串串地 (Closed)

我第一次去食野, 食物都OK, 點咗 香腸/ 雞軟骨/ 雞翼/ 菇類/ 墨魚丸/ 粟米/ 花蛤/ 茄子/ 魷魚/ 腎/ 豬頸肉, 不過..........要等好耐先有得食 ......... 第一次落單, 等咗45mins, 重要第一碟嚟完又等多10mins 先有第二碟.......... 之後每一碟都係咁....... 第二次落單都要等40mins 先有, 我足足呢個晚餐 2hrs 30mins...... 差D 瞓着下次都唔會再去

今晚6點幾就開始有d肚餓,於是同男朋友去附近一間串燒店食野,間鋪係佢朋友開0既~所以有10% off我地都餓,而且d串燒係即叫即燒,所以我地一入到去就填紙仔,我地叫左:燒扇貝x4燒花蛤(6隻)x1燒雞脾菇x1燒新薯x1燒菠蘿x1西冷牛扒x3燒牛仔骨x2燒煙肉車厘茄x1燒貢丸x1燒雞心x2燒冬菇x1王老吉x2等左差唔多半個鐘先有得食,因為我地去到時仲未開門,所以要等耐少少,食物黎到時,真係熱辣辣佢有一款芥辣醬同一款燒汁俾我地揀,所有海鮮基本上好鮮味,佢用左牛油同蒜蓉去燒,好香,好惹味,西冷牛扒好入味,所以我地前後order左3份牛仔骨都ok正~夠juicy,燒煙肉車厘茄,燒冬菇同燒菠蘿最合我心意,菠蘿真係好甜,雞脾菇冇咩特別,反而燒新薯,貢丸同雞心有d乾,冇咩驚喜,總括黎講食物都好好味,一邊食串燒,一邊飲王老吉,咁就冇咁熱氣啦

上一次去過同區的燒閒站,今次就來到新山道口的"串串地".一個人來試試.晚飯時段人客不多,找個吧檯坐低,拿起張菜單,看看有些什麼.大約也是肉類,蔬菜,海鮮之類,至於有沒有一些"了能"的選擇?又好像沒有,大多也是大路貨色.先前已吃過飯,只能夠淺嘗,點了五味燒物,客人不多之關係,一落單就燒我的一份.先上的是生蠔.此店的生蠔是加上蒜茸去燒,味道帶有香濃的蒜香,論蠔的本身,味道也算鮮甜.其他的燒物,待吃完蠔之後,便一次過上.冬菇燒到保持水份,沒有過乾的情況出現,點些燒汁吃最好.燒羊肉耍上孜然粉,吃落很重香料味,但吃不出羊肉味.雞腎味道咸香,口感爽脆.燒西冷的肉質很齦,事前沒有問我要幾成熟,結果上檯時一切開,是全熟.雖然店名"串串地",但服務一點也不"串",無論是年青的服務生,或老闆娘,同樣有禮.眼闊但肚窄,想試多幾樣已不行,見到有燒鵪春蛋,象拔蚌,燒秋刀魚,燒鰻等等,又要留待下回分解.

上星期去過, 因為見間舖幾特別 (有bar枱位)食物水準一般, 好似串燒牛柳咁, 無牛味又 "鞋", 仲要凍凍地.燒雞亦就無乜香味.蠔就ok啦, 但唔突出.總知就係唔係太難食, 但唔會係好食.不過個綠色醬汁就唔錯, ok夠辣同香.兩個人埋單一百二十幾蚊, 唔算好貴, 但都唔平.

呵呵...第一篇食評店舖環境: 新開舖頭...一定乾淨啦, 最好就係舖頭可以望到出面泊車位, 抄牌都唔驚 。不過嚟咗2次每次都幾多人嚟食, 所以有機會要等... 但即燒即食...無計啦 服務: ok呀, 對答都有禮貌食品: 食咗韮菜, 煙肉車厘茄, 羊鞍, 蝦, 生蠔, 扇貝, 原條茄子, 鷄肉串, 新薯, 雞脾菇....仲有好多樣唔記得咗。樣樣我都好鐘意呀! 如果講抵食一定係嚟食海鮮, 價錢唔貴而且都幾新鮮, 同咗唔知係咪老闆的女仔傾咗幾句﹐佢話海鮮每日入貨每日清, 唔留過夜喎。 不過因為咁唔會入好多貨, 所以夜ｄ時間會賣晒．．．所以早嚟食有著數最愛的還有羊鞍﹐好入味而且好"林"好有肉汁.....正我以後想食串燒都會再嚟的

下班的時候收到土瓜灣之友的電話…我記得他曾經說過自己不會主動約人吃飯…所以我很奇怪他為何會約我…不過很快我就想到他其實是想來開解我的…既然如此…反正大家都正要回家吃飯…擇日不如撞日…就改吃宵夜吧…~其實這店差不多開了個多月…之前我們也曾相約來這店試吃的…可惜摸門釘…到達的時候差不多十點…店內依然熱鬧…差不多全滿…我們選了bar檯的位置…可以看著店員燒食物…以港式串燒店來說…這裡的選擇不算多…有兩張紙…都是大路的款式…另外還有一些海鮮….最後我們點了韮菜, 蒜芯, 羊肉串, 金菇肥牛, 煙肉車厘茄, 生蠔, 扇貝, 象拔蚌仔, 原條茄子還有雞脾菇…總體來說…我覺得這裡的串燒燒得不夠惹味…大概是香料不夠所致…韮菜好一點…因為上面加了不少香料粉…另外我還是第一次吃燒蒜芯呢…很不錯哦~不過份量很少呢…那一串加起來也只有不足三條蒜心而已…所以感覺上韮菜抵吃一點…雞脾菇壓軸出場…有驚喜….燒得剛剛好…不會太乾…香料和醬汁與雞脾菇本身的汁混合一起…風味絕佳…值得一試~海鮮方面呢…都幾抵吃的…生蠔…扇貝和象拔蚌仔都吃得出新鮮…特別是象拔蚌仔…非常鮮甜爽口…扇貝也是大大隻的…它們都是用牛油和蒜蓉調味….