一起食堂 (軒尼詩道)

Open Now

Now Closed

佢啲滷肉飯都唔錯喎🤭滷肉好大粒 係比較乾爽嗰種 唔會好肥 幾入味 撈飯好好食 隻滷水蛋亦都不錯花雕麻油雞湯麵都幾好食 湯底好香酒味同藥材味👍🏻麵底好索湯味 另外仲有鮮冬菇同埋杞子 唔錯幾好食

餐廳：一起食堂地點：灣仔軒尼詩道菜式：台式飯堂餐牌：餐牌簡單一張紙，有麵，飯，季節限定菜式，小食，飲品同甜品，自己剔紙落單。冇收加一。紅燒三寶牛肉麵 $102個湯完全唔油，味道微辣微甜牛筋條好腍而啖啖肉牛腱骨膠原感重牛丸彈牙多汁烏龍麵滑溜配有紅蘿蔔同白蘿蔔，小棠菜，蔥花同鹹菜。吉列海鮮冷烏冬拌柚子汁 $89夏日限定吉列蝦皮脆肉嫩吉列蠔皮脆汁多伴有車厘茄同黃蘿蔔漬物，紫菜絲同蔥花冷烏冬口感煙靱柚子汁酸酸甜甜非常開胃跟有3格小食，中華沙律，迷你甜番薯同嶡餅。古早滷水拼盤 $78古早滷水拼盤包括牛腱，鷄翼，豬耳同滷蛋，面頭灑上白芝麻粒同蔥花。牛腱三大件，滷得好入味，質感又嫩口又重骨膠原，好正。鷄翼三隻，都好大隻。豬耳唔少，好食到唔停口。滷蛋一開二。午市升級組合加$14有迷你芋圓仙草凍或者$28以下飲品。紅豆奶茶 跟餐加$14紅豆奶茶叫左半糖，我覺得甜度適中，茶香滑溜。下底有好多紅豆。珍珠奶茶 跟餐加$14紅豆奶茶叫左半糖，珍珠份量都唔少，咬落煙煙韌韌。呢間飯堂堅抵食，食物質素高！

呢排好耐無食台灣菜，最近就同朋友去左灣仔既【一起食堂】食lunch。星期六日都有lunch同下午茶時段。 紅燒三寶牛肉麵：包括牛𦟌、牛丸同牛筋腩條，紅燒湯底非常惹味、蔬菜牛肉都非常入味，麵係烏龍面，好大碗。另外旁邊仲有小菜 夏日限定日式清酒蜆烏龍面：清酒蜆起碼都有20幾30隻，分量超多，湯底好清甜。 鹽酥鷄：分量非常多，性價比超級高，新鮮炸起好香脆同juicy。 酥炸地瓜條：都係新鮮炸起，而且可以自己落話梅粉，酸甜酥脆。 仙草奶茶：仙草超級多，奶味偏濃 愛玉鳳梨綠茶：愛玉反而比較少，但鳳梨味好濃。 芋圓仙草凍（迷你）：lunch 加$14可以加配，芋圓味濃，飯後黎一碗不錯。

今日就食咗間台灣小店。$300內就食咗兩碗面、青菜同埋兩杯飲品仲有甜品添！🤩紅燒三寶牛肉麵牛腱、牛丸、牛肋條美味多汁，湯頭濃郁醇厚，配菜豐富😍😍🤩日式和風牛肉烏龍麵麵條彈牙，湯頭清淡卻有風味，牛肉片鮮嫩多汁😋😋🤩燙青菜清爽脆嫩，簡單卻美味，適合作為開胃菜🤤🤤🤩芋圓燒仙草芋圓口感獨特，濃郁芋頭香氣，搭配清涼的仙草，甜度適中😋😋🤩珍珠奶茶奶茶香濃順滑，珍珠Q彈有趣，甜度可調，受歡迎的飲料🥰🥰🤩白桃烏龍茶清新茶飲，帶有桃子香氣，茶味和桃子味道融合😝😝

今日收工有時間去食野啦，原來係灣仔都有一起食堂，之前中環個同事話好食，試下都好喎！好，坐低睇下有咩好食先。日式和風牛肉烏龍麵，份量都ok，牛肉軟綿綿，仲有滑滑烏冬，溫泉蛋我會先咬一啖，跟住啲蛋漿再落湯拌麵。吉列豬扒冷烏冬拌柚子汁，豬扒炸到金黃色，原塊好整齊，靚到好似假咁，哈！食落超脆口，炸皮夠薄，裡面啲肉好軟腍。個柚子汁好fresh，拌烏冬食落好清新，好開胃。小吃炸花枝丸，好喜歡花枝丸個種咬落去Q彈感。飲品叫左黑糖薑母茶和仙草奶茶，呢度飲品沖得都唔錯，甜度適中。

