Flames (黃埔天地)

Open Now

Now Closed

黃埔澳洲風高質西餐廳，裝修不但有格調，食物質素都唔差，OpenRice book臺 晚市抵至7折😍 另外join佢地會員系統 Ala carte散叫亦有8折‼️鐘意食西餐既人不能錯過🫶🏻🐓葡式香辣燒春雞配薯條🍟$248雞同薯條都份量十足，燒春雞大大份，外皮烤至微焦，皮薄香口，微微香辣非常惹味，薯條新鮮熱辣炸起，入口香脆滋味，隨餐仲配上茄汁、紅椒醬，不論點雞定薯條都認真唔錯🐠香煎照燒汁橙鯛魚柳 $198魚柳稱得上幾大塊，肉質軟滑，零魚腥，配埋照燒汁寧舍夾，味帶甜咸特別鮮味可口，隨餐配埋烤蔬菜，有粟米芯、甘筍、西蘭花、椰菜花，烤過既蔬菜再沾埋醬汁，口味帶點獨特又特別好食🍹Tropical Punch $68飲落超fresh, 唔會太甜又充滿果香，一邊大魚大肉一邊飲非常解膩💰需加一🌟環境: 裝修以砂石及木色為主調，充滿高級同獨特既格調，設有唔同風格同類型既座位，有長臺有圓臺有四人座位等，非常適合唔同人數既聚會👫👩‍👧‍👦👩‍👩‍👧‍👦

行過見有間情調西餐廳，仲要幾滿，當然要去一試😜脆皮乳豬西蘭花苗配黄薑蕃茄飯 ($298)乳豬外皮烤得香脆又薄身，只有層薄薄嘅脂肪，肉質嫩滑juicy，連皮食都唔會膩乳豬下嘅黃薑番茄飯，粒粒分明，比較乾身，配上乳豬食就岩哂😎卡邦尼薄餅 ($158)Carbonara Pizza係薄身餅底，口感煙韌配料有煙肉，鵪熟蛋，ricotta, parmesan同mozzarella無諗過放落pizza食都幾夾😌隻蛋係流心的話就更好了Tropical Punch ($68)樣靚可以打卡又好飲😜

黃埔花園一帶是餐廳集中地，距離公司很近所以放工後常來覓食，今天想找個舒適的環境邊吃飯邊聊天，經過這家餐廳便已看到裡面有好多圓圓的沙發卡位，看似舒適之餘又有私隱度，便選定了Flames～我們平日6:30左右入座仍有不少座位，怎料半小時後竟差不多全場坐滿了！我們的座位對著焗pizza及甜點櫃的位置，右邊則是開放式廚房，可以一直看到廚師們烹飪的姿態呢～左邊亦見到一個設備齊全的吧台，難怪飲品的選擇由紅酒﹑白酒到mocktail﹑milkshake及咖啡也能準備！已早早加入聖誕佈置呢我們單點了一份小食﹑一份意粉類及一份主菜，另外點了一杯飲品～先上枱的是避風塘雞翼，甫端上已聞到非常吸引的炸蒜香氣，雞翼外皮香脆，配上炸蒜﹑豆豉等調味，口感豐富之餘帶點微微香辣，十分惹味～蟹肉巴馬臣芝士脆脆蕃茄忌廉汁通粉是我今餐的mvp！蕃茄忌廉汁簡直令人吃不停口，全因creamy的忌廉汁配搭酸酸的蕃茄，完全中和了醬汁的膩，再配搭少許香濃的芝士提味，絕對是色香味俱全～蟹肉的份量非常多，拌勻後差不多每一口通粉都能吃到蟹肉，PENNE的口感亦煮得剛好不會過淋～壓軸出場的當然是主食的12安士紐西蘭安格斯肉眼扒配忌廉薯蓉！看上

小編耐唔耐就想試吓啲高級啲嘅西餐廳鋸吓扒，今次嚟到黃埔其中一間。門外大大嘅店名，遠遠已經見到，入內簡潔高雅，燈飾迎做高貴氣氛，枱係喺西餐廳比較少見嘅圓形設計，同朋友係圍住坐，少了距離感，感覺更親切。今次選了兩道菜，都係牛，分別係牛扒同牛面肉，整體水準之上，讚。-🌹是日餐湯是日餐湯係紅湯，味道香濃，開胃。-🌹8安士纽西蘭肉眼扒配忌廉薯蓉肉眼扒叫了median，落刀切嗰吓已經感受到係median，輕輕鬆鬆就可以切開，切開後內裏呈鮮紅色，入口外香內嫩並且非常juicy，仲要件牛扒份量唔細，配埋醬汁，超級喜歡。薯蓉另上，又滑又嫩又香，讚。-🌹紅酒燴牛面肉草菇扁意粉牛面肉比較少食，原來係咁嫩，配上草菇，用紅酒燴，味道確不錯，香味滿分，但顏色偏深色，色方面扣了一點分。-🌹Tropical Punch唔飲酒精飲品就試吓他們嘅Tropical Punch，這種生果味飲品永遠唔會厭，更有愉快感覺，而這杯味道上做到甜味剛好，讚。-🌹朱古力慕斯蛋糕最後嚟嗰朱古力慕斯蛋糕，朱古力味好濃，但又唔會過份甜，唔膩，讚。-

為咗方便舊同事嘅放工地點，今次揀咗係黃埔同佢哋食飯兼慶生🎂，見呢間餐廳嘅氣氛環境都好似唔錯，仲要係新開張！就一於去試吓佢！😌我哋一行有四人，叫咗一個Family Set $988一齊share食～《Salad of the day》🥗有巴馬火腿、大量火箭菜、苦苣及生菜🥬，配少少巴馬臣芝士，比滿滿沙律醬的沙律更為清新和低卡路里。《1/2kg香草白酒煮青口配著條》🥂🐚🍟這道菜同為starter一道菜，小編覺得非常滿足，齋講份量都已經好抵，四個人每人都可以食到四至五隻，白酒🍶帶出青口嘅鮮甜，果然係貝殼類海鮮嘅絕配😋 《葡式香辣燒春雞配著條》🍗🐥燒春雞係呢度嘅主打菜式之一，外表烤到金黃色，微脆，肉質尚算鮮嫩多汁，但雞胸位始終略鞋，不過以春雞嚟講勝在夠大隻，啖啖肉，加上惹味香辣嘅醬汁，的確值得一試！著條係幼薯條🍟，澆滿BBQ粉，仲要超酥脆！唔洗點茄汁都已經好好味！《12安士安格斯肉眼扒配忌廉薯蓉》🐮🥩🥔安格斯肉眼扒，小編嘅朋友比較怕血淋淋，所以叫7成熟，肉眼扒超級厚身，👨🏼‍🍳大廚將火候拿捏得非常準確，七成熟的牛扒剛好冇血水，而肉質色澤仍保持到嫩嫩嘅粉紅色，入口食得出油花豐富，口感軟腍，肉汁豐富