Read full review
2022-07-12
1683 views
#153foodie 係個被甜品耽誤嘅銅鑼灣foodie😩 本身一心一意諗住介紹 #銅鑼灣美食 ,但係今次難得搶到位食 @thebutterflyroomhongkong 嘅下午茶,忍唔住寫咗篇食評,同大家分享吓🙌🏻❗內文附book枱攻略❗(唔係每個月1號朝早9點鐘搶位咁簡單🤪)»»————- ☟☟ ————-««[ 餐 廳 環 境 🍴 ]The Butterfly Room 嘅樓底好高,加上每輪只得約10枱客,所以唔好會嘈,環境十分舒適🥰 而且所有座位都係大大張梳化位,坐得好舒服嘅👍🏻不過窗口位就冇乜特別,因為窗外就係地面嘅停車場🅿️ 其實個景麻麻地🙈 如果有得揀,可能揀返餐廳裏面嘅卡位仲好添😆»»————- ☟☟ ————-««[ 餐 廳 服 務 🧑🏻🍳 ]呢度嘅服務都係要讚嘅!侍應好有禮貌,態度好好,客人坐低嘅時候亦會幫手推櫈,不愧係接受過五星級酒店嘅 training 呢✨而因為每輪嘅客人比較少,所以在場嘅侍應都會好細心留意客人嘅需要🥰 例如係啲茶未飲完,已經會主動過嚟幫你斟茶、加水,貼心度係100分💯如果要喺雞蛋裏挑骨頭嘅話,153就覺得有啲侍應講嘢比較生硬💭 佢哋講 m
❗內文附book枱攻略❗(唔係每個月1號朝早9點鐘搶位咁簡單🤪)
»»————- ☟☟ ————-««
[ 餐 廳 環 境 🍴 ]
The Butterfly Room 嘅樓底好高,加上每輪只得約10枱客,所以唔好會嘈,環境十分舒適🥰 而且所有座位都係大大張梳化位,坐得好舒服嘅👍🏻
不過窗口位就冇乜特別,因為窗外就係地面嘅停車場🅿️ 其實個景麻麻地🙈 如果有得揀,可能揀返餐廳裏面嘅卡位仲好添😆
»»————- ☟☟ ————-««
[ 餐 廳 服 務 🧑🏻🍳 ]
呢度嘅服務都係要讚嘅!侍應好有禮貌,態度好好,客人坐低嘅時候亦會幫手推櫈,不愧係接受過五星級酒店嘅 training 呢✨
而因為每輪嘅客人比較少,所以在場嘅侍應都會好細心留意客人嘅需要🥰 例如係啲茶未飲完,已經會主動過嚟幫你斟茶、加水,貼心度係100分💯
如果要喺雞蛋裏挑骨頭嘅話,153就覺得有啲侍應講嘢比較生硬💭 佢哋講 menu 或者解釋食物嗰陣,語氣、語速等都有啲背書 feel 😂 雖然對用餐體驗影響唔大,但係聽住人將 menu 背出嚟嘅感覺怪怪地🧐
»»————- ☟☟ ————-««
[ 1 5 3 食 後 感 😋 ]
有別於一般酒店下午茶,呢度嘅 afternoon tea 係以 five-course 形式送上。侍應會分開五次,將唔同嘅食品送到埋枱💁🏻♀️
1️⃣ 傳統手指三文治 | Traditional finger sandwiches
打響頭炮嘅係4款三文治,每款唔同顏色同味道,淨係賣相都覺得好特別🥰
Traditional finger sandwiches
32 views
0 likes
0 comments
以味道由淡至濃嚟講,呢款應該係最淡👀 整三文治嘅麵包唔會乾身,餡料充足🙌🏻 但因為用咗凍蝦,略嫌蝦肉有少許嚡口🙊
🍣 青瓜三文魚三文治
三文魚嘅油脂味香濃,配以清甜嘅青瓜,平衡返三文魚嘅膩,食物配搭做得好有心思💕 面頭有少許三文魚籽,鮮甜好味!
