一品雲南米線

Open Now

Now Closed

試一次就算了呢條村嘅商店裝修咗之後好多新嘅食肆，今日得閒行咗過嚟！ 同老公周圍搵嘢食見到好多唔同種類嘅食店有日式韓式，喺五花八門嘅選擇下，最後我決定咗試食米線，見到佢價錢平，而且有好多配菜，所以一心想試下。本身我個人對米線嘅要求好高，因為由細到大喺荃灣長大，有好多林林總總嘅米線店。所以試過好多間米線🍜我哋兩個人所以叫咗一個過橋米線。入邊嘅材料包羅萬有，有豆卜啦豬肉啦一啲丸類等，材料都算豐富。另外叫了炸墨魚。但係嚟到之後湯底真係好一般，個辣唔夠香，湯底好淡。冇咗食米線嗰種滋味。食得好唔過癮！ 墨魚丸都叫做新鮮即炸，但沙律醬有啲hea !! 我寧願要返泰式酸辣醬來掂來食！ 總括而米線是令我好失望，短期內都唔會再去！

叫外賣 竟然話人阻住曬其實無心做 就不如摺左佢唔好搞到粉嶺人 食個飯/麵都要受氣野食已經唔係特別好食同貴價只係酸辣麵得番一兩間先試下點知第二次食已經被惡劣態度對待真係祝貴店生意興隆

上星期，我8通街仔係華明邨貪就腳幫襯這間一品雲南米線，入到中間排座位滴水 ，無人理我滴落頭到，有2個著制服待應，1個橫間衫20幾歲男子做收銀掛住㩒手機個樣表明係廢青男。我拿餐牌睇，有下午茶32元，連忙叫待應寫單諗住醫肚先，待應就叫等一等，我都無問題，後來，有位廢青男沒有行過來，就大大聲向著講，叫我鐘意食乜自己圈，後來我見到枱上有枝marker筆，我便圈了大約有龍蝦丸，貢丸，沙魚丸，仲有1粒唔記得乜丸。圈完之後,我又舉手想叫待應，廢青男又大叫我圈埋食乜，我不太明圈边能到，他們是一張過了膠又舊又污穢餐廳上，原來係寫飲乜嘢不是圈乜飲嘢，你自己都未搞清寫和圈，😡😡😡，我飲檸檬茶，條廢青男好不滿意一手就拿了我支marker 筆寫在膠面上寫ot.我心諗以為廢青男跛街隻手揸手機不懂行出來，全程得個嗌字，服務態度十分，十分勁差，我都算 。碗米線來到枱上，當我吃時，發現得4粒臭，腥丸。無才，我叫清湯。真係好清，清到無哂朋友。難食到不堪。我叫條廢青男為何碗米線丸有些臭，腥味，米線硬骨骨。廢青男問想掂。我話你換過碗比我，佢話換1粒臭丸比我。我心諗你都白痴無腦。我都唔能食放和錢便走了。擺明無下次來吃。服務

一入門囗，見到有個位冷氣機滴水，張櫈濕晒都冇人理！跟我後面入個男人見唔到坐左落去，佢除左條褲濕左，d水仲滴埋落佢個頭，笑左⋯第一次試佢既下午茶，叫左個清湯一品豬米粉(豬腩肉、豬紅、油菜)，碗野一黎到⋯一條菜都冇、咩配料都冇，個阿姐咩都冇講放低左就調頭走！豬腩肉一放入口⋯完全冇味道，好似咬橡筋咁，豬紅碎晒，見到都唔想食，啖米粉一放入口⋯都係冇味道，個清湯清到同滾水冇分別，一d調味都冇，連鹽都要省，點做生意？叫返個阿姐過來，我話呢碗清湯米粉一d味都冇，有冇得加少少酸辣湯落去，佢望一望張單，只講左句⋯‘’你叫左清湯‘’，跟住又調頭走人，完全冇答過我個問題！我咁肚餓應該難食既都食得落，但呢碗垃圾真心梗唔落，火都黎🔥🔥🔥之後我大聲再叫返個阿姐，叫佢答一句可唔可以加少少酸辣湯落碗米粉到，佢就行左去收銀問個冇著制服既女人，之後拎左支豉油比我，吹脹⋯🌬🌬🌬完全溝通唔到，唔食喇當跌左32蚊⋯行去收銀比錢，個女人個樣好臭串咁話‘’清湯係咁‘’(真的嗎？滾水叫清湯？定廚房冇鹽？)‘’d廚司返工好辛苦‘’(人人都辛苦架啦，個廚司冇味覺？自己煮完個湯連味都唔洗試？）幾想叫個女人食返呢碗垃圾，佢試完應該冇野好講😡

