既溫泉蛋。食之前需要將溫泉蛋桔穿，然後將蛋液均勻咁撈入意粉。煙肉同磨菇份量都多。啖啖都係煙肉。個人感覺意粉相比外面其他餐廳煮得更用心。Mocha($42)，充滿濃郁既朱古力香氣。咖啡豆既苦澀味可以很好被中和。咖啡上拉花令人賞心悅目。係一隻海馬望住兩條海草。我亦都冇撈勻杯咖啡破壞個拉花。因為其他付款方式不能使用，最後就唯有俾現金。另外，餐廳需要額外收+1服務費。整體來講，係一個相當唔錯嘅體驗。

禮拜六天氣放晴，往天水圍濕地公園走了一圈，吸一下新鮮空氣！午間揾食時份，見到呢間店中擺了個浴缸，很是有趣。而且牆壁上掛上几幅好靚嘅玻璃壁畫，於是決定在此祭我們的五臟廟！店內寬敞乾淨，未開餐感覺已愉快；餐牌選擇眾多，每樣似乎都好吸引，望望隣桌，有決定了😋勁吸睛嘅吉列鯛魚扒意大利軟包，大大塊魚扒炸得香脆，入面塊魚肉肉質緊緻，咬落有魚油香並十分鮮甜，配上鬆軟意大利包、沙律菜同食，實在非常夾，好味到停唔到口！杯 mocha 十分香濃，咖啡香同朱古力味均好突出，但又唔會互相搶味，十分平衡，做得非常用心！這杯熱情果香芒smoothie，酸酸甜甜的十分好喝，餐前開胃、餐後消滯，冇叫錯！意式燴飯加咗鹹蛋黃去煮，會唔會好奇怪呢？原來絕對唔會，蛋黃鹹香惹味，更能帶出燴飯的味道，意大利風味中又帶點中式風情，相輔相成，有意外驚喜！甜品是餐牌沒有的紅豆綠茶雪糕布丁，這個配搭清、香、甜，成為這美好一餐的完美句號！

和朋友嚟天水圍濕地公園，佢介紹一間叫沐浴咖啡店，門面幾有創意，一個大浴缸上放玻璃變成一張四人大枱，其他位置坐得舒，空間感不錯，我哋分別叫咗兩個午餐，可以加12蚊要有奶嘅咖啡，當然就點latte咖啡啦! 朋友就點咗mocha咖啡！午餐有南瓜湯或者沙律選擇，咁我哋當然想試南瓜湯啦！啲湯用隻大嘅咖啡杯裝住都幾特別！但份量唔多。至於朋友點嘅雞肉沙律，食落啲沙律都幾新鮮；我點嘅鰻魚西班牙飯！就有驚喜喎！西班牙飯真係炒得好有西班牙風味，唔會好似其他餐廳咁樣淋曬，有啲咬口，咁先係西班牙飯嘅特色！鰻魚就ok啦！味度唔錯！兩杯咖啡來到嘅時候個拉花都拉得幾靚，我哋點咗個朱古力蛋糕嚟送咖啡，蛋糕都算軟滑！整體餐廳表現很好！