上海老家 (Closed)

🐳現在由於疫情不能去上海旅遊吃正宗上海菜，所以來到這間古色古香的上海老家，位於奧運站附近，步行約7分鐘。🐳雞絲粉皮作為涼拌前菜，幾開胃的，雞絲嫩滑，粉皮爽口，配上芝麻醬。🐳脆皮素鵝有點像腐皮卷的小食，但全部材料是素的，非常適合素食者，配上喼汁，酸酸味味，脆口開胃。🐳酸辣湯雖然是小碗，但份量也幾多，材料也很豐富，兩個人是吃不完的，但味道酸酸辣辣，有口感之餘又醒胃。🐳上海炒粗麵粗麵真的很粗，勁似炒烏冬，但比烏冬硬身，配菜也非常入味，微有鑊氣。

去大角咀探契媽，大同新村附近多咗好多美食小店，而且又有啲新起嘅豪宅，小區感覺煥然一新！契媽介紹我去中滙街一家上海菜餐廳，上海老家。餐廳大廚都是擁有超過60年中菜經驗的名廚，說是失傳古法的味道！睇睇Menu有優惠晚市套餐，價錢經濟實惠，甲＋乙十丙各一款=$288，套餐送蒜蓉或清炒時菜一碟，抵食！順嫂魚羹醉雞冷盤的醉雞，清香的酒味，嫩滑的雞肉，啖啖肉，肉質鮮甜，必食之選。上海回鍋肉上枱香氣撲鼻，果然是傳統古法炮製，上海回鍋肉相當有鍋氣，肥瘦相間的回鍋肉，油香滿腔，香辣又惹味，滋味無窮！蒜蓉炒時菜健康的蔬菜中和一下肉的油膩，感覺清新，蒜蓉味道濃郁。下次一定再來，品嚐一下金鍋酸菜魚和乾燒蝦球等主打菜式。

與家人到上海餐廳用膳～ 餐廳以簡單的木色設計引起食客在餐廳的休閒感覺！給客人一種非常舒適的感覺！我們點了酸辣湯，京蔥爆牛肉和鎮江肴肉～ 這幾款上海特色菜～ 特別是酸辣湯， 餐廳做法非常正宗美味，酸辣湯非常足料！有雲耳雞肉絲和豆腐等食材，酸辣湯非常開胃，配上少許胡椒粉更出味道～ 京蔥爆牛肉非常美味，牛肉又滑又大塊～ 配埋京蔥同洋蔥真係好好味～就咁食又得～配埋飯食都好好味鎮江肴肉真係好好味！咬落好有口感，做法都好特別，以冷盤嚟食既肴肉～總括嚟講餐廳環境好舒適，同朋友傾偈食下飯真係好岩～

前排去咗大角咀果邊搵fd玩hea下，夜麻麻又有D肚餓但冇晒晚市同堂食都冇乜選擇搵到呢間野仲開緊做外賣就求其搵Ｄ野填下肚啦我地各自叫咗個鱔糊湯麵同燻魚擔擔麵$98一碗鱔糊湯麵，Ｄ鱔肉勁多幼骨，醬汁亦都唔好食，仲要少腥，芽菜完全唔入味，呢個時候反而覺得唔入味仲好起碼食得下，份量唔多，個湯麵真係同清水烚麵冇咩分別完全唔好食，咁就收我一舊水最難食嘅都係個燻魚，成兜魚肉係凍嘅！！！ 食落D魚肉勁腥勁鞋勁霉，有少少似豆豉鯪魚果種魚乾，但係！！！難食過１００倍！！！！俾$70食D難食過廚餘嘅食物真係食完都驚肚痛，真係唔係講笑超級難食，係個擔擔麵叫做正常D....

老家呢個名，十間上海野點都有兩三間係咁叫，通常咁叫得都唔差嘅，結果亦都證明左係岩，餐牌有好多小菜選擇，座位亦都坐得舒服上海咕嚕骨：醬汁調味適中，咕嚕肉外脆內軟👍🏻呢個價錢黎講份量算正常，而且醬汁吾會死甜過酸，咕嚕肉大小亦都適中接近一口size，少少酸甜足足送左成碗白飯🍚洋蔥炒牛肉：牛肉份量略嫌吾夠，但牛肉都算炒得嫩滑，而且鑊氣都有，香噴噴🐂陳醋辣椒木耳：竟然係全晚最佳🤣勝在辣汁惹味，凍凍地食幾正

