上海老家 (Closed)

今日午餐去左大角咀既平民價上海老家食飯，喺奥運港鐵站出黎行幾條街就到，都唔難揾。落單用QR code。今次叫左一個客飯餐，一碗麵同兩份小食分享。咕嚕肉 $55咕嚕肉有十幾件，都幾大件，皮唔算過厚，肉有少少實，配料有番茄，青椒，洋蔥同菠蘿。個汁酸酸甜甜，好開胃。配大大碗白飯，多到食唔哂。客飯送埋例湯，個湯少少鹹，好清無油，有紅蘿蔔，冬瓜同豬肉食，仲有南北杏。排骨湯麵 $55排骨同湯麵分開上，仲切到細片方便食用，好貼心。排骨整得好脆，而入面既豬肉好嫩，味道鹹度適中，唔會太鹹，好食。麵係幼身上海麵，好清淡，份量好多，上面灑上少量蔥花調味，配有幾條白菜心。燻蛋 $15燻蛋一開二，凍凍地好適合炎炎夏日食。蛋黃好滑溜而蛋黃味香，味道好清淡。炸饅頭 $30炸饅頭一客3件，炸得薄皮好脆而入面鬆軟，配另上既煉奶就變左一道甜品。食物方面，都幾似家常菜式，味道偏清淡，感覺健康。

今日天氣幾好，lunch time好想去散步，行左過去南昌公園順便食咗間家常味上海菜小店！呢間上海老家係中匯街街尾，比較近大同新邨，幾方便附近街坊！萵荀涼拌海蜇（$60）淮揚涼拌菜式、冷盤料理真係好多變，天氣甘熱真係要食返啲涼拌先得，萵荀海蜇清爽脆口，加上麻油香，清清淡淡，係唔錯嘅開胃菜。紅燒獅子頭客飯（$55）大大粒煮到軟腍嘅獅子頭，肉丸香軟但又唔會太鬆散，伴碟仲有好多小棠菜，幾啱送飯！炸饅頭（$30）其實我由細到大好鐘意食滬菜館嘅炸饅頭，而呢度嘅炸饅頭絕對等得上高質，外皮酥脆，內餡仲保持到白香軟，蘸埋煉奶食，一個人食曬三粒都無問題！另外見到佢外賣都好抵食，下次再嚟食順便買炸饅頭都好！😆

位於大角咀中匯街有間私房菜小店，入面既裝飾以木檯同椅為主,感覺古色古香,好有家既感覺,食物款式選擇多,我地坐低左之後叫左個順德魚湯羹,湯羹份量好大碗，魚湯唔腥入口魚肉嫩滑，加埋木耳絲筍絲豆腐清淡唔太咸，再加入胡椒粉,仲叫左碟肉沬炒粉絲,肉碎炒粉絲即叫即炒，有獲氣，小食叫左雞絲粉皮雞絲加入青瓜條同花生醬好香，粉皮彈牙。仲有職員友善,呢度既茶都幾好飲,一大壺供客人飲用茶味香濃解膩。鐘意食辣既朋友可以叫水煮系列。

約左人咁啱附近做完野，於是就近找下有咩好食。見呢間openrice多好評，就試下啦。四川擔擔麵 $28 🍜下午茶時間2-5pm,$28!!見抵到咁就試下啦原以為係勁細碗，點知實物原來都大碗架!份量唔少，夠飽!抵食推介!!四川回鍋肉$55乾扁四季豆$55以上客飯餐，連白飯，味道不錯，份量不小，性價比高!!銀芽鱔糊 $90上海菜入面，netfoodie除左小籠包、生煎包，仲好鐘意食鱔糊。呢度既饍糊幾濃味，熱辣辣上台，夠鑊氣，份量亦夠!呢度既野食，同味道，算唔算正宗上海呢，講真又唔太覺。不過，味道不錯! 有小店如家的味道同親民感覺。有時食飯，唔一定餐餐追求華麗精緻，需要踏實貼地的一餐的話，呢度確實係抵食之選!!

上海老家大角咀中滙街61號地下易泊車之上海餐廳，啱晒周圍搵好野食既揸車一族，餐廳近路口盡頭處，對出有一大個泊車位 ，黎到一定有位泊，加上餐廳係玻璃門，可以望實parking一定唔會俾人抄牌。餐廳扺食，特別是午餐下午茶時段，叫個餸都會跟飯，50零已經有找。最抵最抵食既就一定係下什茶時段$28既擔擔面。加個小食就Perfecto。朋友肚餓嗌多左，鱔糊四季豆同回鍋肉都不錯，以價錢黎講，性格比算係咁。yeah

