一鳴丼食堂

Open Now

Now Closed

同朋友想食刺身丼飯，於是就叫左 四重火焔盛 ($138)、北海五品盛 ($178)、壽司就叫左 北寄貝($24)同玉子($22)落完ORDER後，職員先送上消毒酒精紙俾我地抹手消毒下，始終近期病毒四散，出街食飯都變左好高危，衛生清潔做足，令食客食得安心都好重要調味料位置有壽司生薑，可以食一片醒一醒胃，同埋食唔同刺身壽司時清一清味道四重火焔盛：即係有火炙三文魚、帶子、左口魚裙邊、蟹棒，每樣食材份量都幾多，放得靚靚仔仔賣相幾吸引食落去每樣都幾好味，燒得少少燒香又帶出到刺身嘅鮮甜味最中意右口魚裙嗰邊種入口即溶嘅感覺北海五品盛：有三文魚、油甘魚、帶子、海膽、牡丹蝦，呢碗更加唔駛講，一上菜時已經超靚仔，直情同餐牌MENU一樣咁濟，夠足料亦都啱晒影相呃LIKE每一樣刺身都好新鮮，食落唔會有雪味，特別係海膽，超鮮甜唔苦澀帶子肉身夠厚北寄貝壽司：肉質爽口，味道鮮甜玉子壽司：玉子夠甜，唔會過硬大合照食完埋單連加一總數$398，食材新鮮又足料如果佢呢個價錢係做埋SET，即係附送麵鼓湯/甜品的話，會更加抵食題外話：整個用餐過程職員都好細心同有禮，會好主動幫你REFILL熱茶，值得一讚補MENU

同朋友相聚，今日就嚟到大埔搵嘢食。👭🏻成條街都有好多食店，而今日就係揀咗間日式食物嘅鋪頭。⛩門面充滿日本氣氛以木為主，裏面鋪頭細細，分咗兩間。入到去店員好親切咁樣幫我地安排左位置，但就略嫌個位就真係好逼。要攬住個袋食嘢，坐得唔係太舒服。🙈不過估唔到喺宜家呢個疫情之下，間鋪頭仲可以坐滿人呀。真係估佢唔到！見佢咁多人幫襯，一於睇睇佢個食物質素啦！💁🏻‍♀️四重火焰盛 $138🐟🦀面頭鋪滿帶子、三文魚、右口群邊、蟹棒。再加上火灸嘅技巧，令到啲刺身特別肥美。樣樣刺身都好新鮮，配上珍珠米份外香口。唔知廚師有無係米度落功夫，就咁食都已經好香甜。煲得啱啱好，唔硬又唔軟，粒粒分明。海老戰隊 $168🦐🦐蝦控必食，呢個丼簡直就可以滿足你3個願望。面頭分別有甜蝦、赤蝦同牡丹蝦。🦐唔係講笑呀，呢個價錢真係食到牡丹蝦啊！利用唔同蝦嘅鮮味，啖啖都好滿足👍🏻赤蝦爽口，略帶甜味。甜蝦偏甜，肉質偏淋。牡丹蝦簡直就係人間美食。🤭講咗咁多，其實都係想反映佢真係好好食呀！👍🏻👍🏻💬以一間小店黎講，呢個食物質素真係有驚喜呀！🥰如果可以改善一下座位嘅空間就會比較好啦！

本人都幾鍾意食日本嘢，啱啱去完日本返嚟，好想再試下香港嘅日本野究竟同日本嘅水準爭幾遠，所以今日特登入大埔試吓呢間專食壽司刺身嘅日本舖頭。好特別佢一邊鋪係食串燒，另一邊鋪係食刺身同同壽司，我哋揀咗食壽司果一邊，好貼心，喺門口仲放咗啲熱茶，等得耐嘅朋友仲可以飲下茶。食物嘅選擇都幾多，同埋佢哋價錢都幾平民，以佢嘅份量同價錢我覺得都算係幾好。我哋叫咗個壽司拼盤，有條長長大大嘅三文魚，食落去嘅口感真係好新鮮。之後叫咗個炙燒牛肉丼，首先講佢嘅份量，呢個份量兩個人食啱啱好，佢嘅燒肉入口即溶，加上蛋黃混埋啲飯一齊食，口感相當唔錯，大家有興趣可以嘗試吓。

