一番日本料理

Open Now

Now Closed

又黎食在元朗系列，話說之前行過呢間番日本料理俾佢門口個餐牌吸引左，最平29蚊一份午餐，無錯係29蚊，有燒鯖魚或吉列豬排選擇，即刻記底左諗住搵日試試。今日放飯同同事過黎試試，餐廳開12點我地都準時到做第1枱客人，12點半左右學生放飯都開始坐爆成間餐廳，如無記錯有學生優惠免加1再送飲品，真係超抵食，由於小店面積唔算大，但都有超過10張枱，所以人多時可能會迫少少。落單方式係填點心紙，枱上都有壺熱水同茶紙杯自己沖茶，個茶紙杯幾得意底下有層紙蓋住d茶葉加熱水落去就咁沖，但我沖完就飲唔出茶味，都係似飲水多d。汁煮金菇肥牛飯+前菜沙律甜品小弟揀左呢個，由於想試多d野另加外加左$10多個前菜，蟹籽沙律同甜品，先講前菜就係秋葵，個人其實麻麻地鍾意，但佢加左d芝麻醬同木魚，食落又幾ok，蟹籽沙律份量一小碗，有d青瓜絲同蟹柳絲同蟹籽，沙律醬都幾多下，叫左正常啦無咩特別之處，另外麵豉湯就本身個餐有既，唔會太咸配料都有d昆布同豆腐。好啦講返個正餐，飯就珍珠米煮得岩岩好，飯量都ok，肥牛就普通肥牛啦有d位少少韌，接受到，金菇都好入味，汁底我覺得偏咸dd，都接受到，好送飯d，呢個價錢呢個質素，合格有多啦。甜品有泡芙

一番日本料理📍 元朗教育路29號地下C舖要數元朗日本嘢，最平嘅真係非一番莫屬，因為價錢貼地勁親民，性價比仲要好高，所以多年嚟都收到元朗國國民同學生歡迎。 💰$38滑蛋吉列豬扒丼 🐖唔好睇佢咁平，其實呢個滑蛋吉列豬扒丼非常足料，滑蛋份量大入面仲有好多洋蔥，調味調得好好，好送飯！炸豬扒亦都好大塊好厚，脆漿好脆口，豬扒一啲都唔韌，好有咬口！飯量亦極多，差唔多有成碗半飯！仲要有麵豉湯，胃口比較細嘅人應該食唔晒。順帶一提，普通嘅吉列豬扒定食同鯖魚定食都只係$29咋，平到傻，簡直就係窮人恩物！重點係佢嘅味道一啲都唔差，雖然未去到正宗日本料理嘅味道，但以港式日料呢講已經做得好好，所以我經常都會幫襯佢！午市套餐仲可以加$5配自選壽司一款(兩件)、加$10配前菜、沙律及飲品或加$5配冷熱餐飲。學生著校服仲可以免加一同送$5餐飲一杯，真係抵到爛！超級推介長期糧尾嘅朋友過嚟食，唔洗好多錢但都可以食到飽一飽！

🍣元朗元祖級大大件🍣今次就唔係食大大件係食左個🤑好抵食既下午茶優惠價就食返正常Size都好合理~.2件吞拿魚壽司 $152件海虎蝦壽司 $152件芥辣八爪魚壽司 $152件油甘魚壽司 $182件京蔥拖羅茸壽司 $182件三文魚壽司 $15奶醬多士 $13冷喬麥麵 $28熱奶茶 $5.日式港式都有既下午茶餐價錢真係勁親民🍣唔會腥味道正常 份量合理 冷喬麥麵好大兜多士都夠脆平平地又可以食到🍣又唔洗排隊🤭.📍一番日本料理📌元朗教育路29號地下C舖

我記得係早十幾年前，元朗呢個地方都仲係好荒蕪，但係我知道呢到好出名係大大件嘅壽司店🍣唔知大家有冇印象☺️咁而家嘅元朗同以前就好唔同啦，依家就當然係新氣象、好熱鬧。同屋企人呢重溫舊地去到一番壽司試吓元組級壽司。先叫咗個三文魚軟殼蟹卷，比我印象中細件左好多跟住我哋就散嗌左啲壽司同埋蟹子沙律左上角係象拔蚌刺身，但食落口感唔係太好，比較靭。今次返嚟元朗諗住尋找回憶，但係已經冇我想像中咁好味囉。我記得以前晚飯時間出面係排晒隊，而家都已經冇人龍啦

