三才魚蛋粉麵

Open Now

Now Closed

住了灣仔這麼久還未食過這間遠近馳名的三才魚蛋粉麵，今天終於到銅鑼灣朝聖～～ 下午茶時段仍然人山人海，需要排隊等入座，餐廳座位不多，由於太肚餓和趕時間，我們決定外賣回家吃～餐廳很貼心，外賣都把湯和麵分開上～牛肚魚片頭麵牛肚煮得很腍，有腩汁味～ 魚片頭非常彈牙！魚肉好香魚的味道，外皮炸得好香口，是令人食不停口的味道～郊外油菜都幾大碟，有幾款菜可以選擇，菜都好新鮮～鮮炸魚皮好香脆！不油膩，厚身而脆卜卜！非常香口！

今日下午突然好大雨，與此同時又覺得特別肚餓，於是急急腳喺銅鑼灣附近想搵間餐廳食碗粉面。餐廳的粉面種類都挺多，還可以加$6多一款餸，經濟實惠。2:30後仲有下午茶，真係好抵！片頭米粉片頭皮厚香口，經油炸過後亦不會十分油膩，食落仲好有口感，配上清湯底、炸蒜等份外美味。墨魚蝦條魚蛋米線超級推介墨魚蝦條，除咗有蝦味之外，仲會食到一粒粒的墨魚肉，口感有嚼勁。另外，魚蛋亦是餐廳賣點之一，每啖都好彈牙爽口！好好味😋！腐乳通菜通菜新鮮，口感爽脆，加上腐乳的鹹香，令人開胃。喺銅鑼灣竟然可以食餐飯不用$100，真係好難得👍🏻👍🏻👍🏻！

已經第3次食三才， 真係可以講平靚正 每一次一定要叫墨魚春捲， 墨魚好彈牙，春捲好香^^ 加埋佢個辣椒油簡直冇得頂， 佢嘅河粉都好滑 ， 米粉大大碗架~ 佢嘅價錢真係好抵食 ，二三蚊已經可以食一碗麵， 午餐嚟講， 真係好吸引， 下午茶仲會送飲品同菜添^^ 三次都係叫外賣已經覺得唔錯下次真係要現場坐低食。

今日來到銅鑼灣行逛，又到下午茶時間，就搵到三才魚蛋粉麵醫下肚。兩點半後，粉麵可選擇跟熱飲，炸魚皮或油菜一款。加七蚊仲可跟凍飲。下午茶時間旺到要排隊😵‍💫等了十五分鐘左右入座。我要了魚蛋河加腩汁，熱辣辣上枱，份量於下午茶時段都冇減少。魚旦魚片彈牙，食落唔會好林好散。腩汁都好香，滑溜河粉吸收了腩汁，正。牛雜河都足料，牛雜軟嫩兼入味。炸魚皮很酥脆，於下午茶限額很早便滿晒了。當然客人可給正價試下嘅。油菜選了蠔油生菜，都新鮮翠綠。兩人埋單都唔洗一百元，係銅鑼灣真係少之又少，性價比都算高。

下午茶時間未到已經係咁嘅場面, 客似雲來, 三才比較出名魚蛋, 做街坊生意為主, 口碑都唔錯。小店一間, 香港傳統雲吞麵細舖特色, 食完就閃嗰種。。簡單的一個餐牌, 粉麵及小食飲品, 另外可以外賣未經煮熟嘅雲吞及餃子, 魚蛋粉$30, 牛腩麵$33, 大部分食品都係三十多元, 喺銅鑼灣地帶算便宜, 難怪有咁多街坊嚟幫襯。今日嚟到未到下午茶時間, 錯過咗呢個下午茶時段贈送食品時機。二人前牛腩撈粗麵炸魚皮白味鳳爪飲品x2埋單$11x, 連飲品, 食得飽飽的。檸檬可樂($19）大熱天時先來一杯檸樂減下身體嘅熱度先, 爽呀!白味鳳爪 ($22)有泰式酸辣及白味兩種, 白味即係我哋食開嘅白雲鳳爪, 有少少麻油香及魚露的鹹香, 鳳爪是爽脆的, 鳳爪皮及肉都是脆脆的, 鳳爪裏面嘅根也很爽口。炸魚皮 ($15)邪惡之物, 炸得脆卜卜的, 入口鬆化, 魚皮炸得夠乾身, 入口冇油淋淋嘅感覺, 食完一塊再一塊, 再飲兩口檸樂, 不得了, 快活過神仙。牛腩撈粗麵 ($33+10)呢度嘅撈麵特別大份, 足夠兩位女士食有餘,牛腩是偏瘦的, 但中間都有啲肥位, 比較甘香, 瘦嘅部分鹵得尚算軟腍, 肉質不嚡口, 食到

