一起食堂 (軒尼詩道)

Open Now

Now Closed

晚餐，見到無咩人就入去食，原來好伏（可能只係咁啱依個餐有問題）。第一次食，點左個三杯雞套餐，來到個下有d愕然，因為d雞係炸嘅而唔係平時食開嘅炒（可能我見識少）,份量正常，但就無咩配料。佢個三杯雞食起上來似韓式炸雞，個汁都似，但依樣都唔係問題，最大嘅問題係d粉仲多過d雞肉！第一口咬入去個下，已經好淋，就望一望舊雞，原來自己食緊舊粉🥲。d 雞肉又唔係好貴，個餐成80幾蚊得幾舊雞，我要係d粉裏面挑番d雞肉出來食，最後唔夠餸送飯。無叫嘢飲，無試其他小食。

行天橋，見到呢間餐廳就試下。有誠意既原因係，個前菜好驚喜；而且第二次黎食個甜品竟然已經換左，有新甜品👍🏼🧋食物：1）花雕麻油雞湯麵（ 個雞🐔唔錯，幾好味）2）吉列豬扒🐽冷烏冬拌柚子汁（吉列豬扒，可以叫佢比沙律醬；夏天吃涼拌不錯，柚子汁，清新清涼，正）3）紅燒三寶牛肉🐮🥩麵🍜（三寶，好正，牛丸都好味）4）跟餐嘅芋圓仙草凍（食完正餐再食，有啲飽）5）珍珠奶茶（🧋普普通通，正常）6）台灣烤腸（正正常常）

今日行過灣仔軒尼詩道見到新開嘅「一起食堂」，決定坐低食晏，叫咗碗「花雕麻油雞湯麵」。 好味！初時以為只係一般灣仔午餐小店，點知碗麵內雞肉香滑，麻油湯底夠味，花雕汁另上，可以自己加減份量。最值得一題係啲湯麵好彈牙。 睇得出廚師用心機，將食物煮好。 另外加$14叫咗一杯飲品，都幾好、唔太甜。雖然係午餐時候，叫咗餸之後，冇幾耐就上菜。食晏黃金時段，服務算係快！ 環境乾淨。總結係… 完全值得下次再返嚟，試吓其他食品。

呢間一起食堂之前喺中環已經食過，今日經開灣仔見到有，入去先知原來係新開冇幾耐。今次試咗呢個原條鰻魚飯真係好得，雖然價錢唔算平，不過真心好食，條鰻魚又肥又Juicy仲有配菜同雞湯