Video
5-min walk from Exit A2, Cheung Sha Wan MTR Station
continue reading
Telephone
63603827
Payment Methods
Above information is for reference only. Please check details with the restaurant.
日本野真係食極都唔厭星期六晚先去完居酒屋星期日晏晝好似又凍左就想去食碗熱辣辣既拉麵同好姊妹今次嚟到深水埗長沙灣果頭搵食發現呢間鋪面唔算好大～但可以睇住師傅煮野既過程🤩我地叫左一個伴麵一個拉麵海膽伴麵$118 加$35要套餐～小食係唐揚炸雞飲品要烏龍茶，幾驚喜以為係一包包點知係一支有一大片厚肉既海膽～鮮甜肥美好滿足叉燒肥瘦均勻夠腍，幾欣賞呢款直條拉麵，唔會好腍又掛到汁。濃湯都係滿滿既海膽味～入面仲有一隻溏心蛋，蛋香味濃郁～海膽迷要嚟試下，重點唔貴😎炸雞都好有驚喜，咬開肉質嫰滑好juciy，面頭仲有蛋沙律，比較少見，但又出奇地夾👍元祖博多豚骨拉麵$59同樣加$35轉套餐～小食要芥末八爪魚～都係烏龍茶湯底濃郁～熱辣辣飲幾啖即刻暖笠笠～飲完唔口渴拉麵有咬口超鍾意，兩大塊叉燒、超流心既溏心蛋、紫菜～怪不得咁多人嚟食，聽落仲係熟客仔芥末八爪魚口感爽脆就咁食或用紫菜包住嚟食一樣咁得本身想試限時推出既燒豆腐，不是老闆話做唔到下次再嚟試呢個🤤🤤同埋想試櫻花蝦味噌拉麵
continue reading
位於小巷中，店內位置不多，由於我地有太多物品，店員叫我地坐門口。店員十分熱情，好快手拎多張櫈畀我擺野。坐低後唔見有餐牌，原來餐牌掛在店內，選擇不多，有拉麵，刺身飯，小食。見人人都叫拉麵，店員都係推介拉麵，咁就拉麵套餐啦。🍜櫻花蝦味噌拉麵+$35轉套餐(唐揚炸雞，溏心蛋，飲品)🎈唐揚炸雞：即叫即炸，香脆juicy，得三舊，唔夠喉🤣。🎈味噌拉麵：好鐘意個味噌湯，濃得嚟唔鹹，櫻花蝦香口，甜甜粟米粒，呢個組合好夾個湯。🍜元祖博多豚骨拉麵+$35轉套餐(慢煮雞沙律，溏心蛋，飲品)🎈慢煮雞沙律：店員細心提醒雞要和下層薯蓉一齊食，雞滑，薯蓉更滑。🎈豚骨拉麵：叉燒焦香，幼拉麵掛汁，每條麵都沾到湯，好夠味，溏心蛋當然好味啦。🍣吞拿魚手卷 原來係無飯手卷，紫菜上一大舊吞拿魚蓉，鮮！🍣海膽手卷 同樣都係得紫菜同海膽，海膽唔腥，鮮甜，正！💬食物算不上人間極品，但呢度除左美味外，有著濃厚人情味。就算有人間極品，但無服務態度，食物都係冰冷。呢度店員熱誠推介，貼心服務，食完仲問你夠唔夠飽。雖然第一次嚟，佢地都當你熟客咁招呼，真係好耐無試過食得咁窩心，而且價錢平民，下次會再幫襯！
continue reading
