一笑食堂

Open Now

Now Closed

日本野真係食極都唔厭星期六晚先去完居酒屋星期日晏晝好似又凍左就想去食碗熱辣辣既拉麵同好姊妹今次嚟到深水埗長沙灣果頭搵食發現呢間鋪面唔算好大～但可以睇住師傅煮野既過程🤩我地叫左一個伴麵一個拉麵海膽伴麵$118 加$35要套餐～小食係唐揚炸雞飲品要烏龍茶，幾驚喜以為係一包包點知係一支有一大片厚肉既海膽～鮮甜肥美好滿足叉燒肥瘦均勻夠腍，幾欣賞呢款直條拉麵，唔會好腍又掛到汁。濃湯都係滿滿既海膽味～入面仲有一隻溏心蛋，蛋香味濃郁～海膽迷要嚟試下，重點唔貴😎炸雞都好有驚喜，咬開肉質嫰滑好juciy，面頭仲有蛋沙律，比較少見，但又出奇地夾👍元祖博多豚骨拉麵$59同樣加$35轉套餐～小食要芥末八爪魚～都係烏龍茶湯底濃郁～熱辣辣飲幾啖即刻暖笠笠～飲完唔口渴拉麵有咬口超鍾意，兩大塊叉燒、超流心既溏心蛋、紫菜～怪不得咁多人嚟食，聽落仲係熟客仔芥末八爪魚口感爽脆就咁食或用紫菜包住嚟食一樣咁得本身想試限時推出既燒豆腐，不是老闆話做唔到下次再嚟試呢個🤤🤤同埋想試櫻花蝦味噌拉麵

位於小巷中，店內位置不多，由於我地有太多物品，店員叫我地坐門口。店員十分熱情，好快手拎多張櫈畀我擺野。坐低後唔見有餐牌，原來餐牌掛在店內，選擇不多，有拉麵，刺身飯，小食。見人人都叫拉麵，店員都係推介拉麵，咁就拉麵套餐啦。🍜櫻花蝦味噌拉麵+$35轉套餐(唐揚炸雞，溏心蛋，飲品)🎈唐揚炸雞：即叫即炸，香脆juicy，得三舊，唔夠喉🤣。🎈味噌拉麵：好鐘意個味噌湯，濃得嚟唔鹹，櫻花蝦香口，甜甜粟米粒，呢個組合好夾個湯。🍜元祖博多豚骨拉麵+$35轉套餐(慢煮雞沙律，溏心蛋，飲品)🎈慢煮雞沙律：店員細心提醒雞要和下層薯蓉一齊食，雞滑，薯蓉更滑。🎈豚骨拉麵：叉燒焦香，幼拉麵掛汁，每條麵都沾到湯，好夠味，溏心蛋當然好味啦。🍣吞拿魚手卷 原來係無飯手卷，紫菜上一大舊吞拿魚蓉，鮮！🍣海膽手卷 同樣都係得紫菜同海膽，海膽唔腥，鮮甜，正！💬食物算不上人間極品，但呢度除左美味外，有著濃厚人情味。就算有人間極品，但無服務態度，食物都係冰冷。呢度店員熱誠推介，貼心服務，食完仲問你夠唔夠飽。雖然第一次嚟，佢地都當你熟客咁招呼，真係好耐無試過食得咁窩心，而且價錢平民，下次會再幫襯！

