5% Cafe

Open Now

Now Closed

今日去左間神奇cafe, 旺角登打士街地點方便4個人，食左400個大洋左右,有特價（有d飲品有跟餐）開頭見到隔籬枱個人飲完杯嘢，然之後成個漢堡包咬咗一啖冇食到都覺得有啲奇怪....我哋四個人叫咗三個主食四杯飲品。先嚟個意粉蜆肉相當健康，冇鹽多油，食出意粉的原味，仲要夠晒硬身。再嚟黑松露芝士牛肉漢堡配薯條，薯條OK正常好味。個牛肉有點怪怪的，說不出來，有啲淆底唔敢食晒。再嚟一碗蘑菇湯我記得我明明冇叫，大大碗以為賺咗一飲落去，原來係我叫嘅熱朱古力....... 嘩唔係，係水嚟嘅，仲要係微溫嘅水，說好的熱朱古力呢？？？跟住再嚟多杯紅茶又係健康版，無糖同個侍應講，佢話佢明明落咗，我問佢你係咪落咗落第二杯度？最後上咗個海鮮千島醬窩夫pizza，呢個算係收貨，又有d創意，味道各方面都ok終於明白點解有一個俾人咬咗一啖嘅漢堡被遺棄.假期晚市無生意唔係無原因的，憑實力爭取臨時演員都係演員，請個侍應做埋廚師可唔可以專業少少門口有隻可愛天竺鼠畀你玩

2024.01.02【01.02  Bear Bear愛Cafe@旺角 5% Cafe】Hello 2024新年好除了1月1日元旦宅在家看叱咤2024的第二天還是要上班工作的一直努力著慢慢地復常要的是時間Ms.Bear從來都是有心思的女孩子 她約我在Cafe晚餐說我一定會喜歡跟她走哇！原來是我的Choco還有 叱咤樂壇男歌手銅獎 暨 叱咤樂壇唱作人銅獎 陳卓賢明顯叱咤頒獎禮餘音裊裊這個似Ms.Bear溫柔婉約這個似小時候的我活潑好動我們點了2份套餐, 可以選配$38或以下飲品，新年嘛要開心所以我們就補了一點點差價，點一些不同的飲品RAINBOW & STRAWBERRY MILKSHAKE來到果然漂亮 RAINBOW雪碧+ 芒果汁+士多啤梨糖漿 沒有照騙Drink Menu是這樣描述RAINBOW傳說彩虹的盡頭埋藏著幸福的寶藏。那如果把彩虹放在杯中是否就能把幸福也收藏其中?建議不攪拌 也不用飲管喝啊。文青描述來杯戀愛味道的草莓奶昔怎樣?甜而不膩的口感配合上粉紅的色調,讓你少女心爆發!會讓你回想起 初戀的感覺嗎? 來個大合照吧黑松露醬野菌忌廉汁長通粉店員準備拿來時遠遠已聞到黑松露醬味濃炒

位於鬧市中既5% Cafe，環境有幾分似同區既board game cafe，坐落都幾舒服。如相中有非常多既Boardgame，我見店員都好熱心介紹board game 俾客人，可惜我今日一個殷就玩唔到了我特別鐘意餐廳係牆身貼上唔同客人光顧後好開心既合影，令人覺得餐廳好溫馨同注重客人感受，即時加左分啊餐廳設有最低消費，黎之前記得睇清楚啦~黑松露手打芝士牛肉漢堡配薯條食物既價錢比起同區既餐廳進取不少，自然我對佢既期望都高上不少!食完之後發現果然無令我失望，牛肉既肉味好香濃，質感唔會太緊實或鬆散，令人想一口接一口咁食落去。黑松露作為點綴亦好出色，唔會搶去牛肉既味道，加埋牛肉本身既肉汁，非常好味呢!Rainbow餐廳其中一款招牌飲品，見到外表已經「人如其名」，非常鮮艷動人由梳打水，芒果汁同士多啤梨糖醬混合而成，飲落出奇地夾同好飲，值得推介!