🥚黑松露碎蛋三文治
本身碎蛋沙律餡唔會差得去邊😂 加咗黑松露就更香,面頭仲有一片新鮮黑松露,感覺成件三文治 升級咗✨
🦀牛油果蟹肉三文治
最後呢款有驚喜!蟹肉份量好足,鋪面嘅柑橘類水果🍊 帶出清新嘅味道,153 最鍾意呢款👍🏻
💭 其實餐廳冇食物 menu, 侍應介紹食物嗰陣,都係用英文講啲名出嚟,所以 153 其實唔完全肯定食物嘅名,只係憑記憶同味道形容返佢哋🙇🏻♀️
»»————- ☟☟ ————-««
2️⃣ 芝士蕃茄濃湯 | Tomato Bisque
第二道菜,係細細杯嘅芝士蕃茄濃湯🥫 湯嘅表面加咗用 parmesan cheese 打成嘅泡沬,下面先係個湯本身🥣 呢碗迷你湯好香濃,酸酸甜甜幾開胃!
芝士蕃茄濃湯
23 views
0 likes
0 comments
3️⃣ Tableside-served pastries & scones
完成鹹點之後,侍應會送上甜品架同埋兩件 scones(原味、提子鬆餅各一件)🥳
甜品架總共有4款甜品,全部係冇得 refill 嘅, 但食唔晒可以打包拎走🥡 鬆餅可以無限 refill, 但就冇得拎走喇~
Tableside-served pastries & scones
29 views
1 likes
0 comments
Tableside-served pastries & scones
44 views
0 likes
0 comments
甜品架上面嘅甜品,味道最 fresh 嘅應該係呢款蜜桃蛋糕🍑 幾欣賞佢嘅曲奇餅底,我哋將甜品架留到最後先食,餅底依然香脆🍪
🍓士多啤梨撻
值得一讚嘅係,撻底唔係用現成嘅,應該係自己整👍🏻 不過攞耐咗就出事喇😩 撻底腍咗少少,唔夠鬆脆☹️
🍵抹茶紅豆泡芙
泡芺裏面有紅豆蓉,可能擺得太耐,令個泡芙皮腍咗😢 呢個大細嘅泡芺嚟講,cream 嘅份量都算多,有少少漏🙈
🍫黑森林車厘子蛋糕
擺面嘅車厘子用冧酒浸過,酒精味好濃烈😵 蛋糕體都有微微酒味,朱古力力冇想像中咁甜~
🥧 Classic scones
鬆餅送上嚟嘅時候係微暖,口感 keep 到有少少濕潤,整體嚟講算唔錯~
鬆餅佐醬有 clotted cream、士多啤梨醬🍓同埋 橙皮醬🍊食得出呢度嘅 clotted cream 比其他餐廳嘅更加 light, 唔會好漏👍🏻
士多啤梨醬就普普通通,偏甜同埋冇乜果肉,同超市買到嘅味道相差唔遠😂 橙皮醬就比較特別,裏面真係有橙皮碎 (所以會苦苦地),但係整體食落幾清新✨
»»————- ☟☟ ————-««
4️⃣ 酥皮點心手推車 | Pastry trolley
第三道菜食到一半左右,侍應就會將 pastry trolley 推埋嚟,問你想食咩🤤 Trolley 上面嘅甜品全部都係任添嘅,所以我哋每樣揀咗一款試先,如果好食再 encore😆
Pastry trolley
265 views
0 likes
0 comments
Pastry trolley
26 views
0 likes
0 comments
The Butterfly Room 招牌拿破崙超好食❗酥皮香脆,夾住香滑嘅雲呢拿 cream, 表面仲有薄薄一層焦糖漿,焦香嘅味好正👍🏻 試晒所有食物之後,153 唯一 refill 嘅甜品就係佢🤣
🐚 開心果貝殼蛋糕 (madeleine)
見到佢嘅第一反應係:好大件😂 不過兩個人 share 嚟食都可以。開心果味唔算好出,蛋糕本身亦唔算好甜,主要係表面嘅白朱古力帶出甜味🍫
🧀柚子芝士蛋糕
口感介乎紐約芝士蛋糕(厚重扎實)同日本輕芝士蛋糕(較輕)中間👅 柚子味幾清新,餅底幾特別,除咗柚子味之外,153 好似仲食到啲阿華田味🤔
因為訂座嗰陣,備註留底咗係慶祝生日🎂 所以侍應將蠟燭插咗喺芝士蛋糕上面,仲有生日牌添✨
⚡閃電泡芙 (éclair)
相比起其他甜品,呢兩件閃電泡芙就冇乜記憶點🤥 唔係唔好食,不過就普普通通~
🤍白朱古力片 (white chocolate brittle)
