上海會館

Open Now

Now Closed

話說琴日諗住試吓呢間，一樓滿左，佢就帶左我地上二樓，坐喺廚房對面！d野食其實唔差，普普通通敢...之後食食下，突然見到有個廚司行出黎嘩！冇帶口罩😷再有多一個，又係冇帶口罩！嚇死人😱我咪即刻行去睇下‼️原來全個廚房都冇帶口罩⁉️仲要一路煮一路傾偈📢超級恐怖我哋即刻同個待應反映，佢都好好人敢即刻入廚房提佢地，但係有兩個始終死都唔肯帶，仲專登大大聲敢講話「點解要我戴」之後個盡責侍應應該係落咗去樓下搵經理，先逼到呢個廚師帶返口罩！算啦～咁我地繼續食到7點幾，愈來愈多人上黎開頭以為佢會隔枱食因為佢枱與枱之間得15cm左右，又冇隔板！簡直係誇張 （完全同一樓既情況差天共地）應該係搏二樓無王管！哎！真係再忍唔到！即刻埋單閃人⋯⋯原因係： 唔想成為下一個爆發群組💥

下午茶-雪菜肉絲麵+熱豆漿 $48上海麵（主角）：麵質煙韌有咬口，暫時喺香港食過既top 3。湯底（靈魂）：湯色清徹，湯味濃淡適中，能將上海麵的味道昇華（麵吸引了湯味）雪菜肉絲（配角）：唔係hea你，有心機，味道不錯。心語. 多支持小店，高手永遠都在民間，當然高高手是有的（酒店餐廳），但不會在連鎖店！支持小店的你是美食的一個延續。

小籠包，皮算薄，有肉汁，但整體好普通炒膳糊，唔算好大蝶，但膳量幾頗多。膳無咩細骨，肉質唔算霉，係太多汁。香菇肉燥飯大量肉燥，好好餸飯，肉燥同飯量好似不相伯仲，其實唔洗咁多，咁樣會太鹹。我想講 d 飯好好味，好似番左屋企食飯餐牌好多選擇，第一次黎，諗住搵廚師推介，但係餐牌上搵唔到環境都光猛舒適二人賣單二百幾蚊，呢個價位好多選擇，所以中規中矩啦

我打呢篇野先發覺原來男人去親都食同一樣野反而係我每次都唔同XD上海粗炒 + 麻醬粉皮 (午餐) $58呢個係抵食同好食，所以我地有再返去食過XD個上海粗粉濃得黎又唔算好油(食落口個下)，有色又唔會太咸雞扒擔擔麵 + 糖醋青瓜 (午餐) $58男人鍾意食擔擔麵，就好似我鍾意食喇沙一樣(有要求XD), 見佢間唔中黎食又原來叫黎叫去都係呢味就知唔差，但我知唔係佢講既最好食, 但一定係合格既鮮肉小龍包 $40好正常，都多汁酸辣湯 $28正常無特別雞絲粉皮 $50呢個當然好味過跟午餐個個啦，但就係正正常常咁囉，因為佢個麻醬好普通上海炒年糕 $58諗住佢上次個上海粗炒好食，呢個年糕都唔差，但我估個日個廚師唔知做乜，因為佢唔係無味但就入唔到，我要落豆瓣醬，而隔離枱兩位老人家都問攞辣醬...

同朋友食晚飯，佢想食上海野，所以揀左呢間，6點入座所以唔洗等位，餐廳佈置環境幾舒服，惟獨地面係舖地毯感覺有啲唔乾淨（一般餐廳應該好少會舖地毯），講返食物，我地嗌左二人套餐，二百幾蚊經濟實惠，揀左：酸辣湯- 味道唔錯，唔會太酸而冇左辣度話梅黑醋小排骨- 份量足夠，味道尚可，稍嫌不足係唔夠juicy有啲乾身金銀蛋時菜（津白）- 嗌之前冇問清楚係咩菜，唔係太夾，不過味道可以津白肉絲炒年糕- 唔錯，如果少啲油會更好桂花糕- 出色，好怕有苦味又一夾就散值得一讚既係女侍應（定老闆娘）服務態度好好，唔會應完你就冇左件事，又好禮貌

行完山，諗住係東大街食個晏，無意中睇到依間上海餐廳就同朋友入左去食。店內冇咩人，就咁睇感覺食物應該普通，點知！我地點左牛肉麵、上海湯粗炒同小籠包，嘩！好味到！牛肉麵個湯底好濃牛肉味，牛肉又軟份量又多，個上海湯粗炒都十分香！陣陣麻油加埋啲配料味，有讚冇彈！小籠包都好好味！總之就值得去食！價錢又唔貴，下午茶都好抵👍🏻完全唔明點解會冇咩人食🤭由食緊個刻到食完我同朋友都讚不絕口😆希望下次去東大街間舖頭仲係到，一定會再去食多次！！

年三十晚放早，諗住去東大街搵食唔係冇開就排哂長龍，呢間應該新開，比下機會佢穩穩陣陣試下上海嘢啦雞排擔擔麵$58排骨擔擔麵$58湯底好香，擔擔麵中的花生味亦濃郁，麵質煙靭亦掛湯靈魂主菜的雞扒同排骨都炸得香酥脆軟鮮肉小籠包（4件）$38新鮮熱辣出爐，估唔到小店都有水準，皮薄餡靚又juicy招牌生煎包（3件）$36老公二話不說就一口氣食咗兩件...都係熱辣辣出爐又juicy不過街坊意見黎講，保持水準都會再返黎幫襯係略嫌當日未見有午市套餐提供，人均$95有啲小貴！