一人燒肉屋

Open Now

Now Closed

之前已plan定亞姨嚟，我同老公帶佢嚟食燒肉，就決定前晚（14-9-2024 Sat）食，今次又叫埋女友人WK，佢都話OK，我哋約咗傍晚6點嚟，因為6點下午前結束前落單，之後至埋單，價錢仍計下午茶，唔加一。今次我哋被安排坐上次嗰張枱（上次食評係2024年7月14日刊登嘅呢篇：https://www.openrice.com/zh/hongkong/review/%E8%89%AF%E5%BF%83%E5%96%84%E5%BF%83%E7%A4%BE%E4%BC%81-e5564970），我哋睇完menu，就要$598.00嘅四人餐～世一套餐同加啲嘢食嘢飲。餐裡面有4個飲品，我哋全部揀冷泡白桃烏龍茶，呢個幾好飲，甜中帶甘，好balance。我哋叫咗3set$58.00買一送一，每杯300ml嘅啤酒，共2杯三得利黑啤溝白啤，4杯Asahi生啤。食物方面，大致上都冇問題，$58.00嘅鹽酥雞脆口，但味道唔太夠。今次黑蒜雞比較入味：生蠔，帆立貝同$48兩隻嘅大虎蝦大隻新鮮；但牛油粟米好似冇牛油；同樣$38.00三串嘅雞皮同雞腎，雞皮冇乜問題；但雞腎有少少內臟嗅味。35.00嘅台灣腸，呢隻係甜

記憶中，呢個舖位都轉手過幾次。沙嗲王、炑八都試過，正正常常，不過呢間一直未有機會試。一得閒嘅時候，招牌下面又多一個#滿櫃膳糧 招牌仔，地下又有回收義賣，八九成新嘅物品，經過處理之後，就賣俾顧客。不知不覺，原來呢間#燒肉店 已經變成一間社企。滿櫃膳糧呢個組織，喺疫情嘅時候，透過一個放滿日用品嘅雪櫃放出街，慢慢幫助大眾過生活。呢間燒肉店請嘅員工，都有社會需要，有銀髮族，都有特殊人士。裡面有一間自修室，原意方便同事照顧小朋友，不過依家已經同鋼琴一樣，開放俾荃灣區內朋友使用。不過作為一間餐廳，點幫人都要食，先符合基本意義嘅。過所以都會想人推介下咩肉最好食，店長提醒我地「食物本身各花入各眼，要記住呢度係一間社企」，聽到呢度，根據以前嘅經驗，都係語出當前，必有後伏。咁唔去都去左啦！咁叫曬所有款式嘅肉類試一次，一定無錯。揀好就自己用QR Code落單，之後會有機械人送去你張枱附近，再由店員放上你張枱呢度嘅肉類，除左雞肉都無醃過，燒完之後，可以自己加鹽、黑椒同各種醬料。C2.牛五花、牛小排、牛板腱、安格斯肉眼、牛舌 、黑豚腩、黑蒜雞 400G *配日本珍珠米飯 300g $358呢個大滿貫系列，豬牛雞

餐廳裝修好日系，有多個抵卡靚位，食物質素唔錯架，價錢大衆化👍！呢間善心社企餐廳，食一餐只係💥$48起嘅燒肉套餐，就可以幫到很多人，真係好值得推介🥳！食物方面：餐廳主打日式燒肉，以價廉物美，性價比為賣點！$48起就可以食到燒肉套餐！必食推介：🥩紐西蘭法式羊架，肉質嫰滑好惹味，沒有強烈的羊羶味，肉質鮮嫩，肉味清香且肉汁豐富。 🦪燒蠔同埋燒扇貝都好好食，好大隻好新鮮！🦑燒魷魚，好大塊好新鮮的魷魚片，搭配香濃的魷魚醬汁，口感酥脆、鹹中帶甜，越嚼越香，好滋味啊！ 🦪清酒煮蜆，隻隻蜆都好鮮甜，肉質有彈性，清酒味香濃。而餐廳更定期舉辦義工及表演活動！

尋日一個人搵飯食 經過呢間店寫住一人燒肉屋已經吸引左我望真啲原來係社企 入到去服務態度好唔錯食物都ok 一個人食燒豬腩肉餐 對我黎講女仔份量岩岩好 成個體驗都好滿意 下次都會再去 。。。。。。。。。。。。。。。。。。。。。。。。。。。。。。

