一團餃子

Open Now

Now Closed

首先，餐廳無話 食嘢有限時。食完坐係度傾陣偈都唔俾！！！店員開口叫我哋走，話阻住佢做生意講緊坐低只有35 mins 咋！！！甘食得快，傾下計都唔俾講真，茶餐廳都無你甘衰啦⋯⋯有啲餐廳講明一小時用餐。但我哋只係坐左35mins 咋簡直不知所謂！嘢食幾好食都無用啦⋯⋯重要，食物勁普通囉食物不過不失，話好食就一定唔係！但員工態度足夠可以blacklist佢想趕客就靠態度如果大家喜歡食餃子，食完即走。可以一試。否則不建議去！

之前路過土瓜灣呢間餃子店好幾次，但次次都冇入去食因為餃子咪又來來去去都差唔多，今次路過又下午茶時間就真係行入咗去試，之前見openrice食評話服務態度差，可能我去嘅時間唔多人又唔太覺服務差，我喺舖外面一早俾款叫鹹蛋黃醬紫菜肉鬆風暴嘅煎餃子相吸引，就叫咗芫荽豬肉料8隻試下等咗約10分鐘餃子就到，同相差不多，上面舖滿肉鬆兼有層薄脆片，就咁睇唔會睇到每隻餃子，夾起一隻試size唔會太大我可以一口一隻仲得，食落去好好食，鹹蛋黃醬好野味，唔洗另外點其他醬油已經夠哂味，餃子咬落口感亦好好，又唔會覺油膩，如果芫荽味再重啲仲正，值得翻啅

原本想搵地方食個下午茶，門口見到這一間簡單的餃子店，但係看似唔簡單入去隨便叫了一碗餃子牛肉麵，他們餃子都有幾個味道，我揀咗係雲耳椰菜餃碗麵送到枱面嘅時候，全部餃子脹卜卜，望落去已經好吸引，牛肉一睇，便覺得似係新鮮的滑牛，從表面已經看到牛肉嘅紋路，完全感覺到好新，唔係那些沙嗲牛肉煮咗好耐嘅感覺第一口食牛肉，沒有失望，只係用好基本嘅調味料便可以令牛肉好好味，重點係牛肉好新鮮好彈牙，到餃子出埸，菜肉比例好好，餃子好好味，好耐未試過有驚喜的餃子揀咗豆漿，豆漿有無糖，食健康啲這間餃子店極力推介比大家，未試過食完一間店就馬上分享

無意中看到新開了一間餃子店～ 店舖裝修都是以木為主～ 感覺都是有點日本Feel~ 下午1點15分左右，店舖都比較爆滿～坐低之後～ 呢度都係自助落單既～ 我用左佢店舖既Code落單～ 我選了和風木魚紫菜煎餃～🤭35蚊有5隻～ 另外我再加左330ml既可樂8蚊，只需再加2蚊就可以有新鮮切既檸檬冰底～ 一個女仔黎緊45蚊左右就已經夠飽😗 講返個和風木魚紫菜煎餃～ 好似章魚小丸子咁～有沙律醬紫菜木魚😋而餃子餡就可以選5個口味～ 我心目中想食栗米豬肉餃子或者大白菜牛肉～ ，今次我首先選了栗米豬肉👍裡面都有好多栗米，整體黎講都真係好好味😋好特別呀～🤗80分👍👍

上個comment個後生女店員我都可以當佢第一日返工唔知掟朋友講返先知，佢嗌咗凍無糖豆漿阿姐店員：冇哂無糖豆漿洗唔洗轉野飲我朋友：咁唔洗啦唔要啦阿姐店員：下取消呀？然後反白眼走咗去其實係你地賣哂點解要反個客白眼仲要俾個客睇到😂 除咗豆漿冇野想飲又有錯？😂食物好食到飛天都冇用，以後唔會再去食，何況只係ok not bad

3人坐4人卡位，有位後生女店員送完我個餐再送我隔離朋友個餐，但擺係我個位度我朋友出聲講：唔該我隻手拎住野拎唔到個餐過黎個後生女店員一句聲都冇出過，竟然係我度拎返我朋友個餐再跨過我個頭遞俾我朋友，即係我同我對面個朋友夾緊麵要即時放低筷子縮開個身俾佢跨過去當時唔係滿坐好忙我朋友隔離同後面係絕對有位行既笑死，唔知以為我朋友隔離後面都有鬼唔敢行過去😂食物都ok not bad，睇黎老闆要多培訓員工