好耐都冇試過喺大埔食飯，都唔知道原來大埔開咗好多鋪頭，今日行開大埔墟，見到有間食日本嘢嘅，吸引左，所以就同個朋友一齊去試吓。佢哋晚上六點準時開門，有啲朋友喺門口已經等緊，一開門就即刻入去坐低點嘢食。佢啲位置有吧枱同埋有普通枱，我哋兩個坐咗係普通枱。佢呢度有串燒同埋壽司、刺身、丼等等。我個人比較喜歡食丼飯，所以我哋就叫左一個丼同埋散叫左幾份壽司。先上左壽司，我哋叫咗蟹子、三文魚同埋三文魚魚腩壽司，壽司份量都幾大份，魚生好新鮮。之後叫左個炙燒牛肉丼，份量都算幾大份，兩個人食其實都啱啱好，啲牛肉燒到好淋，配埋佢個醬汁好好味。

今晚與家人一起去到一鳴丼食堂用餐。它離大埔墟火車站大約七分鐘左右，位於一條食巷裡面，可是等候的人群都很多，裡面幾乎爆滿，氣氛很熱鬧。而門外都有擺放木椅和茶，給輪候的人享用，非常體貼。地方座位有點兒淺窄，淺色木頭的裝橫猶如居酒屋般，而且他們的餐牌用手繪畫展示食物，更顯他們雅緻的風格。今次我同屋企人都共同點了鮭火山 哈哈，丼裡面的魚生好多，當中有魚籽、三文魚、拖羅蓉、青瓜及甜蛋，每一口都帶有不同的口感，最重要魚生都很新鮮。我本以這普普通通，但因為質素高而帶來驚喜。總結：晚餐的價錢都要百幾蚊以上，但只能說真是值得的。一鳴丼食堂是一家大埔出色的小店。

試吓大埔呢個丼佢嘅餸係布滿左喺個飯到😍多到要滿瀉喇😯見到佢個蟹肉丼飯， 好吸引就叫左但係發現佢冇乜味道🤨魚生丼飯都好足料！牛肉丼又係唔夠味🤨如果調多一個好啲嘅醬汁放上丼飯咁樣味道就會好啲

上一次同好姊妹嚟食午餐，今次同好男仔嚟食晚餐🤤第一件事係要大讚呢度嘅服務，近期爆發疫症，一坐低就問我地要唔要消毒濕紙巾，非常細心！是日店內環境，位置不算太舒服，但都可以接受餐牌都整得好精緻，整潔叫左份壽司六點盛卷物不過不失最好味係呢件海膽壽司，厚得嚟又夠味道，正！鱆紅魚同油甘魚實在係太似，不過店員早早已經為我地介紹咗，所以無問題！兩種魚都叫做幾好味，不過...墨魚同甜蝦係完完全全沒有味道！驚覺自己味覺𣊬間失去功能！幸而追加了左口魚裙邊，不錯！果然沒失望！油脂分布比例剛剛好！最後食埋個蟹膏甜蝦軍艦，蟹膏既味道夠晒新鮮！味蕾指數level up🤪今晚都未必係最享受食物個種滿足感，反而係呢度嘅服務態度，係我近年嚟遇過最好的！感謝🙏

一鳴丼其實毒丁一個更開心自己一個人又有咩好怕喎，食好少少咪得囉，生命滿希望前路由我創，今日咩住個背囊霸左兩個位，準備自己一個食飯，作為專業的毒丁係唔會介意旁人的目光，並準備與面前的美食發生激烈的關係。我點了四重火焰盛：有三文魚、帶子、左口魚裙邊和蟹棒，齋睇賣相已經好有衝動放入口，還有三文魚刺身。首先說四重火焰盛，灸燒得剛剛好，三文魚勁香，而且充滿魚jam，帶子左口魚也非常新鮮，在我口中起了異常的化學作用，完全感受到大海的澎湃和大自然的奧秘，蟹棒當然也很棒棒！神奇地，老闆竟然知道我鍾意食蛋中間放咗一隻蛋黃俾我，成口蛋jam 好rich 極滿足！🤪🤪🤪🤪🤪跟住端來的是三文魚刺身，砌到成朵花咁，我開始懷疑老闆對我有些暗示，望一望老闆，滿臉鬍鬚，面帶微笑的點了點頭，我開始驚了，但三文魚實在太好味充滿魚油，我一定要把它完成，然後頭也不回匆匆的走，突然老闆把我叫停了，我的心跳也加速了，原來我忘記了結帳😂😂😂

