Video
Read full review
2024-07-14
884 views
噚日（13-7-2024 Sat）同老公去食晏，去泰興餅家（https://www.openrice.com/zh/hongkong/r-%E6%B3%B0%E8%88%88%E9%A4%85%E5%BA%97-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r522031）排隊買熱香餅豬柳漢堡？ 咪喇，天時暑熱，買完又要去球場坐低食，老公話都係去返啲冷氣場所堂食算，咁就不如食呢間燒肉啦，上次去燒肉like(食評係2024年6月30日刊登嘅呢篇：https://www.openrice.com/zh/hongkong/review/blue-%E6%99%82%E9%96%93%E5%95%B1%E5%95%B1%E5%A5%BD-e5546040)時唔記得有呢一間，否則我就試咗呢間先。由於之前唔知呢間咩社企，喺地下望一望，見到原來係幫社會上有需要嘅人士就業，同可以畀啲細路喺度免費補習，咁家長都可以出去打工，咁有意義，一於試吓啦。我哋上到去， 店員帶我哋去坐一張四人卡位，好闊落好舒適，冷氣亦都開得好夠，
由於之前唔知呢間咩社企，喺地下望一望，見到原來係幫社會上有需要嘅人士就業，同可以畀啲細路喺度免費補習，咁家長都可以出去打工，
咁有意義，一於試吓啦。
我哋上到去， 店員帶我哋去坐一張四人卡位，好闊落好舒適，冷氣亦都開得好夠，我哋就用QR code點餐，
由於都唔知點咩肉好，所以叫個二人套餐，咁就可以試唔同嘅肉。就要$388.00嘅二人餐～老派約會套餐，
有：1-2.飲品～我哋要桂花烏龍同玫瑰烏龍冷泡茶
原來係一樽嘅，裏面係有茶包，
我嘅玫瑰烏龍茶味道好濃，好夠味，但係太勁喇，因為原來佢個茶包係好大包，但個樽係好細，最後我飲到一半，就問店員可唔可以加水落去？店員好樂意加落去，重話天氣熱飲多啲水，拎走好呀。真係好有善心，好感動，其實我都好尷尬，我係諗住喺喥飲埋佢，咁我拎走，都依然好濃味，喺街飲咗，仍然好濃，拎到返屋企，可以再斟水入去雪住慢慢飲。
等咗一陣，好cutie嘅送餐機械人嚟到，有：味噌湯，珍珠米每碗150g共兩碗，中華沙律，泡菜，
肉係雞肉串，牛舌，黑豚腩，牛五花各100g，黑蒜雞150g，牛油粟米粒，茄子4片。
味噌湯偏鹹，珍珠飯，中華沙律正常冇乜問題，泡菜正常辣，老公負責食晒佢。啲肉開始熟，食得喇，由於生肉（除咗黑蒜雞外）冇乜點醃，就係自己蘸醬食，呢喥嘅牛舌大同厚過燒肉Like，重要本身牛味都有；但夾起牛五花就會一分為二，不過都好，我可以蘸唔同醬食，唔使蘸一啲，食一啖後又蘸另一隻醬食。
黑豚腩肥嘅部份較多，燒焦脆口就好好味；黑蒜雞雞件都幾厚，食落，味道有啲似鹽酥雞；茄子都正常冇問題。
而雞肉串呢？佢本身係熟，我都燒一燒佢，味道就係正常喺出面買到嗰啲燒汁雞肉。
魷魚圈4個呢？
魷魚圈
30 views
0 likes
0 comments
魷魚圈
27 views
0 likes
0 comments
味道係3.31分
最後老公點都要叫返個啤酒嚟解熱，佢就叫咗$23.00嘅細藍妹。
店員拎個雪凍咗嘅杯嚟斟落去，重問我要唔要多個杯？我答唔使lu，我哋就咁share飲得喇。佢重問我哋要唔要叫啲小食嚟送酒？我哋答夠喇好飽喇，因為食咗個二人餐。
至於醬汁方面，
蜂蜜芥末，和風芝麻醬，日式燒肉汁都正常冇問題，而自家製蒜味醬油同BBQ鹽味醬汁都比較杰身，前者食得出有蒜味 後者味道獨特。環境：
卡位舒適，冷氣夠凍。
個爐夠大。
又唔限時，唔使食得咁趕。抵食係2.8分
其他：
呢喥嘅日本啤酒喺晏晝2：30-6：00做買一送一優惠，下次可以喺呢個時段幫趁。
呢喥重有$68.00一人份自熱燉湯，可以考慮買吓
重有榴槤月餅都可以訂購喇。
Post