台灣菜式中最鍾意食就係台灣麵啦，因為鐘意煙韌麵條同濃湯既結合。紅燒三寶牛肉麵：有牛腱、牛丸同牛肋條。香濃紅燒湯頭，未食已經聞到陣陣香味。牛腱、牛丸同牛肋條都好入味，牛丸爽口彈牙；牛腱同牛肋條香腍入味，味道好好。寬麵條，寬、厚、質地爽滑有嚼勁，每一條麵條都吸收左香濃既湯汁，每一口都食到麵條既香氣與厚實的口感。原條蒲燒鰻魚飯：蒲燒原條鰻魚飯鰻魚超大條，鰻魚燒得好香口，而且厚肉肥美，彈牙而且好juicy，魚油味都幾突出，醬汁份量亦啱啱好，且甜味適中。

食物: 呢間主打台式小食同便當的餐廳。今晚又路經佢灣仔的分店，就試一試下有咩分別啦。蔥油士雞肉飯($79): 滿滿的手抑土雞肉，上面佈滿蔥油，加上一粒滷水雞蛋和一條菜。簡單的配搭吃出台灣純樸的味道。土雞肉雖不肥，但很軟淋，讚👍🏻日式清酒煮蜆烏龍麵($79): 清甜的蜆湯，配上有咬勁的烏龍麵，吃下去不會很膩，很舒服。其他食物點了，吉列炸蠔($48)，一口炸芝士($48)，珍珠奶茶($28)。全部都是水準之作，炸蠔和炸芝士真的是必點的。環境: 店舖比觀塘店小，但地點正在灣仔地鐵站A2出口，十分方便！一定會再來。

今日放工去咗一間灣仔新開既台式餐廳，佢喺公司附近，好方便，因為朋友都係佢咁返工所以約埋佢一齊去。佢仲有其他分店喺中環等等。佢嘅裝修好新穎，仲有啲好靚好特別嘅黃色吊燈，令整個餐廳嘅氣氛更加溫馨同舒適。1. 花雕麻油雞湯麵 $92湯底濃郁，麵條簡單卻彈牙可口，材料有紅棗杞子人蔘，好滑既雞肉，另外有杯酒可以俾你倒落去，可以照自己想食嘅份量倒落去，夠晒貼心。2. 紅燒三寶牛肉麵 $102湯底好濃郁，麵條條類似烏冬，吸收晒湯嘅味親，好好味。三寶有牛腩、牛丸等等。非常嫩滑，唔會鞋口。3. 烤台灣香腸特別鍾意一條腸仔片配上一片細生蒜，生蒜嘅辣味同腸仔嘅鮮甜真係絕配。4. 燙青菜唔係齋燙，上面有蒜蓉嘅香味。5. 芋圓燒仙草啲芋圓好彈牙，仙草因為熱溶左，擺耐左又會變返果凍，我覺得下次都係叫返凍到會好啲🤣全部菜式份量都好大，食到好飽。所有野食加埋一齊都唔使三百幾蚊，真係超抵食！！

一起食堂 (軒尼詩道) 地址: 灣仔軒尼詩道153號地舖=====================灣仔及銅鑼灣一向都多食肆，吃台灣菜的話粗略一算都有很多間。這間一起食堂是新開，期間限定口味的鹹水雞好大盤，有好多蔬菜如椰菜花，西蘭花紅蘿蔔等，鹹水雞好清爽，啖啖肉呢肉燥菜是油墨菜上加上肉燥，食入口更豐富。滷肉飯，肥肉切到大粒的，入口即溶。麻辣豬耳辣油漆予味道珍奶同冷泡菜，中午時段$14 就飲到了，而迷你仙草芋圓糖水，份量剛剛好

之前中環返工嘅時候已經食過佢嘅午餐，覺得好抵食，見佢喺灣仔開鋪，放工經過都嚟食個晚飯。兩個人叫咗好多嘢食都係三百蚊左右埋單，坐得又舒服。吉列海鮮冷烏冬拌柚子汁冷烏冬上面分別鋪上吉列炸蝦同吉列炸蠔，炸物夠晒脆口又乾身，淋上微甜嘅柚子汁，開胃清涼，真係好啱夏天消暑。鹽水雞賣相非常吸引，一塊塊整齊卷好，調味適中，雞肉嫩滑，同印像中嘅鹽水雞好唔同，食落好方便。鹽酥雞鹽酥雞絕對係台灣美食界嘅代表，正常發揮，雞粒炸得夠鬆脆。府城蝦卷驚喜小食，腐皮炸脆包裹Q彈嘅蝦滑，外脆內軟。仙草奶茶/愛玉鳳梨綠茶

灣仔台式餐廳有好幾間選擇，呢間算係唔錯。座位舒適，環境四正，既可以打卡，飯聚亦一流。台式餐廳質素上有一定保證，選擇雖然唔多，但每一樣都係招牌。距離車站短短幾分鐘，路程尚算方便。今次揀左一人餐，紅燒牛肉麵。附送少量配料，牛肉麵彈牙，牛肉屬不過不失。加一杯野飲，簡簡單單又一個晚餐。$106 一餐，灣仔地段，價錢可以接受。等位亦只需要10至15分鐘，服務態度亦良好，整體感覺7/10。