今日放工同朋友係大埔約食飯，兩個都中意食日本野既我地就簡左呢間一鳴丼食堂，呢度好近大埔墟站，晚餐時間幾乎滿座啊！呢度既丼飯真係每一個都好有特色，都甘吸引，真係令我想全部試曬，但點都要簡一個，所以最後就簡左呢個究極甲羅盛，入面有成隻松葉蟹啊，包括咗蟹蓋，蟹腳，蟹鉗， 又有蟹籽同蟹膏，仲有一隻生嘅鵪鶉蛋，真係第一次試咋呢個組合，好心動啊!蟹腳蟹鉗嘅蟹肉都好新鮮，肉質嫩滑，蟹肉撈埋蟹膏再加蟹籽再撈埋食生嘅鵪鶉蛋，真係好特別好好味啊！重有距呢度既三文魚籽好大粒好新鮮，真係令我食到好滿足!

今晚同朋友相約到大埔墟呢一邊食晚餐 ，我哋就選擇食日本嘢一鳴丼食堂。一到夜晚嘅時分， 真係好多人食呢間呀！應該好唔錯嘅！餐牌好多嘢食呀！有丼飯啦！刺身啦！壽司啦等等而我哋最想食就係丼飯啦 ！每個飯都真係超級吸引！我哋原本嘅首選係蒲燒鰻魚帆立貝盛 ！同埋豪華海膽盛 ！但係好可惜嘅係，得到店員告知 ，當晚嘅海膽已經供應完畢， 我哋只好另作他選！玄米茶，味道超香濃，配食丼飯一流！我哋叫咗一客飛魚子壽司， 呢度嘅飛魚子真係超級新鮮，我一上菜見到個顏色 就知道係極品！ 一咬落去，果然不出我所料， 爆出嘅汁， 超鮮甜 ！配上柔軟嘅白飯，完全感受到飛魚子嘅魅力所在！我點咗嘅就係呢款蒲燒鰻魚帆立貝盛， 賣相十級靚 ，鋪設引人注目， 鰻魚排放整齊，上面有粒巨型嘅帆立貝，加上兩片玉子，同埋綠色嘅配菜，好靚！ 呢間嘅鰻魚都相當唔錯 ，肉質彈滑鮮嫩，有口感 ，比平時食嘅鰻魚滋味！帆立貝配上鰻魚汁亦都相當滋味 ！另外係最值得欣賞嘅就係 ，飯同埋鰻魚嘅比例一半一半 所以每啖飯都可以食到少少嘅鰻魚， 十分唔錯！

難得入到大埔，就諗住食d異國菜。見到條小巷裡面有大大小小既餐廳，就入左去食。🌸北海道五味盛$178一端上黎，已經覺得plating好靚，好啱打卡。三文魚刺身好厚，紋理幾靚。油甘魚比平時市面上既新鮮，幾好味。海膽份量算幾多同鮮甜。刺身下面係壽司飯，好大碗，要按自己個人口味加豉油。🌸蒲燒鰻魚帆立貝盛$128鰻魚份量好多，鋪滿嗮碗飯，好入味。帆立貝好大塊好有份量，好鮮。鰻魚下面係一大碗鰻魚飯，有蒲燒汁，所以唔需要再落豉油。🌸三文魚壽司和八爪魚刺身成間餐廳都係木系，好舒服，擺設都好齊全，有日本甜薑，七味粉等等。服務都好好，見到冇嗮茶都會立即斟返熱水。餐牌：睇得出好用心機設計，畫畫好靚同真實，實物同餐牌畫出黎好似。