帶住狗狗喺土瓜灣嗰邊經過見到有間小店有outdoor既地方，而且有特色餃子~兩張枱喺出邊都算係大枱，唔會太迫，都坐得好舒服。嘢食方面價錢正常，特色餃子黎講唔貴，食物都幾好食!我哋叫咗鹹蛋黃紫菜肉鬆餃子，揀咗粟米我哋叫咗鹹蛋黃紫菜肉鬆餃子，揀咗粟米豬肉餡~同埋醉雞卷面同麻醬雞絲粉皮！推薦鹹蛋黃紫菜肉鬆餃子！鹹蛋黃味道雖然唔係好重，鹹蛋黃味道雖然唔係好重，但係紫菜肉鬆脆卜卜加埋個口感幾有層次幾好食！以特色餃子嚟講，性價比算幾高~而且可以選擇而且可以選擇餃子嘅餡呢樣嘢幾好！

位於土瓜灣北帝街的「一團餃子」，主打街坊生意， 價錢親民🥰質素都唔錯 有種家嘅感覺🏠⭐️鹹蛋黃醬紫菜肉鬆風暴粟米豬肉餃子加埋脆脆既外皮超正，再將紫菜肉鬆鋪上面，超夾👍🏻⭐️和風木魚紫菜餃韭菜豬肉餃子,煎餃外皮香脆煙韌，煎得好香，油香四溢,配上木魚紫菜，添上點點和風味🇯🇵⭐️椰菜雲耳豬肉餃子餃子大大隻夠晒飽滿，皮薄餡靚，調味適中小食方面也有很多選擇，其中藥膳花雕醉雞卷及麻醬雞絲粉皮也不錯。總結各個餃子🥟都是真材實料，下次經過一定會再來幫襯，推薦推薦👍🏻

餃子好食就梗既，雲吞都出色先驚喜大啖肉，仲有蝦同蟹子，口感幾好個面仲要無鹼水味平時經過來食碗岩岩好最中意佢出面個位，可以帶寵物過來發現呢間店完全係因為呢個「寵物位」，可以停低食下野。係寵物友善既餐廳講番個特色餃子，我會形容係似章魚燒既餃子，滿足到想食好西既願望，又可以填飽肚jeng 出面好似都唔多覺呢款整法，幾有創意Btw餃子來講，真係大大粒，一個女仔食8粒都飽曬，食唔到其他。建議點餐時可以點住先，怕食唔曬😂

第一次嚟叫外賣試下，見到啲餸幾大份應該足料，叫左三碗外賣湯麵，共銀$154。其中一碗餃子湯麵，湯/麵本身係分上，打開個麵見裡面有點黑色，不以為意，倒啲湯落去成隻黑色蟲浮上嚟，好在我睇到，呢碗係俾個女食嘅，睇唔到食埋點算，好嘔心，仲要咁大隻有乜理由煮果位師傅睇唔到，本身唔係話忙到甩轆，睇都唔睇就出菜。真係有冇搞錯！知道小店需要生存空間，但都應該要保持應有衛生同埋質素係咪呀！？！後續：拎番落店退款，肯定唔會再幫襯！

除左初開店幫襯過一次之後都冇再食過，見出左個肉燥拌麵(除左碗麵冇嗌其他野食)，諗住外賣試下啦落左單之後咁我去埋粥啦，諗住都冇咁快，反正買個粥都用唔到幾多時間，再番去攞應該都差唔多，咁我買完番去，見到我前面買嗰個人拎左啦，下個實到我啦又等左陣，連我後面no.既都拎得，咁我忍唔住問下到我no.味，個呀姐望一望我張單行番入行，一句都冇講，咁我諗住佢係入去check下啦點知等下等下，我下個再下個no.都拎得啦，我終於忍唔住問收銀個哥仔，我呢個no.重要等幾奈先有，突然我望到佢後面有袋外賣，就係我個no.，個刻真係好嬲，我問個呀姐又唔答我，到我衝入去問先話，頭先嗌過呢個no.，冇人應所以放係到我行開左，外賣又搞掂，放係到冇問題既，不過有乜理由我問完拎外賣出黎既呀姐，都可以對我愛理不理既，你話好忙真係唔係忙，重有時間企出餐位傾計既，可能老闆唔憂做啦咁個肉燥拌麵，唔係唔好食，只係普通，不過分量偏少，食完都唔太飽

