三才魚蛋粉麵

Open Now

Now Closed

全部黃店都係之前食落，唔敢約人出街住，就黎冇貨了😷🧺約fd係銅鑼灣食晚飯，諗住食平啲但又想幫襯黃店，結果佢話食三才，我不敢相信，原來cwb仲有$30蚊樓下又有得坐嘅食店。🔹西洋菜餃河 $28個日冇乜胃口諗住清清地嗌咗西洋菜餃食，水餃皮好滑！皮薄餡靚成功勾起食慾😀加咗少少辣椒油，唔會勁刺激勁辣type，但加完就成碗都好香，河粉都係大大碗食唔晒。🔸墨魚蝦條餃河 $34間鋪係小巷入面，真心勁抵食，附近返工黎食可以慳下lunch錢～/三才魚蛋粉麵銅鑼灣渣甸坊48號采怡閣地下6號舖

突然好想食地道魚旦粉麵~經過呢到記得朋友話有間叫三才,幾好食!呢間鋪頭都幾隱閉,如果唔係朋友指引帶路,平時真係絕對唔會經過。鋪頭乾淨企理,仲要大排長龍!睇黎真係有番咁上下水準我地嗌左牛腩韮菜餃粗麵、牛什韮菜餃粗麵，加多個炸魚皮！份量都尚算ＯＫ，牛什好食無異味，韮菜餃充滿韮菜餡，岩哂我！我幾鐘意食個粗麵～彈牙有口感的麵質。炸魚皮好食呀，炸到脆卜卜但一啲都唔會過油～抵讚性價比都幾高！一碗麵都係三十幾蚊左右，足料又好食！黎銅鑼灣又想食粉麵的話，可以一試三才

抵食之選這天相約了朋友在銅鑼灣逛街，逛街前先吃個下午茶醫醫肚子吧，一向愛吃粉面的朋友便提議找間粉面餐廳。我們走進一條小街，裡頭有不同種類的餐廳，人流不算太多，但唯獨有間吃粉面的餐廳人流很多，坐無虛席外，在餐廳門口更排了一條長長的隊伍，粉面正合我們心意，再加上人排我排的心態，我們便決定試試他。排隊其間，待應先給餐牌我們選擇食物，因為是下午茶時間，光顧粉面還有三選一的食物送，可選菜/炸魚皮/飲品。餐廳的裝潢偏向簡單樸素，環境乾淨，待應廚師們的效率也挺快的，坐下不久，點的食物已經送到。墨魚蝦條河粉河粉滑身，清湯湯底，較清淡健康，墨魚蝦條鮮甜彈牙，墨魚味濃，餡料還有粟米和蝦，用料豐富實在，不錯吃。菜心隨下午茶附送的菜心，菜心新鮮，配上蠔油，健康又夾的組合。總括而言，餐廳有效率食物質素亦不錯。在銅鑼灣區，一般餐廳消費都較昂貴，這間下午茶$33已包一個粉面還附送一樣食物，實屬抵食之選。

雖然話而家市道淡靜左，但出街食飯都依然唔平得去邊，記得幾年前在銅鑼灣工作，午餐食個車仔麵唔飽肚都要四十幾蚊，所以當我知道三才魚蛋粉麵到今時今日仲做倒三十幾蚊一個粉，仲可以食得嘅，真係要講句抵食到喊。三才小小一間魚蛋粉店，可以從佢牆上貼上米豬蓮、迷你連儂牆同五一poster，知道佢係一間黃店，不過隱身喺渣甸坊的鐵皮檔後面依然咁多人幫趁，明顯唔係單純因為政治取向，而真係抵食同好食。粉麵由$28至$33，雙拼加$6，最貴嘅四寶河都係$43，跟麵餐仲可以加$5有熱飲或加$7有凍飲，最平嘅話$33已經可以有一碗粉一杯熱飲，喺邊度搵。魚蛋魚片河($36)三才聲稱有自設工場，佢地嘅魚蛋同魚片確係幾彈口同食得出魚味，明顯唔係一般街市貨色，個人覺得魚片比魚蛋更弾牙好食。河粉幾薄幾滑，湯底清清地，食完都唔會口渴，我鍾意食辣就會加啲辣椒油。另外，三才嘅粉麵都有加蔥花同炸蒜片，不過會用湯匙分開上。牛腩拼墨魚蝦條粗麵($39)牛腩幾腍唔黏牙，墨魚蝦條好彈牙，因為加左牛腩，所以湯底係腩汁底，就咁食唔加辣味道已經唔錯，粗麵仲好爽口。好多粉麵店如果想飲嘢通常都只有散叫，三才就可以跟麵餐加錢，我同朋友叫左凍柚子蜜同凍西