依排無再幫襯鐵火堂，有留意開時事嘅朋友應該都知點解啦。但自己又中意食魚生飯喎，好彩經朋友介紹，搵到大埔呢間一鳴丼，可以滿足一下口腹之慾。餐廳裝修幾唔錯，有日本居酒屋嘅風格，門口係和式敞門，掛左兩條藍色布簾，上面繡住禾黍嘅圖案，幾具韻味。咁我同朋友就跟左店員嘅介紹，叫左兩客蓋飯：三色海膽蓋飯同雜綿魚生蓋飯。先講海膽蓋飯，上面除左海膽之外，重有一隻鵪鶉蛋，埋芥末同豉油就食得。海膽味道十分濃郁，不過無想像中咁有海水味，扣左少少分，不過仍然好好食，屬上盛之選。至於雜綿魚生飯就不過不失啦。蓋飯之外，我地重叫左幾份焼物，味道都幾好，雞軟骨雖然唔係好夠味，不過有辣椒粉，所以其實都還好。另外，枱面都有飯素提供，幾細心，值得一讚！總體黎講，除左座位有Ｄ窄之外，整個用餐體驗都唔錯，推介！！！

阿妹成日都話要食日本嘢，聽同學講話大埔有間食丼飯唔錯嘅舖頭就決定黎試下！一黎到舖頭就覺得成間店啲木系裝修好日式、好舒適。Menu畫得好靚！好有心思！（有少少想攞返份留念🙈）真係見到啲咁靚嘅畫，全部都好想試！諗住試下魚生同熱食，所以就嗌咗個「蒲燒鰻魚帆立貝盛」（$128）同「北海五品盛」（$178）。另外就加咗個三文魚壽司（$28）同八爪魚刺身（$28）。好快就上咗北海五品盛！真係砌得好靚同埋好足料！三文魚同油甘魚各有三大片帶子有六粒薄嘅，仲有海膽同一隻大嘅牡丹蝦魚生完全唔會有雪味，魚生唔會切得好薄，食得好滿足！之後就上咗三文魚壽司同八爪魚刺身。三文魚嘅厚度繼續令我地驚艷，八爪魚刺身相比之下就比較薄，不過依然好爽脆彈牙。之後就到蒲燒鰻魚帆立貝盛喇！全個飯都鋪滿蒲燒鰻魚，仲有大大粒帆立貝🤤鰻魚食落有少少咬口彈牙，唔係平時食開嗰啲cheap cheap淋鰻魚，好正！！！食飯時，店舖職員一見我地飲咗啲茶就會主動幫我地refill，好細心！不過如果芥末可以再辣少少就好，可能我同阿妹都食慣辣啲嘅芥末，所以食北海五品盛全程都要係咁不停加更多芥末食🤣🤣🤣

三文魚腩壽司 $38 海膽刺身$48三文魚腩有少少爽口，而且有強烈既油香味，一般三文魚完全冇得比海膽好新鮮，鮮味得尼唔腥。點少少Wasabi，味道更高一層次，海膽既鮮甜味浮出尼。（紫菜放耐左潮左，本身好脆，記住要盡快食）炙熱牛肉丼$138以為睇落好細份，其實份量滿滿，食完好飽依個牛肉丼有三個步驟去食第一個係沙律汁滿滿嘅沙律汁鋪滿牛肉 本身勁唔鍾意食沙律汁 但依隻沙律汁真心好食，佢比平時嘅沙律汁酸少少，再加上牛肉淡淡嘅燒烤味，令依個汁好易入口食到一半，篤爆隻蛋黃，變蛋黃沙律汁。蛋黃慢慢流落碗邊依一幕莫名有種治癒嘅感覺 。牛肉、白飯再加埋蛋黃沙律汁，食落口有些許黏 蛋黃獨有嘅腥味中和左沙律汁嘅膩。最後剩返一兩嚿牛肉嘅時候，用筷子點少少wasabi再夾牛肉，刺激你嘅味蕾

白桃一千零一夜 $32即係🍑薄荷梳打 仲有青檸既清香 甜度岩岩好 少少清涼感 想要再清涼啲就壓幾下薄荷葉四重火熖盛 $138上菜既時候已經聞到炙燒獨有既香味 估唔到會有蛋黃係上面。加左蛋黃，香滑好多。蟹棒比較結實 唔係坊間既咁鬆散又多水。帶子軟綿綿 好鮮甜 加埋蛋黃之後味道更加濃厚。三文魚只係表面熟左 底部就未熟 口感好特別 炙燒帶出左油香味 蛋黃將D油香更進一步咁濃縮。帶子裙邊幾爽口 清爽得來帶有少少海鮮味。醋飯配合埋上面既食材 溫度同酸度都岩岩好，就算就咁食都好好味。