一番日本料理聽朋友講哩間日本料理餐廳性比價幾高，今日就入嚟試一試。店舖帶有日本風裝飾，感覺舒適。-------------------------特1 牡丹蝦(原隻)+鮮帶子(4片)+三文魚(3片) $88賣相唔錯，3款刺生都新鮮鮮甜鮮帶子好嫩滑三文魚紋理分明，幾香三文魚油味海膽蛋白帶子炒飯 $100哩份海膽炒飯嘅海膽係成片海膽放喺炒飯上方，成啖咁食更食出海膽原味。海膽呈橙黃色，口感細膩，入口即溶，海膽味濃☺️炒飯粒粒分明，中間夾雜咗蛋白同帶子，口感豐富鹽燒牛舌 $23牛舌肉質軟腍，中間好juicy，唔韌得嚟好有😋鹽燒大蝦 $23Size 唔細，鹽燒過後蝦味更出，蝦肉一啲都唔乾，好食鹽燒三文魚頭(半邊) $68三文魚皮燒得好香脆，中間嘅魚肉好香滑，魚雲部分唔腥而油脂嫩滑，推介哩度嘅鹽燒燒物都處理得唔錯，夠入味又香口。-------------------------整體嚟講，食物價錢唔算貴，質素幾好，抵食👍👍一番日本料理地址🎈元朗教育路29號地下C舖

平時都有留意呢間日本餐廳開左好耐，今日抽空過來食晚餐，剛好遇上做大割引，性價比高。就係俾呢張「超人氣大割引」吸引到。赤蝦刺生$11/隻本身以為咁平無期待，但估唔到size 都吾細，大大隻感覺真係好抵，而且味道鮮甜，非常超值。一共order左4隻，才$44元。刺生拼盤$68又一抵食必點，包括：三文魚2片，油甘魚2片，帶子2片，北寄貝2片，北極翡翠螺1隻，呢個價錢不要求厚切，但其實也保持一定的質感和厚度，質素亦對得起價值。性價比絕對高質。赤貝壽司$12/件，赤貝有一定厚度，爽口鮮甜。京蔥拖羅茸壽司$18，份量足够，拖羅茸與壽司飯是完美組合。呢度啲壽司飯都係比較大件，啖啖飯啖啖肉的。炸軟殼蟹手卷$68/2本軟殻蟹係即叫即炸的，仍然保持熱度和脆香味道，外層紫菜的脆與飯的軟度加埋軟殻蟹的脆香，一咬落去有幾層口感幾種享受。芒果鮮蝦蟹子沙律$52一定要較勻，令每一片青瓜絲都充滿沙律醬，青瓜絲的爽嫩再混合芒果粒的甜香味，令味蕾帶來更大享受，清清爽爽好自癒吖。什菜天婦羅$43有炸南瓜，炸番薯，炸日本豆角，炸菇，炸茄子和炸青椒，即叫即炸，放入口都仍然有熱度，外脆內軟，外香內甜，為舌尖帶來福利。近期吃的日本

今日去咗元朗遠近馳名嘅呢間一番日本料理度食午餐餐廳係喺區內屹立多年嘅日式小店 主打平靚正午餐時間嚟到人太多 座位都夠闊落 裝修乾淨企理 因為唔太肚餓只係叫咗兩款刺身包括加州原板海膽 同埋日本帶子刺身加州原板海膽一份有五格 每格有兩大片海膽非常厚肉粒粒分明 顏色係鮮橙色證明非常新鮮 味道甘甜鮮味 重點係指係$148超值呀帶子刺身4片$32 顏色白雪雪咁 口感一流鮮甜無比 價錢又唔貴 埋單都係$198 一個人都可以豪食日本嘢 超值啦