每次帶唔同朋友去試「新」餐廳，其實我都有 d 緊張。訂檯時已確實沒有時間限制！香港寸金尺土，在旺區食晚餐有時段限制是非常了解，驚 d 朋友，對我期望太高。口味嘅嘢，真係人人唔同。再講，話明「新」餐廳自己都未試過架，都唔知好唔好食今次試嘅呢間餐廳係九龍城，d 人話，手打墨魚丸全港出名最好食。當日第一餐，叫左兩碗墨丸豬肉丸加紫菜腩汁底嘅河粉。睇起來，普普通通，冇咩特別。試啖湯先，嘩～d 湯底真係幾正。清清甜甜嘅鮮味，飲落去，仲可以感受到，個陣老火味，潤下潤下。河粉都幾爽口，係我鍾意個款。

今日放工唔想食得太heavy，所以去揾間粉麵食。去到銅鑼灣希慎廣場附近，見到有間良心小店，裝修同傳統粉麵店有d唔係好同，所以決定入去試一試。粉麵都有好多選擇，魚旦、水餃、牛什乜都有，仲可以配粗麵、幼麵、米粉、米線、河粉等。今日突然想食撈麵，所以揀咗牛什撈麵。個撈麵好大碟，牛什夠哂入味，加埋個湯一齊撈，味道一流。講咗食健康d,當然唔少得碟油菜，可以揀生菜、菜心同芥蘭，我就揀咗碟蠔油生菜，生菜夠哂新鮮，份量都唔少。繼續支持良心小店！

銅鑼灣有好多食粉面既鋪頭，無他既，都係因為快，食個速食lunch 唔洗等位。而呢間三才，一間位於坐街食粉面既鋪頭，係狹窄既行人路，竟然有一行人等緊入去。基於諗唔到食咩 同 人等我又等既心態，就決定一齊等試試佢。就算我係得一位，都等咗四五個字，心諗有無咁好食🤔🤔可能想客人流轉快D，未入坐排緊隊已經落緊單，一入去坐低就有得食。都好既，唔洗等完又等。一坐低無耐碗粉就上，食粉面第一件事當然要試下個湯濕下個口先。味精感唔算強，無果種味精"拿"喉嚨既感覺。魚蛋同魚片都真係有魚味，有鮮味而加工魚蛋係唔會有。但個西洋菜餃就比想像中有少少跌watts ，西洋菜本身個味道應該好強好香，但隻餃出唔到隻菜味，飲啖水清一清都唔太覺有增強，希望下一次食會改進。

.又係懲罰黃店系列！你今日罰咗未？哩間黃店位於銅鑼灣一條內街，雖然位置比較隱蔽，但係長期都有人龍，因為真係好抵食。.我地食嘅時間大概係20:30，店員出嚟好有禮貌地講唔好意思，因為好多嘢都賣晒，而我哋成為咗當晚最後兩位客人😂.魚蛋魚片河（$36）• 由於大部分粉麵麵賣晒，就轉食米粉。魚蛋同魚片都好鬆軟彈牙，有魚味但唔腥！湯底就比較清淡，加小小辣椒油就啱晒。整體來講真係平價高質！睇嚟要懲罰多佢幾次先得！.餐名：魚蛋魚片河價錢：$36評分：7.5/10餐廳：三才魚蛋粉麵 (銅鑼灣)地址：銅鑼灣渣甸坊48號采怡閣地下6號舖#HKFPcwb #HKFPchinese #HKFP💛.

最好味竟然唔係魚丸？叫咗個紫菜4寶面，有豬肉丸、貢丸、魚丸、魚皮餃。叫外賣都比齊曬係舖頭食面嘅所有調味品，有齊曬咸菜、辣油、醋、炸蒜，好有誠意！紫菜好脆，好味，其次係魚皮餃都好夠味，唔會有腥味，正！貢丸有啲可惜係無冬菇，我比較鍾意有冬菇會香啲。豬肉丸都唔錯，我最唔鍾意係魚丸，雖然有好多報導話係店主自己整，但真心覺得麻麻地....可能唔係好夠味啦。湯底整體都好味，有分湯，同埋面都ok,外賣都好快手就有，good!

