不吃不可

Open Now

Now Closed

不吃不可呢間車仔麵真係由細食到大，由以前露天位去到而家搬咗舖，衛生有改變，位置都坐得舒服啲。雞翼牛腩河，配沙嗲汁同牛腩汁。河粉同牛腩嘅份量都唔算少，牛腩都有約六七小舊，亦都帶有少量牛筋，雞翼食落都入味。另外，牛腩汁同咖喱汁都偏濃，適合重口味嘅人士。餐廳依家有全日特餐、早餐、午餐、配熱飲提供。新墟一帶食車仔麵真係食佢。

好食係好食的，蘿蔔好食，魚蛋麻麻唔係陳皮魚蛋，豬紅唔洗叫，個咖哩汁係好食的！不過老闆我叫外賣淨餸返屋企加餸，最想就係食豬腸，俾哂錢你無俾豬腸我呀，老闆，點攪呀！諗諗下紅腸都無俾添喎，點攪呀老闆😩😩😩咁樣點做生意呀，俾左50蚊5個餸得豬紅，蘿蔔，魚蛋各幾粒！俾漏哂，愈諗愈嬲喎⋯⋯錢事少呀，揸到返去無得食果下事大嘛

收工去屯門練箭前約老友食晚餐，老友話唔係好肚餓話求其食d，行下新墟附近都有好多小店，見到呢間不吃不可食車仔麵就一於試下。小店鋪面都唔算好細，大約有7張枱，其中有d大枱，位與位之前間都唔會好迫，算ok好坐。望下餐廳有個特餐最抵食，有9款指定餸再送飲品，如果唔岩食自選餸就無飲品送，飲品會另計，咁就略為貴點。特餐我揀左個特餐，9款餸包括咖哩魚蛋，豆卜，豬紅，豬皮，蘿蔔，時菜，雞翼尖，魚皮餃，魚片頭，麵選擇左油麵，湯底就選擇左咖哩汁。咖哩魚蛋有2粒，質地普通唔算好彈牙，但未去到鬆晒，咖哩都入到味，普通。豆卜2件，切開左中間所以好吸汁，好正。豬紅3件，無腥味，唔會一夾就散，幾好。豬皮3塊，腍得黎有d咬口，唔錯。蘿蔔2件，煮得都夠腍仲幾甜，無渣，good。時菜係生菜，都有好幾條，正正常常。雞翼尖2隻，少少鹵水味煮得都少少腍，ok。魚皮餃同魚片頭就各1，魚片頭就細件d，味道正常。油麵底份量都足，煮得唔會好腍幾爽口，咖哩汁初頭睇好似好少，但撈埋之後都好夠味，都ok夠辣。老友就揀自選3餸，再叫埋野飲就貴過我個特餐，所以都係特餐抵食。整體黎講質素都唔錯，環境都幾乾淨幾企理，價錢黎講除左叫特餐抵d，自選餸加

【屯門區】【不吃不可】有朋友搵我食飯，照顧我嘅感受嘅話就當然問吓我食乜或者唔食乜。佢問我食唔食車仔麵，我反問佢：「你有幾何喺 foodie page 度見到我寫車仔麵？」咁傲慢嘅回覆，EQ 稍低都頂唔住，好彩呢位朋友一向夠做，就去啦。由第一城站搭港鐵屯馬綫列車走到入屯門都要一個鐘多少少，好彩伴隨我嘅係港鐵近畿川崎列車（按：即 SP1900）。假假哋都係世界上設計車速第二高嘅通勤列車，坐起上嚟心情都好啲，而且又有去日本旅行 feel 喎。嗱，我頭先個括號加個「按」字用得好過港鐵新動力啦下話，大家提升返個質素先。咁就入去呢間朋友講到唔錯嘅車仔麵店度食，我就真係對車仔麵冇乜好感，「車仔」尋晚仲要累我輸咗廿蚊，不過朋友話咖喱汁正，好啦。唔想諗餸，佢有個「特餐」係「九餸雜錦麵」，有魚蛋、生菜、豬紅、魚片頭、魚皮餃、雞翼尖、豬皮、豆卜同埋蘿蔔，是但啦，就呢個啦，配「油麵」，最緊要係個「秘製咖喱汁」，食落又真係幾好食，辣辣哋幾過癮喎。我嫌啲餸麻麻哋，加 $11要埋「豬腸」，又真係鹵得幾正，呢度嘅鹵水汁同咖喱汁都唔錯。跟餐加 $3 要杯「凍檸茶」走甜，夾埋 $62，好食就得啦。呢個餐每樣嘢都唔多，不過

本來放工去食，店舖營業時間收8:30，但8:00話要關門，早知我係荃灣食，老闆尊重客人＆尊重自己。真係從未試過咁，其他店舖真係做到營業時間，先唔比人購買進食，或者可以寫定8:00要last order!!!

