三才魚蛋粉麵

Open Now

Now Closed

呢間小店對我嚟講有啲難搵，裡面座位得十幾個，是日閒日嘅下午茶時段，我哋就好彩即刻有位位處銅鑼灣嚟講，佢真係非常經濟實惠，下午茶時段仲送油菜或魚皮或熱飲，上菜都好快墨魚蝦條米：自家出品，夠味，再彈牙啲更好魚蛋魚片米：又係自家製，有魚味，無坊間某啲魚蛋咁又鹹又有味精味，唔錯油菜：個腩汁好食，所以都要提下😂一次食唔到咁多嘢，其實我仲想試埋佢哋嘅牛腩牛什，佢仲有好多款手工餃子，我有興趣下次買幾款翻屋企打邊爐🤤

銅鑼灣食嘢普遍都比較貴，所以呢間三才魚蛋粉麵相對之下性價比非常之高，尤其係下午茶餐送魚皮、油菜或者熱飲，兩點幾已經好多人喺門口排隊。除咗抵食之外，三才嘅嘢食全部都係自家製，質素都好高。就好似我最鍾意食嘅炸魚皮，就係舖頭起肉整魚蛋之後，用魚皮去炸。可能係比較新鮮嘅關係，比包裝零食嘅炸魚皮厚身，魚味亦都較濃。我同朋友各叫咗一個茶餐，再加一店腩汁芥蘭。芥蘭非常翠綠嫩口，但咬落去都好腍好易咬。嚟呢度當然唔少得魚蛋魚片河，有魚味當然係基本，魚蛋非常彈牙，不愧係鎮店之寶。由於係清湯湯底，所以加咗餐廳秘製辣椒油調味，辣椒油加咗炸蒜，聞落去好香之餘，辣味亦都好夠好惹味。朋友叫咗牛什麵，都係舖頭自家製。平日豬嘅內臟就食得多，真係比較少食牛雜。除咗牛大腸同牛肚之外，其他都唔係好認到，不過牛味好重，火候十足，好多餸煮到好腍好入味，湯底相對魚蛋河濃，有啲似牛腩湯底。飲品我叫咗杯檸檬菜蜜。朋友叫左杯柚子蜜。

今日去左位於銅鑼灣既隱世魚蛋粉———三才魚蛋粉麵。下午茶時段送飲品或者油菜，非常抵食！主食：鮮蝦雲吞米粉原隻大蝦內涵，外面層皮做得非常薄，鮮味十足，口感豐富。主食：牛腩魚片頭米線牛腩應該炆咗好耐，炆得軟淋淋；魚片頭係有鮮魚味；牛腩汁非常入味！醬料：秘製辣椒油不得不提係三才魚蛋粉嘅辣椒油調非常好，香口同時辣道適中，一定要加落粉麵入面試下！蠔油菜心雖然係送嘅，而係毫不吝嗇。白灼菜心，配上鮮味蠔油，地道港式風味完全出晒嚟。飲品：凍檸茶

今天放假相約男朋友去銅鑼灣逛街，偶然間發現了一間親民小店。我們分別點了一碗魚蛋魚片米粉，一碗西洋菜餃河粉、炸魚皮和欖汁生菜。店員上菜效率很高，很快就有東西食了。西洋菜餃有四隻，每隻都脹卜卜，咬開一口，見到內裏餡料充足。西洋菜夾雜着豬肉碎，鹹中帶點清甜味。魚蛋是自家手打的，口感較為彈牙，鮮味突出。炸魚皮十分香脆，質感厚身。有一塊特別大塊，如果剪細就更方便食用和分享。欖汁生菜就正常水準。總的來說，每樣食物的份量都不少，我們都食得很飽之餘，價錢還很便宜。

魚蛋粉麵店少有這樣乾淨，碗筷完全沒有油，地下乾爽沒有垃圾，超級喜歡這種環境。店員主動給我多一張椅子放袋，好親切好warm😊韭菜餃：韭菜味濃，每粒的料都好飽滿，而且多菜，是媽媽的味道。菜肉雲吞：皮薄，比平時吃的雲吞皮更薄，肉眼都看得到透明度高很多，菜肉比例很好，調味沒有味精又不會太咸，好好味。西洋菜餃：西洋菜不是到處可以食，非常驚喜。墨魚蝦條：口感非常彈牙，墨魚用料足，外層炸過但沒有油益味。辣椒油：不會只有死辣或死咸味，又不會太辣，建議伴在麵裡一起吃，整碗麵的味道更上一層次。

有時一個人唔係想食太多野, 就會想食碗麵🥰🍜每次嚟呢度都要食佢嘅西洋菜餃同埋魚蛋/魚片, 再加紫菜💓💓 簡簡單單已經非常好味西洋菜餃好多西洋菜, 好少肉 (咁當然都有啲肥豬肉啦), 好好味🥰魚蛋係咁彈牙, 完全唔粉, 真材實料👍🏻每次去都會見到一大條長龍, 不過都會好快有位😁

