上海新大眾大閘蟹專門店

Open Now

Now Closed

又到咗一年一度大閘蟹的季節，係時候放蹤下大吃特吃，約咗班姊妹一齊食90分鐘⏰大閘蟹放題，呢間好多年前都幫襯過，好可惜得返呢間🥺蟹嘅煮法有4款可以揀🦀都係即叫即蒸的（每人每次限點兩隻）‼️我哋就叫咗5-6両公嘅套餐～第一round🦀叫咗幾隻荷葉花雕蒸+清蒸✨荷葉花雕蒸係凍食的，疑似老細表示係今日整，好新鮮，所以好快就上枱，即刻就食到，但係啲膏就係硬膏，同埋啲酒味已經揮發晒…所以疑似老細嘅說話有所保留，另外店員表示除左清蒸可以選公同乸，其他煮法都冇得揀🫡識食一定係食清蒸的，實冇輸～清蒸則需要多啲時間，全部一上枱都熱辣辣的♨️要攤下先食到～我地成班女既都一邊拆蟹，一邊高呼好熱😹公嘅質素比較穩定，雖然都未去到爆曬膏，不過真係大大隻夠足両，乸嘅質素就比較參次同細隻，食到幾隻都不太新鮮。但係落單上蟹嘅速度都算快✨🔹餐廳有提供任飲薑茶同手套，幾貼心🫶🏻 飲品自取！其他熟食類 味道就一般，不過不失！疑似老細都keep住幫我哋清垃圾桶同收碟，又主動幫我哋影相，真係好有心😹🔹呢90分鐘個個都好專心拆蟹，拆到手軟～大家都冇做低頭族😹 7個女仔嘅戰績🥳

90分鐘任食大閘蟹價錢4xx-8xx視乎所選的size 6:20pm到，7:50pm夠鐘選了4xx+10%個人讚的部份：～蟹種優質～上菜也比較快（除了蟹）～芝士焗蟹蓋好好吃～蟹粉小籠包好多汁個人彈的部份：～環境衛生一般～枱面沒有濕紙巾和紙巾 要叫服務員給上～薑茶不夠熱最氣憤的部份：已經跟足店員程序每人每次order 2只吃完再order這款蟹需要10分鐘蒸第4次order 7:10pm落7:37pm先到已經冇得再叫冇埋last order我話咁每人一只都係話如果7:50前食完可以俾埋你嘩！估唔到你地拖左時間😫之後扣係我既速度再決定可唔可以俾😤11只蟹蓋，3只是芝士焗，即90分鐘只完成了8只蟹，第一次食得最少

🚩上海新大眾大閘蟹專門店中秋又係食大閘蟹嘅日子＼(●´ϖ`●)／上次介紹完到會｜今次介紹一間專食大閘蟹嘅專門店香港都有蟹黃撈麵食｜價錢仲同內地差唔多聽聞嚟緊九月底佢哋仲會做大閘蟹放題快啲約埋身邊嘅食蟹之人過嚟食😎〰️〰️〰️〰️〰️〰️〰️〰️〰️〰️〰️〰️〰️🌈瀑布蟹黃金撈麵 $118依個價錢香港食到咁大碗蟹皇 ((深圳食都要¥100而且蟹皇係一份份整出黎｜唔係一煲過🥹盡可能以最新鮮嘅狀態登場｜所以食落一個字·鮮撈麵麵質好有筋道｜控水夠唔會溝到啲蟹皇淡曬仲配左蟹醋同埋蔥油｜我比爆分ε≡ﾍ( ´∀`)ﾉ🌈石鍋蟹黃鵝肝煎蛋飯 $138上枱我同屋企人已經哇哇聲三件勁厚勁大件嘅鵝肝|外脆內軟(*´д`)~♥️石鍋好夠熱|鍋底仲整到金黃飯焦拌埋蟹黃同太陽蛋|味道層次好豐富🌈蟹粉大罐湯包 $48🌈爆汁蟹粉小籠包 $48兩款都係皮薄餡靚之選ヽ(●´ε｀●)ノ湯包蕩下蕩下咁|裡面全部都係蟹皇蟹肉🌈陳年花雕醉大頭蝦 $58我唔飲酒都食到(๑´ڡ`๑)裡面唔係好沖嘅酒味|反而係得返花雕酒嘅甜味大頭蝦蝦頭有膏甘香|蝦肉紮實🌈蟹黃煎肉餅 $88肉餅一啲都唔肥|外圍好焦香仲有粒粒蟹皇(๑•̀ω•́)ノ

