Video
1-min walk from Exit C2, Sham Shui Po MTR Station
continue reading
Telephone
56161212
Opening Hours
Today
09:00 - 22:00
Mon - Sun
09:00 - 22:00
Above information is for reference only. Please check details with the restaurant.
試過幾次（包括今晚）派飯前近九點去買三餸飯，不單止冇減價（附近有啲三餸飯舖頭八點後係免費畀多個餸你），免費湯或者糖水已沒有，還有叫餸嘅時候選擇一些成本重的例如鱔，龍躉，西蘭花蝦球等等，雖然照樣加錢畀佢但份量也是很少（係逐一舊逐一舊夠數住咁畀你），雖然眼見淨返大量要加錢嘅餸同埋即將要派免費餸，例如以上龍躉及鱔，都係數住件數咁畀你，連西蘭花蝦球（不用加錢）都只係畀一粒蝦球，其餘全部西蘭花，但嗰盤西蘭花蝦球仲有最少二三十隻蝦，我之後已經冇人排隊買，反而門口有人放咗好多紙皮雜物喺度排隊（只係雜物排隊人唔喺度，開始派嘅時候先返嚟）寧願啲貴價餸留返畀攞免費飯餸嘅人，都唔寧願畀用錢買嘅客人，有兩次九點幾行過，攞免費發嘅人廿幾歲都有，佢哋只要攞個食物盒過嚟就可以攞，仲要全部都係要加錢嘅貴價餸，我想問下如果冇人畀錢幫襯，你又點可以繼續做生意可以派飯，附近嘅北河同行，明哥係派飯先鋒，佢一邊做生意一邊派飯，餐廳啲人要多啲飯就畀多啲飯，要多兩條菜就畀多兩條菜，價錢都收得好平，32蚊就有一碟飯同埋杯嘢飲，三餸飯都係33蚊連埋例湯，明白佢好心送嘢畀人，但來者不拒及有人唔止攞一盒，後生仔女都攞，咁做法好似畀人利用咗，同時間得罪咗真係畀錢幫襯嘅人，三餸飯加12蚊係要53蚊，喺深水埗講算係最貴，對我哋啲夜收工嘅人寧願幫襯附近八點後多一個餸嘅舖頭，三個餸都只係32蚊，都唔會再幫襯佢
continue reading
外賣只係要求多少少汁，你俾唔到大可以出聲，其實唔洗係客面前俾說話人地聽喎，你可以提出有唔同汁可以提供俾你，如果連最基本既禮貌都唔識，你咪出聲囉。態度極之惡劣，麻煩正視下，派幾多次飯都冇用
continue reading
24-2-2024(Sat) 元宵,同老公特登出嚟支持每晚收舖前都會免費派餸嘅呢間兩餸飯店,我哋嚟到就先搵位,然後買嘢食,我見有炒麵,就問收銀可以叫炒麵加另外兩個餸嗎?佢答可以,$41.00.期間我聽到話有魔鬼魚,最後我揀咗炒麵,娃娃菜同蒸魚塊豆腐,老公就揀咗菜心牛肉,魔鬼魚同焗魚腸少飯,重要個例湯,加埋要$55.00.齊晒食得,炒麵俾到成咗山咁高,魚塊豆腐有3件,我先食我嗰啲,三樣嘢都凍嘅,佢哋唔係一直蒸住?既然有堂食,係咪應該要熱住?講返味道,全部都清唔太鹹,魚塊豆腐例外,因為佢落咗辣辣地嘅XO醬.味道: 3分老公嗰啲呢?我見佢嗰啲有蒸汽出,即係仍熱,應該係魔鬼魚熱吧,我哋分啲嚟食,菜人夠腍,牛肉滑;焗魚腸凍嘅,味道亦唔鯹;魔掌魚呢?係炸過嘅,我食到薑味,魚肉唔太嚡.之後我睇到菜名係薑蔥魔鬼魚.味道: 3.67分碗湯就暖暖地嘅,亦鹹淡適中,係蘿蔔湯,蘿蔔都冇渣,亦有苦味.味道: 5分環境:入到去坐,冷氣開得大咗,啲位都凍凍地.2.5分服務:一般正常,不過老公買嘅時候,店員有問佢飲唔飲嘢,老公答想要熱嘢,店員就提議佢飲湯,但冇問我.價錢:我差唔多食完時,至見到貼喺牆上嘅價錢牌,見到兩餸飯$33.00,三餸飯係$40.00,即係我嘅炒麵係加$1.00.而老公嘅佢就聽到焗魚腸要$12.00,咁$55.00-$12.00-$40.00=$3.00,咁湯即係$3.00.2.8分又睇到糖水,飲品$5.00,特飲$8.00,豆漿$3.00.
continue reading
路過搵飯食，初頭諗住去附近印尼餐廳，不過見到幾貴，所以再行落少少見到兩餸飯，好多款，魚類有龍躉、白鱔、石斑普通d例如鯇魚都有咁叫咗兩餸$33+$12轉龍躉其實又唔係咁貴D飯口感煙韌，魚就「嚡」咗d，不過無所謂啦，$45有得食仲有好多餸，燒明蝦，仲有街坊見有蒸魚出成條買走有少量坐位可以堂食
continue reading