一鳴丼食堂

Open Now

Now Closed

行大埔見到巷仔有呢間日本餐廳 店舖唔係特別大 但係我哋來的時候客人坐得滿滿的 看似生意不錯 於是乎同屋企人一試作晚餐。店舖內燈光偏黃 座位有bar枱與普通枱櫈坐 還滿有日式風味！一來到我哋便叫了份三文魚刺身 呢個唔多講啦 係平時食日本餐廳既必點之選之一水準不錯👍🏻餐廳有幾款望落去不錯的刺身飯 作為主食當然不能錯過。我們點了份北海五品盛和份鮭火山 刺身飯上枱不馬虎 刺身俾得十分足夠 擺盤亦頗為美觀 而且刺身也很美味 望到滿滿嘅三文魚 已經覺得好幸福 最鍾意食嘅係大蝦同帶子 食落去都幾鮮甜 滿滿的剌身一齊share 都食得好夠！❤️蔥吞拿魚魚蓉同蟹醬撈下飯其實都幾正下 冇平時食晒刺身之後淨係wasabi同豉油撈飯咁寡。另外我哋嗌左火焰三文魚脂壽司本身自己唔太鍾意食壽司 覺得一係食刺身一係食刺身飯 不過呢個係幾好食 上面塊三文魚外燒熟得香香的內仲有幾分生軟 質感唔錯 而且幾香 餐廳仲有啲燒物同嘢飲 今次覺得夠了所以就冇嗌 以後有機會可以試吓！

連續第 4 日的悠長假期，繼續暴飲暴食，還有 2 日。老媽的生日盛宴，埋單 $2800 好意頭。食頭圍不是太多食客，舖面有點窄，檯櫈都較細件，肥少少都坐得非常不舒服。再次忘記不可以一次過點菜，出餐亂七八糟沒排序。第一道菜上丼飯清掉已經半飽，緊隨串燒壽司刺身再串燒刺身！搞到比平時食少好多。有機會再幫襯記住記住記住要分開落單，先前菜、刺身、壽司跟住丼飯，最後燒物、炸物。我食日本料理必定續款點菜，依次序小食、頭盤、刺身、壽司，食完一輪刺身及冷盤，中間飲碗熱湯暖暖胃。到下半場熱燻、鍋物、炸物、串燒，最後就粥粉麵飯。餐廳一次過出晒所有，見張檯都知道無可能放得到啦，激死我﹗到中途我要立即喊停，暫不要再上菜，無位放搞到迫迫夾夾、頂手頂腳極度討厭﹗如細心及有妥善管理的餐廳會替我安排上菜速度及次序啊。上菜雜亂無章，見到都頭痛，冷靜冷靜，不要上火！首先衝線係兩碗丼飯，第二名炸軟殼蟹，各款串燒一一抵步，接住刺身同壽司牽著手出現，最後白子斯斯然地到來！還未夠喉，加多幾串雞珍先。舩坂深山菊大吟釀，唯一一支細清酒，全家只有我飲酒的呢！色香味優質，獨尋醉兩支細唔少得。純米吟釀，鞋鞋不幼滑，酒味淡而不香醇，有放棄的衝

最近想食日式料理 今日嚟到大埔就搵咗間叫做 一鳴丼食堂 舖頭空間唔算大 勝在夠寬敞 光線夠光猛 俾人感覺乾淨企理 食日式最緊要俾人乾淨 咁樣加左好多分 今次分別叫左一個四重火焰盛，一個北海五品盛，一碟八爪魚壽司同一碟牛舌 唔好睇佢地細細碗其實啲料好足 食到尾都夠飽先黎講哩碗四重火焰盛 佢配有炙燒三文魚，炙燒左口魚裙邊，炙燒帶子同蟹棒 第一啖 炙燒味好足 賣相好吸引 食得出材料好新鮮 帶子甜同厚實 on top配上嘅係唐心蛋黃加上壽司飯又幾好味 😋 咁再到北海五品盛 又係擺到靚靚囝囝 好岩影相 📸️ 不過我地去食嘅時候 已經冇晒海膽 要改配蟹肉或蟹膏 而我地揀左蟹肉 跟住我地叫左個汁燒厚切牛舌 哩個非常有驚喜 上面配左白蘿蔔蓉 就算我唔好佢 但搭配埋一齊真係非常之好食 😋 加上牛舌燒得岩岩好 非常推薦大家黎叫哩試下

