上海老家 (Closed)

呢間餐廳主打上海菜 佢地嘅午市套餐真係夠哂抵食🍴如果經過想食個平靚正嘅午餐都幾推介😚.📌豆沙窩餅 $78呢個豆沙窩餅煎到金黃色 食落外脆內軟 好香口🥰豆沙蓉 甜度啱啱好 甜而不漏🫘.📌欖菜肉碎炒飯 $60炒飯一上到枱就香噴噴 飯嘅顏色好均勻 好吸引🥰炒飯加左欖菜、肉碎同埋蛋去炒 面頭仲有好多蔥粒🍚成個飯食落去好惹味😝雖然味道好好 但係個飯就有少少油同埋未炒到粒粒分明🤏🏻不過個飯勝在大大碟 兩個人食都夠😂.📌咕嚕肉飯 $55咕嚕肉酸酸甜甜 好開胃🐷外面炸到脆脆地 不過肉質就有少少鞋🤏🏻好彩佢有好多舊 價錢都算幾平😜平時咕嚕肉都係配三色椒🫑呢到就特別啲加埋蕃茄 不過整體味道同平時都差唔多🍅.📌陳醋木耳 $50木耳食落幾爽口 但個醋味係鹹鹹地🤣同平時出面食開嘅甜甜酸酸或者辣嘅木耳有啲唔同🫣.📌例湯例湯飲落好有家嘅味道🥣味道好清甜 冇味精味😋

雖然大角咀一帶新樓越起越多，但仍然仲有好多舊樓，正正就是小店的棲身地。位於舊區位的餐廳主打老上海食物，裝修有”老家”的味道。眾多上海小菜可以選擇，雖然叫老家，但QR落單一點也不老。太白醉雞 $75酒香濃濃，浸着滑嫩的雞肉，非常入味，而且雞肉香滑。炸饅頭 $30饅頭金黃，外脆內軟，油膩感不強，煉奶絕配。紅油抄手 $68餛飩飽滿，紅油蒜泥香味撲鼻，開胃又好吃。肉沫炒粉絲 $88清爽柔軟，熱辣辣有鑊氣，肉碎蔥花加上辣味，夠晒惹味。

上海老家中菜餐廳套餐 $288拍黃瓜醋加蒜頭，好入味，脆口，掛到汁，開胃冷盤小食！粟米魚肚羹好味足料，好多粟米粒，好甜。加上蛋花同魚肚，有口感有層次！唔會太稠，口感嫩滑。糖醋魚塊魚塊足料，好多舊！入味但唔會咸，加上帶少少酸既菠蘿，都好有層次。送飯一流！清炒時菜 - 小白菜有鑊氣，菜新鮮脆口，加上蒜味，香口唔會太油。下午茶優惠 - 四川擔擔麵 $28咋！！大角咀中滙街61號地下星期一至星期日11:00 - 22:15

由於要拎架車去整，咁等過程中見隔離有間上海菜就入去食過early dinner 啦。入到去已經感覺好似好傳統，但點知原來好方便好先進，用QR code 落單。我地2個人簡簡單單叫左幾樣野，出奇碟碟都好啱口味，又大碟又熱辣辣。紅燒茄子$88夠鑊器，茄子外入面有筍絲，冬菇同五花腩，好足料。糖醋魚塊$98唔會太酸，唔太油，魚塊又脆，但入面仲keep到魚好軟熟。排骨擔擔麵$68排骨唔油，肉質ok。擔擔麵充滿花生醬，麵質彈牙，每條麵都沾滿湯，湯底少少辣，但我唔食得辣都食到，仲忍唔住飲左幾啖湯。陳醋木耳$50好入味，木耳好爽口，全碟好快ko。埋單$3xx,合理PS: 見到牆上貼左海報，做緊下午茶優惠 四川擔擔麵特價$28（原價好似要$50），好抵👍

#家的感覺我都幾鍾意食中菜，有好多瓜菜感覺好健康。呢間餐廳好有返咗屋企嘅感覺，開住電視📺食住家常小菜。而且食物唔會重味精，係屋企菜嘅感覺🥹🌟醬爆雞丁$88份量好足，炒得幾好味雖然好大碟但最後都清晒！😆😆🌟雲耳山藥炒勝瓜$78健康又好味🌟燻蛋$15送飯食一流😋🌟酸辣湯$68好足料呀,而且細嘅都咁大碗,辣辣地酸酸地好開胃🌟白飯$15一碗茶水$10一位茶幾好飲👍🏽10%服務費平日星期一至五食下午茶仲抵!!擔擔麵$28一碗🤩下次試吓先

🌶四川擔擔麵 食得太多港女Cafe，偶爾又會想食下啲重口味小菜😆本身晚市價錢已經好抵，如果想再抵啲，可以下午茶嚟食，$28就可以試到碗擔擔麵🤑湯底非常濃稠，花生香味突出而帶少少甜味😋就算影完相，啲麵條都依然保持爽口彈牙，食到尾嘴邊唔會覺得油膩🤩值得Encore🎋油炆荀非常經典嘅一道上海菜⭐️作為餐前小食好適合😙零荀臭味！ 💥 脆皮素鵝係我同屋企人好鍾意嗌嘅上海餐前小食😛一啖一件啱啱好，素鵝卷餡料非常足😋有滿滿嘅冬菇絲、蘿蔔絲木耳絲🍆紅燒茄子雖然賣相普通，但係成日都覺得呢啲菜式係屋企真係整唔到，所以就特別想食🤪每條口感都好香淋👍