姐最鍾意幫襯小店，今次好random 咁係銅鑼灣揀左呢間三才魚蛋粉麵，上菜收碟執野都好快，下次一定再Encore 試埋個牛什！雲吞墨魚蝦條麵-雲吞係鮮蝦餡，蝦肉爽甜-墨魚蝦條有驚喜！濃濃的墨魚滑味，仲好彈牙。魚蛋牛腩麵-魚蛋有魚味！好耐冇食過有魚味的魚蛋了！-牛腩非常淋，份量亦好大份，配埋秘製醬汁好惹味，成個味道再昇華左炸魚皮-好脆口，上菜時仲係熱的！芥蘭-姐每次都必定叫菜，碗的size 同碗麵差不多，抵食走的時候二點左右，平日都咁多人排緊隊，好旺場！

第一次試三才魚蛋粉😅聲稱自家制魚蛋，中午經過見幾多人排隊又好多雜誌相貼响門口，夜晚就去試下。魚蛋係有啲魚味但亦有啲腥味，彈牙度有少許，整體不過不失。波菜餃好多菜，偏淡，不過包得幾靚樣。湯底最失望，一般自家製魚蛋嘅都應該有好多魚骨餚湯，碗野黎到見個湯無乜色水都知奶奶地野，飲落真係無味😅，所以攪到河粉都無味，粉亦無米香，不過好滑無散晒。最得係辣椒，好香，唔死咸，好在有佢救翻無味嘅湯粉$36蚊雙拼10分滿分就5分啦。

差唔多成半年冇食過，今日咁啱行過諗住去試番，估唔到都要排10分鐘隊。喺門口揀定想食咩落訂單，坐唔夠一陣就有野食，超高效率！ ！除咗佢啲粉麵好食之外，估唔到佢個炸魚皮同其他唔同，冇乜油膩感！

唔知有無人同我一樣有舖河粉癮😂久唔久就會想衝入呢啲粉麵舖食碗牛腩河/魚蛋河加羹辣椒油先安樂！呢間位於銅鑼灣希慎對住嘅巷仔入面嘅黃店粉麵舖講緊$40內就滿足到你願望！.1️⃣牛腩河（$33）無睇錯！$33！銅鑼灣$33應該食到M記之外就食唔到好多正餐，而呢度有牛腩又有碳水化合物又有條菜！不過牛腩係有啲失望，因為都幾韌，唔係煮得淋嗰種。妹下妹下婆婆們不宜食用。👵🏻河粉好滑，整體可接受.2️⃣魚蛋魚片河（$36）魚蛋反而好食啲！食得出佢係手打潮州魚蛋，比起港式魚蛋彈牙好多，仲食到佢應該落咗啲胡椒粉落粒丸，啱冬天食🤩魚片都唔係求其薄片唔嗰種，而係大型三角型。同樣彈牙，好索到湯。.3️⃣魚皮（$15）性價比先選！魚皮大大塊，唔似出面碎濕濕到就嚟要搵匙羹食嗰種，係經典新鮮炸魚片嘅味道，大大碗先$15，抵.性價比：🌕🌕🌕🌕🌕美味度：🌕🌕🌕🌕🌘獨特性：🌕🌕🌑🌑🌑

朋友附近工作，帶我到三才食招牌粉麵，除堂食外還有外賣火鍋配料，手造餃子手打丸類款式頗多，下午茶粉麵送飲品或菜或魚皮，優惠街坊。🤓牛什麵炸蒜等配料豐富，招牌牛什入味，牛肺牛膀牛肚等新鮮食材，肺口感軟滑，牛膀質感爽彈，牛腸帶油香，麵夠彈牙，腩汁湯底濃厚惹味，加上秘製辣醬更過癮。😍西洋菜餃墨魚蝦條河粉必試手工餃，西洋菜鮮嫩切好，皮薄饀多，外皮香滑，墨魚蝦條外皮香脆，彈牙鮮味，墨魚粒粒有口感。👍🏻送上一碟腩汁生菜，玻璃生菜翠綠新鮮，港式咖啡香濃幼滑，不少得懷舊杏仁霜，保留原有風味。☺️舊式店舖，手打手造食物，用心製造不同款式，吃到的是濃厚人情味，下次要試其他招牌菜。👍🏻👍🏻