假日與家人一起來一鳴丼食堂吃丼飯餐廳裝修舒適怡人 適合與朋友家人放工放學一同吃頓美味晚餐餐牌選擇很多 有燒物 有丼飯 有刺食 有飲品及酒本身自己非常愛刺身丼飯 因此立刻選了一碗滿足的北海五品盛丼飯堆疊得很高 刺身非常豐富而分量十足 有大而鮮甜的大蝦 又厚而大片的三文魚等魚生 因為蟹肉暫時沒有而改為蟹醬 卻風味十足 蟹膏味很濃郁 很適合配飯 感動的是帶子也比預期中多 有整整五至六片 而且十分美味另外家人點了鮭火山丼飯 如果是愛三文魚的人便大飽口福了 丼飯頂端還有一大陀吞拿魚茸 堆得高高的 本人超愛吞拿魚茸 配飯簡直是幸福之選最後點了碟三文魚刺身和火炙三文魚脂壽司 壽司飯上面鋪的火炙三文魚脂片很厚而有肉汁 熟度到好處 為簡單的一餐錦上添花 很滿意

限聚令仲未過 但街上面已經人頭湧湧我都忍唔住破戒 近近地去大埔試吓呢間魚生飯去到都要等位 一嚟係因為限聚令嘅限制二嚟都真係多人嚟食俾啲Menu大家睇吓先呢間舖頭有, 魚生飯, 串燒, 炸物都真係好多嘢食下我哋嗌左兩個魚生飯 加一堆串燒飽到捧住個肚走事不宜遲即刻去相最好食嘅真係嗰個海膽魚生飯雖然價錢都唔係平 都差唔多$200 一碗但係對得住個價錢！啲都好新鮮 又大大件串燒亦都係即叫即燒一個字 讚！It is a very high quality restaurant in Tai Po and I highly recommend you all to try!!!

今日走去大埔搵朋友，佢都好了解對飲食有要求嘅我，係佢試過好食嘅餐廳中揀左呢間日本野。我係壽司愛好者，不過都要就番朋友叫下其他野食嘅，所以我就負責揀壽司其他就俾佢揀啦！火灸牛肉好有牛味，質感都算軟身，唔會同壽司飯唔夾。章紅魚幾新鮮，有光澤，唔錯！鰻魚好食，個醬汁味道岩岩好。吞拿魚感覺差d香味，如果有多小小調味吊起味道應該會更好。三文魚子無野彈，係大埔呢d小區黎講，已經夠出色。蟹膏甜蝦係易伏之選，但朋友話想試，都好彩佢款蟹膏唔會腥，甜蝦又唔會太軟身。另外朋友叫左丼飯，我覺得ok啦，只要d食材新鮮都會好食嘅，同埋佢仲加左流心蛋。玉子燒我就覺得幾香幾滑身，密度唔會好高，所以唔會話食滯咁樣，都值得食呀～

疫情雖然好轉左，但都係唔敢去太多人嘅地方。呢段日子反而發掘到唔同小區小店，而呢間位於大埔嘅日本野係唔錯的！先揀丼飯，都有成8款揀，第一次食都係保險d，叫左四重火焰盛。好少見到會配上流心蛋，視覺上已經令人好滿足。燒過嘅三文魚，帶子同左口魚多左份香味，滲出魚油香，飯方面似乎少左d醋味，好彩有流心蛋補番不足。幾乎每次有得揀我都會叫玉子燒，太鐘意食蛋，又覺得係功夫野。滿滿嘅明太子醬配埋入面嘅拉芝，大滿足，玉子燒亦做得好滑身夠味。最後叫左唔同款壽司，最感動係三文魚子無令我失望，新鮮飽滿唔腥。其他都唔錯啦，算係咁！下次可以試埋隔離間拉麵！然後又再叫玉子燒=P

今日放假行左成日街，醒起近大埔火車站呢條小巷有好多野食，於是過黎睇下，見到呢間一鳴丼，係我最鍾意嘅日本野，正中下懷。6點鐘，岩岩開鋪，所以成間鋪都仲係無咩人，岩哂我可以靜靜地食餐飯。小店座位唔算好多，裝修都有日系風格，全部都係木同埋「拉麵枱」，值得一讚既係店員服務唔單止好，一黎就比兩杯熱茶濕下口，最欣賞係女店員好細心，refill左我杯茶起碼3-4次，因為我係飲水怪，每次一飲完佢就即刻斟，連叫都唔洗叫。枱上有即棄筷子，有薑、豉油，隨便使用。menu亦都係我好鐘意既手繪風，因為我地都唔太肚餓，最後點左炙燒左口魚裙邊（2貫）$38、究極甲羅盛丼飯$198、土佐豆腐$28、岩監燒羊架$56。最驚喜係土佐豆腐同燒羊架！本來我都超鐘意食豆腐，豆腐炸粉唔會太厚，炸得岩岩好，食落好似薯片咁酥脆，面頭分別有櫻花蝦、木魚、蔥花，3種享受！羊架都燒得十分出色！好有羊味又juicy又嫩，可惜太飽唔係我會叫多個！左口魚裙邊壽司就唔洗講，好香既魚油味，呢樣好難會唔好食。重點黎啦，究極甲羅盛飯～店員教我地將蟹蓋內既蟹膏、鵪鶉蛋、蔥花撈勻再配埋飯一齊食，真係好好食呀～～～蟹膏好濃好鮮，份量都好豪邁，可以夠配哂成碗飯

