上海老家 (Closed)

嚟到大角咀食上海菜，旺角東搭小巴到中匯街都好方便～店舖唔大，但菜式都幾多選擇～先嚟一個醉雞，酒香凍食醉雞，幾香嫩，啖啖肉～另外雞絲炒皮，開胃清新～～一籠四隻小籠包，有個錫紙兜裝住可以直接拎起食，唔使用筷子都得，好方便，小籠包點少少醋鮮味，多肉汁～紅燒肉雖然肥膩，但煮得非常軟林好入味，肥膏香濃，非常濃味嘅上海菜～金湯酸菜魚，大大盤，魚片大塊嫩口，湯底夠酸少辣好飲～個底仲有薯粉夠晒飽肚！最後食埋甜品，高力豆沙，紅豆沙餡份量剛好，唔會過膩～

今日到大角咀晚餐，閒日的街道不算多人，唯獨這間在車房附近的餐廳門口不時有外賣車手取貨，所以決定一試。餐廳位置不太起眼，但內部嘅傢俬古色古香，十分有懷舊風味。店內的姐姐十分親切，介紹了我們必食小籠包和酸菜魚。我哋另外再加點醉雞，素鵝和香醋排骨。醉雞雪得夠凍，雞皮爽滑肉質鮮嫩，酒味香濃。素鵝調味恰當，但個人略嫌炸得太乾身，我比較喜歡吃到軟滑豆皮的質感。招牌小籠包十分貼心用上錫紙兜載着，每次都會篤穿小籠包皮的殘手表示好感動，終於可以連埋湯汁一齊食到小籠包嘅滋味。酸菜魚大大兜，魚肉嫩滑，酸菜湯頭惹味，一眨眼已經清咗一大半，難怪每枱都必點。最後上菜的香醋排骨又係大大碟，掛汁香甜，送飯一流。眼闊肚窄嘅我哋堅持要食埋高力豆沙，埋單人均三百幾性價比實在非常高，難怪外賣車手絡繹不絕。

我們這一家都好鍾意食上海小籠包，就連小朋友都可以輕鬆食到四五隻，不過屋企附近上海菜選擇唔多，而且又貴又唔好食，後尾聽朋友介紹大角咀有間隱世上海菜係休業後隆重重開，高質又抵食，今次就專登出去試下🔸️花雕醉雞酒香味濃，雞肉嫩滑，啖啖肉而且已經浸到入晒味，冰冰涼涼好清爽🔸️小籠包貼心地有個錫紙兜仔，唔使擔心會漏湯汁，皮薄又juicy，晴寶寶都大讚yummy yummy🔸️老家酸辣湯我私心覺得係近年飲過最好飲的酸辣湯濃稠度剛剛好，用料豐富，胡椒粉辛辣香味濃厚，味道適中🔸️老家松子魚食落啖啖肉，酸甜味道適中，越食越開胃🔸️魚肚煮津白津白清甜，魚肚爽脆本來仲想試埋高力豆沙，不過今次實在太飽，下次再叫多幾多朋友一齊試多幾款食物先得

呢間上海老家休業後隆重重開，喺大角咀隱世上海菜！太白醉雞 $75佢嘅擺盤好靚，好精緻嘅感覺，未食已經心心眼😍啲雞好滑，完全唔肥，食落去有濃郁既酒味，好正呀👍小籠包 $48嚟到上海菜餐廳，梗係要叫小籠包食啦！佢嘅小籠包皮薄餡靚，入面好多肉汁，好味呀！瑤柱蛋白炒飯 $108老公要有米飯落肚先飽😂所以叫左個炒飯。估唔到個炒飯有驚喜！啲蛋白同飯嘅比例好夾，啖啖都食到香滑既蛋白，又好有瑤柱味，飯粒粒粒分明，炒得好香好好食，值得一讚👍四季豆炒牛肉 $98我哋想食啲菜，叫咗個四季豆炒牛肉，牛肉好嫩滑，又好入味，四季豆炒得好爽脆，好快已經清晒成碟！炸饅頭我囡指定嘅炸饅頭饅，原本以為會好油好漏，但原來係外脆內軟，個饅頭超鬆軟，食落去完全唔覺食緊炸野，點埋鍊奶一齊食，正正正！

