Falcone

Open Now

Now Closed

Black sheep集團旗下嘅意式餐廳，主打非傳統拿玻里薄餅、各種意粉。一如既往嘅風格，定價較高+用心嘅裝修。店員基本上都係外國人，落單講英文。背景音樂有啲大聲，只可以walk-in，90分鐘用餐時間，難啲傾耐計。*Spinaci e Provola $238薄餅係非傳統拿玻里薄餅，取其技巧、食材制作Falcone牌薄餅。外圈有厚度，比較乾身，內圈超級薄身、好濕潤，一攞起啲餡料會滑走。餡料有菠菜、provola芝士，加埋少少辣椒醬，好惹味，芝士奶味恰到好處。Diavola $248今次餡料係番茄、芝士、莎樂美腸，非常辣，而且甜味重啲。Rigatoni alla Genovese $248粗管通粉韌度啱啱好，配搭牛肉醬、焦化洋蔥，肉醬嘅濃厚+甜又軟腍嘅洋蔥，味道豐富、帶各種風味，大推！Pasta e Fagioli $228其實係類似通粉湯，配白腰豆、意式煙肉粒，仲有紅蘿蔔粟米粒粒。醬汁好厚身，有豆蓉嘅沙沙口感，個人覺得意粉配豆一般般。

-{IFC 拿玻里pizza🍕}🤤 Margherita 🤤 ($238)超多蕃茄汁帶點芝士同香草味 必須要食個餅皮😆脆口得黎有啲煙韌 仲要餅底一啲都唔濕😁👖褲評: 8.5/10🤤 Rigatoni alla Genovese 🤤 ($248)好重嘅牛肉香😚粗管通粉質感偏硬少少 掛曬紅醬牛肉粒😋👖褲評: 8.3/10🤤 Pasta & Fagioli 🤤 ($238)落雨會通嘅bean pasta?😳食落有啲薯粒同豆 配上幼管細細粒嘅味道好特別🤓👍👖褲評: 8/10🤤 Nemesis al Cioccolato 🤤 ($98)Chocolate cake好濃郁超正！！！我地total食左3個🥹🥹🥹中間嘅流心唔係心太軟嗰種 係好綿滑 半液體嘅狀態😆另外cream好香奶味🥰忍唔住食完一個又嗌一個😋👖褲評: 9.5/10Blacksheep旗下嘅另一間pizza🥳又係好適合慶祝生日嘅地方😉另外依度嘅酒水都好較平😁性價比: 8/10服務: 9/10環境: 8/10🚩 Falcone 🚩地址: 中環金融街8號國際金融中心1樓1082號舖

星期五晚約咗朋友一齊嚟試Blacksheep 旗下新開餐廳Falcone。餐廳暫時不設訂座，我哋6:50左右去到，等到7:30左右就俾我哋入去喇。餐廳裝修花過心思設計，打卡一流呀。我哋點左嘅野食有:Vongole Sautee味道唔係驚為天人，不過蜆肉鮮甜，白汁同蜆肉味道好夾，好味！Carpaccio di Gamberi Rossi啲蝦唔算好細隻，食落去蝦肉都彈牙，配埋檸檬汁做前菜都幾開胃。Spaghetti alla Nerano呢個pasta主要有有和牛、芝士、香料Basil配長通粉，味道略咸，冇咩特別，不過不失。Diavola然後到今日主菜-侍應推介嘅Diavola Pizza。果然冇介紹錯！Pizza 烤得很軟熟，番茄醬配辣肉腸再加埋芝士實在冇得輸辣辣地又香口，推介另外試咗佢哋三款甜品，一般，不特別推介。今餐是慶祝生日，侍應會圍住你唱生日歌，再俾一個獎盃同頸巾你影相，幾特別。呢到嘅侍應都幾funny，會同你哋講笑不過其中一個侍應會係咁叫你開酒，稍微扣少少分，但整體用餐體驗幾好，下次會試吓六點過嚟，應該唔駛等咁耐

餐廳幾有氣氛,播住啲音樂幾chill,個mood幾好,店員嘅態度都唔錯,有講有笑🙈《Polpette $248》店員推薦菜式之一,豬肉丸個蕃茄醬有好輕微既辣,肉丸有成三大舊,食落質感唔會太實,都幾Juicy,幾好食👍🏻《Diavola $248》Pizza揀左Diavola,加左辣肉腸,所以食落偏咸,餅底係蕃茄base,幾軟熟,整得唔錯,係咸左啲🫢《Rigatoni alla Genovese $248》Pasta揀左Braised beef既粗管通粉,意粉煮得啱啱好唔會太淋亦都唔會太硬,有啲洋蔥牛肉之類,但調味重手咗少少,都幾咸下🤨《Maritozzi $98》呢個係Soft Brioche with whipped cream,啲cream幾輕盈幾滑身,但對個麵包有啲失望,可能因為凍食,麵包雪凍左質地比較硬身,唔軟熟,令到個麵包冇咁好食🥹整體覺得Pizza同Pasta都偏咸,食完係咁飲水…比想像中失望🥲Falcone中環金融街8號國際金融中心1樓1082號舖[⭐️5分為滿分]味道⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️⭐️推薦⭐️⭐️⭐️