今天囝囝說提前慶祝母親節，便近近地帶我來大埔一間日本餐廳，聽到日本餐廳，價錢應該比較貴，所以點餐便就著就著， 主要都是由兒子發板。裝修很有日式風味，最重要的是這裏有酸薑任裝，非常合我口味😋不太酸又不太辣。 原來呀囝點了火炙三文魚脂壽司、燒汁油甘魚、一鳴海鮮湯烏冬、蟹膏甜蝦軍艦、火炙牛肉壽司和蒲燒鰻魚帆立貝盛。叫了這麼多很怕價錢會貴，但他說放心這裏的價錢相當合宜，可以放心吃。由於胃痛的關係所以不敢吃魚生，但也想試一下炙燒壽司，但這個三文魚壽司充滿魚脂，加上微微燶的表層，令人齒頰留香。燒汁油甘魚充滿了日本的味道，充滿口感的魚肉燒汁，是令人實在的味道哦！那個招牌海鮮湯烏冬真的10分抵食，除了烏冬之外還有甜蝦 牡丹蝦赤蝦，還有一些炸物！非常豐富滿足！其實已經開始飽了因為需要留些空間吃鰻魚飯所以我只吃了一件火炙牛肉壽司，燒得剛剛好把牛肉汁所在微微焦香的表層內。最後我最喜愛的鰻魚飯終於出場了，由於quota 有限所以把帆立貝讓給仔仔最後吃了三份一的鰻魚飯已經非常飽了，幸好仔仔食量較大沒有浪費食物，但我

有日喺大埔等家姐嚟搵我，自己一個周圍行，行到一條橫街發現左嗰度有好多野食，就諗住搵一次同friend 過嚟食下野~其中呢間都幾深印象，因為嗰日見到佢個menu畫得好靚，我好中意睇美食插畫，好想知佢實物係咪都係咁靚🤩今次就約左best friend 嚟食夜晚~夜晚再嚟到呢條街，同我嗰日晏晝行過差好遠，大部分餐廳都係晚市先開，所以晏晝個感覺就有啲冷清，夜晚就變得熱鬧，好大對比😂木製嘅門面、藍白色嘅門廉加埋啲燈光，好有傳統日本餐廳feel~入到餐廳，都會見到好多木嘅元素，我好中意木嘅裝飾同餐具，見到咁多“木”，覺得好舒服~再睇多次餐牌先~一開始就係呢份餐牌嘅食物插圖吸引到我入嚟食野🤩，畫得好靚，好真實，樣樣野食都好似好好食咁🤤🤤丼飯嘅配料都超豐富，好吸引🤤🤤🤤仲有唔同嘅壽司盛~我哋最後揀左胡麻醬豆腐素菜沙律🥗沙律菜同蕃茄好新鮮，做頭盤啱晒~豆腐易夾，但仍然好滑，豆味好濃😋Best friend 話食落好似佢上次去日本食嗰個豆腐料理嘅硬豆腐~炙燒鰻魚壽司&蟹膏甜蝦軍艦😋😋😋個鰻魚燒得好香又唔會太乾，好好味😋😋😋蟹膏好甘香，甜蝦爽甜，紫菜咬落都係新鮮脆口😋😋😋之後就嚟到主食啦～鮭火山丼飯😍😍😍😍

衣間係大埔墟既日本餐廳真係好多選擇，想食日本野又唔知食乜好不妨你試下，除左見到好多人食既丼飯，佢地仲有壽司，壽司set,串燒，炸物，沙律，玉子燒，小食同拉麵，而且每一個種類都超過幾款選擇一個人食，叫左唐場原隻軟殻蟹，衣餐絕對係增肥餐，成隻軟殻蟹上賣相真係好好，炸得好脆，點埋檸檬汁味道剛剛好，岩晒中意炸物既人主食就叫左碗拉麵，湯底就咁望幅相都睇到有幾濃，賣相好好，溏心蛋好食，叉燒好淋，拉麵有咬口，成碗麵份量多，食完好滿足