🍜牛腩拼墨魚蝦條河呢度嘅墨魚蝦條真係唔少人食過都大讚😋墨魚同蝦膠爽口彈牙，咬嘅時候真係食到啲墨魚粒粒🤩本身有掙扎過想嗌西洋菜餃，但見人哋碗麵啲牛腩有幾靚所以都跟叫😆牛腩每件到切得幾大，肥膏唔多，但咬落亦一啲都唔韌，肉味仲好濃👍🏻佢哋下午茶時段仲會送嘢食⏰可以揀炸魚皮、油菜或者熱飲☕️今次就揀咗炸魚皮，因為送嘅都唔會預有好多塊，不過一個人有三四塊其實都好足夠😻

常聽到住將軍澳的朋友說會去三才買火鍋料，是日來到銅鑼灣獨自搵食，就想到不如去三才試試它的魚蛋河！店舖不算大，到達的時候過了午膳的高峰時間，在門外等了不足5分鐘就有位～～～魚蛋魚片河，配生菜及炸蒜，湯底加入炸蒜，增添香氣！湯底是用門鱔的魚骨熬制而成，夠香甜，又完全不油膩，食完一整碗河粉也不覺得口渴～～魚蛋及魚片份量恰好，有4粒魚蛋及3片魚片，魚蛋新鮮彈牙，魚片大塊，炸得夠香，口感同樣彈牙，好味！河粉質感滑溜而不會糊糊的～～～即使沒加入其他醬料來調味，整碗魚蛋魚片河都夠味！！見到有其他食客外賣淨片頭，令我想下次也試試它的片頭河啊！

ғᴏᴏᴅɪᴇ ᴛɪᴍᴇ 今次就食咗三才魚蛋粉麵舖頭唔係好大，但一路都有好多人仲有人外賣！店員都好好人😆推薦大家嚟食！佢下午茶時間仲好抵，食一碗麵仲送菜/魚皮或者野飲🤩食咗菠菜餃米粉+腐乳通菜($28) 有成五粒菠菜餃，每一粒嘅餡都好飽滿🥰有肉有菜🥬味道唔會太濃，好味🥳腐乳通菜既份量都唔算少🤤而且通菜唔算超淋，而呢個價錢絕對係好抵😍

以前佢係將軍澳新都城街市可以成日食，今日出銅鑼灣又可以黎搵番中學時期既回憶。 下午茶時段黎到，叫一碗粉麵就有野送，可以揀油菜、炸魚皮或者熱飲，真係好抵食。墨魚蝦條米粉墨魚蝦條入面食到粒粒墨魚，蝦肉打到起膠十分彈牙。牛筋粗麵牛筋好林好入味，配料份量唔少。加埋自家製炸蒜好，頂呱呱。炸魚皮炸魚皮異常酥脆，一咬就發出清脆既聲音。有魚味，唔會太厚或者好硬，卜卜脆。就咁食又得，浸湯食都得。腐乳通菜菜唔會話煮過火，仲保留爽脆。泰式鳳爪酸酸甜甜微微辣，天氣熱熱地食好開胃，入面既青瓜紅蘿蔔絲吸收哂d味。

今日去左銅鑼灣食野！下午茶想食碗湯河，咁岩見到有間三才魚蛋粉！餐廳位於巷仔入面，地理位置比較隱閉，但係人流都唔少喎！環境乾淨整潔，我睇完menu之後叫左一碗河粉牛腩和墨魚蝦條！牛腩超級鬆化，炆得好入味，入口完全唔乾仲好juicy咸香牛腩味道的確唔錯！河粉唔碎，入口爽口，吸哂湯汁！香口墨魚蝦條，食落爽口彈牙，炸過又唔會太油膩！間中食下港式粉麵，回味無窮！女朋友平時鐘意食下cafe，今日佢約左朋友我就有機會黎食個港式茶餐廳有機會我想帶佢黎試下！