食大閘蟹梗係要食得夠多，任食先爽，所以去食大閘蟹放題，有清蒸大閘蟹、鹽焗大閘蟹、避風塘大閘蟹、荷葉花雕大閘蟹四款可以揀。我就揀咗最傳統嘅清蒸大閘蟹同鹽焗大閘蟹，最大隻嘅大閘蟹公有6-7兩，大閘蟹母都有4兩半。鋪頭服務幾好，有齊薑茶、酒等等去驅寒。食得幾多，就睇大家戰鬥力啦！

老闆超級熱情 疑似老闆娘都好好係咁幫手清碟 咁既價錢 咁既服務 咁既味道 絕對性價比高叫左個花膠雞有6-7舊花膠 又有好多舊雞啲湯都好濃 仲有層雞油係上面超級足料 .......

上網睇到呢個羊腩放題一心滿懷歡喜諗住嚟試試點知係惡夢嘅開始 首先打電話嚟預約正常冇問題 跟住去到咦點解個名唔同嘅放題叫農莊。咁嚟到個環境都麻麻地同個朋友嚟到就照食啦一坐低老細過嚟我哋就同佢講食羊腩放題$88嗰個 然後佢就射我哋上去問我哋食唔食黑草藥個餐$138 我話睇社交平台廣告，你話$88 OK都好食㗎喎，我問佢係咪差好遠，然後個老細講話差好遠㗎 $88放題就淨係羊乜都冇 極度懷疑其實$88 同$138係一樣料 心諗唉中伏 跟住佢話加$20就有任食生菜同埋糯米飯 有冇計啦，唔通你都淨係食羊腩咩？咁我照加啦 OK咁嚟到食嘢啦，一嚟就嚟咗一盤羊腩 份量都OK嘅，但係啲羊腩係超嚡唔腍冇羊味…..重點係鹹同埋油到西襟…..食一盤都已經冇乜胃口 服務都麻麻，佢有兩個0靚仔喺度做嘢，但係嗌極都唔應…..總括嚟講唔應該嚟試一次都唔應該睇返佢其他分店全部執晒得返兩間就知咩料啦 埋單計數首先$88再加$20任食生菜糯米飯$10醬油費再加一….真係唔明點解咁都要+1…埋單每人$130左右 呢個價錢早知我寧願去食傷心酸辣粉嘅夜晚放題仲好起碼人哋任飲嘢同埋條烤魚或者雞煲好食好L多..希望佢之前真係望一望O

首先覺得老闆嘅服務態度唔錯，好熱情。點咗5-6兩公嘅餐，完全無揀錯。嚟嘅清蒸公蟹，足兩，大隻，多膏。侍應哥仔都好好提我哋要填啱紙，先會上6兩嘅蟹，如果填其他顏色嘅紙或者選擇特別烹調嘅蟹，size 會細啲。建議要點5-6兩餐，不過有特別烹調嘅蟹，就唔使點，size 會細啲，加上無咁新鮮。但係相反，清蒸嘅蟹好多膏，好滿足，足兩，value for money。其他小食一盤，點咗1次試過就算。嘢飲種類唔算多，但都滿足到基本要求。哥仔清垃圾桶同清碟速度都算快，落單上蟹都快，唔係太多等待時間。Overall 會再encore！