而家喺香港要搵間好食嘅上海嘢真係唔容易，今次有朋友推薦試吓呢間上海老家。果然無介紹錯小籠包皮薄多汁，店家非常用心，每件小籠包都用錫紙兜裝住，唔使再驚用筷子會整爛。其他小食方面，包括雞絲粉皮雞肉嫩滑，粉皮口感特別，配上醬料，味道開胃。脆皮素鵝外脆內嫩，素食者一定會鍾意。麻婆豆腐就唔使多介紹辣味十足，係送飯首選。最後仲點咗香醋排骨，排骨香脆可口，甜酸味道唔會太膩。甜品方面，當然唔少得高力豆沙，粒粒都脹卜卜，為今餐畫上完美嘅句號。每一樣餸都發揮得非常出色，以後要食上海嘢又多個選擇🤤

今日係大角咀，同🐧🐧 buddy 搵到依間地道高質上海菜館😋 裡面裝修闊落舒適，坐得好舒服👍 㨂咗幾款上海菜必食嘅主食甜品🥰 先來一道肉沫炒粉絲👍 炒得好夠鑊氣😋 與肉沫香辛配料一齊炒，食落超級惹味香口，同魚香茄子嘅味道好相似🤭 真係食唔停口咁正❤️ 上海菜點少得小籠包🤩 當然要叫返一籠過下癮🥰 小籠包內填滿美味嘅肉汁湯，食落鹹香可口，加上必備嘅黑醋更添滋味❣️ 真係必叫🌟 甜品㨂咗豆沙鍋餅😍 鍋餅軟熟有嚼感，蛋香出眾，加上甜美無比嘅豆沙餡料，滿分必食推薦🫶 最後壓軸嘅係高力豆沙😍😍😍 師父即點即打蛋白，真係好花心同工夫✅ 食落蛋白鬆軟綿滑，內裡滿滿嘅豆沙餡超足料👍 食落每一啖都好滿足🤤

📍🇭🇰 上海老家.最近來到大角嘴，見到有間隱世上海菜，原來係休業後隆重重開返係呢區，雖然外面搭起棚架，但是仍無阻大家對食的雅興！我們兩人就一於入去食呢間餐廳！.我們一坐低，店員就熱情地招呼。我們就點了個二人餐和加個擔擔麵。二人精美套餐揀了：📌 花雕醉雞 🐓- 呢個作為前菜，冷冷的雞肉嫩配上花雕酒，也算幾開胃！📌 鹹肉鮮茄豆腐湯 🥘- 鹹肉果然好鹹，加上蕃茄及豆腐，個人認為有點鹹，需要再加多少少水先飲到。📌 老家松子魚 🤩 - 呢個是最有驚喜的主菜！太耐無食松子魚，呢個一上枱已經覺得擺盤好靚。一起筷就食到啖啖肉，配上松子、菠蘿、提子、小蕃茄仔，不覺得膩，愈食愈再食😋！📌 魚肚煮津白- 魚肚煮黃牙白，喜歡食魚肚的你，會特別喜歡這道菜！📌 雲吞擔擔麵- 傳統擔擔麵加上四粒豬肉雲吞，擔心食不飽，便點多了個擔擔麵，想不到擔擔麵好大碗，真的食得好飽啦！📌 甜品：雷沙芝麻湯圓- 這個是最不過不失的，為這餐飯添上句號。

同上海人食飯，食返上海嘢先😂今次揀咗一間喺大角咀嘅上海嘢，如果唔係睇住Google Maps都搵唔到。同埋附近大廈外牆維修，佢掛咗好大塊banner喺嗰度，行過去嘅時候如果細心啲係留意到嘅。我哋嗌咗個二人餐，都幾豐富。醉雞同埋燻魚，我哋揀咗醉雞✊🏻豆腐湯同酸辣湯，我哋揀咗酸辣湯✊🏻松子魚同埋乾燒大蝦我哋揀咗松子魚✊🏻仲有魚肚津白同埋甜品，加埋$288另外仲加咗個小籠包，同埋上海炒年糕。醉雞入味，酸辣湯有驚喜，我第一次飲有肉絲嘅酸辣湯😂松子魚上枱熱辣辣，炸得酥脆，個半碟都睇得出有精心排過。另外魚肚津白都入味嘅。佢贈送嘅甜品係炸湯圓，仲有啲黃豆粉，都幾好食🤤上海年糕，配料豐富，如果再鹹多少少就更加好啦。整體嚟講，都好抵食嘅，如果去開附近可以試吓。