滿櫃膳糧係荃灣以一人燒肉為主題的社企餐廳， 以身為本會和社企《英雄地x滿櫃膳糧》，佢地會定期派發不同的食品，理念係希望幫助弱勢社群。佢地努力透過在各區設立共享雪櫃，達到減少食物浪費的同時，亦能更靈活地讓較缺乏支援的有需要人士能得到適切的支援。同時，在不同的協作機構的協助下，讓更多的資源能更有效地共享，營造出更有人情味的社區氛圍。佢地有一人燒肉食啦！佢地已經改由NGO社企《滿櫃膳糧》重新經營，之後除咗食野之外，仲可以幫到弱勢社群，希望大家多多支持佢地，又有好野食又可以做善事同支持佢地。佢地有好多唔同抵食的燒肉套餐，大家都可以試下。

自從發現了在荃灣開了這一間「一人燒肉屋」後，不單會在這家店下層地下一層，在用餐前看看👀有沒有什麼適合自己的貨品購買，因為在地下一層有售賣一些貨品，稍為看一下後，便往上一層去。今日Order(下單）了「和風牛肉丼飯（細）」，賣相不錯，有味噌湯和飲品，我選了「可口可樂」，

噚日（13-7-2024 Sat）同老公去食晏，去泰興餅家（https://www.openrice.com/zh/hongkong/r-%E6%B3%B0%E8%88%88%E9%A4%85%E5%BA%97-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r522031）排隊買熱香餅豬柳漢堡？ 咪喇，天時暑熱，買完又要去球場坐低食，老公話都係去返啲冷氣場所堂食算，咁就不如食呢間燒肉啦，上次去燒肉like(食評係2024年6月30日刊登嘅呢篇：https://www.openrice.com/zh/hongkong/review/blue-%E6%99%82%E9%96%93%E5%95%B1%E5%95%B1%E5%A5%BD-e5546040)時唔記得有呢一間，否則我就試咗呢間先。由於之前唔知呢間咩社企，喺地下望一望，見到原來係幫社會上有需要嘅人士就業，同可以畀啲細路喺度免費補習，咁家長都可以出去打工，咁有意義，一於試吓啦。我哋上到去， 店員帶我哋去坐一張四人卡位，好闊落好舒適，冷氣亦都開得好夠，

去到荃灣唔知食咩好，近排又好流行一人燒肉，喺千色附近見到呢間一人燒肉屋，發現咗原來係良心社企嚟嘅，梗係要二話不說即刻支持下先啦！餐廳環境夠哂濶落，枱上面仲有好多調味料供客人使用添～安格斯牛小排100g💰HK$140套餐包咗麵豉湯、中華沙律、泡菜同埋熱玄米茶！飯方面就加錢轉咗做溫泉蛋紫菜飯，可惜令人失望，紫菜又乾又欠缺麻油香味，加埋啲飯到，整體更加乾身！安格斯牛小排色澤偏暗沉，味道正正常常，而且100g份量的確幾少，整體唔算抵～

我今次第二次來，上次見呢度服務好👍🏽地方大座位多，位置好方便！價錢有平有貴，豐儉由人,牛肉質素好，比起之前去過的日式連鎖店，呢度選擇多好多！豬、牛、雞、蠔，以定食形式，有前菜中華沙律泡菜有飯有湯好齊全👍🏽😋 所以決定同弟兄姊妹來晚飯，慶祝生日🎉十幾個人都係千幾蚊，仲要沒有限時添！同埋要讚嘅係我哋有生日蛋糕，服務人員主動執枱，開蛋糕，提供餐具，亦不收切餅費，良心企業❣️有社會責任，會多多來👍🏽

辛勞一日之後去食個燒肉慰勞一下自己呢間環境都唔錯，夠冷氣而且地方都寬敞，唔需要同其他人迫。野食方面都唔錯，啲肉都幾好食，而且一個餐份量都夠一個人食，如果唔夠都可以選擇加飯量，而且唔係用紙飲筒，飲可樂都唔會走晒啲泡泡出黎。服務方面柜枱姐姐好有笑容好warm，用左機械人送餐，到左樓面都會幫手serve，其餘時間都唔會太打擾你，可以真正享受一個人既時間煲下劇咁。多人聚會既話都有大卡位可以坐5-6個人，而且做緊生啤特價，毒毒同多人飯聚都滿足到，下次可以再食