一起食堂除咗喺中環同觀塘有分店之外而家灣仔都有分店啦～地點好方便，地鐵A二出口轉左行幾步路就到～ 冇+1服務費～ 天氣好熱好焗即刻嗌兩杯台式飲品先！🥤《 愛玉荔枝綠茶（凍）💲28 》- 清甜好似啫喱嘅荔枝好fresh~ 🥤《仙草冬瓜茶（冷）💲28 》- 冬瓜、仙草屬於較涼性嘅食品，岩晒夏天飲降降火～🐟《 原條蒲燒鰻魚飯 💲149 》- 分量夠大之餘魚肉亦夠肥美，汁燒得香甜肉嫩～撈飯一流～🍜《 日式清酒蜆烏冬麵 💲79 》好多蜆呀～！蜆肉都嫩，湯底有淡淡嘅清酒味唔會太濃，稻庭烏冬彈牙掛湯～呢款幾幾清新美味～ 《 芋圓仙草凍💲42 》-好大碗😶夠晒2-3個人share! 三色芋圓煙煙韌韌，仲有清新嘅仙草～食埋甜品真係好飽～

平時喺中環收工都有去”一起食堂”食晚飯，前两日去灣仔電腦城，才發現開左間新分店喺灣仔，就喺港鐵A2出口幾步之隔，十分方便，行完電腦城正好過對面試一試。看看Menu，有麵、飯、季節限定、小吃、飲品、甜品等，選擇十分多。我揀左花雕麻油雞湯麵 $92，酒用了另一小碗上，我當然全倒上，酒香味濃啱曬，雞肉嫩滑，富麻油香，烏龍麵幼身彈牙有口感。仙草冬瓜茶(冷) $28朋友點了日式清酒蜆烏龍麵 $79，他說好有清酒香，配搭起來都好不錯，蜆肉肥美新鮮。小食就點了鹽酥雞 $48和肉燥燙青菜 $34，鹽酥雞份量都幾多，外脆內軟帶咸香。青菜鮮嫩，配上肉燥好夾。當然要叫埋芋圓仙草凍 $42，有三色芋圓、仙草和紅豆，芋圓Q彈軟糯，仙草甘香，整體不錯。

呢一間日式餐廳叫 “一起食堂 ” 台灣輕食風格 有幾間分店 之前幫襯過其他地區嘅分店 覺得水準都好好 啲嘢好 食唔太貴 地點又方便 去過其他分店都覺得好值得 今日行開灣仔 喺地鐵站附近好肚餓就入去試下啦新裝修嘅係簡單台灣風格 主要係用木係感覺好放鬆 喺正地鐵出口隔離 好多位坐 店員都好多餐牌上面 選擇十分之多 好多台式飲品 同埋小食 真係唔知揀乜好 今日就揀咗個蒲燒鰻魚飯加$14蚊有仙草奶茶 鰻魚肉好多 有少少脆身 加上上面鋪滿紫菜加上鰻魚汁 醃蘿蔔等等可以送飯 珍珠米都好好食 大滿足 仙草奶茶無糖感覺好健康 奶茶味好香濃 加上淡淡仙草 好下火另外點咗杯 黑糖薑母茶女仔都要滋潤 呢個飲品 好啱女仔飲 呢度坐得好舒服位置好多加上服務都好好 喺灣仔我必食嘅食堂

灣仔近地鐵站軒尼詩道有一間新嘅食店，叫做一起食堂。店鋪嘅裝修簡潔明亮，有臺灣日式feel，座位舒適。下午茶時間到了，我叫咗個蔥油土雞肉飯tea set，土雞煙韌，加咗蔥油和脆炸蔥頭，特別好食，仲有半隻滷水蛋。tea set有香脆又甜嘅炸番薯條，加咗一杯凍珍珠奶茶，才六十二元。瑞士朋友很喜歡吃臺灣麵，所以叫了一碗紅燒三寶牛肉麵，湯麵使用紅燒牛肉湯底，味道豐富，配上牛筋牛腩牛丸和彈牙的麵條，好吸引。麵和肉嘅份量都幾多，夠我們兩個人吃，除了白蘿蔔紅蘿蔔外，還有幾塊大大塊嘅又淋又啖啖肉嘅牛展，冧滑啲牛筋，彈牙又好味嘅牛丸兩粒。炸花枝丸一碟有四粒，花枝丸好彈牙，有粒粒嘅花枝肉，有咬口。我哋叫咗一杯凍和一杯熱嘅珍珠奶茶。奶茶裏的珍珠好煙韌，茶有茶味，凍熱都好飲。我們都很喜歡吃芋圓仙草，甜甜嘅紅豆，配上煙煙韌韌嘅芋丸，滑嘟嘟嘅仙草，係一個好好食嘅臺灣飯後甜品，朋友對呢個甜品讚不絕口。雖然好飽，但係我哋都食曬一大碗鮮草芋丸。今天花了200多元，坐得舒服，吃得開心，又飽又滿足，下次來再來會試花雕麻油雞湯麵。