兩年前，好朋友帶我到大角咀中匯街食上海菜 <上海老家>！並慶祝他新居入伙！最近，搭巴士經過這一帶，見到這間上海菜館依然屹立不倒，可想而知其實力所在！今次，我約喜歡食上海菜的細堂妹來，由奧運站行過來，預10分鐘呢！位於舊樓區，附近有車房。店內樓面只有一位女店員及一位男店員，他們勤快之餘，亦不失有禮！這裡以假蔗渣木牆身，木餐桌椅；桌上備有餐具及骨碟！餐牌以 QR code 落單，食客如有需要，亦可按桌上的電子按鈴！ 依上桌次序：素鵝 $68金黃色的賣相相當吸引！  酥脆鬆化的腐皮外層，包住入味又柔軟的冬菇絲、木耳絲、甘筍絲...等，美中不足是餡料不夠豐足，勝在是完全外脆內軟雙重口感！令人一試愛上！太白醉雞 $75未嚐已傳來酒香，雞肉火候恰到好處，既嫩滑又入味！小籠包 $48以迷你錫紙兜盛載，店方相當貼心，啱哂好似我呢種唔識揸筷子嘅食客呀！皮薄餡豐多肉汁！香醋排骨 $128略嫌排骨肉質偏瘦，有點韌，醬汁酸中帶甜，掛汁入味挽回分數！銀芽鱔糊 $198另有滾油淋上去，隨即添香！令人手指大動！銀芽大條帶爽脆，鱔魚呈條狀，既惹味入味又有鑊氣的香口，連魚皮的口感鮮爽帶脆！高力豆沙 $7

今次我地就來咗大角咀呢間休業後隆重重開嘅大角咀隱世上海菜🤩🐟無錫小魚兒作為小食，份量都不少。香脆得嚟甜甜酸酸好開胃，送啤酒一流🥟 小籠包每粒都裝滿肉汁，而每粒用錫兜裝住，就算夾穿咗都唔會漏晒啲汁，幾貼心🥰🐮 四季豆炒牛肉份量十足，通常食到都係用嘅份量不多，呢度可以話肉仲多過豆！味道很不錯，平時上海菜會很濃味 ，但呢間咸味剛好！🐓沙鍋雲吞雞個雞湯好鮮甜，浸住嘅津白都很有味。個鍋有足半隻雞，仲有6 粒大雲吞，足料又好味👍🏻通常食上海菜都會重味重油，呢度味道唔會太濃太膩，食完都唔會覺得好口渴，唔錯！

從來都係上海菜超級fans，今日嚟到大角咀呢間大角咀菜館，雖然地理位置確實有少少輸蝕，但食物質素的確唔錯。✨太白醉雞雞件皮爽肉嫩，花雕酒香夠入味，好出色嘅涼拌小食。✨五香燻魚燻魚炸得多酥內嫩，雖有骨但主要係大骨為主。醬汁甘甘甜甜而且帶有芝麻香。✨小籠包 皮薄餡靚又多汁，咬落去仲熱辣辣🤭如果擔心自己筷子功力唔夠會整穿個皮，仲有個貼心嘅錫紙兜幫手添～✨香醋排骨排骨大大件啖啖肉，配上濃稠酸甜甘香嘅醬汁，好好味。✨金湯酸菜魚片魚片細滑，金湯酸中帶微辣，配上秀珍菇同彈牙薯粉，好滿足。

📍餐廳位置比較偏僻，旺角或奧運地鐵站行過去都要大概15分鐘，但係呢間餐廳非常值得去，當係減左肥去食大餐。我哋三個人就嗌咗一個雙人套餐，因為咁啱有晒我哋最鍾意食嘅嘢🍽️ ，重點係見到隔籬枱都嗌咗，份量超級大。🐟燻魚 + 松子魚我食過最脆同埋最惹味嘅燻魚，呢度係即叫即炸，唔似平時嗰啲一早整完淋啲汁上去。松子魚一上枱又係熱辣辣，啖啖肉，真係好正。🥣蕃茄豆腐湯 + 魚肚煮津白兩道菜都正常發揮，最鍾意係個津白。跟餐嘅甜品係豆沙湯圓。我哋額外再加咗個桂花酒釀湯圓，桂花味好濃不過個糖水有少少糊，不完美可接受仍需努力。🍜當初驚唔夠食，再嗌左排骨炒粗麵，都係非常唔錯，同埋唔太多油。除咗個地方有啲隔涉之外，所有嘢都非常滿意😋真係大角咀隱世上海菜！