如果你唔鍾意食太甜,呢個可以skip😂 因為成片白朱古力咁食,真係會比較甜🙈 寧願留返啲 quota 食其他嘢~
🫐 雜莓奶凍 (panna cotta)
幾欣賞佢哋嘅奶凍,整得唔係好甜🙌🏻 因為成個下午茶不斷食甜品,呢個減甜嘅奶凍,嚟得正適合☘️
🌰榛子朱古力
呢粒朱古力係好食嘅!包住榛子嘅應該係牛奶朱古力,裏面嘅榛子好香~ 不過呢款甜品應該唔係自己整,因為 153 喺其他地方,食過同一款嘅味道🤪
»»————- ☟☟ ————-««
5️⃣ 甜品手推車 | Confectionery trolley
最後嘅 confectionery trolley, 食物都係無限任添嘅~ 不過呢架車上面嘅甜品,應該係呢餐嘅 boss 嚟☠️全部都係勁飽肚嘅食物💩
Confectionery trolley
34 views
0 likes
0 comments
Confectionery trolley
173 views
0 likes
0 comments
呢款係 Rosewood 新出嘅蛋糕,由頂至底分別係芋頭忌廉、蛋糕同芋泥,層次幾豐富🌈 食完之後經過餅店,見到呢嚿細細件嘅蛋糕,賣 $88 一件㗎🙈
🍰 檸檬磅蛋糕
味道幾清新,唔會太甜,但係乾身咗少少😶 同埋都幾大片,細食嘅話可以唔試~
🫐藍莓忌廉蛋糕
呢件蛋糕絕對係全場嘅終極 boss❗雖然忌廉算整得幾 light, 但係蛋糕體偏大,同埋忌廉都好多😧 食完之後,飽肚感直線上升🔺味道方面普普通通,可以唔食👌🏻
🍋 檸檬馬卡龍
可能係想平衡返其他甜品嘅膩,呢度都幾多檸檬味嘅食物👀 檸檬馬卡龍不過不失啦~
»»————- ☟☟ ————-««
最後不得不提嘅,係 The Butterfly Room 嘅茶🍵
🌹 The Butterfly Room Blend
試咗佢哋嘅 house blend🫖以綠茶做基底,帶淡淡嘅玫瑰香,配下午茶嘅甜品解膩一流👍🏻
🍫 Choco Mint Truffle
另外揀咗 Choco Mint Truffle 呢款茶,出面好少見,但應該係用咗名牌 TWG 嘅茶葉🙌🏻 以紅茶做底,飲落有雲呢拿、朱古力、薄荷香🍃
呢款茶相比起 house blend 會濃啲啲,不過有薄荷味中和返,唔錯值得一試💕
»»————- ☟☟ ————-««
[ 1 5 3 食 後 感 💬 ]
以五星級酒店下午茶嚟講,整體食物同服務都算唔錯😉 因為全場只係容納到大概10枱客,樓面服侍好周到,唔使叫都會主動過嚟添水、會幫客人影相等等📸
不過食物未去到話好豔絕嘅地步,而且用餐時間只得2個鐘😥 雖然唔會食唔切,但係有種心理壓力,同埋冇得坐耐啲傾計🤧 與其話係 afternoon tea, 不如話係甜品放題😂
同埋佢哋價格調整真係幾誇張,幾個月前仲係 $798 / 2 p.p., 而家已經要 $998 / 2 p.p., 加埋一要成 $1,100 兩個人😥
未食過嘅話可以一試,但除非有其他特色甜品,否則應該唔會再返嚟食🙈
»»————- ☟☟ ————-««
[ 1 5 3 訂 枱 攻 略 🎯 ]
The Butterfly Room 每個月嘅1號嘅 9:00am,會開放未來兩個月嘅日子訂座🗓️ 好多人都話搶唔到位,甚至 book 咗半年,都未試到呢度嘅下午茶🤯
如果你都想試 The Butterfly Room 但搶唔到位,可以試吓用 153 嘅方法 👉🏻我係5月份某日嘅凌晨,得閒上佢哋嘅網站,睇吓6月有冇空位,咁啱就見到6月25號(星期六)12:00pm 有空位,即刻就 book 到😂
估計應該係因為有人 cancel booking, 所以先會比我 book 到😝 但如果你得閒嘅日子比較彈性,可以試吓運氣,睇吓試唔試到呢間人氣 afternoon tea 啦~
»»————- ☟☟ ————-««
The Butterfly Room (尖沙咀)
🍴 餐廳地址:
尖沙咀梳士巴利道18號香港瑰麗酒店2樓
🔍 同區搜尋:
#153foodie尖沙咀
😋 同類搜尋:
#153foodie下午茶
#153foodie甜品
Post