價錢算係中等價錢，吾係平民價，但佢個格局加上茶芥要10蚊，仲要加埋一，差唔多成舊水俾左依啲雜費💰💸，感覺好吾抵！如果自帶酒水80一枝，蛋糕一位十蚊個獅子頭啲肉又散，楊州炒飯（好似88蚊一碟未計加一）食到有筋😰饅頭同酸辣湯就吾錯嘅！但700蚊埋單我就覺得吾太抵食。其實吾係話叫左好多野食依個價位有更加多好選擇，又係因為op太多好評所以先黎試，點知食完我地全部都覺中伏，真係吾值依個價錢，吾明點解有人話係平民價😂

放工食飯通常都偏好食小菜類，上海菜亦不失為一個好選擇！最近熱力逼人，一定要叫一份涼拌平衡心理😂陳醋木耳分量十足，上枱時微涼，唔算太酸但足夠開胃👌🏻醬爆雞丁好岩送飯，咸香惹味，除咗雞粒同翠玉瓜仲加埋香菇增加口感👌🏻奶油津白軟硬適中，唔怕食菜咬到索索聲，口感creamy👌🏻仲比我發現左一個獨特食法！加入擔擔麵一齊食令湯底更柔滑👍🏻擔擔麵每人都分到2-3小碗，花生味雖然唔濃但勝左湯夠掛麵，都算香濃👌🏻下午茶仲有優惠😮價錢正路，每樣都份量充足，幾岩家庭去人多share!

最近同朋友一直搵緊D好食既上海菜，所以都周圍去試下上海餐廳。黎到呢到，叫左個陳醋木耳醒下胃先，又幾好食! 有時有D餐廳一用陳醋就搞到好酸好酸，呢到又唔會，仲有少少蒜味，所以食落好開胃。燻蛋係第一次食，原來仲可以配少少椒鹽係上面，蛋黃仲有少少流心感。糖醋乜乜基本上係我去親食上海野都會叫，排骨就食得多，今次叫左魚塊。舊魚好滑!!!!出面仲係少少脆，糖醋味道岩岩好，少少甜味同少少酸味，好岩用黎送飯食。雪菜肉絲炒粗面好大碟，仲有另上豆瓣醬，鐘意食辣就可以撈埋，我同朋友都係重口味人士，所以就撈埋辣醬。個炒面好足料，雪菜肉絲好大堆，基本上係可以每條面都沾到醬，粗面本身都有調味過再炒，而且好有咬口，食完呢個都幾飽下。而家仲有下午茶優惠, $28 有擔擔面都幾抵食，下次下午茶時間黎試下先！

🚩 上海老家奧運站呢邊返學嘅時候都成日過嚟，估唔到依度有間俾啲橫街窄巷收埋咗嘅上海菜🥹依間鋪嘅菜式都算幾豐富，啱晒一家大細過嚟食〰️〰️〰️〰️〰️〰️〰️〰️〰️〰️〰️〰️〰️〰️〰️🌈燻魚 $65總共有八大嚿，炸得夠乾身，醬汁就係酸酸甜甜，有啲似以前細個食齋雞粒嘅醬汁🤤雖然啲魚有炸過，但的骨都唔會炸到化曬，食唔到落肚嫁，食嘅時候要小心啲！🌈酸辣湯 $68超級大碗同埋足料，有大量嘅木耳豆腐肉絲，仲有我最鍾意食嘅蝦仁😆湯唔算好辣，佢嘅酸亦都唔會酸到好唔舒服，所有野都岩岩好！不過由於個湯真係太大碗，飲完都飽飽地🌈肉末粉絲 $88好好食嘅炒粉絲😭一黎佢超級夠熱，辣喉嚨個隻，但佢嘅味道真係好好，完全停唔到口！超級夠鑊氣，而且好惹味，微微辣！肉碎亦都啱啱好黐住晒係啲粉絲上面🧡🌈炸饅頭 $30永遠都唔會出事嘅組合😆外皮超級酥脆，搭配埋煉奶，連媽咪唔鍾意食油炸嘢都食左兩粒！#Kyla奧運 #Kyla中菜〰️〰️〰️〰️〰️〰️〰️〰️〰️〰️〰️〰️🥢地址：大角咀中滙街61號地下🌟推薦指數：8/10

