一生懸麵

Open Now

Now Closed

同朋友路經九龍灣食lunch，佢想食個暖笠笠嘅拉麵，我哋就去咗呢間拉麵專門店。呢間舖頭，裝修開揚，裝修簡單企理。可以望到廚師煮麵嘅過程，好有日本拉麵檔嘅感覺。海老拉麵:海老拉麵看起來相當吸引人，尤其是它擁有流心蛋和大量蝦仔，打卡一流！豐富的配料為這碗拉麵增添了豐富的口感和風味。流心蛋的蛋黃濃郁，與湯頭和麵條完美融合，為湯汁增添了豐富的滋味。大量的蝦仔為這碗拉麵帶來了鮮美的海鮮風味。這碗海老拉麵結合了濃郁的湯頭、彈牙的麵條和豐富的配料，非常美味。特濃豚肉沾麵:豚肉的濃郁口感和濃厚的湯汁，好正！豚肉的質地柔軟，與麵條完美結合，使每一口都充滿了豬肉的香氣和鮮美的口感。湯汁的濃郁程度為這道料理增添了濃厚的味道，使得整體口感更加豐富。雞軟骨棒:雞軟骨棒球外層酥脆，內層柔軟，加上沙律醬吃，又香又啖啖肉，好好食！煎餃子:煎餃子的外皮薄，煎到酥脆，內部則充滿了豐富的餡料，咬落多汁，令人想一吃再吃。

平時經過得寶商場都會想食一生懸麵，但係次次都好多人，今次趁有時間一開門就試期間限定檸檬柚子拉麵🍋，唔洗排隊真好。檸檬柚子拉麵🍜每日限量30碗，12:00/18:00 開始各15碗，想食都要睇時間。呢款拉麵感覺較清新，用豚骨柚子做湯底，配上檸檬，慢煮豚叉燒同雞叉燒，食多啲都唔會膩。我仲另加咗慢煮豚叉燒同叉燒，2款都好淋，叉燒用火灸更香口。湯底酸酸地有柚子香味，同豚骨湯都很夾，味道幾特別。小食試咗煎餃子🥟，外層香脆味道唔錯。另外章魚燒外脆內軟，加上醬汁，一粒一口剛好。飲品我喜歡冷泡茶🍵，解膩又健康。有桂花烏龍/白桃烏龍，茶味清香，很舒緩的感覺。仲有美白肌膚或排毒祛濕功效，2款我都鍾意。

天氣都仲係好凍🥶每日都想食熱野😌但唔可以再打邊爐再食燒肉啦🫣真係太熱氣🫢今晚想清清地食嗰拉麵🍜簡簡單單暖吓肚🥰🐷 白湯豚骨拉麵 ($72)一款味道濃郁嘅湯頭，但濃而不膩👍🏻拉麵屬幼身，更易掛湯☺️慢煮豚叉燒肥瘦參半，肉質軟熟，如果再厚少少就正啦😋🐣 雞白湯拉麵 ($95) 一碗純白鮮甜嘅雞白湯，既濃郁又creamy😋配料有慢煮嫩滑嘅慢煮雞叉燒同豚叉燒🐷我再咗加$20加多三塊豚叉燒😋滿滿嘅肉，好豐富😝📌 一生懸麵 九龍灣牛頭角道3號得寶商場地下121號舖📍 其他分店旺角通菜街73號地舖荃灣富榮街7號富裕樓地下7號舖

落住毛毛細雨唔知食咩好，淘大轉左一圈無咩想食，又黎到得寶睇下，天氣涼涼地食碗麵都好，就到左一生懸麵。原來九龍灣店有個新限定，就試佢先，咁肚餓再叫多幾款小食，呢度小食嘅價錢比其他拉麵店親民😋⭐檸檬柚子拉麵檸檬同柚子本來同拉麵無乜關係嘅野，加埋一齊又意外地夾喎，湯底變得清爽許多，入口有酸甜感，仲有柚子香😋雞叉燒同豬叉燒都好食，麵條有咬口，最正係爆流心嘅溏心蛋😍⭐辛辣拉麵+慢熟豚叉燒+加麵底朋友話一碗唔夠飽要加底，再要多肉先滿足到口腹之慾😆碗麵黎到滿滿都係肉好吸引！湯頭有辣勁但不嗆喺，飲落鮮味，呢款用上粗身拉麵更有咬口，加底的麵同樣有嚼勁，食晒兩碗好滿足🤤⭐章魚燒比坊間食到嘅細粒啲，但軟綿綿又多醬，正喎🤤⭐雞軟骨棒有驚喜喎，入口係軟腍係的雞肉棒，但中間有雞軟骨，口感一流🤤⭐煎餃子呢度嘅餃子唔油膩，因為佢唔係炸又唔係煎，係用光波爐的，夠香脆！點埋個餃子醋更好味😋⭐SAGE冷泡茶白桃烏龍見口渴叫支茶飲下，用台灣茶包的呀，茶味清香👍食左好多野好滿足，好味到湯都飲晒😍