在銅鑼灣做兼職的日子，同事帶過我來這間小店，它座落在渣甸坊的後街內，相當隱蔽。今天與太座來銅鑼灣購物，順道在這裏吃個簡便午餐。食肆想在銅鑼灣立足實在不容易，價錢和味道都是顧客考慮的因素，必須兩者兼備，雖然店子小小，地方狹窄，但只要企企理理，食物質素好，逗留吃一碗麵的光景也不會太計較的，何況$28一碗麵也有交易！這裏的魚蛋是相當不錯的，也吃過不少次，我介紹給太座較少吃的墨魚蝦條河，蝦條是用墨魚膠，蝦肉和粟米打成，以腐皮包著，真材實料，味道鮮甜彈牙，河粉也滑，也只是$33一碗，經濟實惠。牛腩河是我的最愛，今天我還要加底，牛腩切得整齊，炆得腍，味道甘香，還有一兩塊生菜，相當實在。太座愛脆口之物，點了炸魚皮，沒有舊油味，也沒有一吃入魂的味精，炸得香脆，是不錯的粉麵檔小食。加碟腩汁菜心，份量大，爽脆，簡單又好味。性價比高，難怪隱藏在後街也有人排隊！

下午來到銅鑼灣，在朋友介紹下，專程去到三才魚蛋粉麵。店內雖少，但坐位整齊很整潔。坐低後便睇睇餐牌，睇了一會便叫了一碗牛腩墨魚蝦條麵及一碟蠔油芥蘭。5分鐘左右蠔油芥蘭首先到了。芥蘭夠爽，味道唔錯。只是蠔油少了一些，在下午茶時段，是不用收費的。等了不到10分鐘，我叫的牛腩墨魚蝦條麵便到枱面了。首先湯底夠熱，味道稍鹹一點，而牛腩方面就炆得不錯，而最別就是墨魚蝦條，比較少見，墨魚很彈身混入鮮蝦，食落爽口彈牙。麵就很彈身，不會太焾。見到粉麵餐加凍飲，也只是加$7很超值，於是叫了一杯凍咖啡，勝在夠凍，味道唔錯

👦🏻大舊話佢細細個就好鍾意食呢一間嘅魚蛋粉 但係我之前一直都未食過 見佢講到咁好食 今日離開呢一頭行街 就順便買啲外賣返去煮嚟食～～～本來諗住買啲煮好嘅 但係返屋企嘅路上 都有一段距離 所以就直接買啲未煮嘅 鮮蝦雲吞同埋菠菜餃 再另外搭多個泰式鳳爪返去試下（行到去地鐵先醒起我唔記得買佢最出名嘅魚蛋！！唯有留返下次再食啦）～～～泰式鳳爪酸酸甜甜又辣辣地 味道非常開胃 返屋企在開咗支啤酒你餸下 正 建議大家外賣嘅話 可以攞返屋企之後先喺雪櫃雪一陣先再食 風味會更佳～～～而鮮蝦雲吞同埋菠菜餃 亦都好有水準 鮮蝦雲吞入面嘅蝦肉爽口彈牙 菠菜餃亦都係爆曬餡 個皮做得夠薄 鹼水味亦處理得唔錯 而且價錢仲 好實惠 三樣嘢一共買咗$100 但係全部份量都唔少 而且個老細仲好好人 感覺非常地道同埋街坊 有種相逢恨晚嘅感覺 感謝大舊介紹比我～～～推薦度：🔥🔥🔥🔥🔥🔥🔥🔥🔥三才魚蛋粉麵 (銅鑼灣)銅鑼灣渣甸坊48號采怡閣地下6號舖

同閠蜜食完飯行下街, 中途阿媽來電話想食魚蛋粉, 行過見到呢間都幾出名吓就買回家食。餐牌上註明自設工場, 有各式丸類、餃子、雲吞等, 全部自家製作1️⃣魚蛋魚片河 $36 魚蛋和魚片都好新鮮, 爽口彈牙,完全無腥味。河粉好滑好爽2️⃣牛腩粗麵 $33 牛腩份量唔少,醃得入味仲夠軟腍,肥瘦度剛好。粗麵軟硬度適中,唔會過淋3️⃣淨雲吞 $36 雲吞皮薄餡料足, 內有豬肉和蝦非常彈牙,味道好香, 咬落有驚喜仲配有炸蒜蓉同冬菜,再加上辣椒油, 令湯底香味大大提升整體而言, 對這店的食物質素都滿意, 價錢又合理, 值得再光顧

今日咁啱出左銅鑼灣要搵個地方食晏見三才個評都幾好就黎試下呀點左~西洋菜餃湯河見西洋菜餃比較特別唔多粉麵舖有就點黎試下呀個餃個皮幾薄個涵料都幾多個河粉又算滑點埋個辣椒油真係無得輸呀雖然個份量略嫌少左DD但因為我係下午茶真係好平(以銅鑼灣黎計)所以仍然覺得好抵呀下次可以再黎ENCORE