又係辛勞工作完的一天，去食自己想食的燒肉，一個人的晚飯，但絕不會寂寞，因為員工會過來同我傾計，不單單是談食物，什麼有趣事，你的我的都傾得一餐，絕對不是一人在燒肉，溫暖得很呢。最好就係有 wifi ，我晚上有時上 zoom 堂，8點半要上堂，放得工黎，都趕唔切返屋企，係呢度，一路食，一路用佢哋 wifi 上堂，又唔會好似外面其他食肆，限住時間食，要趕客人走，我上埋堂，食埋嘢，再坐吓 relex ，掃走一天的疲勞，我暫時都未搵到其他食肆可以做到，因為仲要好食又唔貴，130-140蚊的消費，食到飽飽，又舒適，係荃灣區，我住咗幾十年，真係而家先搵到一間，仲有個送餐機械人，雖然都唔真係一個機械人，係機械枱，但都超可愛，成日叫人做主人，唔知下次，會唔會叫我做 Honey

今日一個人出去搵食，發現荃灣有間社企餐廳，上到見到環境寬敞，又有機械人送餐，好特別，原來佢有三部機械人負責送餐及收餐。哩度有好多打卡位，除左有靚櫻花，仲有個靚靚鋼琴，讓大眾演隨意演奏。最特別仲有一間房，係社區自修室，方便有需要嘅小朋友專心學習！今日我試左個B7餐～黑豚腩拼黑蒜雞再加溫柔阿思推介～玉子燒。超正！總之行過路過唔好放過（尤其老朋友相聚☕️）。下次一定要帶埋四爺試埋個生啤配燒肉。由於呢度喺係社企，呢度啲員工相當認真工作。探訪埋佢個廁所先，聽講相當清潔。

真心感受到社企餐廳能提供創造就業機會，幫助弱勢社群，回饋社會，單是這幾點已值得欣賞。現今顧客享受的不僅是食物，也是一流的服務和環境。這𥚃食物質素良好，價錢合理，環境寬敞，服務態度滿分。雖然是自助燒肉，但每次他們都會熱情招待每枱客人。上星期我們訂座時說會帶蛋糕上來慶祝生日，想不到他們額外提供氣球佈置，又安排機械人唱生日歌，令大人小朋友都有個難忘的晚上。真心推介👍🏻一人燒肉～滿櫃膳糧（社企餐廳）

初試B5一人套餐（牛舌+牛五花），肉質新鮮，招呼周到，地方寛敞坐得有舒服，老闆娘又nice ，介紹給我們的每一樣食品都美味且有質素，絕對是一所良心社企，值得推介。

呢間新開嘅店，唔知係宣傳唔足定係入口唔明顯，平日晚飯時間嚟呢度食嘅人似乎都唔多，所以員工同老闆都好願意同我哋傾計餐廳裝修圍繞著日本風呢個主題，枱櫈基本上都係木制品或者至少係木嘅啡色，話呢間店係日式燒肉完全冇問題另外店內有一個社區鋼琴，開放俾食客隨意彈，不過同樣哋冇乜人食嘢自然都唔會有人彈鋼琴講翻嘢食，今次同家母一齊食嘢，所以點咗B2牛五花拼黑豚五花(200g)同埋C1牛五花拼牛小排牛板腱(150g)兩個餐，所有肉都好確定有中上水準，食起嚟同其他燒肉店提供嘅相似，但係因為唔係放題所以價錢更親民，另外我食完手邊嘅飯之後覺得唔夠，老細仲免費幫我添咗一大碗，服務確實周到，完全食得飽店內有免費WiFi，一問就可以攞到密碼，不過可能係我坐得嚟AP比較遠，訊號唔係特別好，1080p YouTube時不時要加載。另外卡位除咗有梳化坐之外仲有免費插座可以隨意叉電，加一服務費唔覺蝕整體嚟講今次體驗都相當滿意，確實可以推薦其他人嚟食。