同男朋友出旺角食飯，揀咗間樓上Cafe靜靜地坐下傾吓計~環境幾warm，有無數board games，店主仲好好人咁推介左二人board games俾我地玩，但我哋最後都係揀咗最經典嘅層層疊😋飲品幾特別，食物選擇雖然不多，但質素卻很驚喜~5%黑椒手打牛肉芝士漢堡配薯條~賣相唔錯，見到熱溶嘅芝士滿滿地包住手打牛肉漢堡，整個感覺好吸引，漢堡包焗得香脆，牛肉漢堡最為驚喜，自家製手打嘅口感確實比較厚實，調味啱啱好，沒有美式漢堡般的過鹹，仍然食到濃濃既牛肉香味😋香煎龍利柳配牛肝菌汁長通粉~好驚喜，有大大塊無骨魚柳，Size有手臂咁長，同樣是啱啱新鮮濺起，外皮仍然保持香脆，肉質夠嫩滑，配合少許嘅調味，點埋千島醬食感覺非常滿足~雞塊拼魚手指~新鮮炸起，外皮香脆，加上啖啖魚肉和雞肉，點埋沙律醬十分滿足~斑蘭椰子慕絲蛋糕~最喜愛嘅甜品之一，自家製蛋糕質感比較厚實，整個蛋糕甜度控制得宜，不會過甜，淡淡既斑蘭香味佈滿整個口腔，配合椰子慕絲味道又二想不到地夾~Pure  colada~但係菠蘿汁，椰漿，雲呢拿雪糕嘅組合，聽落好似有點奇怪，但係飲落其實味道非常特別，仲有酸酸甜甜幾開胃咁，亦有雲呢拿嘅香甜同嫩滑，

氣氛和格調良好的cafe行經信和中心，斜望對面座大廈有搶眼霓虹燈cafe，被吸引之下就上左去。內裹空間感大，我哋揀咗近窗嘅座位錯，可以望落去地下大街嘅環境。上到去發覺冇乜人，細問店主原來佢哋啱啱開業一個月都冇。飲品選擇唔多，我就點左butterfly，店主話所有飲品都係佢自己調製，朋友就點左rainbow同hot baby toddy。留意到飲品都係有分層嘅外觀賣相唔錯，相信係因為自己調製飲品製造出黎既層次。我杯飲品其實係蜜糖檸檬，適合秋冬呢啲季節飲，香甜又清新。嘢食方面我哋分別訂咗意粉，炸雞扒拼盤同埋漢堡，個人覺得漢堡最好食，漢堡係手製，咬落去多汁，又有咬口！同場仲有cafe基本應有既board game，不過呢度環境氣氛好舒服，不知不覺就同朋友傾左成晚。

最近社會氣氛雖然唔太正面，都要抽時間同朋友見吓面嘅。揀間樓上Cafe，可以輕輕鬆鬆坐耐啲，傾吓計玩吓board game，減吓壓。誤打唔撞嚟咗呢間Cafe，店員非常之熱情，一落完單等緊野食，就攞左好幾款boardgame俾我哋玩。Board game選擇好多，唔識玩都唔使擔心，店員好樂意幫你地講解，同埋帶game嘅。仲問我地要唔要同其他客搭台一齊玩game，可以幫手安排 🙈 哈哈沙發位又幾鬆動坐得舒服，食物同飲品都唔錯特別係呢杯rainbow🤗 仲有個甜品 班蘭椰子慕絲蛋糕閒談之間聽到，原來老細係新手開Cafe嘅，睇佢哋服務又唔似喎，而且都幾佩服呢啲時勢仲夠膽出嚟做生意，大家有機會都可以多多支持！呢間Cafe係喺旺角同油麻地中間，交通好方便。而且我鍾意呢到個窗，半間cafe都有窗，個窗景仲望到彌敦道條直路添。