經朋友介紹，得知長沙灣附近有間超抵食既正宗日本拉麵店，我居然唔知，收工專登約朋友過黎試一試。店面裝修好有日本feel, 由於小店關係，人 唔多但客量比較多，所以需要等一等位。當日有客人一行10人想黎食，可惜小店已滿座而且小店得兩位師傅，如果多人請預先訂座。當日餐牌最平5X蚊可以食到正宗日本拉麵，性價比咁高，可以係邊度搵呀！加35蚊可升級套餐，跟一份小食同飲品。❤️元租博多豚骨拉麵老闆教落，要先試左一啖湯先落調味料。湯底濃郁，一d都唔偷工減料，係日本既味道，日式叉燒薄切肥瘦均勻，口感彈牙。唔會好似出面其他店咁又厚又鞋，性價比極高。❤️櫻花蝦味噌拉麵同樣有日本叉燒同流心蛋，拉麵軟硬適中，香濃湯底，上面舖滿櫻花蝦，非常惹味，好味道連湯都飲晒。❤️慢煮雞沙律雞好鬆軟，配埋薯蓉，非常好味。❤️唐揚炸雞炸雞外脆內軟，十分香口。一笑食堂 深水埗順寧道98號美寧中心A座地下13號舖#深水埗美食 #深水埗探店 #長沙灣美食 #日本拉麵 #福岡拉麵 #香港旅行 #香港美食 #日本美食 #性價比 #美食打卡 #hongkong #japanesefood #japan
continue reading
今次帶大家去一間充滿日本風情嘅小店，一入到去就聽到播住日文歌，裝修簡約但好有日本街頭小店嘅感覺，真係好似瞬間飛咗去日本咁！店員親切，食物質素亦都令人驚喜，等我同大家分享下今次試咗咩好嘢啦～ **🍜 博多豚肉拉麵** 豬骨湯底濃厚，湯頭唔會過鹹，飲完唔會口渴，好正宗嘅博多風味！豚肉叉燒肥瘦適中，入口即化，溏心蛋流心效果完美，蛋黃香濃。食到中間可以加啲芝麻碎同拉麵胡椒，湯底即刻變得更香濃，層次感提升。**🍱 三色丼（蟹肉、吞拿魚蓉、海膽）** 呢個丼飯真係鮮味十足！蟹肉鮮甜，吞拿魚蓉滑溜，海膽入口即化。跟住關西食法，落少少芝麻，再滴兩滴醬油喺匙羹，撈勻一齊食，鮮味更加突出，口感豐富，每一啖都係享受！ **🥗 慢煮雞肉沙律** 雞肉經過慢煮，肉質超級嫩滑，夾住薯仔沙律一齊食，口感豐富。醬汁係特調嘅芥末沙律醬，好開胃！仲有粒粒薯仔，creamy得嚟又帶啲咬口，成個配搭好平衡，食完感覺好輕盈，完全冇罪惡感！ **🍗 唐揚炸雞** 炸雞外皮酥脆，烤雞嘅焦香味好強烈，啖啖肉，食完仲會齒甲留香，讚！ **🍵 綠茶蕨餅** 茶味香濃，口感Q彈，凍凍地食好清爽，係茶味既襯托底下，甜品完全唔會覺得好甜，無咩負擔。
continue reading
今日去長沙灣站辦事，難得去少去的地方，就想去民居小店食午餐。剛好在美寧中心A座地下見到一間隱世得來又好有人氣的一笑食堂。.店面呈開放式，有一個拉麵bar，有outdoor位見到有很多寵物主人帶可愛狗狗用餐。.叫了2款拉麵：元祖博多豚骨拉麵$59、櫻花蝦味噌拉麵 $78，這兩款拉麵的湯底都非常濃郁，特別是元祖博多豚骨拉麵，湯頭醇厚，散發著誘人的香氣。櫻花蝦味噌拉麵則帶有淡淡的海鮮風味，讓人一試成主顧。值得一提的是，兩款拉麵都加入了雪菜，這樣的搭配為拉麵增添了香港的本地風味，讓人感受到一種熟悉的親切感。流心蛋更是這頓餐的亮點，蛋黃流心的口感恰到好處，充分吸收了湯底的精華，讓每一口都充滿了驚喜。此外，我們還選擇了加$35的套餐，這個套餐的選擇非常豐富，包含了小食2選1的選項：慢煮雞沙律或名古屋雞翼。兩者各有特色，慢煮雞沙律清新健康，名古屋雞翼則香脆可口，令人垂涎欲滴！套餐中還包含了一杯飲品，真是物超所值！.這頓拉麵之旅讓人滿足，特別是人性味好濃，老闆恰到好處的溝通及熱情令人鼓舞，在這能感受到香港的獨特風味，實在是一次美好的美食體驗！
continue reading