岩岩開鋪都好有水準，如果係米線fans開頭都會食上癮。但點知間野𠵱家愈做愈衰，餸又比以前少咗好多........ 湯底又無以前咁濃，佢既所謂小、中、大辣根本係求由咁比...... 有時叫咗大辣都好似中同小辣咁無分別......今次因為屋企附近無邊間米線鋪選擇，又想食米線，咪叫佢個下午茶雞米線套餐食....... 叫咗麻辣同米線叫佢生少少(因為佢米線次次都好啉身) ，點知上黎變咗清湯餸又少...... 麵身又係啉到死(廚房班人都唔睇單 )之前𠵱間野都成日錯單，建議買外賣打一打開睇先好拎走！

之前無意中發現華明有間一品雲南米線鋪仲有早餐食，係正巴士站度就入去試下，本身無咩期望，點知好味喎，好食過有d茶記，塊多士好鬆軟，抵讚，麻辣好香，柚子蜜吾使加錢我嗅到隔離位杯奶茶好香，下次可以再試埋米線

自從附近個屋邨商場裝修左之後真係多左好多食肆，呢間雲南米線我想試好耐，因為我好鍾意食米線，點知第一次食就中伏。放工後特登行去買外賣返屋企食，最後揀左小鍋酸辣米線小辣($24)加雞絲(+$6)，外賣加一蚊，等左一陣好快就拎得，返到屋企開左個外賣黎睇，勁失望!!首先個米線分量係勁少，女仔都未必夠食，我唔知係咪因為係外賣就會咁細碗，雞絲分量都係勁少同細條，我見到佢地好可憐咁喺個酸辣湯底度收埋自己，而且雞絲好鞋口，可以話係難食，$6 雞絲真係完全唔值。至於個酸辣湯底，連個湯都係得好少，不過聞落去好香，可惜食完好口渴，相信有唔少味精，我都明既，出街食係好難避免味精。總括黎講，絕對唔會再有下次，因為我下次都係食返三哥算!! 

當一品開業冇耐就成日幫襯,開頭都覺得好食, 終於搵到一間食到雲南米線嘅精髓嘅店。尤其麻辣、酸辣湯底, 比起其他店舖, 值得一讚。湯底足料, "麻辣湯底"未食都聞到麻嘅香味, 食個陣唔會覺得只得辣而冇麻嘅感覺。"酸辣湯底"值得一讚係啲酸菜, 唔係間間店舖都會有酸菜。有個鍾情酸辣湯底嘅朋友完全讚不絕口。👍👍 所以成日都約埋朋友一齊嚟食。豬腸麻辣米線。呢間米線鋪, 我食過至少20次甚至double, 堂食外賣樣樣有, 高峰期試過連續幾日都食。所以一定係super fans! 原先打算寫食評大大推薦讚揚呢間小店。不過直到新年後, 店舖質素大大失準。失準到我明明想比好評, 最後首先講返讚不絕口嘅湯底。任何湯底, 雖然仲有麻辣味同酸辣味, 但係多咗一份超濃郁嘅"味精"同"咸"味。咸到食完後大半日都好口渴, 仲會keep住條脷好咸, 飲好多水都沖唔走啲"咸"。就算保持返足夠嘅配料、原有風味都令我不得不卻步。其次係餸嘅份量偏少, 分分鐘車仔麵店嘅份量仲多過佢。 以下係我食過咁多次嘅分享成果1. 丸: 印象中得2、3粒。由於食過蟹子丸同墨魚丸1次覺得頗差, 所以新年前一早已經black list。2.