朋友請食沾麵，九龍灣地鐵站行過去，好快就到，在商場入面。舖頭好細，一眼見晒。開放式廚房。選擇好直接俾店員。魚介豚骨沾麵 $82 + 慢煮豚叉燒$20豚骨湯非常濃郁，面要標準，軟硬適中，非常之順滑。慢煮豚叉燒 $20 有3塊。豚肉叉燒非常薄切，味道一般。特濃豚骨沾麵 $82 總括來說，沾麵係比較特別的，麵加上濃郁的湯。食完唔夠還可以特別加麵或者加湯直接飲。以沾麵的麻煩價錢不算貴，可能係因為地區性的關係。久唔久來吃一碗，感受吓日本🇯🇵的拉麵還是不錯的。

一生懸麵拉麵祭🎏三間分店三款不同限定拉麵💮九龍灣分店有每日限定30碗嘅檸檬柚子拉麵！🍜雞白湯拉麵 ($95)慢煮豚叉燒 (+$20)雞白湯拉麵湯底濃郁，飲到高湯嘅味道🥰拉麵爽口彈牙，掛湯一流☺️呢碗拉麵份量麵唔少架，雞肉都比咗2件大大片，咬落肉質鮮嫩，唔夠食嘅仲可以另外係配料加叉燒，咁就一定夠飽啦🤣🍋檸檬柚子拉麵 ($75)呢個期間限定拉麵超抵食！配料有齊慢煮叉燒、慢煮雞胸、糖心蛋，超級豐富🥰健康材料配檸檬柚子湯底，感覺好清新，仲有三片檸檬裝飾賣相唔錯👍🏻🥟餃子 ($29)餃子有5隻，粒粒都脹卜卜好飽滿🤣咬落去個皮幾脆，好有咬口，不過略嫌其中1隻餃子皮炸得有少少硬身，其他方面做得都唔錯☺️🍢章魚燒 ($29)章魚燒質地係偏淋身嘅，配上沙律醬、木魚絲、紫菜等配料☺️章魚幾大粒，幾有咬口👍🏻🍂白桃烏龍/桂花烏龍 ($20/bottle)呢2款烏龍係SAGE出品，茶味幾香濃，白桃烏龍飲落有少少回甘嘅感覺，而桂花烏龍就好清新☺️

特濃豚骨沾麵（$82）豬骨湯真係好濃厚，唔會太鹹！🤭面底有得揀柔軟度，呢一點幾貼心！佢嘅叉燒係用半肥瘦豬肉，現場燒成，雖然問落幾香，但豬肉略為嚡同埋乾🥲幾配上筍片、半隻半熟蛋、燒過嘅豬腩片，女仔啱啱好夠飽，男仔就未必夠飽🤔辛辣沾麵（$82）辛辣沾麵湯係用魚介清湯底，個湯底真係幾辣嘅嘢味🤣個人幾鍾意😋如果唔食得辣嘅人慎選！整體嚟講呢一間係性價比好高嘅沾麵舖頭，分店位於九龍灣，旺角同荃灣都多嘅。如果突然之間想食沾麵，又唔想去到中環咁遠，呢間就會成為首選😋