銅鑼灣好少有港式粉麵店係良心小店，估唔到係人少嘅窄巷比我搵到呢一間超級高質勁抵食嘅三才！！！💛·銅鑼灣來講真係良心價，30幾蚊就有一碗。我哋叫咗墨魚蝦條麵同西洋菜餃拼鮮蝦雲吞麵、炸魚皮、油菜。·墨魚蝦條超級彈牙，第一次食墨魚同蝦組成嘅春卷，即刻覺得南_嗰啲好一般🤔西洋菜餃唔係道道都有得食，難得佢仲係多西洋菜少豬肉，好大方🤤鮮蝦雲吞就正常，蝦滑彈牙。湯底冇味精，得淡淡的蔥香，配埋生麵，唔會口渴。·自製炸魚皮真係極高質，薄得來又脆，好似食薯片咁開心🥳·油菜就麻麻哋，啲芥蘭有啲硬身，唔完美但可接受。·只不過呢個價錢喺銅鑼灣真係好鬼抵，唔食對唔住自己🤩-墨魚蝦條麵 ｜ $33西洋菜餃拼鮮蝦雲吞麵 ｜ $34油菜 ｜ $15炸魚皮 ｜ $15-三才魚蛋粉麵 (銅鑼灣)銅鑼灣渣甸坊48號采怡閣地下6號舖-

今日同同事來食下午茶，2:30-6:00pm有優惠（3選1:送炸魚皮/油菜/飲品） 好抵食，難怪咁多客人。地方雖然小，但都光猛乾淨。女侍應好直率、男侍應比較有耐性。出名魚蛋、魚片、牛什，我們就每人選了不同的品嚐。包括了油菜（菜芯、芥蘭、生菜）、炸墨魚條、牛丸、魚蛋、魚片等，也可選米線、米粉、麵我選了牛腩魚蛋湯河+炸魚皮牛腩好入味好易咬、香軟又配上腩汁，魚蛋彈牙口感不錯，河粉軟滑；炸魚皮必點，好脆口好大塊，金黃色的；

位置銅鑼灣既內內街，正常人都唔會行入去，但係佢既人流唔會因為咁而減小，好多ol sales會入去食，同埋佢係黃店更加要去懲罰佢啦，下午茶仲抵佢會送菜，魚皮，飲品三揀一都係三十蚊到，係銅鑼灣仲要而家咁去邊搵🤷🏽‍♂️最重要係好食既👍🏼👍🏼👍🏼蝦條西洋菜餃，好小地方有西洋菜餃，佢入面好多西洋菜，皮又薄，蝦條好彈牙，不過入面有啲蔬菜粒🤦🏽‍♂️🤦🏽‍♂️每碗都有冬菜同蒜👍🏼👍🏼個度都有牛腩牛雜，牛雜好入味好冧好食，牛腩又唔會一夾就散，好重牛味再加多個自家整魚皮，好脆加湯食一流👍🏼👍🏼👍🏼

第一次光顧貴店，店內員工有禮貌，顧客也多，環境乾淨整潔，食物新鮮，味精也好好吃，食完沒有口渴的感覺，實在太好了！一定會再去光顧，支持小店！不得不去！西洋菜比菠菜比韮菜更好食！可能我愛西洋菜多一點！

銅鑼灣內街一間魚蛋河去到嗰時河粉同墨魚條已經賣晒我本身好鍾意食菠菜見到有菠菜餃 其他地方冇見過真係好好食 好新鮮 ^^ 有成3隻魚蛋就係好食嘅魚蛋加啲辣椒油仲好食另外有個白色鳳爪 (有個泰式嘅)味道鹹鹹地幾香佢係有啲硬個隻 好有咬口食完一啲都唔口喝完全冇味精加罐可樂兩個人都係98!單併33雙併只要36下次要試吓個墨魚條同埋入面有個叔叔見我拎住好大個袋叫我放喺隔離張凳度食得舒服啲雖然間舖好細魚蛋菠菜餃米(有埋魚片)牛腩粗

呢間麵店隱藏於內街入面 但人流絕唔會因為呢個原因而減少 我平日夜晚8點幾去到都要等一陣先有位 我要同其他人搭枱所以只係求其影咗兩張相就開始食 等其他喺店舖出面等緊位嘅人快啲有得食嘛😣⠀⠀去之前都知道佢哋最出名嘅係魚蛋 礙於前一晚已經食咗碗魚蛋河 今次就食咗佢哋另一樣好多人都讚好嘅西洋菜餃河 (HKD28) 初初諗喺銅鑼灣食一碗$28河粉飽極有限 點知呢碗河粉非常足料又好味 每一隻西洋菜餃皮夠薄同埋漲卜卜 如果我唔係叫咗碟炸魚皮 真係俾$28就可以埋單走人