住左大西北咁耐，都未試過位於教育路嘅「一番日本料理」，最近街坊們熱烈推介，仲話餐廳標榜食材由日本搭飛機運抵香港，所有食材都好新鮮，既然係咁，我就真係要試下啦。坐低之後店員就放低左個紙杯，細心留意下原來佢裡面有茶葉同茶隔，真係好特別呀，我都係第一次見咋。餐牌上選擇都好多，刺身、小食、鍋物、定食、拉麵樣樣齊。野菌雜菜豆腐鍋 ：野菌雜菜豆腐鍋相對輕盈，湯底選擇好多，有清湯，蕃茄，豬骨，醬油，麵豉，朝鮮同埋地獄。鍾意食蕃茄嘅我，當然揀左蕃茄啦，湯底非常香甜，蕃茄味香濃，配菜有好多，包括油揚、野菌、雜菜、豆腐、茄子，翠玉瓜、紅蘿蔔、南瓜同埋金菇，一路食一路用匙更去尋寶，越搵越多配菜，真係令人有驚喜。至於粉麵方面就有水晶粉，如果喜歡嘅話，可以加＄10轉烏冬底，或者＄20 轉稻庭烏冬。刺身方面都好多選擇，除左單點之外仲有預設組合，今次就揀左牡丹蝦/鮮帶子/三文魚。牡丹蝦（原隻）+鮮帶子（4片）+三文魚（3片）：牡丹蝦 :牡丹蝦賣相相當吸引，入口鮮甜。帶子：帶子好有彈性，味道鮮甜，入口滑嫩。三文魚:三文魚非常新鮮，肥美甘香，油脂分佈平均，入口鮮甜，配埋Wasabi食，整體味道非常夾。總括來講，刺身都算

今日又係元朗小店特輯🤭 之前已經聽過元朗一番哩個大名好耐，聽講係性價比極強既小店，今日終於去左試一試！我地前菜要左個2人前既粟米蟹籽沙律（$38），1個是日便當（$68），1客三文魚奇趣卷（$52），1客赤龍卷（$50）同1客水牛芝士年糕捲餅（$35）個是日便當的確不錯，晚餐竟然食到70蚊內既set，炸雞有驚喜，入口外脆內軟，三文魚同油甘魚都好厚身。味噌湯有好多海帶，正👍🏻三文魚奇趣卷可以一口一啖，入面有啲脆脆赤龍卷會跟埋一個黃色既汁，原來係芒果乳酪味，本身唔點汁都ok，但點左汁感覺有兩個唔同既食法，唔腬得黎好fresh🌱水牛芝士年糕捲餅，外層年糕脆卜卜，咬落去煙韌軟糯，芝士拉絲流心👍🏻👍🏻2個人食到捧住個肚都係每人130蚊左近，值得推薦😁

呢間用既食材真你由日本搭飛機運抵香港架！！所有食既全部都似番左日本咁好好好新鮮呀珍寶赤蝦刺身 (1隻）蝦頭同蝦身非常大隻，新鮮，爽口又彈牙，真係啖啖肉呢時令生蠔（1隻）肉質肥美新鮮又甜，口感一流，無金屬味和海水味亦不重，想食得有層次感可以加檸檬汁😜網池魚(原條）肥美，重油香果，入口魚油細膩，配埋磨碎左嘅薑蓉+芥末，呢種食法好新穎三文魚奇趣卷（8件）食物如其名 ，壽司外層仲有芒果醬同埋芥末醬，食落好正啊韓國年糕捲餅(水牛芝士）一定要食呀，非常拉絲好重芝士味，店員話呢個係必食三文魚2片＋油甘魚2片+帶子2片＋北奇貝2片+北極翡翠螺1隻 兩個份量食刺身，食唔到咁多，揀呢一個就最好不過，分量剛剛好，新鮮刺身！

餐廳標榜食材由日本搭飛機運抵香港，所有食材都好新鮮珍寶赤蝦刺身 (1隻）$11蝦頭同蝦身都好大、新鮮、爽口彈牙，咬落啖啖肉時令生蠔（1隻）$15肉質肥美，鮮甜，口感Creamy，金屬味和海水味不重，更能突顥它的鮮甜，有獨特的甜味! 想食得有層次感啲，可以加檸檬汁😜網池魚(原條）$138肉質鮮嫩肥美，重油香，入口魚油細膩，配埋磨碎左嘅薑蓉+芥末，呢種食法好新穎，仲有3舊迷你池魚壽司🍣三文魚奇趣卷（8件）$52食物如其名 ，壽司外層仲有芒果醬同埋芥末醬，食落好fresh韓國年糕捲餅(水牛芝士）$35有冇芝士控？🧏🏻‍♀️一定要食，非常拉絲好重芝士味，店員話呢個係必食三文魚2片＋油甘魚2片+帶子2片＋北奇貝2片+北極翡翠螺1隻 $68兩個人食刺身，食唔到咁多，揀呢一個就最好不過，分量剛剛好，新鮮刺身，完全唔腥