經朋友介紹，得知長沙灣附近有間超抵食既正宗日本拉麵店，我居然唔知，收工專登約朋友過黎試一試。店面裝修好有日本feel, 由於小店關係，人 唔多但客量比較多，所以需要等一等位。當日有客人一行10人想黎食，可惜小店已滿座而且小店得兩位師傅，如果多人請預先訂座。當日餐牌最平5X蚊可以食到正宗日本拉麵，性價比咁高，可以係邊度搵呀！加35蚊可升級套餐，跟一份小食同飲品。❤️元租博多豚骨拉麵老闆教落，要先試左一啖湯先落調味料。湯底濃郁，一d都唔偷工減料，係日本既味道，日式叉燒薄切肥瘦均勻，口感彈牙。唔會好似出面其他店咁又厚又鞋，性價比極高。❤️櫻花蝦味噌拉麵同樣有日本叉燒同流心蛋，拉麵軟硬適中，香濃湯底，上面舖滿櫻花蝦，非常惹味，好味道連湯都飲晒。❤️慢煮雞沙律雞好鬆軟，配埋薯蓉，非常好味。❤️唐揚炸雞炸雞外脆內軟，十分香口。一笑食堂 深水埗順寧道98號美寧中心A座地下13號舖#深水埗美食 #深水埗探店 #長沙灣美食 #日本拉麵 #福岡拉麵 #香港旅行 #香港美食 #日本美食 #性價比 #美食打卡 #hongkong #japanesefood #japan 

今日去長沙灣站辦事，難得去少去的地方，就想去民居小店食午餐。剛好在美寧中心A座地下見到一間隱世得來又好有人氣的一笑食堂。.店面呈開放式，有一個拉麵bar，有outdoor位見到有很多寵物主人帶可愛狗狗用餐。.叫了2款拉麵：元祖博多豚骨拉麵$59、櫻花蝦味噌拉麵 $78，這兩款拉麵的湯底都非常濃郁，特別是元祖博多豚骨拉麵，湯頭醇厚，散發著誘人的香氣。櫻花蝦味噌拉麵則帶有淡淡的海鮮風味，讓人一試成主顧。值得一提的是，兩款拉麵都加入了雪菜，這樣的搭配為拉麵增添了香港的本地風味，讓人感受到一種熟悉的親切感。流心蛋更是這頓餐的亮點，蛋黃流心的口感恰到好處，充分吸收了湯底的精華，讓每一口都充滿了驚喜。此外，我們還選擇了加$35的套餐，這個套餐的選擇非常豐富，包含了小食2選1的選項：慢煮雞沙律或名古屋雞翼。兩者各有特色，慢煮雞沙律清新健康，名古屋雞翼則香脆可口，令人垂涎欲滴！套餐中還包含了一杯飲品，真是物超所值！.這頓拉麵之旅讓人滿足，特別是人性味好濃，老闆恰到好處的溝通及熱情令人鼓舞，在這能感受到香港的獨特風味，實在是一次美好的美食體驗！

長沙灣的隱世地道日式小店——一笑食堂，經朋友帶領第一次來，係一間充滿地道日本料理風情的小餐廳，食物質素高媲美港島的日本料理，價錢更便宜甚多，真係忍唔讚下。呢度麻雀雖小 五臟俱全，裝潢更按照老闆喜歡的超人做主幹，再加一些小玩意元素，真係好有心思。餐牌顯示的晚餐真係好抵食，點左幾款有賣相味道佳：1. 海膽手卷 $452. 芥末八爪魚🐙 $453. 元祖博多豚骨拉麵🍜$59+溏心蛋🥚 $12+ 名古屋雞翅 $35（跟餐小食）4. 滑蛋漢堡飯 $78通通有賣相又有儀式感，海膽手卷直接用手接住，漢堡飯係牛肉的，而且呢個牛肉口感酥軟特別，係呢度招牌之一，必食。小食名古屋雞翅也是必食，正宗又香脆，特別雞翼尖就係值得品嚐的精華。拉麵就更不用多說，麵夠彈牙材料也豐富，也是招牌之一。

今日來訪位於深水埗一笑食堂，之前聽過朋友介紹過呢間小店。食物質素都唔錯，趁今日放假同朋友去深水埗買嘢，順便過嚟食午餐。元祖博多豚骨拉麵 $59湯底用豬骨熬製成的，味道濃郁。豚肉有三塊，肥瘦均勻，經過火炙肉味更濃。拉麵爽好又掛汁，仲有1隻半凝固嘅鹵水蛋，非常好味。三色丼 $128賣相好靚，三色丼有海膽、蟹肉和吞拿魚蓉，各種食材好新鮮又鮮甜。師傅仲教我要落芝麻和豉油，增加鮮味，果然唔錯。套餐小食+飲品（$35）小食：慢煮雞沙律，慢煮雞肉好嫩，薯蓉好滑，將薯蓉放在雞肉上，配埋蜜糖芥末醬，惹味又好食。唐揚炸雞即叫即炸，外脆內軟，醃得好夠味，啖啖肉，非常好食。飲品：兩罐可樂📍一笑食堂深水埗順寧道98號美寧中心A座地下13號舖