👧🏻😋👅🍽✨期間限定🍋必試檸檬柚子拉麵😍-一生懸麵🇭🇰 九龍灣牛頭角道3號得寶商場地下121號舖 🇭🇰-🍜 九龍灣咁多野食但拉麵店真係得佢, 抵佢做到冇停手; 有一排高腳凳亦有兩張四人枱🍜 店員同廚房都係後生仔女有energetic vibe-🍋 檸檬柚子拉麵 $75叉燒 $18💯期間限定新款式, 早兩個禮拜食過都未有, $75有慢煮叉燒, 慢煮雞胸再加隻糖心蛋勁抵, 另外都加左份普通叉燒💯本身以為個湯會好清同偏酸, 但原來柚子似出面食既柚子胡椒, 微微辣辣地個湯好香濃, 幼麵超掛汁-🍲魚介豚骨沾麵 $82慢熟豚叉燒 (三片) $20✨豚骨湯熱辣辣, 撈埋上面魚介粉好鹹香, 配有普通叉燒燒到焦香, 沾湯食fit晒✨慢熟豚叉燒嫩滑juicy帶少少肥, 沾湯熱食或就咁食都各有風味-🍢🥟小食 $29/份💯雞軟骨棒: 雞肉包住粒粒軟骨, 淋上燒汁再加蔥花幾香💯章魚燒: 5粒章魚燒算幾抵, 皮香脆章魚彈牙💯煎餃子: 餃子皮比較乾身, 點餃子汁酸酸地幾開胃

今日咁岩又去左九龍灣睇戲，睇完戲有啲肚餓，突然醒起之前食過好高質嘅一生懸麵，所以特登去九龍灣得寶商場醫一醫肚先。  今日好好彩，去到唔見人龍，唔駛排隊直接入坐。 海老拉麵 ($88) + 慢熟豚叉燒-3片(+$20) 海老拉味鋪滿左好多櫻花蝦，湯底係用鮮蝦淆製，每食一啖拉麵都夾雜住櫻花蝦同濃蝦湯，好鮮甜。慢熟豚叉燒好淋好香，又唔怕好似平時啲叉燒咁肥，適合怕肥膩人士。 白湯豚骨拉麵 ($72) + 慢熟豚叉燒-3片(+$20) + 半熟蛋 (+$12) 白湯豚骨拉麵湯底係用豬骨淆製，但湯底唔怕好多油。 章魚燒 ($29) 章魚燒新鮮製造，上檯時仲係熱辣辣。上面鋪滿木魚碎，紫菜同沙律醬，好香好好味。 雞軟骨棒 ($29) 呢個棒有驚喜，雞肉包住搞碎嘅雞軟骨，口感好豐富。 飲品 冷泡茶-桂花烏龍，Coke Zero。 每次食完一生懸麵都好好滿足。無論味道定價錢都勝過好多拉麵鋪，而且唔駛加一。佢間中都會有一啲期間限定嘅拉麵，每次黎都會有新鮮感，值得一試再試。 

呢間好出名嘅拉麵小店，次次都要排隊？究竟有無啲人講到咁好食⁉️🤔今日12點左右去到，坐低之後陸續都keep住有人入座，小店座位唔多所以好快已經要排隊喇🍴白湯豚骨拉麵◽️豚肉半肥半瘦 又唔會太薄，同埋面頭有燒過 食落都幾香，唔錯◽️配有半隻溫泉蛋，但係覺得酒香味唔夠◽️拉麵我揀咗標準，但上枱淋咗少少🤏🏻可能落單揀返(較硬)食落會爽口啲◽️湯底偏咸🫢食完好口渴◾️豚肉可以讚一讚，但整體比較普通，不過價錢相對平民 都可以接受啦~

今日放工約左朋友去九龍灣得寶花園搵野食, 經過一間拉麵店看似不錯就決定試下喇店內氣氛: 充滿日本風氣, 日式裝修白湯豚骨拉麵加紫菜 ($72 + $10 = $82): 豬骨湯味濃郁, 拉麵本身配上兩大塊叉燒, 叉燒肉質鮮嫩多汁, 口感香甜仲有半熟溏心蛋, 帶有些許的甜味和奶油感. 另加的紫菜份量多, 有4至5塊, 夠晒鮮美口感雞白湯拉麵加紫菜, 溏心蛋, 椰菜 ($95 + $10 + $12 + $12 = $129): 相比起豚骨湯底, 雞湯的確比較清淡得黎, 又有點雞肉香氣, 口感柔滑, 有一絲的甜味. 溏心蛋質地非常柔軟. 值得一提的是椰菜, 性價比高, 有一大碗, 食落去夠晒清爽燒餃子 ($29):餃子的皮煎至金黃酥脆, 肉質鮮嫩多汁, 完全感受到餡料的香氣和口感的層次章魚燒 ($29):外層酥脆, 內部蓬鬆, 配合章魚的鮮味與麵粉的香氣相融合簡單一句, 性價比高, 可回頭