說實話，搵到一番是種意外，一種偶遇，一種甜蜜滿足的胃口碰撞——滿足於一番嘅份量，甜蜜於一番嘅鮮甜——1/ 特4 （$68）魚生好新鮮，好彈牙，要講嘅係親故鼓勵下本橘嘗試左人生第一口海膽，好鮮甜，一啲都吾腥，一放入口就溶化係口腔，好Full 嘅味道，一改本橘對海膽嘅偏見，值得再試！-2/ 鹿兒島豚肉蜆肉鍋 （$68）湯底好甜，有少少少少辣味，飲落成個人暖晒，好舒服，宜加諗返都好回味，豚肉好多，好多菜，CP值好高，仲有粉絲，好滿足-3/ 燒鰻魚定食（$76）本橘All time Fav，燒鰻魚好大條好闊身，而且肉質好結實，吾會好梅，配埋珍珠米，真係好好食好滿足-4/ 舖頭送嘅甜品雖然吾知高姓大名，但係抺茶味好濃，好煙韌——好sweet，好滿足，值得再來

平時經過都見到好多人， 一路未有機會試. 打完疫苗經過五點半未有人喎，試下先😬😬剛好肚餓地方唔算太大 ，大座位乾淨企理店員服務都周到👍👍六點前仲有優惠時段添 當然唔放過啦🤭🤭刺身壽司丼飯拉麵食物 菜式都好齊全帶子刺身，有番咁上下厚度 大赤蝦真係超級大隻呀，個頭仲好多高添😝😝馬刀貝一向都特別喜歡💕喜歡他的脆口 鮮甜！壽司大概八至十八蚊左右兩件.當然唔可以媲美成千蚊先食得飽嘅高質日本餐廳啦🤣🤣但以呢個價錢呢計絕對高質cp值好高！而且仲好新鮮即叫即整蟹子壽司堆滿曬芥末八爪魚魷魚🦑彈牙鮮甜蟹膏蟹柳軍艦 蟹味濃郁，好味😋左口魚邊 炙燒就更加正呀好肥美而且仲好大塊添有相當厚度😌😌食日本嘢兩人200蚊已經夠曬飽了真係絕對抵食推介

同男朋友仔去元朗剪頭髮， 剪完都夜晚八點幾， 就決定o係附近食好嘢。 途經一番門口， 就被佢門口既「超級大割引」吸引， 有我最愛吞拿魚、翡翠螺螺肉，海膽刺身配搭。之後門口姐姐俾左餐單我地睇， 估唔到都有好多食物既選擇， 價錢都好親民。我地最尾叫左芒果鮮蝦沙律，一set刺身， 野菌雜菜豆腐鍋，同三文魚手卷。食物質素同味道都唔錯，特別佢個手卷好足料，每一啖都有三文魚o係入面，食完好滿足。☺️而且食到最尾有甜品送，一人一杯雪糕，雖然唔係大牌子，但味道都ok😋。

係元朗行下到了晚上，又係時候搵食，好耐冇食過日本野，上網有幾間心水日本野，揀了一番，據聞出名係巨型相撲壽司(三文魚刺身有成八寸長)，仲要唔貴，一於去試下，假日19:30去到，要等位不過唔算好多人，大約10分鐘有位。等待時順便睇餐牌落單，果然爭分奪秒。餐廳面積尚算大，樓底高，牆上有少許日式簡約佈置。有茶提供，不過冇乜味。生蠔，每隻$13，都幾大隻，肉質爽口，味道鮮甜，幾抵食。刺身，$58，有三文魚2片、油甘魚2片、帶子2片、北寄貝2片及北極翡翠螺一隻，好抵食!翡翠螺切左一片片方便大家食用，刺身厚薄適中，都幾新鮮，味道不俗。三文魚壽司，每件$14，好大件壽司，三文魚厚薄適中仲要好長身，味道鮮美，不俗(如果唔想食咁多飯可要求少飯)。燒鰻魚壽司，每件$23，長身又大件的鰻魚，甚有氣勢，肉質較紮實味道甘香，不俗。酥炸吉列蠔(5隻)，$40，熱騰騰，口感香脆。炸軟殼蟹卷(6件)，$65，好大件壽司，飯入量多，軟殼蟹份量適中，十分飽肚。鳳梨果汁，$15，友人的。荔枝果汁，$15，夏日炎炎之下飲好爽。有下次，抵食夾大件，完。