銅鑼灣鬧市中搵到間小店可以食碗熱辣辣的粉麵🥰 位於銅鑼灣渣甸坊的三才魚蛋粉麵，舖面不大，但總是滿人的，可能都係信心既保證！入到去先知原來將軍澳都有一間分店👍🏻 食物選擇都多，我地叫左牛腩麵和鮮蝦水餃麵👍🏻其實係銅鑼灣一碗麵30蚊左右，真係屬於平價餐廳，仲可以食到飽！牛腩麵幼麵底煮得好爽口彈牙，牛腩都煮得好淋，仲有成5舊咁多🤓鮮蝦水餃麵水餃足足有四舊，而每一舊都唔係細細粒，而係足料既大size👍🏻平時出去食細蓉，好多時都係得三粒細細粒。有一個位好值得讚，就係每碗粉麵都有新鮮煮的配菜，讓經常出街食飯的香港人都有蔬菜落肚。 另外仲叫左兩個小食，包括油菜同鮮炸魚皮，價錢都唔貴，都係$15一份。時日油菜有生菜、芥蘭、菜心選擇，今次叫左菜心，仲可以比客人選擇落蠔油定腩汁👍🏻👍🏻 鮮炸魚皮十分好食，份量唔少，仲要好脆卜卜！每食一啖都有好爽好脆既口感🤤🤤。如果平時打邊爐食呢啲魚皮，就真係正啦🥰 最後餐廳牆壁上都有啲報道，都講呢間以家庭為本經營的小店有八成以上的食品都是自家製作。而我都想讚讚辣醬油十分好味👍🏻有麻辣味之餘仲好有辣椒的香味。 而下午茶都好抵，惠顧粉麵都會送油菜/魚皮一份，簡直係下午茶必食之

假日的中午時段，門外有不少人排隊，店員會在門口先為排隊人下單，減少入座時等候食物上桌的時間。這間麵店的魚蛋系列一直都是我的首選。這次介紹友人來這裏吃平靚正麵食。墨魚蝦條($33)，不要麵條，變成整碗墨魚蝦條而價錢不變。墨魚蝦條混和了蝦肉，彈牙爽口而帶着墨魚香，加點自製的辣椒醬，味道更強烈。西洋菜餃魚蛋河粉($36)，西洋菜餃同樣很受歡迎，菜餃皮滑，內裏餡料西洋菜和豬肉十足，咬下去能嚐到肉汁。菜餃配上極幼滑河粉，再加點辣椒醬和碗內的香蔥和冬菜，味道豐富又飽肚。魚蛋是整碗的重心，據牆上的報道，用上新鮮大門饍和黃饍，為確保品質，每日親手製造，咬下一口，便能與街外的其它魚蛋區別開來。個人覺得魚蛋的彈牙比魚片更甚，下次會點一整碗魚蛋配辣椒醬。凍杏仁霜(+$7)上桌時微暖，需待一會，待冰融化後，便會嚐到其杏仁的香滑。加一杯凍奶茶(+$7)，香滑奶茶的甜味可抵辣椒醬的辣度。這杯凍奶茶配辣麵非常合適。相比杏仁霜，我更愛這杯香滑奶茶。重點是腐乳通菜($15)，平價的通菜竟讓人驚喜，不但其菜葉極嫩，通菜的枝莖也十分嫩口，配上一大匙柔滑帶豆香的腐乳醬，整碟菜完全能做到滑和香，為必點菜。在繁忙時間，店員十分忙

好吃的餐廳有很多，而我這天光顧的正正位於銅鑼灣，鄰近地鐵站，地理上十分方便快捷。餐廳主打的就是魚蛋粉，聽起來十分普通，沒什麼特別，但吃起來卻充滿人情味。這天我點選的就是魚蛋粉配搭雲吞，魚蛋爽口彈牙不在話下，吃起來還有淡淡魚的鮮味，最重要完全沒有腥味，證明挑選得宜，加上適當的調味料，令這個魚蛋更為出色。另外，雲吞方面，果然是粒粒皆辛苦，全因為每粒也是人手用心製作，這就是有溫度的作品，味道方面，充滿香港特色，最重要內裏鮮蝦彈牙，真材實料的保證。努力，小店精神，全力支持。

見好多好評，所以來支持一下。 當日去到餐廳，已經過了午餐時間但又未到下午茶。餐廳真是一間小店，在門口等了幾分鐘就可以入座。其實一心想點魚旦魚片河，但看完餐牌最後決定吃水餃河，因為真的很便宜只是$28。我的水餃河大約有4-5隻， 大小適中，餡料豐富，雖然蝦不是很大隻但是爽口彈牙。河粉很滑，而且份量挺多的。朋友則點了牛腩河， 牛腩比較瘦但是炆得很淋，不會乾乾的。另外我們還點了兩份油菜，腐乳通菜和菜心，這裡的菜除了蠔油/腐乳、還有得選腩汁。 油菜份量很多，很新鮮，基本上一個人一份菜+一碗面，會非常之飽。