第一次食大閘蟹任食，本身都滿懷期待的，因為十月都想係甘食！今次係有朋友試過介紹所以過左黎。首先地理位置唔算非常方便，不過附近有個停車場既。今次揀左第二個套餐(任食4-5両公蟹同3両半乸）一開始叫左清蒸既，每次最多一每人叫2隻。d蟹質素有d參次，清蒸已經最穩陣，鹽焗就好咸，花雕酒d蟹就有啲唔新鮮，避風塘就唔夠熱。如果唔太介意質素都可以一試。其他配菜味道普通。不過值得一讚既係有任飲薑茶不過唔夠薑味似飲糖水feel😂

每年我都會同好朋友食大閘蟹，我哋以往係食高質放題嘅大閘蟹，一向食完好滿足。而今年好朋友想試吓呢間專門店，見佢廣告打得甘兇狠，又好似好多好評，滿滿期待同信心去試。黎到發現呢度除咗幾位年青人侍應，好勤力同清蒸大閘蟹質素還好，其他整體感覺都很好差，完全唔係廣告果回事，好似被騙，原因有以下：第一：聲稱係薑茶但好似糖水，冇乜薑味又勁甜；第二：幾款標籤有蟹嘅前菜，每款都冇蟹味，好求其製作。第三：我哋試晒每一款蟹，而其中避風塘炒蟹，係伏中之伏，灘到凍晒，殼同肉都淋哂，淨係食到辣味，超級難食！！第四：洗手間環境惡劣，好似好耐冇清潔咁，冇洗手液同垃圾桶等。第五： 佢話明每次只可叫四隻大閘蟹我OK冇問題，不過佢啲落單紙特登俾得果兩張仔，每次重新填過已經令我隻手食到好污糟不停拎自己嘅紙巾抹；不停咁重複：食、大抹手、填紙、兩張之後冇晒又要問侍應攞過、繼續重複動作。個老闆真係好怕我哋係咁食晒佢啲嘢。（其實我同朋友前後自己食咗8隻都冇）第六：另外菜式鹽焗大閘蟹及荷葉花雕蒸大閘蟹，都係特別濃重味，蓋過晒蟹嘅鮮味，就算蟹唔靚唔新鮮客人都唔覺。正常係就算調咗味都食到蟹鮮味先係正確嘅煮法，呢度可見做法馬虎。總括嚟講，呢個

琴日兩個人去咗黃大仙「上海新大眾大閘蟹專門店」食大閘蟹放題。我本嚟有D怕店舖會污糟，但去到感覺地方平實企理，枱凳乾爽。開始時店員精要講解點餐流程同飲品位置，除即開始放題晚餐。我哋叫咗細size清蒸款，公乸都試咗，D膏好鮮甜又creamy。我哋食完一round本來諗住再點要等吓先會上等二round，點知遞咗張紙仔轉頭就送上食物，厨房功力同效率超高。一路食，店員一路替我哋換蟹殼桶。接近臨尾15分鐘店員提醒截last order 時間，其實佢哋密密遞餸未到last order 個胃已到limit。之後我哋就攞咗D姜茶飲，夠姜。今次整體感覺良好，主角食物高質，服務有禮到位，食得自在，會再翻尋味。

3個人揀左呢間大閘蟹任食，環境一般，蟹推薦清蒸同避風塘。花調蒸唔好食，又苦又臭。蟹以外既得餃子，粥同糯米飯，好食但係款式唔多飲品，工具都唔多，黎呢到專食蟹都ok既，公蟹雌蟹都好食，啖啖肉啖啖膏，但想試多少少就差d了，同區都有更好選擇。少失望，唔推薦。

