Pica Pica

Open Now

Now Closed

新鮮感十足嘅menu。之前已經試過，通常本人好少會回頭再食同一間餐廳，但係因為啲菜式係香港其他餐廳都唔常見，一次食都食唔晒入邊嘅菜式。今次又再去試吓。牛骨髓：酸酸甜甜嘅牛肉Tartar，放係牛骨上，配以一小碟脆片。坦白講，真正肥美嘅「牛骨髓」嘅份量極少（甚至唔係好食得出嚟），所以碟嘢相對嚟講都唔油膩。主要都係以生肉Tartar為主，酸酸甜甜，味道尚可。我自己就覺得唔夠油香，但怕肥嘅朋友就唔使驚食呢碟嘢。西班牙蛋奄列：攪勻的蛋液混合在一點薯蓉裏，上面配上一啲辣肉腸。蛋係濕濕唔實嘅感覺。味道尚可。炒麵：俾你影完相後，侍應會幫你將忌廉同小蕃茄攪拌。呢碟炒麵嘅亮眼點係麵條口感：如果呢個汁配喺意粉，可能就冇咩特別，但係因為配起硬硬脆脆嘅麵上面，口感新奇，新鮮感十足，好味！西班牙乳豬：份量有啲少。皮脆肉嫩，味道唔錯。價錢唔平，以佢唔算驚為天人嘅味道，性價比較低。整體嚟講，係會再回頭嘅餐廳。比好高分嘅原因係個餐牌具新鮮感，啲菜式即使係其他西班牙餐廳都好少見，會想再返嚟試吓其他菜式。而且菜式味道整體都唔錯，會帶給味蕾新鮮感。環境：★★★☆☆ 食物： ★★★★☆ 新鮮感： ★★★★★值得試指數： ★★★

很多人都話呢一間西班牙餐廳，係香港其中一間數一數二嘅Tapas Bar，所以朋友生日即管來一試。餐廳位置方便，上環地鐵站只需步行兩三分鐘。到達餐廳時，感覺服務一般，服務員並不是熱情款待。首先點了一杯紅酒Sangria及一杯白酒Sangria ，味道正宗，價錢合理。食物方面點了一個八爪魚tapas，八爪魚煮得好腍，底下伴菜薯蓉亦非常美味。另外點了一個火腿croquette 及墨魚croquette，墨魚球內裏有黑色墨魚汁，味道幾特別。再點了一個蛋餅，味道一般。羊奶芝士沙律還可以。最後點了一個乳豬，味道還可以。本來最後想點一個paella，服務員話因為30分鐘後要還枱，paella需要30至40分鐘製作，所以唔建議我哋點。餐牌上面並沒有提醒客人paella 需時，所以感覺服務都是一般。飲品方面，除了兩杯Sangria，還點了一杯有氣酒及一杯紅酒，喜歡飲酒的朋友，建議自携紅酒或白酒，但開瓶費要$300。最後甜品寫了生日字句，另外有即映即有照片，放喺生日卡內，餐廳還見有心思。整體食物及服務，最多給6.5分!

鍾意西班牙菜要食呢間😤 衝軟心Basque而嚟 菜式全部好獨特 環境好foreign🍴🍰Basque Burnt Cheesecake, raspberry sorbet💰HKD78 (Rating: 7.5/10)巴斯克蛋糕源自於西班牙 終於試到正宗出品 一啲都唔似平時食嗰啲🤣食落似葡撻裡面嘅蛋漿餡同creme brûlée之間 加上有批底 所以似撻多啲 講真反而冇咁膩 不過唔係cake feel 配上紅莓sorbet幾夾 酸度高 我食得酸嘅就鍾意😎🐖Deboned suckling pig, sweet potato purée, raw spinach💰HKD175 (Rating: 7.9/10)冇骨啖啖肉幾好食 軟熟瘦肉 表面crust超薄脆 口感真心特別 配番薯泥好delicate 唯獨因為我基本上冇再食紅肉（唔會主動食）覺得羶味有啲重 鍾意白肉多啲🥸🥚Spanish lazy omelette with morcilla & chorizo 💰 HKD92 (Rating: 7.4/10)如其名 有西班牙香腸嘅蛋料理 熱嘅時候食好滋味 蛋裏面感覺有加芝士 軟心香口 不過整

本人最愛西班牙餐廳！好耐無黎啦⋯⋯兩個人食⋯叫左西班牙餐廳必叫嘅padron pepper 🫑.. 以前我唔食任何呢啲椒架⋯但自從食完呢隻就愛上左⋯因為平時你唔會買到⋯所以塊西班牙餐廳就一定會叫！跟住叫左個蕃茄多士同炸courgette. 😋😋 食tapas 最好就係可以食到好多唔同嘅野👍🏼仲有lazy omelette 都係推介之一⋯上面個血腸都唔係咁易買⋯佢入面有糯米架😋另外佢嘅Suckling pig 皮脆肉滑⋯細細件兩個人share就最好啦！ ☺️好少西班牙餐廳嘅paella 有得叫細size.. 呢度有得叫⋯咁friendly好多⋯起碼兩個人唔會叫左飯就食唔到其他野⋯⋯最後叫左個朱古力甜品⋯真係好好味⋯黑朱古力配上海鹽，橄欖油同雪糕真係好正⋯呢個都係西班牙獨有嘅甜品⋯🤤🤤 非常推介你試下！哇一一樣唔好就係間餐廳環境太嘈⋯食完餐飯⋯你把聲開始沙⋯因為要好多聲講野先聽到😅

如果你都係beef tartare嘅fans，this is the place for you!! 呢度嘅beef tartare配上bone marrow，油香又有牛肉味，食唔停口！iberico ham croquettes，香口但食唔到所謂嘅iberico ham係邊。Garlic prawns好失望，啲蝦唔新鮮有啲霉。Suckling pig個皮薄薄地，個肉係肉絲再合成，味道唔錯，配上南瓜puree幾清新！仲有vegetarian lazy omelette，其實睇個樣都估到係咩味，不過不失，我諗求其煎隻蛋都會好食過佢。西班牙菜當然要食Paella，今晚試左paella surf & turf，有蝦，蜆同雞，味道有啲失望，個飯無海鮮味外，個蝦同蜆係白烚完擺上去，真心唔好食。甜品嗌左pina colada, 用左coconut ice cream 加新鮮菠蘿同rum，幾創新特別！