大角咀就一向都多好野食今次就食一間位置唔太明顯既上海老家雖然位置唔太明顯，但放心唔難搵都係奧運站行十分鐘就到入到去侍應話可以自己用QR code 落單仲推薦我地試下擔擔麵排骨擔擔麵😆😆😆😆😆一食就覺得係正宗既味道湯底好濃 有明顯既花生味同芝麻醬啲麵份量好多 仲好彈牙啲湯又掛麵好岩我口味 大推排骨就好似豬扒咁咁熱夠脆 幾好口水雞（例）比想像中大份都幾滑 口水汁都做得唔錯乾煸四季豆有少少似家常菜既味道但又惹味過自己整食飯有啲菜食下都幾好兩個人食叫咗呢三樣嘢都已經好飽好因為佢每樣啲份量都幾多臨走嗰時都有睇吓Menu個豆沙鍋餅甜品都幾吸引但已經無位食埋單嗰時個侍應姐姐同我哋講話$28有下午茶擔擔麵食，好抵食份量係點我就唔知啦但$28就睇落好抵食下次都可以嚟食上海老家大角咀中匯街61號地下

突然想飲酸辣湯，搵咗一間近近地嘅上海餐廳度食飯，坐低咗之後店員俾咗QR code我哋自助落單，我哋叫咗一個二人餐，當中包括一個湯，一個小食，一個小菜，呢個二人餐會贈送一碟時菜，如果想食埋飯就需要加$15叫白飯，首當其衝一定係酸辣湯啦，然後小食就叫咗陳醋木耳，小菜就叫咗糖醋魚塊，時菜我哋就選擇左蒜蓉炒，首先講吓陳醋木耳小食先啦，味道非常之開胃，酸酸地，然後就到咗個菜，今次嘅係白菜仔，蒜蓉炒白菜仔炒得味道都唔錯，至於糖醋魚塊味道還可以，但係魚肉比較少，但係對我哋嚟講個主角就係酸辣湯，非常足料，夠酸，份量亦都好多，整體覺得都OK👍#上海美食 #酸辣湯 #陳醋木耳#糖醋魚 #2人套餐 #足料

以前喺大角咀返工，成日都會走入啲橫街窄巷度搵好嘢食，今日舊地重遊，同朋友一齊試吓呢間招牌古色古香的上海菜。首先係一個五香熏魚，炸得香脆，雖然有啲碎骨，但係好有咬口，加埋醬汁，非常有風味。油豆腐粉絲湯係我兒時最愛，豆卜入晒味，冬菇炆到林晒，加埋粉絲，係一個完美嘅組合。上海粗炒亦都係細個成日食但係好耐冇食過嘅菜式，呢度嘅上海粗炒唔係落嗰啲好油嘅肉絲，而係一條條嘅豬扒，滿足晒食碳水化合物同埋食肉嘅慾望。

今日選擇咗呢間位於大角咀食上海菜嘅小店🤤🤤🤤行到門口已經感受到傳統中菜嘅氣息，可以係旺角、太子或者奧運站行過去都可以👍🏻👍🏻餐廳裝修幾有中華特色😚而且坐得好闊落餐牌有各種小菜選擇，有湯、冷盤、小菜等等，仲有啲套餐，適合一家大細小黎食嘅朋友仔🤣🤣餐廳做緊下午茶優惠，逢星期一至五 2pm至5pm 四川擔擔麵 $28咋！超級抵🤩🤩🤩餐廳可以手機落單，掃一掃個qr code就得，好方便😍😍🌈陳醋木耳 $50雖然只係前菜，但份量超級足，木耳食落好爽甜，仲有少少醋酸味，好夾好好食😋🌈糖醋魚塊 $98食落酸酸甜甜，好開胃，魚塊炸得好脆口，配埋青椒、菠蘿、洋蔥一齊食超正😚🌈紅燒茄子 $88一上枱已經聞到好香🤤🤤茄子煮得好冧好好食，入面仲有豬肉同香菇，全部都好入味🌈四川擔擔麵 $50啲麵份量超級多👍🏻👍🏻而且個湯底好香好濃，啲麵軟硬啱啱好，配埋其他小菜一齊食好正茶水 兩位 $20

Lunch去左奧運站附近食野，食左呢間上海菜。餐牌好多選擇，好多正宗上海菜既選擇😍😍午餐既客飯好抵食，幾十蚊就有小炒配客飯或麵。宮保雞丁配飯我最鐘意食辣，呢個宮保雞丁真係值得一試，肉、腰果同翠肉瓜都炒得好入味，最驚喜係連翠玉瓜都炒得好入味，啲辣度啱啱好，肉冇雪味，100分👍🏼👍🏼。另外客飯配個例湯，例湯啲料好足，好濃味，非常好飲排骨擔擔面個排骨炸得好好味，外皮好脆，裏面好嫩滑，配埋個醋，一流。擔擔面裏面嘅花生湯底都做得好好，我好鍾意擔擔麵，推介👍🏼👍🏼我見餐廳嘅poster寫，下午茶時段擔擔面只係$28 ，超級抵食雞絲粉皮粉皮係闊身嗰種，通常街嘅都係有新的粉皮，闊身粉皮沾上麻醬，口感非常豐富，雞都好亂滑，同樣都沒有雪味，肉類無雪味好緊要脆皮素鵝數我果皮真係好趣，裏面有好多配料，有蘿蔔絲、木耳絲，口感好好全部食物都做得好好食，另外價錢都好合理，性價比高