今次是我第三次嚟呢間餐廳。一年嚟一次， 諗住過吓大閘蟹癮。 每次都失望而回， 叫自己下年唔好再嚟。哈哈。今次諗住叫貴啲質量會好啲，叫了5-6両，$705 一位，兩位加一後$1,557.6 。 點知蟹嘅質量都係咁差。無蟹味、 肉鬆 、 仲要有幾隻臭蟹。 清蒸大閘蟹都總算可以，鹽焗和花雕蒸大閘蟹就真的不知所謂。 鹽焗的有一浸古怪苦味。 仲有唔理你俾幾多錢， 只有清蒸大閘蟹先會俾返五両你， 其他做法都係細蟹。其實自己買幾隻貴蟹喺返屋企煮都仲平過佢。 真係唔可以再貪心。其實佢哋服務態度都真係幾唔錯，其他食物如 蟹粉水餃、蟹粉扒時蔬和 生炒蟹膏 臘味糯米飯，味道都唔錯。

好少覓食去到黃大仙區，但友人吹🐔要食大閘🦀放題，我唯有拼咗條老命陪你癲，呢度地方唔大而且內裏狹窄，不過無所謂，反正限時90分鐘，究竟我嘅極限去到邊🙄，要食過至知，原本揀咗$568嘅size，埋單先發現店員幫我哋落咗$488，我哋真係掛食連單都冇睇🤣，店員簡單講解落單細節，提醒最後15分鐘截單，飲品自取，如果鍾意飲薑茶記得早D攞，因為杯茶超熱，放涼都要一段時間，枱上有兩款order紙，每人每次限點2隻，呢度上蟹速度快，絕對冇hea 你，所以冇出現人等🦀情況，大閘蟹有四種烹調方式，清蒸最好食，尤其是蟹公，黏口軟滑，口感綿密，白膏亦多，相對蟹乸D膏比較硬身，不過用避風塘煮法又好夾，至於花雕蒸同鹽焗個人覺得一般，熟食只有四款，大閘蟹粥唔錯，臘味糯米飯偏咸，餃子普通貨色，自問大閘蟹迷嘅你不妨嚟挑戰下  

上年食過一次今年決定再嚟食,無可否認蟹既質素係好,不過有一點覺得店家做得唔清晰,一坐低個阿姐就會按你食既級別比唔同顏色既紙仔你填,初頭無為意,第一轉叫咗清蒸同鹽焗(分咗2張唔同顏色紙填),到蟹嚟到阿姐話唔駛分2張紙填,因為其中一張有齊4種口味,當時我仲以為自己無睇清楚,到食完再叫第2轉時發現點解啲蟹好明顯細隻過第一轉,咁我望清楚啲紙仔時發現粉紅色紙只有清蒸口味但清楚寫明5-6両,但另一張黃色紙寫晒4種口味但係蟹係寫3-4両,咁我未問返阿姐係未比錯紙我,但阿姐話廚房識分,食多一陣,隔離台同我地食同一両數蟹,佢地就係用咗黃色紙填結果廚房比咗細蟹佢地,咁即係阿姐個句廚房識分係假,點解黃色紙可以印4種口味,粉紅色紙又唔印晒,或者人少時仲會記得邊張枱食邊隻size,但坐滿時未又睇顏色紙比蟹,話自己有4種口味蟹食,但原來只有清蒸先足両數,當然客人可以只食清蒸,但應該要講明其他只有一個size蟹提供,而唔係等個客自己去發現

上海新大眾🦀️大閘蟹🦀️專門店 90分鐘任食🦀️大閘蟹一年一度大閘蟹季節又到了😂😂😂朋友生日又話要去食呢間（上年已經食過一次、今年又要再來呢度食生日飯😂朋友要求） 同上年一樣選5-6両公+4両乸，不過可能今年比較早食，🦀️公嘅未係當造時候、🦀️乸就超多橙色蟹膏……今年還有▫️荷葉花雕蒸大閘蟹🦀️▪️避風塘大閘蟹🦀️▫️鹽焗大閘蟹🦀️90分鐘全部拆蟹，拆到真係有啲手軟，今餐膽固醇超標人均：$780/位推薦指數：/5 上海新大眾大閘蟹專門店📍黃大仙飛鳳街46號地鋪（黃大仙地鐵站A出口，近鳳凰新村）#foodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記