呢間長沙灣嘅「一笑食堂」隱藏於一條小巷子入邊，係一間超隱世嘅拉麵小店，裝修風格充滿住日式拉麵店嘅氛圍，價錢亦出乎意外地平！餐廳除咗有日式拉麵同埋日式小食提供之外，仲有秋冬限定嘅日式泡飯，另外每週亦會有唔同嘅限定料理添！睇得出呢到真係一間好有誠意嘅良心小店～元祖博多豚骨拉麵💰HK$59湯底非常濃厚，味道鮮美香醇！配料有入味嘅溏心蛋、肥瘦均勻嘅日式叉燒、帶有中華風嘅酸菜同香蔥！麵底選用咗細麵，麵質有彈性得來又容易吸收到湯底嘅精華～唐揚炸雞💰跟餐+HK$35唐揚炸雞即叫即炸熱辣辣，外脆內juicy，配搭埋秘製嘅醬汁，非常之惹味～櫻花蝦湯泡飯💰HK$78從未食過日式泡飯，所以今次叫咗來食下！米飯充分地吸收咗濃郁嘅櫻花蝦湯，仲有日式叉燒、香蔥、粟米粒同埋櫻花蝦去增添口感！食完真係成個人都暖笠笠啊～海膽蟹肉蒸蛋💰HK$45呢個海膽蟹肉蒸蛋就係呢一週嘅限定料理！蒸蛋嘅質地非常之柔滑細膩，表面嘅海膽同埋內裡嘅蟹肉充分地將蒸蛋嘅味道再提升～✨可樂(跟餐)

經過這間小店，見到排長龍，價錢貼地，於是同朋友坐低嘗下！### 樱花虾味噌拉麺 + 溏心蛋樱花虾的加入，為湯底增添了海洋的醇厚，拉麵的麵條彈牙，吸附著湯汁，讓每一口都充滿豐富的滋味。搭配上完美的溏心蛋，蛋白滑嫩，蛋黃半熟，軟嫩柔滑！### 元祖博多豚骨拉麺 + 溏心蛋湯底經過長時間的熬煮，散發出天然的豚肉香味，味道醇厚，口感滑順。另外還有青蔥的清香和海苔的鮮味，讓整體口感更加豐富，令人一再回味！八爪魚小食放了芥末，肉質鮮嫩充滿刺激感！慢煮雞胸沙律健康又美味的選擇，雞胸肉保持了肉質的嫩滑與多汁！海膽手卷一團金黃色的海膽鮮甜和略帶鹹味的海洋香氣瞬間充滿口腔！

舖頭座位唔算多，但都佈置得好有特色👍✨三色丼 $128三色當有吞拿魚、蟹肉同埋好正嘅海膽🤩佢嘅食材新鮮，全部都好好味，尤其海膽，完全冇腥味，食到海膽嘅鮮味😋店員會俾芝麻同醬油俾你，加埋一齊食，真係特別好味👍✨元祖博多豚骨拉麵 $59呢個豚骨拉麵個湯底好濃郁，但唔會好杰，豚肉都好味，拉麵好滑，配埋酸菜同埋大量嘅蔥一齊食，正👍✨慢煮雞沙律套餐加$35 ，就有慢煮雞沙律同飲品，慢煮雞沙律好特別，雞肉經過慢煮，特別鮮嫩👍另外下面有薯蓉，再配上柚子醬汁，味道好夾，別有一番風味。👍✨海膽蟹肉蒸蛋 $45呢個蒸蛋好正啊，啲蛋勁滑，加埋蟹肉嘅鮮味，食到停唔到口😋