前排去奧運個邊搵細佬食飯，見呢間幾多人食，就入咗去食😁 又唔錯喎！🎈套餐 - 湯 + 冷盤 + 小菜 $2881️⃣順嫂魚羹好大碗呀🤩 我飲佢就飽啦～ 啖啖都食到魚肉/蛋白，魚肉同蛋白幾細滑，仲有冬菇絲、荀絲等，荀絲爽口，令濃稠順滑嘅魚羹口感更豐富。2️⃣醉鷄小菜都幾大份🤩 雞肉帶酒香，食落清新唔膩😙 忍唔住食多幾件～3️⃣上海回鍋牛肉回鍋牛肉香呀！牛肉炒香入味，有鑊氣😍 咁惹味，真係送飯一流😋4️⃣蒜蓉炒時菜（送）蒜香時菜雖然係送嘅，但份量唔會少，而且一樣有鑊氣，炒得香口好味！5️⃣白飯 $15/碗6️⃣茶水 $10/

下個月就是父親節了，大家想好要帶爸爸去哪裏慶祝沒有？失傳的正宗古法上海菜也是一個不錯的主意！🤫❤️/ 食物 / ꧁ 黑醋小排骨 $138 ꧂排骨腌漬得啡啡黑黑，表面灑滿香口的芝麻，味道酸酸甜甜，十分開胃!꧁ 四川回鍋肉 $88 ꧂腩肉爆香後相當有鑊氣，色澤紅亮，加上青紅椒、青蒜，香濃惹味、佐飯一流。꧁ 陳醋木耳 $50 ꧂這道涼拌小菜超好吃，木耳口感爽脆，加入鎮江醋後更加開胃，讓人食慾大增。꧁ 炸饅頭 $30 ꧂炸饅頭現點現炸，外脆內軟，外層完全沒有吸油，裡面的饅頭口感超級軟綿滾燙，蘸上煉奶後更加好吃！/ 環境 / 店鋪位置有點隔涉，距離奧運地鐵站有點遠，大家記得預留時間行走。面積比我想像中小，每張枱的距離頗近，不過有膠板相隔。我是平日去的，客流不算很多。餐廳晚市熱鬧的時候可能會覺得有些擠逼，建議大家可以早些前往。背景音樂是七八十年代的老歌，非常配合這裡的主題格調。/ 價錢 / 餐廳定價正常，最近還在做下午茶優惠，$28已經可以點一碗四川擔擔麵。/ 服務 /餐廳採用QR CODE下單，收加一服務費。≡※≡※≡※≡※≡※≡※≡※≡※≡※≡※≡※≡※≡※≡※≡※上海老家大角咀中滙街61號地下

見OP好似好多正面評價 特地一行10人去試下哇 行到去 環境已經唔掂 入去坐底之後 服務態度差到一個點 可能佢見有2個小朋友 覺得小朋友一定食得少野掛 完全唔想服務你 覺得你阻佢d位咁 算啦 見一行10人行8分鐘過來搵食 附近冇乜食肆 快快食完早d走啦 照食 哇 不敢想像 坐係d差過大排檔既位要收$10/位茶水 冇服務仲收加一 食物質素非常差 我吃過最難吃的上海野人均$300位 真係去食返一般連鎖好好多 真不知道自己为何选择賽螃蟹 冇蟹肉 得蛋白 要收$138加一 仲超鹹 完全食唔到 鎮江肉唔凍

之前book左上海老家晚市，因為聽聞佢地晚市套餐好抵食。可惜疫情之下政府禁堂食，今日一有返晚市堂食我地立即去左大角咀試返晚市套餐！地理位置比較偏僻，門口非常易認，只要望到兩盞大燈籠證明你無揀錯地方😎二人套餐只係$288，加$88就可以轉沙鍋雲吞雞。最後我地叫左太白醉雞、順嫂魚羹同肉沫炒粉絲。太白醉雞肉質好嫩滑，酒味好香，份量好大。順嫂魚羹用料十足，包括荀絲、薑絲、雲耳絲同桂魚魚肉，魚肉肥美，整體口感豐富，味道比較其他清甜。肉沫炒粉絲入面有好多材料例如肉碎冬菇等等，味道唔會太濃，佐飯一流。三個菜式都好好味，下次再encore!

行完奧海城🎉出去搵食，記得上次去過大全街附近見到有好多餐廳🍽。我今次再去返附近搵食。🤩行下行下👟去到中匯街，比個燈籠🏮吸引咗埋去。加上頭先食完牛角包🥐仲未係好肚餓🙈，我地今日決定食清d，食上海菜。餐廳入面都幾多人食。🙂店員安排我地入座之後，比咗個QR code我地自己落單。分隔板上面都有教點樣可以落單。😙🧆 陳醋木耳食到醋 + 麻油嘅味道😉。木耳又爽又甜。🥯 炸饅頭 + 練奶饅頭炸到外層卜卜脆，啱啱好金黃色。加煉奶食係最好食。😋🍲 咕嚕肉酸甜甜甜好開胃🤤，啱晒唔係好肚餓嘅我地。咕嚕肉好大件，但咬落唔會硬弸弸。😎🥬 冬菇小棠菜清清地叫個菜食下，一d油膩感都冇。💪