旺角分店就食得多啦，第一次去九龍灣呢一間分店估唔到都係好多人流都需要排隊，但係都唔阻止我對佢嘅熱愛坐低嗌咗一碗野菜生拉麵勁多椰菜另外嗰日個湯好好味好夾同個面咁另外嗌咗個白骨豚肉拉麵個湯比椰菜生晒濃少少，但係我覺得就被粗麵好食，而且有兩大塊個豬叉燒超級好食咁但係因為食嘅時候身邊都好多人 所以搞到食到有少少急咁另外仲加咗個餃子煎餃子小食咁都煎得好脆口食落去都唔會好油咁整體都係不過不失，但係我自己都比較鍾意食

之前食過幾次旺角店，最近先知九龍灣有分店。一生懸麵都算出名店，旺角店要排長龍。九龍灣店比較隱世，喺得寶商場入面。白湯豚骨拉麵拉麵係用較幼身嘅麵，麵質有得揀硬/標準/柔，揀咗標準煙韌，口感剛好，有咬口。拉麵嘅白湯比沾麵湯柔身清爽，飲落味道濃郁，配有紫菜/半熟蛋/葱/筍，加左廿蚊要慢熟豚叉燒，都有4/5塊，抵食👍🏻魚介豚骨沾麵 天氣有啲涼，沾麵揀咗熱麵，可以走蔥。沾麵比較粗，個人好鐘意呢個粗度，勁有口感。魚介湯味道突出，比豚骨湯多左份魚鮮味，湯入面仲有幾粒大大粒嘅肥美叉燒粒。配料有兩塊叉燒，火炙後好香口。呢碗都加左慢熟豚叉燒，滿滿嘅肉香，啱晒食肉獸。小食叫左雞軟骨棒同章魚燒，每款都只係29蚊，好抵食，味道都唔錯👍🏻白桃烏龍冷泡茶同有氣茶值得一試7/80港紙就食到一碗高質素拉麵，真係性價比極高。

之前推出花生醬雪糕拉麵，今期夏天更加推出柚子雪糕拉麵，去嘅時候未開門已經有10多人排隊，想食就要早少少去等啦！⭐️柚子雪糕拉麵 $98本身湯底已經係柚子豬骨湯，飲落去比較清爽，加埋柚子雪糕柚子味更重，好啱夏天食！雪糕係用咗想甜嚐甜既柚子雪糕，食落似雪芭，同湯底都幾夾，反而甜筒冇想像中咁容易浸淋，亦都唔似腐皮🤣呢款雪糕拉麵係用咗粗身拉麵，彈牙煙韌！⭐️白湯豚骨拉麵 $69食完柚子雪糕拉麵之後，呢款豬骨拉麵就啱啱相反，湯底濃郁重口味，配上幼身拉麵！亦都鍾意呢度嘅豚肉肥瘦適中！覺得兩款拉麵各有特色，而且都好好食😋

行過呢間小店，外表唔起眼，但係香味撲鼻而出，就知道有好嘢！跟住肚子嘅召喚，率先點咗碟炸雞翼，啱啱好嘅酥脆🍗，外皮炸得金黃又唔油膩，咬落去肉汁四溢，香口得嚟唔會太乾，咸香啱口。轉個頭，又嚟咗碗牛腩麵🍜，啖啖肉嘅牛腩好入味，肉質腍滑，麵條爽口得嚟保持恰到好處嘅彈性，湯頭鮮甜，每一啖都有種暖呼呼嘅家嘅感覺，真係滋潤到心坎入面去。最後，點支甜品—楊枝甘露🥤，甜而不膩，多種水果味道兼容並蓄，每一啖都好似玩緊味覺嘅遊戲，清新舒服。真係飲食界嘅小確幸，使到成個人都暖笠笠嘅。下次再黎，我一定要試埋其他款！呢個地方，真係正！