呢間係朋友帶我去食既，呢間位於小巷裏面，店鋪不大，只有BAR枱位，以及一張摺枱！座低後，望望餐牌，佢有店主推介，同埋加錢可以有套餐，加一款小食同飲品！朋友叫左個必食豚骨拉麵，我就問店員有咩好推介…佢介紹我食櫻花蝦湯泡飯，叫果日凍凍地，就聽佢講啦！另外，我地都叫左個雞翼，醉鮑魚同埋炸豆腐小食。我地都加左個套餐，佢既小食唔係出面果啲普通沙律，佢有兩款俾我地揀，慢煮雞胸沙律同埋芥末八爪魚。咁我地兩個人，當然每樣一個啦！佢既野飲係日本烏龍茶同日本蘋果汁，睇得出店主真係有心俾返好既質素你！慢煮雞胸沙律我以為係沙律菜果啲，但錯喇，佢係雞胸配上佢地自制既薯蓉，佢地建議雞胸夾埋薯蓉一齊食；雞胸唔會好鞋，夾埋佢既薯蓉好滑，好特別，好味。評分：👍🏻👍🏻👍🏻👍🏻/5而佢既芥末八爪魚係配左兩塊紫菜俾你地夾住一齊食，又係好特別，以小食黎講唔錯，唔會太過辣。評分：👍🏻👍🏻👍🏻👍🏻/5而佢既櫻花蝦湯泡飯，黎到既時候都聞到好香既蝦味，佢黎到既時候有兩塊叉燒，有好多櫻花蝦；我其實唔鍾意食泡飯，因為覺得會好咸，但我錯喇，飲一啖湯，嘩，好濃烈既蝦味，唔會好咸，送飯好好食，又有好多櫻花蝦，令到我對泡飯改觀，真係一啖一啖咁食，

這間是隱藏式小店躲在非常偏僻的地方，要不是進了這舊式大廈買花還真的看不見這間性價比高而真材實料的日本餐廳。首先內裏的設計很像日本的拉麵小店，麻雀雖小，五臟俱全，木質的吧檯感覺溫馨，除了可以看到食物的整作過程外，客人位置還有雙層窩心設計下格可以擺放客人的小物品和公用的牙籤及紙巾，相當實用。而且店長的上菜速度很快，菜單除了固定系列外，每星期亦會推送優惠食物菜單，由此得知食材更換率的確新鮮。見到今期是海膽做主題，於是點了一份海膽手卷、雙色丼及海膽伴麵。首先手卷只需45元，0飯海膽超級大份量，有足足三大片之多，而每片海膽亦非常厚身鮮甜肥美，紫菜直接了當地包著海膽，口感十足。再來是雙色丼，飯粒與醋的比例相當適中，這令米飯彈牙而不黏，加上時令海鮮有吞拿魚蓉加螃蟹絲小山，配上店長推薦食法：灑芝麻加日本豉油，令整個層次完全提升。最後海膽伴麵方面，有一大片甜叉燒和超份海膽，肉眼清晰可見海鮮油味浮面，啖啖超滑蟹黃湯底內原來寶物沉歸底，一整隻美味自家製塘心蛋伴雞蛋麵一起食實在無窮回味，足料鮮甜肥美鮮海膽，這餐海膽盛宴絕對值回票價。另外店長非常熱情親切有人情味，除了詳細講解食材以及食用方法，如果你是E人，他更

陪朋友去長沙灣交收，之後佢話請我食午餐，帶咗我去附近比較舊嘅商場內，有一間好受歡迎嘅拉麵店，店名叫一笑食堂，店內地方不大，主打日式拉麵。元祖博多豚骨拉麵：豚骨湯頭濃郁，拉麵掛湯後食落彈牙又鮮甜，加上許多蔥花更添香味，叉燒肉經過火炙，入口即化和散發滷汁香氣，滷蛋已經入味，蛋黃則是呈半凝固黏稠，軟滑味美。櫻花蝦味噌拉麵：湯底帶有味噌清香,加入櫻花蝦味道特別濃郁鮮甜。叉燒咬落非常鬆化，油脂甘香，肉味又濃，稍稍燒過，味道更加惹味。加35元轉套餐有小食和飲品。剛炸好的唐揚炸雞，口感外皮酥脆、內裡軟嫩多汁，加上少許沙律醬，味道更佳。飲品夠冰凍。

