Poking

前陣子去夏威夷工幹, 未有機會食到當地Bowl, 今日係上環經過無意中發現呢間夏威夷魚生bowl小店, 又正值六點多晚飯時間, 正好入去食返碗。店內面積小小, 木系桌椅, 感覺簡約。自行scan QR code落單,五款signature bowl中, 揀咗其中兩款; 可自選配搭壽司飯、糙米飯、沙律菜; 飯量；on top可以加錢追加配料, 不過店員介紹話signature bowl本身已經好豐富, 唔加主食配料都已經足夠飽。我揀咗creamy baby, 自選壽司飯底, 再加咗新鮮菠蘿,果然食材疊得高高, 呢款bowl包括有三文魚、雞蛋絲、牛油果、飛魚子、青瓜、豆腐、芝麻碎、炸蒜粒、木魚絲, 調味只有芥辣沙律醬。壽司飯偏實, 好頂肚; 三文魚有魚香, 青瓜爽脆, 牛油果軟滑, 其他配料令口感層次豐富, 調味醬較少, 未能足夠撈飯, 整齊味道偏清淡, 真係夠健康! 另外果碗就order咗Sweet Up Your Life, on top加咗飛魚籽,呢款飯加咗柚子醬汁, 味道帶少少酸酸地, 而且本身有芒果肉粒, 多一點香甜, 同樣揀咗多飯夠晒飽肚。不過原有嘅牛油果唔知點解用咗豆腐取締,

西環終於有poke餐廳，質素幾好，會encoreTHAI GOOD DAY泰式風味都幾有驚喜，揀左沙律+糙米飯仲有得少飯，岩曬啲想食少少飯但又唔想咁飽嘅人💯呢款配料有雞扒、新鮮菠蘿、鮮蝦、中華沙律etc 多元化得離食得出都幾新鮮，雞扒keep到嫩滑，配埋自家製泰式沙律醬，味道偏辣，酸酸辣辣好開胃，好彩醬汁有得另上中意落幾多就幾多SWEET UP YOUR LIFE配料有三文魚、芒果、牛油果、圓紅蘿蔔片etc 三文魚份量都幾多大大粒，芒果同牛油果同樣好新鮮，另外加錢要左粒溫泉蛋，蛋白蛋黃微流心用離撈飯一流，呢款係配柚子醬，味道相對比較fresh，食完完全唔覺得有負擔