假期前夕 梗係要食好啲😋 今次黎左大埔食一鳴丼食堂 想食呢間好耐啦！門口有餐牌睇，睇啱先入去食都得見到魚生咁吸引，梗係入去啦😝散叫左啲壽司，最好食都係甜蝦($48/ 2pcs)，好新鮮😋 炙燒左口魚裙邊都唔錯($38/2pcs) 另外仲叫左拖羅($68)同三文魚籽軍艦($48/2pcs)，不過拖羅始終都係日本既好食啲新鮮啲😝不過最最值得叫既都係呢個三文魚腩刺身($48/3pcs)，好新鮮！油脂分佈啱啱好，好味😝丼飯我就揀左呢個蒲燒鰻魚帆立貝盛($128)唔算大碗，但都好多鰻魚，反而唔會太多白飯，我本身唔太鍾意食鰻魚，因為覺得有啲有魚骨既感覺，但呢個鰻魚冇呢個問題，熱辣辣，都幾好味。呢餐飯兩個人食左$400，份量啱啱好

Last time我同朋友係大埔食左間一鳴拉麵個陣就想試埋佢隔離個間一鳴丼食堂因為佢個門口實在太有feel啦好jengggg!!!所以就約埋佢 放工一齊去try try佢😛😛😛尼間野係食日本野既價錢都ok啦唔太平 唔太貴🌐三文魚腩（3件） $48厚切 而且無乜雪味好好味😋🌐甜蝦壽司$38我淨係試左隻蝦 隻蝦幾鮮甜 我朋友鍾意食 留返俾佢食🌐三文魚籽軍艦$48大大細三文魚籽 好正！🌐灸燒左口魚裙邊壽司$38燒到佢有啲燶燶哋 好正 燒左黎食好香口 一定要點🤤🌐拖羅壽司 $68留左俾朋友食 唔知咩味呢🌐蒲燒鰻魚帆立貝盛 $128怕唔夠飽 叫左個丼黎食係好多鰻魚鋪滿晒成個碗睇落好似好細碗咁但係食落係好飽肚鰻魚好好味 幾厚肉地 正最後埋單都係$405都算可以啦！每人先至200蚊左右下次要再試多啲刺身先🤤🤤

之前試過一鳴拉麵，覺得唔錯，而今日又想食下丼飯，所以就試埋係一鳴拉麵旁既一嗚丼食堂。好好彩今日早左少少去唔駛等位，入坐之後已經有2台人等緊。裝修都係一般日本餐廳既設計，感覺都幾光亮整潔，餐廳有做足消毒清潔，某程度上令食客都安心不少。餐牌同埋落Order既紙係同一張，直接寫要邊一款，係好方便既。今日好想食丼飯，而我最愛既係海膽同三文魚子，所以就叫左個北海五品盛，呢個盛有牡丹蝦，帶子，油甘魚，三文魚，海膽同三文魚子。一眼望落去就知呢個盛既主角係牡丹蝦，真係好大隻，新鮮好味。但我眼中既主角係海膽，第一口梗係要食佢啦。大大啖，鮮甜到呢。其實呢個北海五品盛真係好大碗，而D魚生真係幾新鮮下，份量又多，呢個價錢有咁既質素同份量，都算抵食。食完個丼飯已經勁飽，但個炙燒饅魚壽司賣相太吸引，其實味道都相當唔錯，個醬做得唔錯。

這次和友人去的是一嗚井食堂，來到是老板娘(?)招呼我們。她跟我們就疫情關係，現在最多只能容納12人😭。送上了熱茶，很好喝，仲會幫我地refill,態度很好。挺喜歡店內的裝修，柔和的燈光讓人很舒服。店內還會播着差不多十年前我會聽的日文舊歌🤭老板娘人都好nice, 會同我地傾下計，所以我都好好奇咁問d 歌係邊個揀的。Menu設計得幾有心機🤪來到當然要食我最愛的玉子壽司，玉子很甜，我很喜歡。甜蝦都幾大隻，分量也不小，吃下去挺新鮮，不錯。(我很喜歡他們用的碟，有design，幾好看的。點了鰻魚飯，好吃。飯的份量都幾多，但鰻魚都唔少，仲有隻帶子，好好餸飯，適合我這個飯桶。而飯有豉油但也不會太鹹，底部都有的，所以不會愈食愈冇味，都幾貼心。而且附上玉子，太好了。我們總共點了這些食物。總結：雖然舖位唔太大，但都食得好開心，令人覺得好舒服，價錢合理，值得再黎。同埋menu都有好多野可以試。