📍 一笑食堂- 深水埗喺深水埗同長沙灣交界竟然有一間好細小嘅深夜食堂🩷店舖雖然細細間，但係五臟俱全而且食物仲好高質，回頭率勁高師傅仲以日本嘅手法去招呼人客雖然只有自己一個打理店舖但係仍然用心經營🩷坐喺吧枱可以見到師傅煮嘢食嘅帥氣樣而且店舖嘅風格都以日式做主題🇯🇵✨元祖博多豚骨拉麵每日新鮮熬製8小時嘅豚骨湯🍜湯嘅濃度同鹹度好均勻，湯頭可以飲到豬骨嘅油脂香🐷叉燒軟嫩，而且真材實料😍用咗日本博多拉麵，拉麵亦都好幼細，煙韌口感一流👍✨滑蛋漢堡飯勁邪惡嘅手打漢堡扒🤲🏻油脂分佈平均而且肉味香濃。因為手打既關係，肉質非常有彈性，每一口都很有牛味！米飯選用了日本米，配上日本出產既蛋打成滑蛋，滑蛋做到半生熟近乎啫喱咁嘅嫩滑口感🥚✨唐揚炸雞即叫即炸嘅日式炸雞🍗炸得外脆內軟又多汁，好想一啖接一啖咁食肉質軟嫩多汁，是有一定水準的炸雞塊👍

好友今日帶我去食拉麵，我地去左位於深水埗順寧道98號美寧中心A座地下13號舖的《一笑食堂》，小店型式經營，吧枱設計，甚有日本風味。我點左個 元祖博多豚骨拉麵+溏心蛋 $59，跟套餐有慢煮雞沙律+飲品（烏龍茶）$35；好友點左個 三色丼 （海膽、吞拿魚蓉、蟹肉）$128，跟套餐有慢煮雞沙律+飲品（忌廉）$35。元祖博多豚骨拉麵+溏心蛋賣相不錯，拉麵煙韌又彈牙，溏心蛋流心好味，豚肉香口，湯底濃郁；三色丼除了海膽、吞拿魚蓉、蟹肉外，還有蘿蔔條伴碟，撈著芝麻和日式醬油，十分好味；慢煮雞沙律有雞肉片拼薯蓉球，好特別呀！

長沙灣隱世拉麵店！！！🔆元祖博多豚骨拉麵+ 慢煮雞胸沙律 $59+$35CP值極高。拉麵即叫即整，湯底係師傅用10個鐘大火熬製，第一啖試湯頭已經食得出用豬骨熬製出嚟清甜嘅味道，唔算太濃稠。叉燒爽口彈牙唔係入口即化嗰種，而且都好入味！麵質剛剛好，十分掛湯沙律清新開胃，馬薯仔口感豐富，雞胸嫩滑彈牙🔆櫻花蝦味噌拉麵+名古屋雞翼 $78+$35相比起豚骨湯碗拉麵相對濃稠，蝦嘅鮮味同埋味噌湯底兩件事十分調和。名古屋雞翼都係師傅即叫即炸。雞翼算係炸雞翼再配上秘製嘅醬油。一上到枱師傅就提醒我連雞翼尖都要食埋果然好食到用10秒就清晒一碟雞翼尖都冇留到。🔆燒豆腐 $28一入到去就見到每一台都有一碟燒豆腐，我都唔執輸嗌咗一碟，見師傅用勁耐時間去處理呢味豆腐，豆腐表面十分脆身但入面依然保持住嫩滑再加上蒜蓉同味噌嘅醬汁令到成件事十分豐富。大推！