三寶湯飯粥品店

Open Now

Now Closed

因為之前試過其他地方服嘅經驗比較多，但係又好想食呢一樣嘢，所以一見到呢間嘢咁多人入去食就覺得應該唔會太差。食過兩次一次係冬瓜湯底，另一個係蕃茄湯底，份量足夠同埋啲蠔仔真係好新鮮同雲耳同蟹味菇都好夾到。我覺得如果佢有其他湯底，例如辣湯底嘅話都會係一個好嘅上司，所以都希望佢哋出冬陰功湯底，另外一樣嘢要講嘅就係佢嘅腸粉，個人認為都唔錯，係好新既嘗試。今次叫咗雞蛋腸粉係因為想有多d營養,結果都冇失望嘅。希望下次試埋佢嘅雞湯炒飯再同大家分享。

路經小店，有啲肚餓，於是入去坐低一試，天時暑熱，叫咗個冬瓜湯鷄飯$54，加豬潤另加$16，成場得一個靚女攪掂，非常有禮貌，態度極好，落單好快有得食，冬瓜湯入面有小量菰同木耳，鷄有5到6件，豬潤亦有五件，煲仔滿滿，加上大量蔥花，色香味都高水準！間鋪好旺，不斷有容出出入入，見到待應姐姐對啲老街妨好細心，一餐滿滿人情味的晩餐！絶對值得翻啅！

小店，小本經營，但用心制作。今日食咗近一年無食過好食的蝦米炸兩。豉油味道剛好，不太鹹甜。皮是薄而滑，滿是蝦米同蔥粒。內𥚃的油炸鬼，是脆的。配一個蠔仔湯飯，淡淡有蠔仔，淡淡有蔥花。天氣開始熱，呢個配搭，要再試。另外一提，這店三大類食品：腸粉、粥、湯飯，都水準高且穩定。我已是多次試過。

今時今日拎住$50食晚飯真係好少選擇，就算有，好多時都難以下嚥。6回幾經過發現餐廳坐滿人，諗住伏極都有個譜，拿拿聲入去。點左個招牌豬雜湯飯$53蚊（跟勝瓜），有個瓦煲裝住白飯，好大碗，另外一個煲就裝住滿滿嘅湯同埋豬雜，印象中有三大塊豬潤，四條豬粉腸，五片豬肉片左右，明顯都有醃過，豬什冇異味，湯底都鮮甜，唔係一味死鹹或者淡而無味嗰啲，勝瓜正常。今時今日$53食到咁嘅質素真係要感恩，職員態度仲要係超級友善，向來比較接摺嘅我都有啲唔好意思。日後應該都會經常幫襯。

收工行過 見到新野 緊係試下佢啦 環境夠光 唔會死沉沉d樽同筷子果d好乾淨叫左雞雜粥 蔥花虾米腸 炒麵雞雜粥 雞件雞味濃 雞腎爽 雞肝正常 炒面 濕潤得黎又唔會痴埋一注 炒得幾好 味道又唔會咸 good 蔥花虾米腸 （好食得制。。。。唔記得影）e個不得了 腸粉煙韌軟糯 大量蔥花配合埋虾米點綴 虾米架咸鮮 ,鮮蔥架香味同口感食得出係即拉 唔係交貨黎 真係得閒要反食下佢 ！！價錢仲要平 粥先33蚊 太子區真係可能最抵食係佢！！！！下次會試埋佢個豬雜炒面！！（p.s雞雜 e家真係唔多地方會有）