🥳契細佬生日, 話好耐無食過上海菜, 朋友介紹話大角咀呢間上海菜館幾好, 又方便泊車, 附近有停車場🚗, 又有街位! 如果搭車由奧海城行過嚟都唔遠, 一於試試! 🤔選擇困難症的我, 決定來個套餐, 2人食剛剛好! 🤗首先有湯或羮類、冷盤、小菜等, 小菜都有30款選擇, 仲送蒜蓉或清炒時菜一碟, $288 都幾抵! 🐟順嫂魚羮 ~ 我第一次食魚羹, 本人一向對羮類都無好感, 但細佬喜愛魚當然要就佢啦! 好在飲落唔差, 魚肉唔腥仲好嫩滑, 仲有爽脆木耳, 增添口感, 讚! 🐤醉雞 ~ 例牌份量, 雞皮爽脆, 酒香都幾濃, 雞肉嫩滑, 不錯! 🐥宮保雞丁 ~ 醬料好香口, 雞肉粒份量好多, 有大量脆肉瓜搭配, 好適合配飯或啤酒! 🥬蒜蓉炒時菜 ~ 送的份量也不少, 菜新鮮仲有好香濃蒜香味, 唔油, very ok! 

陪朋友去大角咀辦點事，之後佢請我去上海老家食上海菜，餐廳地方不大，簡單的裝修佈置特顯平民格局，門口掛有紅色燈籠，好有中國格調！叫咗個套餐，都幾豐富，足夠二人食！順嫂魚羮：魚羹上檯色澤油亮，鮮嫩滑潤，一大湯碗份量十足，湯底濃稠適中，加入筍絲、香菇絲、魚肉等，啖啖魚肉鮮嫩，鮮甜帶微酸、味美可口！醉雞冰冰涼涼又充滿濃郁酒香，雞皮爽口雞肉鮮嫩，超級適合夏天食用。上海菜的精粹就是「濃油赤醬」，上海回鍋肉就是其中之一，用豬腩肉、椰菜、三色椒加入特別調製的醬汁爆炒，夠味又夠穫氣，每一片菜和肉都掛上汁，辣中帶甜，香濃惹味、佐飯一流！套餐奉送蒜蓉炒白菜，炒得有穫氣，白菜新鮮，味道充滿蒜蓉香味！

難得可以放早，於是四圍行，在澳海城行完買了要買嘅東西於是行返出去大角咀個邊搵食時，比我發現了這裡有間都幾抵食嘅餐廳，雖然位置不在大街附近，但外觀企理，內裡座位都十分闊落，這裡主打食上海菜，落單都係掃二維碼，晚市時段還有套餐選擇，一個價錢幾款食物組合，今次就點了個順嫂魚羹，魚羹起大碗，內有魚肉、冬菇絲、荀絲，雲耳絲、蛋花等材料煮成，入口香滑，軟滑魚肉混埋爽口荀絲等材料一齊入口，感覺清新！而另一個就係醉雞，分量都足二人份，雞肉入口香滑肉嫩，陣陣花雕嘅氣味滲滿了醉雞內！而朋友亦選擇了這個四川回鍋肉，師傅炒得十分有鑊氣，回鍋肉唔會太肥，夾雜埋青紅椒，整體口感十分配合！這個餐還包了個蒜蓉炒時菜！師傅炒得個時菜十分香，陣陣蒜香撲鼻！整體分量足，白飯都不用點，已經食得十分之飽滿，如果真的不夠還可以額外加餸！位置未係最方便，但食物質素同服務都感覺良好，下次在附近又多個選擇！

疫情放緩開始又返出街食飯，來到九龍區大角咀其實都有很多多元化的食肆。今次去左位於中滙街既「上海老家」以上海菜，亦有不同的家常小菜。脆皮素鵝 $68香脆腐皮包著冬菇絲、紅蘿蔔絲等配料，內裡飽滿又脆嫩連同喼汁相當開胃，份量也恰到好處。酸辣湯 $68上海菜又點少得佢《酸辣湯》，以木耳、豆腐、冬菇絲、紅蘿蔔絲、蝦仁等，材料相當豐富，酸度剛好但辣味可以加多一點會更好。店員亦很細心遞上胡椒粉便可。回鍋肉炒粗面$98邪惡的美食永遠都係出街食，回鍋肉炒粗面油膩度其高，並有椰菜、紅椒、青椒等，色彩繽紛而且份量相當多亦相當惹味。炸饅頭 $30甜品有我至愛的炸饅頭，一客三件炸得金黃色脆，連同甜甜的煉奶大滿足。