我本身都唔太食，都覺得米線份量超少，我已經係揀左三個餸，咖哩魚蛋、雞翼尖和生菜，咖哩魚蛋係最夠味，雞翼尖好味，生菜就無特別。湯底我揀左牛腩汁，湯底係唔錯起碼牛腩汁係夠味。

因為第一次去呢間叫外賣，所以乜都唔知，明明叫車仔麵係跟熱飲嘅，又唔跟比我，態度又唔好，外賣兜又無整好，搞到我未返到屋企，湯汁又漏，外賣袋又淺，對筷子出咗門口冇幾耐都跌埋。

已經有好多年冇幫襯不可不吃了！ 以前食嘅時候仲係舊有的裝修。 今次到來點了兩碗車仔麵， 兩碗都是食油麵，豬大腸， 咖哩魚蛋和牛腩，加咖哩汁， 味道不錯， 各種食材整體都ok。 咖哩汁香濃。我哋喺下午茶時間嚟到， 原來有下午茶餐的，點兩個餸一個麫連埋熱飲，賣36元。 但我入到店內冇為意背後的牆上原來有寫出來。 在我哋點餐嘅時候 ， 那位男職員（應該係老闆） 無問我哋需唔需要點下午茶餐。 因為我在食完之後先留意到牆上原來寫了飲品要在點餐的時候點埋， 後加飲品係以正價計算。 呢一點我覺得怪怪的，從來未試過入一間食肆餐廳有一條咁嘅條款， 因為真係有好多人鍾意食完先點飲品。

今日黎到屯門食車仔麵，呢到特點應該是自家製醬汁，因此湯底食唔到好壞。今次配料叫左牛丸、咖哩魚蛋同魚肉，都算彈牙有咬口。醬汁揀左袐製咖哩汁，確係幾惹味。熱咖啡普通。

不吃不可（Tuen Mun)哩間車仔麵位置雖然有啲偏僻 不過可以話係小編嘅中學回憶🏫💭 依家舖頭翻新左 位置都闊落左好多～😆 ⌖ 車仔麵（豬紅、牛腩、蘿白）🍜💰$41（河粉$12 + $9 + $11 + $9）車仔麵嘅份量都幾足😌 河粉好滑身😙 完全唔會煮到碎曬散曬 同湯底好夾！ 今次湯底揀左牛腩汁🐂 飲到小小八角 同埋牛腩嘅鮮甜味添～ 🐷豬紅無怪味 一尊尊賣相幾唔錯 牛腩唔會過老 煮得岩岩好🐂 肥瘦都幾均勻 蘿白成五大舊 食落仲好甜 必食！😚😚 ☻ 回頭指數：8.5 / 10 #Fatshit_ami #Lunchtime #屯門美食 #港式美食 #香港美食 #食好西 #港式車仔麵 #車仔麵 #豬紅 #牛腩 #蘿白

下午茶時段, 餐牌列明凍飲加3蚊落左兩個下午茶餐個麵食到一半先再叫兩杯飲品, 埋單時飲品收費計正價, 男收銀員解釋因為不是一次過落單,所以會以正價價錢$34收取兩杯凍飲價錢. 當時落單又冇講,解䆁個時忙緊所以冇講解清楚不合理收費,不會再幫襯

今日我又嚟咗良心美食雲集屯門開餐，嚟到位於德政圍附近嘅呢間叫不吃不可嘅車仔麵店🍜原本嘅我諗住好似一般車仔麵店咁樣逐個餸叫，但畀我見到有個46蚊九餸雜錦麵，九餸包括魚蛋、時菜、豬紅、魚片頭、魚皮餃、雞翼尖、豬皮、豆卜、蘿蔔，仲要包嘢飲🤩 對於精打細算嘅我係非常吸引，所以就決定嗌咗呢個！九餸麵嚟到嘅賣相冇令我失望，係超級豐富同大大碗~餸亦都好足料，湯底咩都穩陣冇味精感，麵質爽滑冇過稔，留意返真係比較大食先好嗌呢個😂 46蚊食到飽飽，味道又唔錯，的確係抵食👍

我無聊放學同朋友去食碗麵 (第一次去)叫咗腩汁、粗麵、牛腩、豬紅食食下食到河粉 咁已經夠幸運啦~點知食食下食到有薑但因為都正常，唔小心啫 起碼都係食得嘅嘢呀點知原來呢碗麵竟然仲送咗條「髮菜」畀我( OMG！！)P.S 冇肯定頭髮唔係我哋 因為係染咗啡啡地金金地🙋🏼‍♀️ 我哋都係乖學生~ 冇染髮~受到廚師嘅關愛難以說出嘅感覺湧上心頭我見到對頭髮都幾乎流下感動嘅淚水匆匆忙忙離開了不過不得不講 其實又唔算好多我朋友個幾碗都冇咩問題就係我特別受到廚師關愛😭😭

2021.7.20 (二) $46全日特餐連飲品，好飽粗幼麵 米粉 河粉 任揀1款魚蛋×3 豆卜×2 雞翼尖×2魚皮餃×1 魚片頭×1 豬皮 蘿蔔 菜 <我唔要豬紅>湯底唔口渴，至正係秘製咖喱汁(食過返尋味)熱檸檬茶，3片檸檬剛剛好，茶味濃【今次有d不悅係：正正經經整個安心出行咪好囉，又有2張大字報，箭咀寫唔好用厘個安心出行，全店又得1張正式安心出行，好煩惱。痴線，只放《可行》個一張咪得囉。】但無論如何亦無損此店既出品。

首先我是對事不對人，亦不是針對任何服務員或前線員工，因為有果必有因，如果前線員工因工作量大而產生壓力，令到服務質素下降，更大部分是僱主的責任，但這位店員令我感受到的是，她經歷了很多不愉快的事，而我不幸地成為了出氣對象😅，但總括而言，整體食物是ok的，因為我跟我家人食左二十幾年，雖然不象同區某川菜點咁好食，但整體上ok。 If you don't concern about cs, you can grab a quick lunch there, the food is ok.