上海老家位於香港大角咀中滙街61號地舖，是一家以滬菜（上海菜）為主的餐廳。餐廳的氛圍非常地道，適合喜歡上海菜的食客。如果你喜歡酸辣口味的菜肴。值得一試。這家餐廳由何師傅掌廚，他擁有超過40年的烹飪經驗。價格親民。吃飯期間聽到很多外賣電話。//酸菜魚金黄色的汤底.用十幾種不同香料炮製，微酸帶辣。魚片鮮嫩。酸菜的酸爽和魚肉的鮮嫩相結合，讓這道菜既開胃又美味。//太白醉鸡鸡肉经过酒香浸泡，肉质鲜嫩，酒香浓郁。腌制入味。口感独特。//小籠包：皮薄餡多，包含鮮美的豬肉餡料和濃郁的湯汁。咬一口就能感受到湯汁的鮮美。每個小籠包用錫紙小兜裝住，吃起來很方便。不用擔心皮簿会穿。//五香熏鱼传统的上海菜，新鲜的鱼，经过五香料腌制后再熏制，外皮酥脆，内里鲜嫩，带有浓郁的五香味。非常好味。//香醋排骨以排骨为主料，经过香醋和糖的调味，酸甜可口，排骨外酥里嫩，非常下饭。//高力豆沙以豆沙为馅，外层裹上蛋白和糯米粉，炸至金黄，外脆内软，甜而不腻。

上海老家係大角咀已經開左好多年，我都食過唔少次，咁多年黎都保持到質素。餐廳位置比較隱蔽，第一次去嘅朋友應該要開map先搵到啦 😆。太白醉雞（$75）醉雞浸到入曬味，濃濃酒香，雞件又滑滑。雞絲粉皮（$60）我好似差唔多食親上海野都會食雞絲粉皮，凍凍地又有麻醬又有雞，點整都唔會失手嘅前菜。紅油抄手（$68）有時唔想食麵或者飯，就會叫餃子，抄手辣辣地又惹味，都係常叫菜之一。韭黃鱔糊（$198）有鱔糊嘅餐廳就一定叫！呢間上檯方式好特別，店員會淋滾油落中間d蒜蓉，即時香噴噴～ 而家買黃鱔咁貴，真係出街食仲抵。香醋排骨（$138）呢碟份量好足，酸酸地食到好開胃。高力豆沙（$72）呢d咁考功夫屋企煮唔到嘅野梗係出街食，炸蛋白入面有豆沙，外面灑上糖霜，口感一流。@shanghailaojia @sykitchen91623308 。#gpigtaikoktsui

最近👦🏻同👧🏻去咗位於大角咀既隱世上海菜餐廳 - 上海老家。雖然餐廳位置比較隱蔽，但以食物質素同價錢嚟講，👦🏻👧🏻一致認為呢間值得推薦比大家！🌟雞絲粉皮雞絲粉皮份量唔少，粉皮好細滑，青瓜🥒刨絲，撈埋濃郁既芝麻醬食十分開胃。🌟太白醉雞呢道太白醉雞一上枱已經聞到濃濃嘅酒味，事先已去骨食落啖啖肉，肉質鮮嫩。最值得一提嘅係雞皮同雞肉中間有一層薄薄嘅啫喱！🌟金湯酸菜魚片酸菜魚嘅金湯湯頭味道非常平衡，唔會話辣到太誇張，酸辣比例平均，同埋份量非常充足，可以夠兩至三人食，魚片鮮嫩無骨，咬落啖啖肉，底層仲有幼薯粉，煮曬湯底精華！🌟香醋排骨上枱已經聞到濃烈嘅醋香，排骨炸到夠晒酥脆，配上酸酸甜甜嘅醬真係可以食到唔停口！🌟紅油抄手紅油抄手外皮唔會軟爛，食落肉餡唔錯，辣度適中，值得推介。🌟高力豆沙高力豆沙作為飯後甜品，味道一流！蛋白層輕盈，豆沙餡唔會太甜，配埋香蕉🍌，為成餐飯畫上完美句號。