期待已久既晚市堂食返嚟啦！我同女友決定去遠少少，加上女友話我想食上海菜。最後我地揀左大角咀既上海老家，尋找上海古法既味道🤩我地叫左一個二人套餐，客人可以揀一個湯類、冷盆同小菜。- 太白醉雞雞肉肉質細嫩，伴隨淡淡既花雕酒昧道😍，酒味唔算太濃郁，凍食一流。- 順嫂魚羹粟米魚肚羹平時食得多，順嫂魚羹就第一次食。魚羹用料十足，入面有荀絲、薑絲、雲耳絲、蔥花同桂魚魚肉。魚肉厚身肉質綿密，味道鮮甜。荀絲、薑絲同雲耳絲充滿咬口，整體口感非常豐富。食完濃味既炒粉絲再飲清甜既魚羹真係無得彈👍🏻- 肉沫炒粉絲份量幾大，每一啖粉絲都食到其他材料例如肉碎同冬菇，調味啱啱好唔會太鹹。總結而言，地理位置比較偏僻🤣，不過套餐只係$288真係好抵食，款式亦相當多，最令人難忘嘅菜式係順嫂魚羹！

今日相約朋友到奧運既上海老家食飯。我地叫咗燻魚作為冷盤，另叫咗欖角肉碎炒飯同油豆腐粉絲湯。燻魚 - 炸得剛剛好，大大嚿肉，唔會有硬柴的感覺，雖然有少量細骨，我自己因怕骨比較少食魚都覺得ok冇問題，醬汁甜甜地味道適中。欖角肉碎炒飯 - 大大碟份量十足，唔會太乾，唔會太油，唔會太鹹，味道剛剛好，除了夠曬大碟之外，裏面的用料也很足，幾乎每一口都會有食到肉碎。油豆腐粉絲湯 - 超級大的一鍋，裏面的油豆腐其實是類似魚腐那一種質感，裏面的配料包括粉絲、肉絲及榨菜絲等，湯的調味恰到好處。

星期日同媽咪出去食晏就，甘老人家鍾意食中菜，而且佢特別鍾意食小籠包，甘見呢間叫上海老家，應該有小籠包掛，甘就入左去。一入到去，個侍應聲氣好似有少少惡，後尾坐底無耐就聽見佢幾大聲爆粗。雖然我聽粗口唔會打冷震，不過假日都想耳根清靜下。然後就睇下菜單，點知睇晒成個menu都無野岩食，無我平時食開上海菜嘅小食，而且啲餸菜好多都係茶餐廳食到，價錢都小貴😥 見佢好似有啲客飯套餐，問起店員佢話下星期母親節，所以提早唔做客飯餐，我心裡真係黑人問號😱最後揀下揀下就叫左呢個雲吞砂鍋半隻雞，150幾蚊好似抵過獅子頭。味道我覺得一般，上海雲吞一撈起就散開，湯有啲味精嘅感覺，雞正常唔會好肥啦

放寬時都沒怎麼吃好西！ 今天終回到大角咀找美食，今日來到中滙街挑選了上海老家，約澳運站步行7分鐘門外己感到懷舊感重，很有風味！ 這裡可容納40 -50 人疫情關係以掃QR code 點餐，過程簡單茶位 HKD 10 陳醋木耳 HKD 50 先點前菜又健康的木耳，聽說這個有清腸、減肥等之用。 不但口感爽脆，還添加了點點醋後更使胃大開。排骨擔擔麵 HKD 68 主菜也很快！ 濃濃的醬料連大量花生，使得每條麵沾上濃烈香氣。 麵條軟到適中，若然鬆散一點會更正！

曾經到上海吃地道的上海菜，今天偶遇來到大角咀上海老家。這次叫了糖醋魚塊、上海回鍋肉、雞絲粉皮、陳醋木耳，相信大家都知道以上都是上海必食名菜。糖醋魚塊 $55味道中規中矩，酸甜味道適中，送飯是不錯的菜式😬👍🏻陳醋木耳 $50喜歡這個木耳的味道，不太甜，醋味夠香。上海回鍋肉 $55回鍋肉質略瘦，如果可以肥一點點會更好吃，但夠鑊氣！👍🏻😬👍🏻雞絲粉皮 $60這個要大讚的，特別別醬汁的味道非常好，原來是自家調配的將汁，整體表現非常出色。👍🏻👍🏻👍🏻👍🏻

大角咀好多野食，今次就試左依間食中菜，係好食嘅家常便飯！環境好寬敞，坐低傾計好舒服。首先叫左個陳醋木耳($50)，夠哂入味，酸酸地好開胃，而且木耳好健康，除左對腸胃好又可以降低膽固醇同血壓，嗌黎做前菜幾好。跟住叫左個細嘅酸辣湯($68)，好足料，除左有荀、木耳、豆腐、冬菇等基本材料之外，仲有幾多蝦下！味道就酸味為主，唔辣，仲有麻油香味。份量就兩個人都好夠食。另外仲叫咗個糖醋魚塊（$98），酸酸甜甜相當開胃，送飯一流，個魚塊炸得岩岩好，酥脆入味。依間無論小食定主菜，都仲有好多選擇，難怪除咗堂食之外咁多人叫外賣自取，加餸好方便！