已經去過大角咀搵食好多次，竟然無一次發現呢度有間上海菜🫣位置有D 入，係中匯街，比較尾嘅位置，附近有幾間車房，再比一間水果度遮住左😅原來有間食肆🥰店內環境都好闊落，當日係閒日，同埋都夜，甘岩比較少人。要讚一讚呢個雞絲粉皮，個麻醬係出色嘅，同埋個粉皮比其他店闊身，好食👍🏻回鍋肉炒粗麵，夠入味，可以問店員拎個辣醬一齊食再野味D😆酸辣湯$68～ 好大碗，夠足料👍🏻佢個炸饅頭係出色嘅，我地都放左一段時間先食，但都仲係好脆口，同埋個花奶勁多，岩晒我😍整體黎講，無論食物定環境都喺滿意嘅，下次再試埋個水煮牛先😆

一星期前訂咗位，嚟到發覺冇此需要，一來連續幾日滂沱大雨，二嚟其實搞錯咗應該係小菜館格局而唔係私竇式私房菜。加上6點就報到，先嚟碟「蒜泥白切肉」同「紅油抄手」做住前菜等friend。蒜泥白肉排列比較粗獷，唔似平時一片片層層叠，比一般厚身，有啲捲曲，十片左右，碟底墊咗不少青瓜絲，相對少辣油….抄手皮屬於厚身，顯得內餡份量略嫌少。見到「肉沫炒粉絲」，朋友提醒即是螞蟻上樹，霎時諗起電影春嬌入面谷德昭用呢款餸來比喻女伴面容……。係夠鑊氣，粉絲入味，但調味過龍，好鹹吓，食完每啖要飲番啖茶。徘徊上海四川，想減辣所以斷估揀咗「上海回鍋肉」，呢道就調味適中，鹹中有些甜，炒得肉爽菜香，豆腐乾加多些少就更完美。我對「酸辣湯」冇乜興趣，但無可否認呢碗整得幾好。首先我以為嗌小，只係一個飯碗仔嘅份量，嚟到係成個湯麵碗滿，而且難得酸辣度攞到平衡，唔會只得酸冇乜辣，黑木耳、腐皮、蝦球、筍絲、豆腐粒等用料充足，稀杰度適中，唔好此道都食咗三碗仔。「煉奶炸饅頭」就有啲失準，只得個底脆，包面係腍，似食緊金黃色嘅蒸饅頭多啲。自助落單餐牌餸菜款式會多過實體餐牌，太長不能盡錄，因此只能斷章節錄部分。

成日煮飯會好攰㗎，去搵朋友順便食返個午餐先。我哋去左大角咀上海老家，地方雖小但環境舒服。餐牌有很多不同的上海菜式供選擇。我哋點咗雞絲粉皮，糖醋魚柳，酸辣湯，醬爆雞丁。老闆娘好好人，怕我地唔夠飽，仲送咗2碗白飯俾我地添。(真係太睇得起我地個胃😂)雞絲粉皮 - 粉皮十分Q彈，雞絲好嫩唔鞋，配埋麻醬，好好味，唔駛5分鐘食晒😋糖醋魚柳 🐠 用咗新鮮嘅菠蘿同青紅椒配上炸過嘅魚柳，甜甜酸酸， 十分開胃。醬爆雞丁 🐓 雞丁嫩口，配上爽口翠玉瓜粒，加埋惹味醬汁，撈飯一流。酸辣湯 🥣 稀稠度適中，十分足料嘅湯羹，味道少酸偏辣，可口又過癮，飲完額頭仲會冒汗添🙈呢度仲有好多其他吸引既菜式，如果你住附近，又突然想食上海家鄉小菜，不妨黎上海老家試下！

同2位朋友放工後一齊去食晚餐～由於好耐無食中餐，朋友提議去食上海菜！我地叫左上海酸辣湯，上海炒年糕，京蔥爆炒牛肉，鎮江肴肉同糖醋魚塊～上海炒年糕超級好味～ 煙靭煙靭既年糕配埋醬汁同埋京蔥肉絲既調味～ 美味非常！同朋友食得好開心！誠意推薦上海炒年糕！糖醋魚塊炸得好香口，外脆內淋，食落健康又好味！配合埋洋蔥同埋燈籠椒🫑～ 糖醋魚塊真係好岩配埋飯一齊食！上海酸辣湯都好好味！酸酸地辣辣地好開胃～ 真係好正！佢又唔算好辣，所以唔食得辣嘅嘢人都可以點黎飲！

又係公司附近嘅上海菜，平時都多人，咁啱呢日落大雨就冇乜人Lunch嚟講都算幾抵，嘢食好快上枱🥢咕嚕肉💰$55客飯系列，酸酸甜甜夠開胃，好大碟都食唔晒🥢上海回鍋肉💰$55客飯系列，個人嚟講鐘意呢碟多啲，濃味又有邪惡豬腩肉，椰菜都煮到好惹味，送飯好正，不自覺食多咗好多飯🥢雞絲粉皮💰$60好耐無食呢款，幾香花生醬溝麻醬味🥢脆皮素鵝💰$68外層腐皮脆口，入面有冬菇絲紅蘿蔔絲等等，味道幾好，鐘意唔點醬多啲💰$238/2ppl🚩上海老家 (大角咀)📍大角咀中滙街61號地下