🥟位於土瓜灣的一間新式餃子店 主打自家製餃子餃子超級大舊 滿滿既餡料😍之前見過唔少人係YouTube推介過 果然無講錯✨餐廳選擇幾多 齋餃子都已經有多過五款！適合唔同人既口味😛而且麵都有湯麵或者拌面同埋各式各樣既小食我下次一定要再試其他野🌟鹹蛋黃醬紫菜肉鬆風暴 配大白菜牛肉餃🤤 ($35)鹹蛋黃醬 係沙拉醬加入少少鹹蛋黃💛 幾特別面頭灑左好多紫菜肉鬆 脆卜卜好幸福上面配料有少少重口味 可能會有少少搶左原本餃子餡料既味道所以要試真d餃子既味道👅 我決定分開黎食！我食左一啖齋餃子 牛肉味好香 油脂感豐富 而且裡面既白菜脆脆哋 令到口感更加豐富 高質！煎餃無脆皮 但係餃子皮係超級薄👍🏻涼拌雞絲胡麻醬麵 ($45)麵係幼麵 都幾爽口 都幾多青瓜同埋雞絲 而且麻醬好香👀份量幾多 都幾抵食味道：🥟🥟🥟🥟/5 📍 一團餃子 (土瓜灣)地址：土瓜灣北帝街101號地舖

路過被店名吸引， "一團餃子", 試下呢團餃子好唔好味叫咗比較大路嘅韭菜豬肉同粟米豬肉湯餃。餃子皮係比較薄嘅， 可以輕易睇到餃子皮下嘅肉餡。 韭菜豬肉餡料豐富，滿滿嘅韭菜香搭配豬肉，係熟悉嘅好味道。另外，粟米豬肉餃嘅粟米清甜，為軟身嘅餃子增添一絲口感， 幾好食呢。湯底方面，店家無講明係咩湯底，只係食到好平常嘅清湯， 如果可以有湯底選擇，相信會更正，有時候食餃子都想飲埋個湯底呢另外叫咗金翅掂鳥荔枝錫蘭紅茶，紅茶茶底不俗，有回甘味。荔枝嘅香氣令紅茶更易入口，清新之作

小店位於土瓜灣帝街，算是一間新派的餃子專賣店。餃子的煮法可以有蒸、放湯或煎三種，選擇都唔少！自己今次選擇了「和風木魚味」的粟米豬肉煎餃！這兒的餃子皮算是厚薄適中的，但一定不像甜記餃子用上薄餃子皮。餃子的菜：肉比例接近6：4，入口肉汁特別豐富。至於「和風木魚味」則像章魚小丸子一樣，在煎餃上加木魚，紫菜碎及沙律醬，味道像章魚燒，外皮有少少的香脆，入口卻是菜肉粟米餃子，口感配搭幾特別，味道亦唔錯。以此質素，值得再來，下次會試一試湯餃。

呢間餃子鋪嘅餃子真係唔錯㗎！啲餃子皮唔會太厚，仲有啲咬口，而且餡料實在好味道，啲肉汁夠多夠鮮美，一口咬落去就會噴汁，好過癮！如果你鍾意啲脆嘅口感，可以試下佢哋嘅煎餃子，啲底煎到金黃脆脆嘅，啲餡都煎得好香口。而且佢哋嘅餃子仲有好多款唔同口味，一定有啲款啱你嘅口味。不過，啲餃子啲價錢就唔算太平，如果你係追求平價嘅話，可能要搵啲其他餃子鋪啦。但係如果你追求品質同口感，呢間餃子鋪絕對值得一試！不過，餃子鋪嘅座位唔算多，有啲位都幾擠迫，可能唔啱大班人一齊去。而且因為呢間餃子鋪嘅都多人試，有時候會等上一陣先有位，所以如果你唔想等嘅話，最好叫外賣。